প্রধান মন্ত্রী কমলা পরসাদ বিসেসার,
কেবিনেৎকী মেম্বরশিং,
ঙসি মফম অসিদা শরুক য়ারিবা দিগনিতরী পুম্নমক,
ইন্দিয়ন দাইস্পোরাগী মেম্বরশিং,
নুপীমচাশিং অমসুং নুপাশিং,
খুরুমজরি!
সীতা রাম !
জয় শ্রী রাম!
অদোম্না করিগুম্বা অমা উবা ফংব্রা... কয়াদা চান্নরিবা!
ঙসি নুমিদাংৱাইরম অসিদা অদোম পুম্নমক্কা উন্নবা অসি ঐহাক্কীদমক্তা চাউথোকচনীংঙাই অমসুং নুংঙাইবা অমনি। ঐহাক্না প্রধান মন্ত্রী কমলা জীবু মহাক্কী অফবা হোস্পিতালিতী অমসুং নুংশিজরবা ৱাহৈগীদমক থাগৎপা ফোংদোকচরি।
ঐহাক্না ঙাইহাক্কী মমাংদা হমিং বার্দশিংগী ফজরবা লমদম অসিদা লাকখি। অমসুং, ঐহাক্কী অহানবা থৌরম অসি মফম অসিদা লৈরিবা ভারত মচাশিংগা লোয়ননা ওইখি। মসি মহৌশানি, ঐখোয়না ইমুং অমগী শরুক অমা ওইরি। অদোমগী মীনুংশিং অদুগীদমক ঐহাক্না অদোমবু থাগৎচরি।
মরুপশিং,
ত্রিনিদাদ অমসুং তোবেগোদা লৈরিবা ভারত মচাশিংগী ৱারী অসি থৌনা লৈবগী ৱারীনি হায়বসি ঐহাক্না খঙই। অদোমগী ইমা-ইপাশিংনা থেংনখিবা ফিভমশিং অসিনা খ্বাইদগী থৌনা লৈবা মীওইশিং ফাওবা নীংহন্নবা পোকহনবা ঙম্বা য়াই। অদুবু মখোয়না অৱা-অনাশিংবু থাজবগা লোয়ননা থেংনখি। মখোয়না চোকথবা লৈতনা অৱাবা মায়োক্নখি।
মখোয়না গঙ্গা অমসুং য়ামুনাবু তুংওইননা থমনমখি অদুবু মখোয়না রামায়নবু মখোয়গী থম্মোয়দা পুদুনা চৎখি। মখোয়না মখোয়গী লৈবাক থাদোকখি, অদুবু মখোয়গী থৱায়দি থাদোকখিদে। মখোয়শিং অসি ইমিগ্রান্তশিং খক্তা নত্তে। মখোয়শিং অসি মতম চুপ্পগী ওইবা সিভিলাইজেসনগী মেসেঞ্জরশিংনি। মখোয়গী কন্ত্রিব্যুসনশিংনা লৈবাক অসিবু কলচরেল, ইকোনোমিক অমসুং স্পিরিচুএল ওইনা কান্নবা পীরি। অদোম পুম্নমক্না মসিগী ফজরবা লৈবাক অসিদা পীরিবা ইথিল অদু য়েংবীয়ু।
কমলা পরসাদ-বিসেসারজী - লৈবাক অসিগী অহানবা নুপী প্রধান মন্ত্রী ওইরে। হর এক্সিলেন্সী খৃস্তিন কারলা কাঙ্গালু জি - নুপী রাস্ত্রপতি ওইরি। লৌমী অমগী মচানুপা লৈখিদ্রবা শ্রী বসদেও পান্দেনা প্রধান মন্ত্রী অমসুং মালেমগী লুচিংবা অমা ওইরকখি। মশক নাইবা মেথমেতিক্স স্কোলর রুদরনাথ কপিলদেও, ম্যুজিক আইকন সুন্দর পোপো, ক্রিকেৎতিং তেলেন্ত দারেন গঙ্গা, অমসুং সমুদ্রদা মন্দির শাগৎখিবা সেৱদাস সাধু। মায় পাকপা মীওইশিংগী লিস্ত অসি লোইবা নাইদে।
অদোম, গিরমিতিয়াগী মচাশিং, অসি হৌজিক লান্থেংবনা মশক তাক্তে। নখোয়গী মায় পাকপা, নখোয়গী সর্ভিস অমসুং নখোয়গী ভেল্যুশিংনা নখোয়বু মশক তাকই। থম্মোয় শেংনা হায়রবদা, "দবলস" অমসুং "দাল পুরি" অসিদা মেজিক ওইবা করিগুম্বা খরা লৈরম্বা য়াই মরমদি অদোম্না মসিগী অচৌবা লৈবাক অসিগী মায়পাকপা শরুক অনি হেনগৎহনখ্রে!
