“ভারতকী নহারোলগী মরক্তা অহানবা পব্লিক এঙ্গেজমেন্ত পাঙথোকপা অসিদা নুংঙাইবা পোকই”
“ভারতীদাসন য়ুনিভর্সিতীনা শক্তি লৈবা অমসুং মপুং মরৈ ফারবা য়ুম্ফম অমগা লোয়ননা হৌদোকখি”“লৈবাক অমা হেক্তগী মাইকৈ তাকপদা য়ুনিভর্সিতীশিংনা মরু ওইবা থৌদাং লৌরি”“ঐখোয়গী লৈবাক অমসুং মাগী সভ্যাতা অসিনা মতম চুপ্পদা লৌশিংদা মীৎয়েং থমদুনা লাকখি”“2047 ফাওবগী চহিশিং অসি ঐখোয়গী পুৱারীদা খ্বাইদগী মরু ওইবা তাঙ্কক অমা শোইদনা ওইহনগনি হায়না নহা ওইরিবা মীওইশিংগী মতিক ময়াইদা ঐহাক্না থাজবা থম্মি”“নহারোল হায়বা অসি শক্তিনি। মসিগী ৱাহন্থোক্তি স্পীদ, স্কিল অমসুং স্কেলগা লোয়ননা থবক তৌবা ঙম্বগী মতিক ময়াই অদুনি”“ভারত অসি মালেমগী সোল্যুসন খুদিংমক্কী শরুক অমা ওইনা তরাম্না ওক্নরি”“লম কয়াদা লোকেল অমসুং গ্লোবেল ফেক্তরশিংনা মরম ওইরগা ভারতকী নহারোল ওইবগী মসি মতিক চারবা তানফম ওইরি”তামিল নাদুনা রাজ্যপাল তিরু আর.এন রবি জি, তামিল নাদুগী চীফ মিনিস্তর তিরু এম.এক স্তেলিন জি, ভারতীদাসন য়ুনিভর্সিতিগী ভি.সি তিরু এম সেলবম জি, ঐগী নহারোল মরুপশিং, ওজাশিং অমসুং য়ুনিভর্সিতিগী সপোর্ত স্তাফশিং,
খুরুমজরি !
ইন্দু মনব কুতুম্বমে,
ভারতীদাসন য়ুনিভর্সিতি, তিরুচিরাপল্লীগী ৩৮শুবা কনভোকেসন শরুক য়ানবা মফম অসিদা লাকপা অসি ঐগীদমক অখন্নবা অমনি। মসি ২০২৪ গী ঐগী অহানবা মীয়ামগা উনবনি। ফজরবা রাজ্য তামিল অমসুং মসিগী নহারোলশিংগী মরক্তা লৈবদা ঐ য়াম্না হরাওই। মফম অসিদা কনভোকেসনগীদমক লাকপা অহানবা প্রধান মন্ত্রী ঐনা ওইরে হায়বা খঙবদা ঐ য়াম্না হরাওই। মরুওইবা নুমিৎ অসিদা পাস তৌরবা মহৈরোয়শিং, মখোয়গী মমা-মপাশিং অমসুং ওজাশিং ঐনা থাগৎপা ফোঙদোকচরি।
ইন্দু মনব কুতুম্বমে,
য়ুনিভর্সিতি অমা লিংখৎপা হায়বসি লেজিসলেতিপকী থবক অমনি। এক্ত অমা পাস তৌরবা মতুংদা য়ুনিভর্সিতি অমা লিংখৎপনি। তুংদা, মসিগী মখাদা কলেজশিং লিংখৎপনি। অদুগী য়ুনিভর্সিতিশিং চাউখৎলকই অমসুং অফবা থবকশিংগী মফম অমা ওইরকই। অদুবু ভারতীদাসন য়ুনিভর্সিতি অসি খর তোঙাল্লে। মসি ১৯৮২ লিংখৎপা মতমদা, হান্নগী মমিং লৈরবা কলেজ কয়া মসিগী মখাদা লৈহনখি। কলেজ খরদি অচৌবা মীওইশিং পুথোকখিবগী অফবা রেকোর্দ অমা লৈ। মরম অদুনা ভারতীদাসন য়ুনিভর্সিতি অসি অকনবা য়ুম্ফম অমদা লিংখৎখিবনি। হুমেনিতিশিং, লোলশিং, সাইন্সশিং নত্ত্রগা সেতেল্লাইতশিং ফাওবগী ওইনা অদোমগী য়ুনিভর্সিতি অসি অখন্নবা অমা ওইরে।
ইন্দু মনব কুতুম্বমে,
