প্রধান মন্ত্রী, শ্রী নরেন্দ্র মোদীনা ঙসি নই দিল্লীদা রিপব্লিক সম্মিৎ 2024দা ৱা ঙাংখ্রে। সম্মিৎ অসিগী থিম অসি ভারত: দি নেক্স দিকেদ হায়বা অসিনা ওইখি।
থৌরম অসিদা ৱা ঙাংলদুনা প্রধান মন্ত্রীনা ফোঙদোকখিবা অদু নীংশিংলদুনা হায় দিকেদ অসি ভারতকীনি অমসুং ৱাফম অসি রাজনিতীগী ওইবা ৱাফম অমা নত্তে হায়বা অসি ঙসি মালেমনা উৎখ্রে। “মালেম্না থাজৈ মদুদি মসি ভারতকী দিকেদনি”, হায়না মহাক্না ফোঙদোক্লদুনা মহাক্না থিম অসিগী মতুং ইন্না মথংগী দিকেদকী ভারত হায়বা অসিদা খন্ন-নৈনবা অমা হৌদোকপগীদমক রিপব্লিক তীমগী বিজনবু মহাক্না থাগৎখি। প্রধান মন্ত্রীনা হায়খি চৎলিবা দিকেদ আসিনা ভিকসিৎ ভারতকী ফিরেপশিং থুংহন্নবা মেদিয়ম ওইরগনি।
নীংতম্বা ফংলবা ভারতকীদমক হৌজিক্কী দিকেদ অসিগী মরু ওইবা অদু থমলদুনা প্রধান মন্ত্রীনা লাল কিলাদগী মহাক্না ফোঙদোকখিবা অদু নীংশিংখি অমসুং হায়খি, “য়হি সমে হৈ, সহি সমে হৈ”। মহাক্না হায়খি মদুদি দিকেদ অসি মতিক ময়াই লৈবা অমসুং চাউখৎপা ভারত অমগী য়ুম্ফম চেৎশিনহন্নবা অমসুং মতম অমদা ওইথোক্লোই খল্লম্বা মীয়ামগী অপাম্বশিং থুংহন্নবা দিকেদনি। “মসি লৈবাক্কী মতিক-ময়াইগী খুত্থাংদা ভারতকী মঙলানশিং থুংহন্নবা দিকেদ অমনি”, হায়না মহাক্না ফোঙদোকখি। মহাক্না হায়খি মথংগী দিকেদকী মমাংদা মীয়াম্না ভারতনা অহুমশুবা খ্বাইদগী চাউবা ইকনোমী ওইবা উবা ফংলগনি অমসুং পক্কাগী য়ুমশিং, অমাংশঙ, গ্যাস, মৈ, ঈশিং, ইন্তর্নেৎ অসিনচিংবা তঙাই ফদবা খুদোংচাবশিং অসি মীপুম খুদিংমক্তা ফংহল্লগনি। মহাক্না হায়খি চৎলিবা দিকেদ অসি এক্সপ্রেসৱেশিং, হায় স্পীদ ত্রেনশিং অমসুং ইনলেন্দ ৱাতরৱেজ নেৎৱার্ক্কী ইনফ্রাস্ত্রকচর শেমগৎপগী ওইরগনি অমসুং ভারতনা মাগী অহানবা বুল্লেৎ ত্রেন, মপুং ফানা মথৌ তৌরবা দেদিকেতেদ ফ্রৈত কোরিদোরশিং লৈহনখ্রে অমসুং ভারত্তা লৈরিবা অচৌবা সহরশিংনা নমো নত্ত্রগা মেত্রো রেলগী খুত্থাংদা শম্নরগনি। “দিকেদ অসি ভারতকী খোঙজেল য়াংবা কন্নেক্তিবিতী, মোবিলিতী অমসুং প্রোস্পেরিতীদা কত্থোক্লগনি”, হায়না মহাক্না মখা তাখি।