মরুপশিং,
চহি ২৫গী মমাংদা ঐহাক্না ইহান হানবা ওইনা চৎখিবা মতমদা, ঐখোয় পুম্নমক্না লারাগী কভর দ্রাইবশিং অমসুং শুতশিং অদু য়েংখি। ঙসিসু, সুনিল নরিন অমসুং নিকোলাস পুরাননা ঐখোয়গী নহাশিংগী থম্মোয়দা চপ মান্নবা ইথিল অদু পোকহল্লি। মতম অদুদগী হৌজিক ফাওবদা ঐখোয়গী মরুপ-মপাং ওইবগী মরী অসি হেন্না চেৎশিল্লক্লি।
বনারস, পতনা, কোলকাতা, দিল্লী অসি ভারতকী শহরশিং ওইবা য়াই। অদুবু মখোয় অসি মফম অসিগী লম্বীশিংগী মমিংশিংসু ওইরি। নভরাত্রা, মহাশিবরাত্রী, জন্মাস্তমী অসি মফম অসিদা নুংঙাইবা, থৌনা অমসুং ইকাই খুম্নবগা লোয়ননা পাংথোকই। চৌতাল অমসুং বৈথাক গনা মফম অসিদা মখা তানা চাউখৎলক্লি।
ঐহাক্না মশক খঙবা মীওই কয়াগী নুংশিবা উবা ফংলি। অমসুং ঐহাক্না নহা ওইরিবা জেনেরেসনগী আশানা থল্লবা শক্তমশিংদা - খঙনীংবা অমসুং পুন্না চাউখৎনবা হোৎনবা - মঙাল উরি। তশেংনমক, ঐখোয়গী বোন্দশিং অসি জিওগ্রাফী অমসুং জেনরেসনগী ৱাংমদা লৈ।
মরুপশিং,
অদোমগী থাজবা অদু ঐহাক্না খঙই মদুদি প্রভু শ্রী রামদা অদোম্না থাজবা থম্লি।
চহি চামগা মরফু হৌখ্রে, অদুবু ৱাখল অসিনদি কাউবা লঙতে, ভগৱান রামগী ভজনশিং থম্মোয়দা য়াওরি।
সানগ্রে গ্রান্দে অমসুং দো ভিলেজদা লৈবা রাম-লীলা অসি তশেংনা অমত্তা ঙাইরবা অমনি হায়না হায়নৈ। শ্রী রাম চারিৎ মানসনা হায়রি,
রাম ধামদা পুরি সুহাবনি।
লোক সমস্ত বোদিদ অতি পাবনি।।
মসিগী ৱাহন্থোক্তি, প্রভু শ্রী রামগী শেংলবা শহর অসি য়াম্না ফজৈ মদুদি মাগী শক্তম অসি মালেম শিনবা থুংনা শন্দোক্লি। চহি ৫০০গী মতুংদা রাম লল্লানা অয়োধ্যাদা হল্লকপা অসিদা অদোম পুম্নমক্না য়াম্না নুংঙাইবা ফাওই হায়না ঐনা থাজৈ।
ঐখোয়না নীংশিংলি, অদোম্না অয়োধ্যাদা রাম মন্দির শানবগীদমক শেংলবা ঈশিং অমসুং শীলা থারকখি। ঐহাক্না মফম অসিদা মান্নবা ৱাখল্লোনগা লোয়ননা করিগুম্বা খরা পুরক্লি। অয়োধ্যাগী রাম মন্দিরগী রেপ্লিকা অমা অমসুং সরয়ু তুরেলগী ঈশিং খরা পুরকপা অসি ঐহাক্কী ইকাই খুম্নবা অমনি।
জন্নভুমি মম পুরী সুহাবনি।
