প্রধান মন্ত্রী, শ্রী নরেন্দ্র মোদীনা ঙসি লাল কিলাদা অহানবা ইন্দিয়ন আর্ত, আর্কিতেকচর এন্দ দিজাইন বিএননেল (IAADB) 2023 হৌদোকখ্রে। থৌরম অসিদা প্রধান মন্ত্রীনা লাল কিলাদা আত্মনির্ভর ভারত সেন্তর ফোর দিজাইনসু শঙ্গাগনি অমসুং স্তুদেন্ত বিএননেল – সমুন্নতিসু হৌদোকখ্রে। মহাক্না কোম্মেমোরেতিব স্তাম্প অমসু লোঞ্চ তৌখ্রে। শ্রী মোদীনা থৌরম অসিদা উৎখিবা একজিবিসনসু কোইনা চৎতুনা য়েংখি। ইন্দিয়ন আর্ত, আর্কিতেকচর এন্দ দিজাইন বিএননেল (IAADB)না দিল্লীদা কলচরেল স্পেসকী ৱাহৌদোক অমা ওইরগনি।
থৌরম অদুদা ৱা ঙাংলদুনা প্রধান মন্ত্রীনা লাল কিলাগী ৱর্ল্দ হেরিতেজ সাইৎতা মীপুম খুদিংমকপু তরাম্না ওকখি অমসুং ভারতকী নীংতম্বা ফংদ্রিঙৈ মমাং অমসুং নীংতম্বা ফংলবা মতুংদা মীরোল কয়া হৌখিদুনা মফম অসিনা লেংদনা অমসুং মুৎপা নাইদনা লৈহৌরবা মসিগী পুৱারী ওইবা মরু ওইবা অদু ফোঙদোকখি।
প্রধান মন্ত্রীনা হায়খি লৈবাক খুদিংমক্তা মাগী হৌখ্রবা অমসুং মাগী হৌরফকফমশিং মালেমদা তাকনবা মাগী মশাগী ওইবা খুদম-চাংদমশিং পীরি। মহাক্না আর্ত, কলচর অমসুং আর্কিতেকচরনা খুদম-চাংদমশিংগা মরী থম্বদা লৌরিবা থৌদাং অদু ফোঙদোকখি। কোনুং সহর ওইরিবা দিল্লী অসি খুদম-চাংদমশিং অসিগী লনশিং অসিগী লুবাক ওইদুনা মসিনা ভারতকী ইনাক খুল্লবা আর্কিতেকচরেল হেরিতেজ উবা ফংহল্লি হায়না পল্লদুনা প্রধান মন্ত্রীনা দিল্লীদা ইন্দিয়ন আর্ত, আর্কিতেকচর এন্দ দিজাইন বিএননেল (IAADB) পাঙথোকপা অসিনা লম কয়ামরুমদা অখন্নবা ওইহল্লি হায়খি। মহাক্না একজিবিসন্দা উৎখিবা ৱার্কশিং থাগৎখি অমসুং হায় মসি মচু, ক্রিএতিবিতী, কলচর অমসুং কম্ম্যুনিতী কন্নেক্তকী অপুনবা অমনি। মহাক্না কলচর মন্ত্রালয়, মাগী ওফিসরশিং, শরুক য়ারিবা লৈবাকশিং অমসুং মীপুম খুদিংমক্তা IAADB মাইপাক্না পাঙথোকপগীদমক নুংঙাইবা ফোঙদোকখি। “লাইরিকশিংনা মালেমগী মরমদা হেন্না খঙনবা পাম্বৈ অমা ওইরি। কলানা মীওইবগী ৱাখলগী অথোইবা খোঙচৎ ওইরি” হায়না প্রধান মন্ত্রীনা মখা তাখি।
মালেমদা ভারতকী মতিক ময়াই লৈররবা হৌখ্রবা মতম নীংশিদুনা শেন্মীৎলোন চাউখৎপগী মতাংদা খন্নরকপা মতমদা প্রধান মন্ত্রীনা হায়খি মদুদি মাগী কলচরেল অমসুং হেরিতেজনা ঙসি ফাওবা মালেমগী তুরিস্তশিংগী পুক্নিং চীংশিল্লি। আর্ত আমসুং আর্কিতেকচরগী সেক্তরশিংগা মরী লৈনবা থবক অমা হেক্তদা মশাদা চাউথোকচবগী ইচিল পোকই হায়রদুনা মহাক্না মশাগী হেরিতেজতা চাউথোকচবগা লোয়ননা মাংদা চংশিনবগী থাজবা অদু নৌহৌননা ফোঙদোকখি। শ্রী মোদীনা কেদরনাথ অমসুং কাশীদা