প্রধান মন্ত্রী, শ্রী নরেন্দ্র মোদীনা সাইন্সতা চাউনা থাজবা থম্মি উৎখিবা অমসুং কোবিদ-১৯ ভেক্সিন দোজ করোর ২০০গী অখন্নবা মশিং লান্থোরকপা অসিদা ভারতকী মীয়ামদা থাগৎপা ফোঙদোকখ্রে। মহাক্না কেম্পেন অসিদা দোক্তর, নর্স, ফ্রন্তলাইন ৱার্কর, বিজ্ঞানিক, ইনোভেতর অমসুং ওন্তপ্রিনোরশিংগী থৌনা অমসুং অখাং কনবা অসিসু থাগৎপা ফোঙদোকখি।
প্রধান মন্ত্রীনা কেন্দ্রগী হকশেল মন্ত্রী শ্রী মনসুখ মন্দাবিয়ানা লাউথোকখিবা অদুগী পাউখুম ওইনা ত্বিত তৌখি:
“ভারতনা অমুক হন্না পুৱারী শেম্বা ঙম্লে! ভেক্সিন দোজ করোর ২০০গী অখন্নবা মশিং লান্থোরকপা অসিদা ভারত মচা পুম্নমক্তা নুংঙাইবা ফোঙদোকচরি। চাউবা অমসুং খোঙজেলদা লম্বা লৈত্রবা ভারতকী ভেক্সিনেসন দ্রাইবতা শরুক তমখিবা মীওইশিংগীদমক চাউথোকচবা পোকই। মসিনা কোবিদ-১৯গী মায়োক্তা চংশিল্লিবা মালেমগী লান্থেং অসিবু মপাঙ্গল কনখৎহল্লি।
ভেক্সিন রোলআউত মনুংদা ভারতকী মীয়াম্না সাইন্সতা চাউনা থাজবা থম্মি হায়না উৎখি। ঐখোয়গী দোক্তর, নর্স, ফ্রন্তলাইন ৱার্কর, বিজ্ঞানিক, ইনোভেতর অমসুং ওন্তপ্রিনোরশিংনা শাফবা মালেম অমা ওইহনবদা মরু ওইবা থৌদাং লৌখি। মখোয়গী থৌনা অমসুং অখাং কনবা মতৌ অসিবু ঐহাক্না থাগৎলি।”
India creates history again! Congrats to all Indians on crossing the special figure of 200 crore vaccine doses. Proud of those who contributed to making India’s vaccination drive unparalleled in scale and speed. This has strengthened the global fight against COVID-19. https://t.co/K5wc1U6oVM
— Narendra Modi (@narendramodi) July 17, 2022