হৌজিক্কী মতম অসিদা মালেমগী লান অমসুং তংদু লৈতাদবা অসিগী মতাংদা ৱা ঙাংলদুনা প্রধান মন্ত্রীনা হৌজিক্কী মতম অসি মাগী ইন্তেন্সিতীদা খ্বাইদগী তংদু লৈতাদবা লৈ অমসুং মালেমদা লৈরিবা সরকার পুম্নমক্না ওপ্পোজিসনগী শাফু থেংনবা হেনগৎলক্লি হায়না অখঙ-অহৈশিংন ফোঙদোকখিবা অদু পনখি। “পুম্নমক অসিগী মরক্তা ভারতনা শক্তি লৈবা দেমোক্রেসী অমা ওইনা থাজবগী মঙালগা মান্নরি”, হায়না প্রধান মন্ত্রীনা ফোঙদোকখি। মহাক্না মখা তারদুনা হায়, “ভারতনা অফবা শেন্মীৎলোন য়াওদনা অফবা রাজনিতী লৈহনবা ঙমলোই উৎখি”।
ভারতকী পরফোর্মেন্সকী মতাংদা মালেমনা খঙনীংবা পোক্লি হায়রদুনা পি.এম.না হায়, “মসি থোক্লিবা অসিগী মরমদি ঐখোয়না লৈবাক্কী মথৌ তাবা লোয়ননা মঙলান পুম্নমক থুংহনখি, শক্তি পীনবা থবক তৌবগা লোয়ননা চাউখৎ-থৌরাংদা মীৎয়েং চংখি”।মহাক্না কোর্পোরেৎ তেক্সতা হন্থরকপা অমরোমদনা পরস্নেল ইনকম তেক্সতা হন্থরকপা অসি খুদম ওইনা পীখি। মখা তারদুনা মহাক্না হায়, মোদর্ন ইনফ্রাস্ত্রকচরদা রেকোর্দ ওইনা ইনভেস্তমেন্ত তৌবগ লোয়ননা পক্কাগী য়ুম করোর কয়া শাখি অমদি লেম্না লায়েং অমসুং লেম্না রাশন ফংহনখি। করিগুম্বা ইন্দস্ত্রীগীদমক PLI স্কিমশিং লৈরবদি লৌমীশিংগীদমক ইন্সুরেন্স অমসুং ইনকম লৈনবা পাম্বৈসু লৈহনবনি। তেক্নোলোজী অমসুং ইন্নোভেসনদা ইনভেস্তমেন্ত তৌবা অসিবু নহারোলগী স্কিল দিবেলপমেন্তদা মীৎয়েং থম্বনা তুং ইল্লি।
প্রধান মন্ত্রীনা দিকেদ কয়া দাইনাস্তিক্স পোলিতিক্সনা মরম ওইরগা ভারতকী চাউখৎ-থৌরাংগীদমক মতম কয়া মাংখিবা অদু নুংঙাইতবা ফোঙদোক্লি অমসুং ভিকসিৎ ভারত শেম্নবগীদমক মাংখিবা মতম ফুকৎনবা আমুক্তা ওইখিদ্রিবা স্কেল অমসুং স্পীদতা থবক তৌনবা ফোঙদোকখি। মহাক্না ঙসি ভারতকী লম পুম্নমক্তা চাউখৎ-থৌরাংগী থবক পাইখৎলি হায়খি অমসুং মহাক্না লৈবাক্কী চাউখৎ-থৌরাংগী স্পীদ অমসুং স্কেল হেনগৎহনবদা মীৎয়েং চংলি হায়খি। হৌখিবা নুমিৎ 75 অসিদা লৈবাক অসিদা পাইখৎলিবা চাউখৎ-থৌরাংশিং অসি পল্লদুনা মহাক্না লুপা করোর লাখ 9, বিলিয়ন US$110 হেনবা প্রোজেক্তশিং উরেপ-উয়ুং তমখিবা অমসুং শঙ্গাখিবগী মতাংদা ফোঙদোকখি। মহাক্না হায়খি মদুদি মোদর্ন ইনফ্রাস্ত্রকচরগী মাইকৈদা হৌখিবা চহি 75দা ইনভেস্তমেন্ত তৌখিবা অসিনা মালেমদা