কলচরেল সেন্তরশিং শেমগৎলিবা অমসুং মহাকাল লোক নৌনা শেগৎলিবা অসিগী খুদমশিং পীরদুনা মহাক্না সরকারনা নেস্নেল হেরিতেজ অমসুং কলচরগী মাইকৈদা আজাদী কা অমৃত কালদা অনৌবা দাইমেন্সনশিং শেম্নবা মাইকৈদা থবকশিং পাইখৎলি হায়খি। IAADBনা মাইকৈ অসিদা অনৌবা খোঙথাং অমা ওইরি হায়রদুনা প্রধান মন্ত্রীনা মে 2023দা ইন্তরনেস্নেল ম্যুজিয়ম এক্সপো অমসুং ওগস্ত 2023দা ফেস্তিবেল ওফ লাইব্রেরীশিং ভারত্তা মোদর্নাইজ সিস্তেমশিংগা লোয়ননা গ্লোবেল কলরেল ইনিসিএতিবশিং ইনস্তিত্যুস্নেলাইজ তৌনবা পান্দমগা লোয়ননা পাঙথোকখি হায়না ফোঙদোকখি। প্রধান মন্ত্রী মোদীনা বেনিস, সাও পৌলো, সিঙ্গাপুর, সীদনী অমসুং শারজাহ বিএননেলশিং লোয়ননা দুবাই অমসুং লন্দন আর্ত ফিয়রশিংগুম্বা গ্লোবেল ইনিসিএতিবশিং অসিগী মতৌগুম্না IAADBগুম্বা ইন্দিয়ন কলচরেল ইনিসিএতিবশিংগীদমক মমিং অমা লৈহন্নবা মহাক্কী অপাম্বা ফোঙদোকখি। মহাক্না মসি পাঙথোকপা মথৌ তাই মরমদি চাউনা তেক্নোলোজীগী মীপাল তাংলিবা খুন্নাই অমগী অৱা-নুংঙাইগী মরক্তা আর্ত অমসুং কলচরনা পুন্সিগী লম্বী তোইনা তাকপীরি হায়না ফোঙদোকখি। প্রধান মন্ত্রীনা হায়, “আর্ত অমসুং কলচর অসি মীওইবগী ৱাখলগা নুংদা লৈরিবা ইহুগা শম্নহন্নবা অমসুং মাগী তৌবা ঙম্বশিং খঙদোকপদা তঙাই ফদে”।
আত্মনির্ভর ভারত সেন্তর ফোর দিজাইন শঙ্গাবগী মতাংদা ৱা ঙাংলদুনা প্রধান মন্ত্রীনা হায়খি মদুদি মসিনা মার্কেৎকী মতুং ইন্না আর্তিসেনশিং অমসুং দিজাইনরশিংবু ইন্নোবেৎ তৌবদা মতেং পাংনবা মখোয়বু পুনশিনবগা লোয়ননা ভারতকী অখন্নবা অমসুং অতাংবা ক্রাফশিং প্রমোৎ তৌনবা ফম্পাক অমা পীরি। মোদর্ন নোলেজ অমসুং রিসোর্সশিংগা লোয়ননা ভারতকী ক্রাফসমেন্না মালেম পুম্বদা মখোয়গী মফম কনবা ঙমগনি হায়বগী থাজবা ফোঙদোক্লদুনা প্রধান মন্ত্রীনা হায় “আর্তিসানশিংনা দিজাইন দিবেলপমেন্তগী মতাংদা লৌশিংসু ফংগনি লোয়ননা দিজিতেল মার্কেতিংদা প্রোফিসিএন্তসু ওইগনি”।
প্রধান মন্ত্রীনা সহর 5 মমিং ওইনা পল্লবদা দিল্লী, কোলকাতা, মুম্বাই, অহমদাবাদ অমসুং বারানসীদা কলচরেল স্পেসশিং শাগদৌরিবা অসি পুৱারী ওইরবা খোঙথাং অমনি হায়খি অমসুং মসিনা সহরশিং অসি কলচরদা খুমাং চাউশিনহনগনি হায়খি। মহাক্না হায় সেন্তরশিং অসিনা লোকেল আর্ত চাউখৎহন্নবা ইন্নোবেতিব আইদিয়াশিং পুথোক্কনি। মথংগী নুমিৎ 7 অসিগী মরু ওইবা থিম 7গী মতাংদা পল্লদুনা প্রধান মন্ত্রীনা মীপুম খুদিংমক্তা ‘দেশজ ভারত দিজাইন: ইন্দিজিনস দিজাইন্স’ অমসুং ‘সমত্য: শেপিং দি বিল্ত’ অসিগুম্বা থিম অসি মিসন অমা ওইনা