প্রধান মন্ত্রী, শ্রী নরেন্দ্র মোদীনা ঙসি তামিল নাদুগী তিরুচিরাপল্লীদা লৈবা ভারতীদাসন য়ুনিভর্সিতীদা 38শুবা কনভোকেসনগী থৌরমদা ৱা ঙাংখ্রে। মহাক্না য়ুনিভর্সিতী অসিগী মকোক থোংলবা মহৈরোয়শিংদা মনাশিংসু খুদোল তমখি।
থৌরম অদুদা ৱা ঙাংলদুনা প্রধান মন্ত্রীনা ভারতীদাসন য়ুনিভর্সিতীগী 38শুবা কনভোকেসনগী থৌরম অসি য়াম্না অখন্নৈ মরমদি মসি অনৌবা চহি 2024গী অহানবা পব্লিক ইন্তরেক্সন ওইরি হায়না ফোঙদোকখি। মহাক্না তামিল নাদুগী ফজরবা রাজ্য অসিদা লাকপা অমসুং নহারোলশিংগী মরক্তা তিনবা ফংবা অসিদা নুংঙাইবা পোকই হায়খি। প্রধান মন্ত্রী মোদীনা গ্রেজ্যুৎ তৌরিবা মহৈরোয়শিং, মখোয়গী ওজাশিং অমসুং মমা-মপাশিংদা থৌরম অসিগী য়াইফ পাউজেল পীবদা ভারতীদাসন য়ুনিভর্সিতীগী কনভোকেসনগী থৌরমদা লেংশিনবা অহানবা প্রধান মন্ত্রী ওইবা ফংজবদা অপেনবা ফোঙদোকখি।
প্রধান মন্ত্রীনা হায়খি মদুদি য়ুনিভর্সিত অমা শেম্বা অসি মহৌশানা লেজিস্লেতিব প্রোসেস অমনি অমসুং তপ্না-তপ্না অনৌবা কোলেজশিং এফিলিএৎ তৌরি অমসুং য়ুনিভর্সিতীশিং হেনগৎলক্লি অদুম ওইনমক ভারতীদাসন য়ুনিভর্সিতী অসিদা তোপ-তোপ্পা মওংদা লিংখৎখি মরমদি য়ুনিভর্সিতী অসি শেম্নবা হান্নদগী লৈরবা অফবা কোলেজ কয়া পুনশিনখি অমসুং দোমেন কয়াদা য়ুনিভর্সিতী অসিনা শাফু পীবা ঙম্নবা শক্তি লৈবা অমসুং মপুং মরৈ ফারবা য়ুম্ফম অমা থোনখি।
“ঐখোয়গী লৈবাক অমসুং মাগী সভ্যাতা অসিনা মতম চুপ্পদা লৌশিংদা য়ুম্ফম ওইখি”, হায়না ফোঙদোক্লদুনা প্রধান মন্ত্রীনা নলন্দা অমসং তক্ষিলাগুম্বা অরিবা মতমগী য়ুনিভর্সিতীশিংগী মরমদা পনখি। মহাক্না কাঞ্চিপুরম, গঙ্গাইকোন্দা চোলাপুরম অমসুং মদুরাই অসি মালেমদগী মহৈরোয় কয়ানা লোইনা লাক্নরিবা অথোইবা য়ুনিভর্সিতীশিং লৈরিবা মফম ওইরি হায়নসু ফোঙদোকখি।
কনভোকেসনগী ৱাখল্লোন অসি অরিবা মতমদগী লৈরক্লি হায়না ফোঙদোক্লদুনা প্রধান মন্ত্রী তামিল সঙ্গামম অসি খুদম ওইনা পীখি, মসিদা কবীশিং অমসুং লৌশিং লৈবা মীওইশিংনা এনালাইসিস তৌনবগীদমক শৈরেং অমসুং সহিত্যা প্রসেন্ত তৌখি, মসিনা অচৌবা খুন্নাই অমনা থবকশিং অসি মশক খঙবা ঙমহনখি। মসিগী লোইক অসি ঙসিসু একাদেমিয়া অমসুং হায়র এজুকেসনশিংনা শীজিন্নরি হায়না প্রধান মন্ত্রীনা ফোঙদোকখি। “নহা ওইরিবা মহৈরোয়শিং অসিনা লৌশিংগী অথোইবা পুৱারী ওইবা চৎনবী অমগী শরুক অমা ওইরি”, হায়না মহাক্না মখা তাখি।
য়ুনিভর্সিতীশিংনা লৈবাক্কী মাইকৈ তকপদা লৌরিবা থৌদাং লৈ হায়না ফোঙদোক্লদুনা প্রধান মন্ত্রীনা অচৌবায়ুনিভর্সিতীশিং লৈবনা মরম ওইরগা লৈবাক অমসুং সভ্যাতা অসি করম্না চাউরম্বগে নীংশিংখি। মহাক্না হায় লৈবাক অমদা লান্দারকপা মতমদা মাগী নোলেজ সিস্তেমদা হন্না লান্দাই। মহাত্মা গান্ধী, পন্দিৎ মদন মোহন মালবিয়া অমসুং সর অন্নামলাই চেত্তিয়রবু পল্লদুনা প্রধান মন্ত্রীনা মখোয়না 