লৈবাক কয়াগী চহিগী বজেৎতগী হেল্লি। হৌখিবা চহি 75দা প্রধান মন্ত্রীনা হায়খি অনৌবা AIIMS 7, IIM 3, IIT 10, NIT 5, IIIT 3, ICR 2 অমসুং সেন্ত্রেল ইন্সতিত্যুসন 10, মেদিকেল অমসুং নর্সিং কোলেজ 4 অমসুং নেস্নেল রিসর্চ লেব 6 শঙ্গাবা নত্ত্রগা উরেপ-উয়ুং তম্বগী থবক পাইখৎখ্রে। লুপা করোর 1800 হেনবগী স্পেস ইনফ্রাস্ক্রকচর সেক্তরদা শঙ্গাখ্রে, পাৱর প্রোজেক্ত 54 শঙ্গাখ্রে অমসুং কক্রাপার এতোমিক পাৱর প্লান্তগী অনৌবা রিএক্তর 2 জাতিদা কত্থোকখি। কলপাক্কমদা ইন্দিজিনস ফাস্ত ব্রীদর রিএক্তরগী লোদিং করোরদা তৌবা হৌখি, তেলঙ্গাদা 1600 MW থর্মেল পাৱর প্লান্ত শঙ্গাখি, ঝারখন্দদা 1300 MW থর্মেল পাৱর প্লান্ত শঙ্গাখি, 1600 MW থর্মেল পাৱর প্লান্তগী উরেপ-উয়ুং তমখি, 300 MW সোলর পাৱর প্লান্ত অমসুং মেগা রিন্যুএবল পার্ক য়ু.পি.দা হিমাচলদা হাইদ্রোপাৱর প্রোজেক্ত, লৈবাক্কী অহানবা গ্রীন হাইদ্রোজেন ফ্যুল সেল ভেসেল তমিল নাদুদা হৌদোকখি, য়ু.পি.গী মীরুত-সিমভাবলি ত্রান্সমিসন লাইনশিং শঙ্গাখ্রে অমসুং কর্নাতকাগী কোপ্পলদা ৱিন্দ ইনর্জী জোনদগী ত্রান্সমিসন লাইনশিং শঙ্গাখ্রে। মহাক্না মখা তারদুনা হায়খি হৌখিবা চহি 75দা ভারতকী খ্বাইদগী শাংবা কেবল-বেজ ব্রিদজ শঙ্গাখি, লক্ষদ্বীপ ফাওবগী অন্দর-সী ওপ্তিকেল কেবলগী থবক হৌদোকখি, লৈবাক অইদা রেলৱে স্তেসন 500 হেন্না মোদর্নাইজ তৌনবগী থবক হৌখি, অনৌবা ত্রেন 33 লমথাখি, লম্বী, ওভরব্রিদজ অমসুং অন্দরপাসকী প্রোজেক্ত 1500 হেন্না শঙ্গাখ্রে, লৈবাক অসিগী সহর 4দা মেত্রোগা মরী লৈনবা প্রোজেক্ত 4 শঙ্গাখি অমসুং কোলকাতাদা লৈবাক্কী অহানবা অন্দরৱাতর মেত্রোগী খুদোল ফংখি। লুপা করোর লিশিং 10,000গী পোর্ত চাউখৎহনবগী প্রোজেক্ত 30 উরেপ-উয়ুং তমখিবা অদু শঙ্গাখি। মহাক্না লৌমীশিংগীদমক মালেমগী খ্বাইদগী চাউবা স্তোরেজ স্কিম হৌদোকপা, কোওপরেতিব 18,000 কম্প্যুতরাইজেসন তৌবা অমসুং লৌমিশিংগী বেঙ্ক একাউন্তশিংদা লুপা করোর 21,000 ত্রান্সফর তৌখিবগী মতাংদসু পনখি।
গভর্নান্সকী খোঙজেলগী মতাংদা পল্লদুনা প্রধান মন্ত্রীনা হায়খি মদুদি বজেৎতা পি.এম. সর্য়ঘর মুফ বিজলি য়োজনা লাউথোকখিবগী শুপ্নগী চয়োল 4দা অয়াবা পীখিবগী মতুংদা হৌদোকখি। মহাক্না হায়খি প্রজাশিংনা মখোয় মশাগী মমিৎনা মসিগী স্কেল অমসুং স্পীদ অসি উবা ফংলি।