ঐখোয়গী লৈবাক অমসুং সভেত্য অসি লৌশিংদা য়ুম্ফম ওইবনি। নালান্দা অমসুং বিক্রমাসিলাগুম্বা থায়নাগী য়ুনিভর্সতিশিং মমিং চৎলি। অফবা য়ুনিভর্সিতিশিং লৈবগীদমক কঞ্চিপুরমগুম্বা মফমশিং লৈরি। মদুরাইশু অচৌবা লাইরিক তম্ফমনি। হায়রিবা মফমশিং অসিদা লাইরিক তম্নবা মালেমগী মফম কয়াদগী মহৈরোয়শিং লাকখি।
ইন্দু মনব কুতুম্বমে,
কনভোকেসনগী ৱাখল্লোন অসি ফাওবা য়াম্না লীরে অমসুং ঐখোয় খুদিংমক ফজনা খঙই। খুদম ওইনা, থায়নাগী তামিল শঙ্গমদা কবিশিং অমসুং অখঙ-অহৈশিং উনখি। শঙ্গমশিংদা অতোপ্পশিং শৈরেং অমসুং সাহিত্য পুথোক্তুনা নৈনখি। নৈনরবা মতুংদা, মখোয়গী থবকশিং মীয়াম্না খঙনখি। মসিগী ৱাখল্লোল অসি হৌজিক ফাওবা অৱাংবা থাক্কী লাইরিক-লাইশু তম্বদা শীজিন্নরি। মরম অদুনা , নহারোলশিং, অদোম লৌশিংগী পুৱারি ওইরবা চৎনবীশিংগী অচৌবা শরুক অমনি।
ইন্দু মনব কুতুম্বমে,
অদোমগী য়ুনিভর্সতিনা ঙসি নখোয়দা দিগ্রিশিং পীরে। অদোমগী ওজাশিং, ইমুং-মনুংগী মীওইশিং, মরুপশিং, মীওই খুদিংমক অদোমগীদমক হরাওরে। তশেংনা, নহাক্না মপান্দা নহাক্কী গ্রেজুয়েসনগী গাউন শেৎপা মতমদা,মখোয়না নহাক মশক খঙদ্রবসু মীয়াম্না নহাক তরাম্না ওক্কনি। মসি লাইরিক তম্বগী পান্দমনি অমসুং কমদৌনা খুন্নাইনা থাজবগা লোয়ননা নঙোন্দা য়েংলি হায়বা নহাক্না খঙগদবনি।
গুরুদেব রবিন্দ্রনাথা তেগোরনা হায়খি মদুদি অৱাংবা থাক্কী লাইরি-লাইশু তম্বনা ঐখোয়দা লৌশিং খক পীবা নত্তে। মসিনা ঐখোয় নুংশিননা হিংমিন্নবদা মতেং পাংই। মরুওইবা নুমিৎ অসি নহাক শরুক য়াহনবদা লায়রবশিংগী মনুংদগী খ্বাইদগী লায়রবশিং য়াওনা খুন্নাই পুম্নমক থৌদাং অমা লৌরি। মরম অদুনা নহাক্না খুন্নাইগীদমক থবক তৌবা হায়বসি লাইরিক-লাইশু তম্বগী অশেংবা পান্দমনি। নহাক্না তম্লিবা সাইন্স অদুনা নহাক্কী খুঙ্গংগী লৌমী অমা মতেং পাংবা য়াই। নহাক্না তমখিবা তেক্নোলোজি অদুনা অরুবা থবকশিংগী অৱাবা কোকহনবা য়াই। নহাক্না তমখিবা বিজিনেস মেনেজমেন্ত অদুনা ললোন-ইতিক পাংথোকপদা মতেং পাংগনি অমসুং অতোপ্পশিংগী শেন্থোক লৈহনগনি। নহাক্না তমখিবা ইকোনোমিক্স অদুনা লায়রবা হন্থহন্নবা থবক তৌবদা মতেং পাংগনি। নহাক্না তমখিবা লোল অমসুং পুৱারিনা কলচর মপাঙ্গল কনখৎহনবদা মতেং পাংগনি। মওং অমদা হেক্তা, মফম অসিদা লৈরিবা গ্রেজুয়েত খুদিংমক ২০৪৭দা চাউখৎলবা ভারত অমস শেমগৎপা মতেং পাংবা ঙমগনি।
ইন্দু মনব কুতুম্বমে,