উত্তর দিসি বহ সরজু পাবনি।।
জা মজ্জন তে বিনহিম প্রয়াদা।
মম সমীন নর পাবহিম বাসা।।
প্রভু শ্রী রামনা হায়খি অয়োধ্যাগী মগুন অসি অশেংবা সরয়ুদগী হৌরকপনি। মদুগী ঈশিং অদুদা কনাগুম্বনা ঈরুপ্পা মতমদা শ্রী রাম মশামক্না মহাক্কা অমত্তা ওইনা লৈগনি।
সরয়ুজী অমসুং পৱিত্র সঙ্গমগী ঈশিং অসি থাজবগী অমৃতনি। ঐখোয়গী মগুনশিংবু মপাঙ্গল কনখৎহনগদবা... ঐখোয়গী সংস্করনশিংবু মতম পুম্বদা মপুং ফানা থম্মী।
চহি অসিগী অঙনবা শরুক্তা মালেমগী খ্বাইদগী চাউবা স্পিরিচুএল মীতিন, মহা কুম্ভ পাঙথোকখিবা অদু অদোম্না খংই। ঐহাক্না মহা কুম্ভগী ঈশিং অসিসু ঐহাক্কা লোয়ননা পুরকপগী ইকাই খুম্নবা ফংজরি। কমলা জীদা সরয়ু তুরেল অমসুং মহা কুম্ভগী ঈশিং অসি মফম অসিদা লৈরিবা গঙ্গা ধারাদা থাদনবা ঐহাক্না হায়জরি। মসিগী অশেংবা ঈশিং অসিনা ত্রিনিদাদ অমসুং তোবেগোগী মীয়াম্বু য়াইফ-মঙ্গোল পীবিয়ু
মরুপশিং,
ঐখোয়না ঐখোয়গী দাইস্পোরাগী শক্তি অমসুং মতেংবু য়াম্না থাগৎলি। মালেম শিনবা থুংনা শন্দোকপা মীওই মিলিয়ন ৩৫ হেনবনা, ভারত মচাশিংনা ঐখোয়গী চাউথোকচবা ওইরি। ঐহাক্না হেক হেক হায়রম্বা অদুগুম্না, অদোম খুদিংমক ভারতকী ভেল্যুশিং, কলচর অমসুং হেরিতেজকী রাস্ত্রদুত, এম্বেসেদর অমনি।
চহি অসিদা, ঐখোয়না ভুবনেশ্বরদা প্রভাসী ভারতী দিবস পাংথোকপা মতমদা, মহামহিম রাস্ত্রপতি খৃস্তিন কারলা কাঙ্গালুজীনা ঐখোয়গী চীফ গেস্ত ওইখি। চহি খরগী মমাংদা, প্রধান মন্ত্রী কমলা পর্সাদ-বিসেসরজীনা লাকপীবগী খুদোংচাবা পীবিখি।
প্রভাসী ভারতী দিবসতা ঐহাক্না মালেম শিনবা থুংনা লৈরিবা গিরমিতিয়া কম্ম্যুনিতীগা শম্ননবা অমসুং মখোয়বু ইকায় খুম্নবা উৎনবা থৌরাং কয়া অমা লাউথোকখি। ঐখোয়না মমাংঙৈগী মতমগী মেপ শেম্লি অমসুং মীয়াম্বু মঙাল লৈবা তুংলমচৎ অমগীদমক নকশিন্নহল্লি। ঐখোয়না গিরমিতিয়া কম্ম্যুনিতীগী মপুং ফাবা দেতাবেজ অমা শেমগৎনবা থবক পায়খৎলি। ভারতকী খুঙ্গং অমসুং শহরশিংদা মখোয়গী মমা-মপাশিংনা য়ুমদা হল্লকখিবা