মাংদা পুখৎনবা হায়খি। মহাক্না ইন্দিজিনস দিজাইন অসিবু নহারোলগীদমক স্তদী অমসুং রিসর্চকী শরুক অমা ওইহন্দুনা মসিবু চাউখৎহনবগী মরু ওইবা অদু থমখি। ইক্বালিতী থিমনা আর্কিতেকচরগী লমদা নুপীশিংনা শরুক য়াববু থাগৎলি হায়রদুনা মহাক্না লম অসিবু নুপীশিংগী ইমেজিনেসন অমসুং ক্রিএতিবিতীনা অনৌবা পনখৈশিং তম্না পুখৎপা ঙমগনি হায়বগী থাজবা ফোঙদোকখি।
“আর্ত, আর্কিতেক অমসুং কলচর অসিনা মীওইবগী সভ্যতাগীদমক দাইভর্সিতী অমসুং য়ুনিতী অনিমক্কী হৌরকফমশিং ওইরি” হায়না শ্রী মোদীনা নৌহৌননা ফোঙদোকখি। মহাক্না হায় ভারত অসি মালেমদা মখল মখা কয়ানা থনবা লৈবাক অমনি অমসুং মসিগী দাইভর্সিতী অসিনা ঐখোয়বু অমত্তা ওইনা পুনশিল্লি। মহাক্না দেমোক্রেসীগী মমা হায়না খঙনরিবা ভারতকী দেমোক্রেতিক ত্রেদিসন অসি দাইভর্সিতী অসিনা হৌরকফম ওইরি হায়খি। মহাক্না খুন্নাইদা ৱাখল্লোন্দা নীংতম্বা অমসুং মশাগী মওংদা থবক তৌজবদা নীংতম্বা ফংলবা মতমদা আর্ত, আর্কিতেকচর অমসুং কলচর চাউখৎকি হায়খি। “দিবেৎ অমসুং দাইলোগকী চৎনবীগা লোয়ননা দাইভর্সিতী অসি মশানা চাউখৎচরকই। ঐখোয়না দাইভর্সিতী মখল খুদিংমক তরাম্না ওকই অমসুং সপ্পোর্ত তৌই” হায়না ফোঙদোক্লদুনা প্রধান মন্ত্রীনা মালেমদা দাইভর্সিতী অসি উৎনবা লৈবাক্কী তোঙান-তোঙানবা রাজ্য অমসুং সহরশিংদা G-20 পাঙথোকখি হায়খি।
প্রধান মন্ত্রীনা হায় লৈবাক অসিগী মীয়াম্না মশাগী তাংদা ঙাংবগী মহুত্তা মালেম অসিগী মতাংদা ঙাংবনা ভারতনা কনাগুম্ববু হন্থনা য়েংবা লৈতে। ভারতনা মালেম অসিদা খ্বাইদগী চাউবা শেন্মীৎলোন অমা ওইনা মচিন তুমখৎলক্লিবা চৈরক অসিদা মীপুম খুদিংমক্না মশাগী অফবা তুংলমচৎ অমা উবা ফংলি হায়না প্রধান মন্ত্রীনা ফোঙদোকখি। “ভারতকী ইকনোমিক গ্রোথ অসি মালেম পুম্বগী খুমাং চাওশিনবগা মরী লৈনৈ অমসুং মসিগী ‘আত্মনির্ভর ভারত’ হায়রিবা ভিজন অসিনা অনৌবা খুদোংচাবশিং পুরক্লি হায়না প্রধান মন্ত্রীনা ফোঙদোকখি।মসিগা লোয়ননা মহাক্না হায় ভারতকী আর্ত অমসুং আর্কিতেকচরগী লমদা অমুক হিংগৎলক্লিবা অসিনা লৈবাক অসিগী কলচরবু অৱাংবা থাক্তা পুখৎপদা চাউনা মতেং পাংলগনি। শ্রী মোদীনা য়োগ আয়ুর্ভেদকী হেরিতেজকী মতাংদা ফোঙদোকখি অমসুং ভারতকী কলচরেল ভেল্যুবু মাংদা থম্লগা সস্তেনেবল লাইফস্তাইল অমগী হোৎনরিবা মিসন LiFEকী অনৌবা খোঙথাংশিংগী মতাংদা ফোঙদোকখি।