20শুব চহিচাগী অঙনবা শরুক্তা য়ুনিভর্সিতীশিং হৌদোক্লমখি, মসিনা নীংতম ইহৌবগী মনুংদা লৌশিং অমসুং নেস্নেলিজমগী পুখৈ ওইখি। মসিগা মান্নবা মওংদা প্রধান মন্ত্রীনা হায়খি মদুদি ভারতনা মাগী য়ুনিভর্সিতীশিংদা হেনগৎলকপা ঙম্মিবা অসিগী মরমশিংগী মনুংদা মসি অমনি। মহাক্না ইকনোমিক গ্রোথতা ভারতনা রেকোর্দশিং থম্মি, মঙাশুবা খ্বাইদগী খোঙজেল য়াংনা চাউখৎলক্লিবা ইকনোমী ওইরক্লি অমসুং ভারতকী য়ুনিভর্সিতীশিংনা রেকোর্দ ওইবা মশিংদা গ্লোবেল রেঙ্কিংদা মফম কল্লি।
প্রধান মন্ত্রীন নহা ওইরিবা স্কোলরশিংদা এজুকেসনগী কান্নবশিংগী মরমদা অমসুং খুন্নাইনা স্কোলরশিংদা করম্বা মীৎয়েংনা য়েংবগে মুন্না খন্থনবা হায়খি। মহাক্না এজুকেসন্না ঐখোয়না করম্না লৈমিন্নরিবা পুম্নমক্কা লোয়ননা ইং-চিক্না লৈবা তম্বীবগে হায়বা তাকখিবগে হায়বগী মতাংদা গুরুদেব রবিন্দ্রনাথ তেগোরগী মরমদা পনখি। মহাক্না হায়খি অপুনবা খুন্নাইনা ঙসিগী ফীভম অসিদা মহৈরোয়শিংবু পুরকপদা থৌদাং লৌখি অমসুং মখোয়দা অমুক লমন শীংবা, হেন্না ফবা খুন্নাই অমসুং লৈবাক অমা শেম্বগী মরু ওইবা অদু থমখি। “নাকল অমরোমদা 2047 ফাওবদা চাউখৎপা ভারত অমা শেম্বদা মফম অসিগী গ্রেজ্যুৎ খুদিংমক্না শরুক তম্বা য়াই”।
2047 ফাওবগী চহিশিং অসি ঐখোয়গী পুৱারীদা খ্বাইদগী মরু ওইবা তাঙ্কক অমা শোইদনা ওইহনগনি হায়না নহা ওইরিবা মীওইশিংগী মতিক ময়াইদা মহাক্না থাজবা থম্মি হায়না প্রধান মন্ত্রীনা নৌহৌননা ফোঙদোকখি। য়ুনিভর্সিতী অসিগী মোতো – ‘লেৎ অস ক্রিএত এ ব্রেব ন্যু ৱর্ল্দ’ অসি পল্লদুনা প্রধান মন্ত্রীনা হায়খি ভারতকী নহারোলশিংনা হান্নদগী অসিগুম্বা মালেম অমা শেমখ্রে। মহাক্না লাইচৎ মনুংদা ভেক্সিনশিং শেম্বা, চন্দ্রয়ান অমসুং পেতেন্তশিংগী মশিং অসি 2014দা 4000দা লৈরম্বদগী হৌজিক 50,000দা হেনগৎহল্লিবা হায়রিবশিং অসিদা নহা ওইরিবা ভারত মচাশিংনা শরুক তমখিবশিং অদু ফোঙদোকখি। মহাক্না ভারতকী হ্যুমেনিতীজ স্কোলরশিংনা ভারতকী স্তোরী অসি মমাংদা অমুক্তা ওইখিদ্রিবা মওংদা উৎথোক্লি হায়নসু ফোঙদোকখি। মহাক্না স্পোর্তসপর্সনশিং, ম্যুজিসিয়নশিং, আর্তিস্তশিংনা মাইখিবশিংগী মরমদা পনখি। “সেক্তর খুদিংমক্তা অনৌবা থাজবগা লোয়ননা মীপুম খুদিংমক্না নখোয়দা মীৎয়েং থম্লিবা তানফম অসিদা নখোয়না মালেমদা চংলি” হায়না মহাক্না মখা তাখি।
“নহারোল হায়বা অসি শক্তিনি। মসিগী ৱাহন্থোক্তি স্পীদ, স্কিল অমসুং স্কেলগা লোয়ননা থবক তৌবা ঙম্বগী মতিক ময়াই অদুনি”, হায়না প্রধান মন্ত্রীনা ফোঙদোক্লদুনা হায়খি মদুদি সরকারনা চপ মান্নবা খোঙজেল অমসুং স্কেলদা হৌখিবা চহি খরা অসিদা মহৈরোয়শিংগা চুন্নবা থবক পাইখৎ। হৌখিবা চহি তরা অসিদা লৈবাক অসিগী এয়রপোর্তশিং অসি 74 দগী 150গী ময়াদা শরুক অনি হেনগৎহনখি, মরু ওইবা হীথাংফমশিংদা কার্গো হেন্দিলিং কেপাসিতী শরুক অনি