অদুগী দোকুমেন্ত তৌবা, মখোয়না য়ুম্ফম ওইবা মফমশিং মশক খঙদোকপা, গিরমিতিয়াগী মমা-মপাশিংগী লিগেসি নৈনবা অমসুং ঙাক-শেন্দুনা থম্বা, অমসুং ৱার্ল্দ গিরমিতিয়া কনফরেন্স চাং নাইনা পাংথোক্নবা থবক পায়খৎপা। মসিনা ত্রিনিদাদ অমসুং তোবেগোদা লৈরিবা ঐখোয়গী ইচিল-ইনাওশিংগা লৈনরিবা অচেৎপা অমসুং পুৱারী ওইরবা মরীশিং অসিবুসু মতেং পাংগনি।
ঙসি ঐহাক্না ত্রিনিদাদ অমসুং তোবেগোদা লৈরিবা ভারত মচাশিংগী তরুকশুবা চারোন-শুরোনগী মীওইশিংদা ও.সি.আই. কার্দশিং পীরগনি হায়না ফোঙদোকপদা নুংঙাইবা ফাওই। নহাক্কা নহাক্কী ইমুং-মনুংগী মমিংগা শম্নবা নত্তে। অদোমবু হৌরকফমনা শম্নহল্লি। ভারতনা অদোমবু য়েংলি, ভারতনা অদোমবু তরাম্না ওক্লি, অমসুং ভারতনা অদোমবু খুরুমজরি।
মরুপশিং,
প্রধান মন্ত্রী কমলা জীগী মপা-মপধশিং বিহারগী বক্সরদা লৈরম্মি। কমলা জীসু মফম অদুদা চৎখ্রে... মীশিংনা মহাকপু বিহারগী মচানুপীনি হায়না খল্লি।
ভারতকী মীয়াম্না প্রধান মন্ত্রী কমলাজীবু বিহারগী মচানুপী ওইনা লৌনৈ।
মফম অসিদা লৈরিবা মীওই কয়াগী মমা-মপাশিং অসি বিহারদগী লাকপনি। বিহারগী হেরিতেজ অসি মালেমগী ওইনা ভারতকী ওইনা চাউথোকচনীংঙাইনি। দেমোক্রেসী ওইগেরা, রাজনিতী ওইগেরা, দিপ্লোমেসী ওইগেরা নত্রগা হায়র এজুকেসন ওইগেরা, বিহারনা চহি চা কয়াগী মমাংদা অসিগুম্বা হিরম কয়াদা মালেমদা অনৌবা মায়কৈ অমা উৎখি। বিহারগী লমদম অসিদগী ২১শুবা চহিচাগী মালেমগীদমক অনৌবা ইথিল অমসুং অনৌবা খুদোংচাবশিং ফংলগনি হায়না ঐহাক্না থাজবা থম্লি।
কমলা জীগুম্না, বিহারদগী হৌরকপা মীওই কয়া অমা মফম অসিদা লৈরি। বিহারগী হেরিতেজ অসি ঐখোয় পুম্নমক্কী চাউথোকচনীংঙাইনি।
মরুপশিং,
ভারতনা চাউখৎলকপদা অদোম পুম্নমক্না চাউথোকচগনি হায়না ঐনা থাজৈ। অনৌবা ভারতকীদমক্তা, থৱানমিচাক অসিসু অরোইবা ঙমখৈ নত্তে। ভারতকী চন্দ্রয়ান থাদা য়ৌরকপা মতমদা অদোম পুম্নমক্না নুংঙাইবা ফোংদোকলমগনি। মদু য়ৌরকখিবা মফম অদু ঐখোয়না শিব শক্তি পোইন্ত হায়না মিংথোনখি।