ৱারোল অসিবু লোইশিল্লদুনা প্রধান মন্ত্রীনা সিভিলাইজেসনশিংগী চাউখৎপা নুংঙাইবা পুরক্নবা ৱারী ৱাতাই শাবা অমসুং অমগা অমগা তেংবাং পীনবগী মরুওইবা অদুগী মতাংদা পনখি অমসুং শরুক য়ারিবা লৈবাকশিংবু মখোয়গী পার্নরশীপকীদমক থাগৎপা ফোঙদোকখি। মহাক্না অহেনবা লৈবাক কয়ামরুম অমত্তা ওইনা থোরক্কনি অমসুং IAADB অসি হায়রিবা মাইকৈ অসিদা মরুওইবা অহৌবা অমা ওইরগনি হায়না ফোঙদোকখি।
থৌরম অদুদা শরুক য়াখিবশিংগী মরক্তা কেন্দ্রগী কলচর মন্ত্রী, শ্রী জি কিশন রেদ্দী, কেন্দ্রগী কলচরগী রাজ্য মন্ত্রী শ্রী অর্জুন রাম মেঘৱাল অমসুং শ্রীমতি মীনাক্ষী লেখি অমসুং দাইএনা কেলোগ আর্কিতেক্সকী প্রিন্সিপল আর্কিতেক, মিস দাইএনা কেলোগ য়াওরি।
বেকগ্রাউন্দ
বেনিস, সাও পৌলো, সিঙ্গাপুর, সীদনী অমসুং শারজাহদা লৈরিবা ইন্তরনেস্নেল বিএননেলশিংগুম্না লৈবাক অসিদা ফ্লেগশিপ গ্লোবেল কলচরেল ইনিসিএতিব অমা দিবেলপ অমসুং ইনস্তিত্যুস্নেলাইজ তৌনবা মসি প্রধান মন্ত্রীগী বিজননি। বিজন অসিগী পরিং মখাদা লৈবাক শিনবা থুংবদা ম্যুজিয়মশিং রিইনভেন্ত, রিব্রান্দ, রিনোভেৎ অমসুং রি-হাউস তৌনবা কেম্পেন অমা লোঞ্চ তৌখি। মখা তানা ভারতকী সহর মঙা মমিং ওইনা পল্লবদা কোলকাতা, দিল্লী, মুম্বাই, অহমদাবাদ অমসুং বারানসীদা কলচরেল স্পেসশিং শেমগৎনবসু লাউথোকখি। ইন্দিয়ন আর্ত, আর্কিতেকচর এন্দ দিজাইন বিএননেল (IAADB)না দিল্লীদা কলচরেল স্পেসকী ৱাহৌদোক অমা ওইরগনি।
IAADB অসি নই দিল্লীগী লাল কিলাদা দিসেম্বর 9-15, 2023দা পাঙথোক্কনি। মসি হন্দক্তা পাঙথোকখিবা ইন্তরনেস্নেল ম্যুজিয়ম এক্সপো (মে 2023) অমসুং ফেস্তিবেল ওফ লাইব্রেরীজ (ওগস্ত 2023)গুম্বা মরু ওইবা ইনিসিএতিবশিং মসি পাঙথোকপনি। IAADB অসি আর্তিস্তশিং, আর্কিতেকশিং, দিজাইনরশিং, ফোতোগ্রাফরশিং, কল্লেক্তরশিং, আর্ত প্রোফেস্নেলশিং অমসুং মীয়ামগী মরক্তা হোলিস্তিক কনভর্জেসন অমা তৌদুনা কলচরেল দাইলোগ মপাঙ্গল কনখৎহন্নবা দিজাইন তৌখি। মসিনা হোংলক্লিবা ইকনোমীগী শরুক ওইনা আর্ত, আর্তিতেকচর অমসুং দিজাইনগী ক্রিএতরশিংদা পাকথোক চাউথোক্নবা অমসুং মখোয়গা লোয়ননা চুংশিন্ননবা এভেন্যুশিং অমসুং খুদোংচাবশিং পীগনি।
IAADBনা চয়োলগী নুমিৎ খুদিংগী তোঙান-তোঙানবা থিমদা য়ুম্ফম ওইবা একজিবিসনশিং উৎকনি:
- দে 1: প্রভেশ – রাইৎ ওফ পেসেজ: দোর্স ওফ ইন্দিয়া
- দে 2: বাঘ ই বহার: গার্দেন্স এস য়ুনিভর্স: গার্দেন্স ওফ ইন্দিয়া
- দে 3: সসম্প্রবা: কনফ্যুন্স ওফ কম্ম্যুনিতীজ: বাওলিস ওফ ইন্দিয়া
- দে 4: স্থাপত্য: এন্তি ফ্রেজাইল অলগোরিথম: তেম্পল্স ওফ ইন্দিয়া
- দে 5: বিস্ময়: ক্রিএতিব ক্রোসওভর: আর্কিতেকচরেল ৱান্দর্স ওফ ইন্দিপেন্দেন্ত ইন্দিয়া
- দে 6: দেশজ ভারত দিজাইন: ইন্দিজিনস দিজাইন্স