প্রধান মন্ত্রীনা মথংগী চহি 25গীদমক রোদমেপকী মরমদসু ঙাংখি। মহাক্না হায়খি মদুদি সেকেন্দ খুদিং মীখলগী শেম শাবা মরক্তা চাউখৎ-থৌরাংগী থবক মখা চত্থরি। “হৌখিবা চহি 10 অসিদা মীয়াম্না স্লোগানগী মহুৎ সোল্যুসনশিং উবা ফংখি”, হায়না পি.এম. মোদীনা ফোঙদোকখি। ফুদ সেক্যুরিতী, ফর্তিলাইজর প্লান্তশিং হিংগৎহনবা, ইলেক্ত্রিফিকেসন তৌবা অমসুং বোর্দর ইনফ্রাস্ত্রকচর মপাঙ্গল কনখৎহনবা, পক্কা য়ুমদগী আর্তিকল 370 লৌথোকপা অসিগুম্বা থৌশিলশিং অসিদা সরকারনা মীৎয়েং চংলি হায়না মহাক্না ফোঙদোকখি।
পি.এম. মোদীনা হায়খি হৌখিবা চহি 10 অসিদা ৱাহংশিংগী মওং মতৌদা অহোংবা কয়া লাকখি। নেস্নেল ইকনোমীশিংগী মরমদা হংলকপা চীংনবা ৱাহংশিং অসি আশাদা ওন্থোকখি অমসুং অহুমশুবা খ্বাইদগী চাউবা ইকনোমী ওইনবা খৌরাংনা ঙাইরি, খ্বাইদগী নৌবা তেক্নোলোজী ঙাইরম্বদগী দিজিতেল পেমেন্তদা মকোক ওইরকপা, থবক ফংদবগী ৱাহংদগী স্তার্তঅপশিংগী মরমদা ঙাংনরক্লি, ইনফ্লেসনদ্গী মালেমগী লানগী চৈথেং নংদবা অমসুং খোঙজেল য়াংনা চাউখৎপা ওইরক্লি। মখা তানা মহাক্না আশা লৈতবদগী হৌরগা স্কেম, রিফোর্ম, আর্তিকল 370 অমসুং জম্মু অমসুং কাশ্মিরদা ইকনোমীদা খুমাং চাউশিনবশিংগী মতাংদা ওপ্তিমিস্তিক ওইরকপা অসিদা লাক্লিবা অহোংবা অসিগী মতাংদা ফোঙদোকখি। মহাক্না ঙসি অয়ুক শ্রীনগরদা চৎখিবা অদু নীংশিংলদুনা মহাক্না ভাবোকশিংদা জম্মু অমসুং কাশ্মিরদা চাউনা অওনবা পুরকপগী মতাংদা ফোঙদোকখি।
প্রধান মন্ত্রীনা সরকারনা লাইএবিলিতীশিং ওইনা শোত্থনা লৈরমখিবা মীওইশিংদা সরকারনা মীৎয়েং চংখিবগী মতাংদা ফোঙদোকখি।মহাক্না এস্পিরেস্নেল দিস্ত্রিক্তশিংগী খুদমশিং পীখি অমসুং হায়খি সরকারনা লাইবক থীনা লৈরমখিবা জিলাশিংদা লৈরিবা মীওইশিংগীদমক এপ্রোচ অমসুং দেস্তিনীদা অহোংবা পুরকখি। মান্নবা এপ্রোচ অমনা ঙমখৈগী খুঙ্গংশিং অমসুং দিব্যাঙ্গশিংগীদমক অওনবা পুরকপা উবা ফংখি। মহাক্না সাইন লেংগ্বেজ স্তেন্দর্দাইজেসন তৌবগী মতাংদা ফোঙদোকখি অমসুং হায়খি মীয়ামগী খনবা সরকারনা ৱাখল তাবা এপ্রোচ অমসুং ৱাখল্লোনগা লোয়ননা থবক তৌই। নাথৈবীরবা অমসুং শোত্থরবা কাংলুপশিংদা মীৎয়েং চংবগা লোয়ননা প্রধান মন্ত্রীনা নোমেদিক অমসুং সেমি-নোমেদিক পোপুলেসন, স্ত্রীত ভেন্দর অমসুং বিশ্বকর্মাশিংগী য়াইফনবা তৌখি।