অদোম্না হন্দক্তা পাউ অসিসু খঙলমগনি। ঐখোয়না ঙাংলিঙৈদা ইন্তর্নেস্নেল স্পেস স্তেসন অসিদা ভারতকী এস্ত্রোনোত অমা লৈরি। হৌজিক ঐখোয়না মী য়াওবা স্পেস মিসন গগনয়ানদা থবক তৌরি। ভারতনা থাদা খোঙ থাংগদবা অমসুং ভারতনা মশাগী স্পেস স্তেসন লৈগদবা মতম অসি কুইদ্রে।
ঐখোয়না হৌজিক্তি থৱানমিচাকশিং মশিং থীবা নত্তে, অদিত্য মিসনগী মওংদা মখোয়দা য়ৌনবা হোৎনরি। চাচা চান্দ অসি ঐখোয়দ য়াম্না লাপত্রে। ঐখোয়না ঐখোয়গী কন্না হোৎনদুনা ওইথোকপা ঙম্লোইদবা থবকশিং ওইথোকহল্লি।
স্পেসতা ভারতকী এচিবমেন্তশিং অসি ঐখোয় খক্তগী নত্তে। ঐখোয়না মসিগী মহৈশিং অসি মালেম পুম্বগা শরুক য়ামিন্নরি।
মরুপশিং,
ভারত অসি মালেমগী খ্বাইদগী য়াংনা চাউখৎলক্লিবা মরুওইবা ইকোনোমী অমনি। অথুবা মতমদা, ঐখোয়না মালেমগী খ্বাইদগী চাউবা ইকোনোমী অহুমগী মরক্তা লৈরগনি। ভারতকী চাউখৎপা অমসুং খুমাং চাউশিল্লকপগী মহৈ অসি খ্বাইদগী মথৌ তারিবা মীওইশিংদা ফংহল্লি।
লাইরবশিংবু মপাঙ্গল কনখৎহন্দুনা লাইরবশিংবু মায়থিবা পীবা য়াই হায়বসি ভারতনা উৎলি। অহানবা ওইনা, ভারতনা লায়রবা কোকহনবা ঙমগনি হায়বগী থাজবা মীওই করোর কয়াদা লৈরে।
ৱার্ল্দ বেঙ্কনা হায়খি মদুদি হৌখিবা চহি তরা অসিদা ভারতনা মীওই মিলিয়ন ২৫০বু অৱাংবা কা হেন্না লায়রবদগী কোকহল্লে। ভারতকী চাউখৎপা অসি ঐখোয়গী ইনোবেতিব অমসুং ইনর্জেতিক ওইবা নহারোলশিংনা থৌগৎলি।
ঙসিদি, ভারত অসি মালেমগী খ্বাইদগী চাউবা স্তার্তঅপ হবশিংগী মনুংদা অহুমশুবনি। হায়রিবা স্তার্ত-অপশিং অসিগী শরুক তংখায়রোমদা নুপীশিংসু দাইরেক্তর ওইরি। স্তার্তঅপ ১২০ রোম্না য়ুনিকোর্ন স্তেতস ফংখ্রে। এ.আই., সেমিকন্দক্তর অমসুং ক্বান্তম কম্প্যুতিংগীদমক নেস্নেল মিসনশিং অসি চাউখৎপগী অনৌবা ইঞ্জিনশিং ওইরক্লি। মওং অমদা, ইন্নোভেসন অসি মাস মুভমেন্ত অমা ওইরক্লি।