হেনগৎহনবা, হায়ৱেশিং শেম্বগী খোঙজেল অমসুং স্কেল শরুক অনি হেনগৎহনবা অমসুং স্তার্তঅপশিংগী মশিং অসি 2014দা 100দগী তানা লৈরম্বদগী লাখ 1রোম হেনখিবা অসিগী মতাংদা পনখি। মহাক্না ভারতনা ত্রেদ দীল মশিং কয়া মরু ওইবা ইকনোমীশিংগা তৌবা ঙমদুনা ভারতকী গুদস অমসুং সর্ভিসেসকী অনৌবা মার্কেৎশিং হাংদোকদধুনা নহারোলশিংগী মশিং লাকঙমদ্রবা খুদোংচাবশিং পীখিবগী মতাংদসু ফোঙদোকখি। মহাক্না G20গুম্বা ইন্সতিত্যুসনশিং মপাঙ্গল কনখৎহনবা, ক্লাইমেৎ চেঞ্জ থেংনবা অমসুং গ্লোবেল সপ্লাই চেন্দা অচৌবা থৌদাং লৌরিবা অসিগা লোয়ননা গ্লোবেল সোল্যুসন খুদিংমক্কী শরুক অমা ওইনা ভারতপু তরাম্না ওক্লি হায়না ফোঙদোকখি। “লোকেল অমসুং গ্লোবেল ফেক্তরশিংনা মরম ওইরগা ভারতকী নহারোল ওইবগী মসি মতিক চারবা তানফম ওইরি” হায়না শ্রী মোদীনা ফোঙদোক্লদুনা মহাক্না মহৈরোয়শিংদা তানফম অসিগী কান্নবা য়ারিবা মখৈ লৌদুনা লৈবাক অসিবু অনৌবা পনখৈশিং তম্না পুখৎনবা হায়খি।
য়ুনিভর্সিতীগী খোঙচৎ ঙসি লোইরগনি হায়না ফোঙদোক্লদুনা প্রধান মন্ত্রীনা মহৈ তম্বগী খোঙচৎতা অরোইবা হায়বা অমা লৈতে ফোঙদোকখি। “হৌজিক্তি পুন্সিনা নখোয়গী ওজা ওইরগনি” হায়না মহাক্না ফোঙদোকখি। মহাক্না হায়খি মদুদি লেপ্পা লৈতনা তমশিন্নবা অনলর্নিং, রিস্কিলিং অমসুং অপস্কিলিংদা প্রোএক্তিব ওইনা থবক তৌবা মরু ওই হায়খি। “লেপ্পা লৈতনা হোংলক্লিবা মালেম অমদা নখোয়না অহোংবা পুরকপা নত্ত্রগা অহোংবনা নখোয়বু পুবা অমা তৌগদবনি” হায়না ফোঙদোক্লদুনা প্রধান মন্ত্রীনা ৱারোল পীবা লোইশিনখি।
থৌরম অসিদা তামিল নাদুগী রাজ্যপাল অমসুং ভারতীদাসন য়ুনিভর্সিতীগী চাঞ্চেল্লর, শ্রী আর.এন. রবী, তামিল নাদুগী মুখ্য মন্ত্রী, শ্রী এম.কে. স্তেলিন, ভাইস চেঞ্চল্লর দা. এম. সেলবম. অমসুং প্রো-চেঞ্চেল্লর, শ্রী আর.এস. রাজাকন্নাপ্পননা শরুক য়াখি।
Bharathidasan University started on a strong and mature foundation: PM @narendramodi pic.twitter.com/WavwOjIVuS
— PMO India (@PMOIndia) January 2, 2024
Universities play a crucial role in giving direction to any nation: PM @narendramodi pic.twitter.com/Evqkohj4zL
— PMO India (@PMOIndia) January 2, 2024
I am confident in the ability of young people to make the years till 2047 the most important in our history: PM @narendramodi pic.twitter.com/0KAHZPlis8
— PMO India (@PMOIndia) January 2, 2024
Youth means energy. It means the ability to work with speed, skill and scale: PM @narendramodi pic.twitter.com/he1A83dFsM
— PMO India (@PMOIndia) January 2, 2024
India is being welcomed as a part of every global solution: PM @narendramodi pic.twitter.com/qWsyq4uPMX
— PMO India (@PMOIndia) January 2, 2024