- দে 7: সমত্য: শেপিং দি বিল্ত: সেলেব্রেতিং ৱুমেন ইন আর্কিতেকচর
IAADBনা মথক্তা পল্লিবা থিমশিংদা য়ুম্ফম ওইবা পেবিলিয়নশিং, পেনেল দিস্কসনশিং, আর্ত ৱার্কশোপশিং, আর্ত বজার, হেরিতেজ ৱাক্স অমসুং পেরেলেল স্তুদেন্ত বিএননেল য়াওগনি। ললিত কালা অকাদেমিদা পাঙথোক্কদবা স্তুদেন্ত বিএননেল (সমুন্নতি) অসিনা মহৈরোয়শিংগীদমক মখোয়গী ৱার্ক উৎনবা, পীয়র অমসুং প্রোফেস্নেলশিংগা লোয়ননা ৱারী-ৱাতাই শানবা, অমসুং দিজাইন কম্পিতিসন, হেরিতেজ দিস্প্লে তৌবা, দিজাইন ইনস্তোলেসন তৌবা, ৱার্কশোপশিংগী খুত্থাংদা আর্তিতেকচর কম্ম্যুনিতীগী মনুংদা কান্নরবা এক্সপোজর ফংনবা খুদোংচাবা ফংগনি। IAADB 23না লৈবাক্কীদমক মরু ওইবা মীকুপ অমা ওইরগনি মরমদি মসিনা ভারতনা বিএননেল লেন্দস্কেপতা চংশিনবগী খুদম ওইরগনি।
প্রধান মন্ত্রীগী ‘ভোকেল ফোর লোকেল’গী বিজনগী পরিং মখাদা লাল কিলাদা ‘আত্মনির্ভর ভারত সেন্তর ফোর দিজাইন’ হাংদোক্লি। মসিনা ভারতকী অখন্নবা অমসুং ইন্দিজিনস ওইনা ক্রাফশিং উৎকনি অমসুং মসিনা করিগারশিং অমসুং দিজাইনরশিংগী মরক্তা চুংশিন্ননবা মফম অমা পীরগনি। মসিনা সস্তেনেবল কলচরেল ইকনোমী অমগী লম্বী য়াৎলগনি, মসিনা অনৌবা দিজাইনশিং অমসুং ইন্নোবেসনশিংগা লোয়ননা আর্তিসান কম্ম্যুনিতীশিংদা শক্তি পীরগনি।
India's vibrant culture and our ancient heritage attract tourists from all over the world. pic.twitter.com/5H0J5MXMws
— PMO India (@PMOIndia) December 8, 2023
आज art और architecture से जुड़े हर क्षेत्र में आत्मगौरव की भावना से काम हो रहा है। pic.twitter.com/OAr4IQYY5G
— PMO India (@PMOIndia) December 8, 2023
'Aatmanirbhar Bharat Centre for Design' will provide a platform to promote the unique and rare crafts of India. pic.twitter.com/AQrVZv6wEy
— PMO India (@PMOIndia) December 8, 2023
The cultural spaces to be built in Delhi, Kolkata, Mumbai, Ahmedabad and Varanasi will enrich these cities culturally. pic.twitter.com/NSHS4WO0eM
— PMO India (@PMOIndia) December 8, 2023
भारत में कला को, रस और रंगों को जीवन का पर्याय, synonym of life माना गया है: PM @narendramodi pic.twitter.com/gE0ID0D62S
— PMO India (@PMOIndia) December 8, 2023
We are the most diverse nation in the world, but that diversity also binds us together: PM @narendramodi pic.twitter.com/R493bkdRgS
— PMO India (@PMOIndia) December 8, 2023