ভারতকী য়ুনিফাইদ পেমেন্তস ইন্তরফেস (য়ু.পি.আই.) না দিজিতেল পেমেন্তশিংদা অহোংবা পুরক্লে। মালেমগী রিএল-তাইম দিজিতেল ত্রান্সসেক্সনশিংগী চাদা ৫০রোমদি ভারত্তা পাংথোকই। য়ু.পি.আই.বু লমদম অসিদা শিজিন্নখিবা অহানবা লৈবাক ওইবগীদমক ত্রিনিদাদ অমসুং তোবেগোবু ঐনা থাগৎপা ফোংদোকচরি। হৌজিক্তি শেল থাদোকপা অসি "গুদ মোর্নিং" হায়বা মেসেজ থাবগুম্না লায়না ওইগনি! অমসুং ঐনা থাজবা পীরি মদুদি ৱেস্ত ইন্দিজকী বোল্লিংদগী হেন্না য়াংগনি।
মরুপশিং,
ঐখোয়গী মিসন মেন্যুফেকচরিংনা ভারতপু মেন্যুফেকচরিং হব অমা ওইহন্নবা হোৎনরি। ঐখোয়না মালেমগী অনিশুবা খ্বাইদগী চাউবা মোবাইল মেন্যুফেকচরর ওইরে। ঐখোয়না মালেমদা রেলৱেজ লোকোমোতিবশিং এক্সপোর্ত তৌরি।
ঐখোয়গী দিফেন্স এক্সপোর্ত অসি হৌখিবা চহীি তরা অসিদা শরুক ২০ হেনগৎলে। ঐখোয়না মসি ভারত্তা খক্তমক পুথোকপা নত্তে। ঐখোয়না মালেমগীদমক হোৎনরি। ঐখোয়না চাউখৎলকপগা লোয়ননা, মালেমগীদমক্তা অমনা অমবু কান্নবা ফংহন্নবা ঐখোয়না হোৎনরি।
মরুপশিং,
ঙসিগী ভারত অসি খুদোংচাবশিংগী লমনি। বিজিনেস, তুরিজম, এজুকেসন নত্ত্রগা হেল্থকেয়র ওইগেরা, ভারতনা পীবা য়াবা কয়া অমা লৈ।
অদোমগী ইপা-ইপুশিংনা মফমসি য়ৌনবগীদমক নুমিৎ ১০০গী মথক্তা সমুদ্রগী অশাংবা অমসুং অরুবা খোঙচৎ অমা চংশিনখি । ঙসিদি, চপ মান্নবা খোঙচৎ অসি পুং খরখক্তং চঙই। ঐহাক্না অদোম পুম্নমকপু সোসিএল মীদিয়াদা ভর্চুএল খক্তা নত্তনা হকথেংননা ভারত্তা লাক্নবা পুক্নিং থৌগৎচরি!
নহাক্কী ইপা-ইপুশিংগী খুঙ্গংশিংদা চৎলু। মখোয়না চৎলম্বা লমদম অদুদা চৎলু। নহাক্কী অঙাংশিং অমসুং নহাক্কী য়ুম্লোন্নবশিংবু পুরকউ। চা অমসুং অফবা ৱারী পাম্বা মীওই অমহেক্তবু পুরকউ। ঐখোয়না অদোম পুম্নমকপু – পাম্বোম লাউনা তিংথোক্তুনা, হরাও তয়াম্না অমসুং জালিবীগা লোয়ননা তরাম্না ওক্কনি!
ৱাহৈশিং অসিগা লোয়ননা, ঐঙোন্দা উৎখিবা মীনুংশিবা অদুগীদমক ঐনা অমুক্কা হন্না অদোম পুম্নমকপু থাগৎচরি।
ঐহাকপু অদোমগী খ্বাইদগী ৱাংবা নেস্নেল এৱার্দ পীদুনা ইকায় খুম্নবা উৎখিবগীদমক ঐহাক্না প্রধান মন্ত্রী কমলা জীদা অখন্ননা থাগৎপা ফোংদোকচরি।
হন্না-হন্না থাগৎচরি।
খুরুমজরি !
সিতা রাম !
জয় শ্রী রাম !