কন্না হোৎনরিবা, বিজন অমসুং রিসোল্যুসন লৈরিবা অসিগী মতাংদা মহাক্না হায়খি, “ভারতনা খোঙচৎ অসিদা খোঙজেল য়াংনা মাংদা চংশিল্লি। ভারতনা মথংগী দিকেদতা য়ৌগদৌরিবা পনখৈশিং অসি অমুক্তা থেংনখিদ্রি অমসুং থাজবগী ৱাংমদা ওইরি। মসি মোদীগী গরেন্তীনি”, হায়না প্রধান মন্ত্রীনা ৱারোল পীবা লোইশিনখি।
ये दशक, विकसित भारत के सपनों को पूरा करने का अहम दशक होगा: PM @narendramodi pic.twitter.com/w0ENBCekwX
— PMO India (@PMOIndia) March 7, 2024
सक्षम, समर्थ और विकसित भारत। pic.twitter.com/1B8YJvTFRb
— PMO India (@PMOIndia) March 7, 2024
ये दशक भारत के सपनों को, भारत के सामर्थ्य से पूरा करने का दशक होगा: PM @narendramodi pic.twitter.com/tlkRwHZJY0
— PMO India (@PMOIndia) March 7, 2024
ये दशक, भारत की High Speed Connectivity, High Speed Mobility और High Speed Prosperity का दशक होगा। pic.twitter.com/oZc01fG3BY
— PMO India (@PMOIndia) March 7, 2024
भारत एक सशक्त लोकतंत्र के रूप में विश्वास की किरण बना हुआ है: PM @narendramodi pic.twitter.com/3X55hBpjjV
— PMO India (@PMOIndia) March 7, 2024
भारत ने ये साबित किया है कि Good Economics के साथ ही Good Politics हो सकती है। pic.twitter.com/BY7Hj4jxh6
— PMO India (@PMOIndia) March 7, 2024
मेरा पूरा ध्यान देश के विकास की speed और scale को बढ़ाने पर ही है: PM @narendramodi pic.twitter.com/EnpOMcN4XB
— PMO India (@PMOIndia) March 7, 2024
बीते 10 साल में लोगों ने Slogans नहीं, Solutions देखे हैं: PM @narendramodi pic.twitter.com/H5ljCSRPjO
— PMO India (@PMOIndia) March 7, 2024
अगले Decade में भारत जिस ऊंचाई पर होगा, वो अभूतपूर्व होगी, अकल्पनीय होगी: PM @narendramodi pic.twitter.com/iCVon17yk9
— PMO India (@PMOIndia) March 7, 2024
