ভারতমচাশিংগী ত্রিনিদাদ অমসুং তোবাগো খোঙচৎ অসি থৌনা ফবগী খোঙচৎনি: প্রধান মন্ত্রী
হরাও তয়াম্না চহি ৫০০ গী মতুংদা রাল লালা অমুক হল্লকপদা ঐনা ময়াম পুম্নমক তরাম্না ওকচরি: প্রধান মন্ত্রী
মপান লৈবাক্ত লৈরিবা ভারতমচাশিং ঐখোয়গী চাউথোকচনফমনি: প্রধান মন্ত্রী
প্রভাসি ভারতিয়া দিবসতা, মালেম শীনবা থুংনা লৈরিবা গিরমিতিয়া মীয়াম ইকায়খুম্নবা উৎনবা অমসুং মরী থম্নবা থবক কয়া ঐনা লাউথোকখ্রে: প্রধান মন্ত্রী
ভারতনা স্পেসতা মাইপাকপা অসি মালেমগী য়াইফনবনি: প্রধান মন্ত্রী
ঙসি প্রধান মন্ত্রী শ্রী নরেন্দ্র মোদীনা ত্রিনিদাদ অমসুং তোবাগোদা মশিং য়াম্লবা ভারতমচাশিংদা ৱা ঙাংখ্রে। থৌরম অদুদা ত্রিনিদাদ অমসুং তোবাগোগী প্রধান মন্ত্রী কমলা-বিসেসার, মহাক্কী মন্ত্রীমন্দলগী মেম্বরশিং, সংসদকী মেম্বরশিং অমসুং শক্নাইরবা মীওই কয়া শরুক য়াখি। থৌরম অদুদা প্রধান মন্ত্রী লৈবাক অদুদা লৈরিবা ভারতমচাশিং তরাম্না ওকখি অমসুং ইন্দো-ত্রিনিদিয়ান চৎনবগী মতুংইন্না তরাম্না ওকখি।
থৌরম অদুদা প্রধান মন্ত্রী মোদী তরাম্না ওক্লদুনা, ত্রিনিদাদ অমসুং তোবাগোগী খ্বাইদগী ৱাংবা মনা “দি ওর্দর ওফ দি রিপব্লিক ওফ ত্রিনিদাদ অমসুং তোবাগো” প্রধান মন্ত্রী মোদীদা পীরগনি হায়না প্রধান মন্ত্রী কমলানা লাউথোকখি। ইকায়খুম্নবা অসিগীদমক প্রধান মন্ত্রী মোদীনা প্রধান মন্ত্রী কমলা অমসুং ত্রিনিদাদ অমসুং তোবাগোগী মীয়াম থাগৎপা ফোঙদোকখি।
মহাক্কী ৱারোলদা প্রধান মন্ত্রী মোদীনা হায়খি, মহাক্না তরাম্না ওকপগীদমক অমসুং লৈবাক অনিগী মরীশিং ফগৎহনবগীদমক প্রধান মন্ত্রী কমলা থাগৎপা ফোঙদোকচরি। লৈবাক অসিদা অহানবা ওইনা ভারতমচাশিং থুংলখিবা চহি ১৮০ শুবগী লৈবাক অসিনা থৌরম পাংথোকপা মতমদা মহাক্কী পুৱারি ওইরবা ত্রিনিদাদ অমসুং তোবাগো খোঙচৎ অসি হেন্না অখন্নবা ওইরে।
ত্রিনিদাদ অমসুং তোবাগোগীদমক মখোয়না পাংথোকপা থবকশিং, মখোয়গী খাংবা কনবা অমসুং ইনাক খুল্লবা নাৎকীদমক প্রধান মন্ত্রীনা ভারতমচাশিং থাগৎপা ফোঙদোকখি। ভারতকী হৌরকফমশিং অমসুং চৎনবীশিং ঙাক্তুনা থম্বগীদমক প্রধান মন্ত্রীনা ত্রিনিদাদ অমসুং তোবাগোদা লৈরিবা ভারতমচাশিং থাগৎপা ফোঙদোকখি। মরীশিং অসি ফগৎনবা ত্রিনিদাদ অমসুং তোবাগোদা লৈরিবা ভারতমচাশিংগী ৬শুবা মীরোলদা হৌজিক ও.সি.আই কার্দশিং পীরগনি। মসিদা মখোয়না তরাম্না ওকখি। প্রধান মন্ত্রীনা হায়খি মদুদি গিরমিতিয়াগী চৎনবী য়োকখৎনবা ভারত সরকারনা থবক কয়া পায়খৎকনি।
প্রধান মন্ত্রীনা হায়খি মদুদি ইনফ্রাস্ত্রকচর, দিজিতেল তেক্নোলোজিশিং, মেনুফেকচরিং, গ্রিন পাথৱেশিং, স্পেস, ইন্নোবেসন অমসুং স্তার্দঅপশিংদা ভারত য়াংনা চাউখৎলক্লি। হৌখিবা চহি ১০দা ভারতনা মীওই মিল্লিয়ন ২৫০ হেন্না লায়রবা কোকহনখ্রে।
প্রধান মন্ত্রীনা হায়খি ভারত অথুবা মতমদা মালেমগী অচৌবা ইকোনোমি অহুমগী মনুংদা য়াওরগনি। এ.আই, সেমিকন্দক্তর অমসুং ক্বান্তম কম্পুতিংগী নেসনেল মিসনশিং অসি হৌজিক লৈবাক অসি চাউখৎনবা অনৌবা ইঞ্জিনশিং ওইরে।
প্রধান মন্ত্রীনা হায়খি মদুদি ভারত্ত য়ু.পি.আইগী দিজিতেল পেমেন্তশিং মাইপাক্লে। মসি ত্রিনিদাদ অমসুং তোবাগোদা শীজিন্ননবা পুক্নিং থৌগৎকনি। কোবিদ লাইচৎ মনুংদা ভারতকী অরিবা ফিলোসোফি বসুধাইবা কুতুম্বমক – মালেম অসি ইমুং অমনি হায়বা অদু ময়েক শেংনা উৎখ্রে। ত্রিনিদাদ অমসুং তোবাগো চাউখৎনবা মহাকআন মখা তানা মতেং পাংগনি।
মহাত্মা গান্ধী ইন্সতিতুৎ ফোর কলচরেল কোওপরেসন অমসুং অতোপ্পা ইন্সতিতুৎশিংগী কলাকারশিংগী ফজরবা নাৎকী থৌরমশিং উৎপা থৌরম অদুদা মীওই ৪০০০ হেন্না শরুক য়াখি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
The journey of the Indian community in Trinidad and Tobago is about courage: PM @narendramodi pic.twitter.com/0MyNsWb1aT
— PMO India (@PMOIndia) July 3, 2025
I am sure you all welcomed the return of Ram Lalla to Ayodhya after 500 years with great joy: PM @narendramodi in Trinidad & Tobago pic.twitter.com/CzIdFpnXXA
— PMO India (@PMOIndia) July 4, 2025
The Indian diaspora is our pride: PM @narendramodi pic.twitter.com/VS6cFGy3Kw
— PMO India (@PMOIndia) July 4, 2025
At the Pravasi Bharatiya Divas, I announced several initiatives to honour and connect with the Girmitiya community across the world: PM @narendramodi in Trinidad & Tobago pic.twitter.com/ryRxg65t2J
— PMO India (@PMOIndia) July 4, 2025
India's success in space is global in spirit. pic.twitter.com/DRK8C626dC
— PMO India (@PMOIndia) July 4, 2025