নহারোলশিংগী তৌবা ঙম্বা অসিনা ২০৪৭ ফাওবগী চহিশিং ঐখোয়গী পুৱারিদা য়াম্না মরুওইবা চহিশিং ওইহনগনি হায়না ঐনা থাজৈ। অচৌবা কবি ভারতীদাসন্না হায়খি ঐখোয় থৌনা ফরবা অনৌবা মালেম অমা শেম্লসি। ভারতকী নহারোলশিংনা অসিগুম্বা মালেম অমা হান্না শেমখ্রে। কোবি-১৯ মনুংদা মালেমদা ভেকশিন য়ৌহনবদা নহা ওইরিবা সাইন্তিস্তশিংনা মতেং পাংখি। চন্দ্রায়ানগুম্বা মিসনশিংদগী মালেমগী মেপ্তা ভারতকী সাইন্স য়াওবা ঙম্লে। ২০১৪দা ঐখোয়গী ইন্নোবেতরশিংনা পেতেন্ত মশিং ৪,০০০ লৌরম্বদগী হৌজিক ৫০,০০০ য়ৌরে। ঐখোয়গী পন্দিৎশিংনা মমাঙদা অমুক্তা ওইখিদ্রিবা মওংদা মালেমদা ঐখোয়গী ৱারি লীরে। ঐখোয়গী শৈশকপশিং অমসুং কলাকারশিংনা লেপ্তনা ঐখোয়গী লৈবাক্তা মালেমগী মনা-মথুমশিং পুরক্লে। এসিয়ান গেমস, এসিয়ার পেরা গেমস অমসুং অতোপ্পা তুর্নামেন্তশিংদা ঐখোয়গী শান্নরোয়শিংনা রেকোর্দ ওইনা মেদল কয়া ফংলে। হিরম খুদিংমক্তা অনৌবা থাজবগা লোয়ননা অদোমদা য়েংলকপা মতম অমদা নহাক মালেম অসিদা চঙলকপা হৌরে।
ইন্দু মনব কুতুম্বমে,
নহা ওইবগী ৱাহন্থোক্তি শক্তি লৈবা হায়বনি। মসিনা তাক্লিবদি য়াম্না য়াংনা, হৈশিংনা অমসুং পাক-চাউনা থবক তৌবা ঙম্বগী শক্তি লৈরি হায়বনি। হৌখিবা চহি খরদা, ঐখোয় অদোমগী খোঙজেল অমসুং পাক-চাউবগা চাংদম্নবা ঙম্নবা থবক তৌরে, মসিনা ঐখোয়না অদোমগী কান্নবা পীগনি।
হৌখিবা চহি ১০ দা এয়রপোর্ত মশিং শরুক অনি হেনগৎতুনা মশিং ৭৪ দগী ১৫০ রোম হেনগৎলে। ২০১৪ দগী ভারতকী অচৌবা হিথাংফমশিংদা কার্গো পুথোক-পুশিন তৌবা ঙম্বগী শক্তি শরুক অনিদা হেনগৎলে। হৌখিবা চহি ১০দা লৈবাক অসিদা লম্বী অমসুং হায়ৱে শেমগৎপগী খোঙজেল শরুক অনি হেনগৎলে। লৈবাক অসিদা রেজিস্তার তৌবা স্তার্দঅপ মশিং লাখ ১ য়ৌরে। মসি ২০১৪দা ১০০গী মখাদা লৈরমখি। মরুওইবা লৈবাকশিংগা ভারতনা ললোন-ইতিক্কী য়ানচে কয়া খুৎয়েক পীনরে। মখোয়না নহারোলশিংগী মশিং থিঙমদ্রবা খুদোংচাবশিং পীরে। জি-২০, অইং-অশাগী খল হোংলকপা থেংনবা, নত্ত্রগা মালেমগী সপ্লাই চেন্দা অচৌবা থৌদাং অমা লৌবা য়াওনা, মালেমগী খুদোংচাদবা খুদিংমক কোকহন্নবগী মতাংদা ভারত তরাম্না ওক্লে। হিরম কয়াদা, লমদম অসিগী অমসুং মালেমগী ওইবা মরম কয়াদগী, হৌজিক অসি নহা ওইরিবা ভারতমচা অমা ওইবগী খ্বাইদগী ফরবা মতম্নি। হায়রিবা মতম অসিদা ঐখোয়গী লৈবাক অনৌবা অৱাংবা থাকশিংদা পুখৎকদবনি।
ইন্দু মনব কুতুম্বমে,
ঙসি অসি নখোয়গী য়ুনিভর্সিতিগী মতম অরোইবনি হায়না নখোয়গী মরক্তা খরনা খল্লম্বা য়াই। মদু অচুম্বা ওইগনি, অদুবু মসি লাইরিক তম্বগী অরোইবদি নত্তে। নহাক প্রোফেসারশিংনা তম্বীদবা য়াই, অদুবু পুন্সিনা নহাক্কী ওজা ওইরগনি। লেপ্তনা তম্নিংবগী ৱাখল্লোন্দা, অন-লার্নিং, রিস্কিল্লিং অমসুং অপ-স্কিল্লিংদা থৱায় য়াওনা থবক তৌবা য়াম্না মরুওই। মরম অদুনা, লেপ্তনা হোংলক্লিবা মালেম অমদা, নহাক্না অহোংবা পুরকপা নত্ত্রগা অহোংবদা নহাক শরুক য়াবা দরকার ওই। অমুক হন্না, ঙসি মফম অসিদা গ্রেজুয়েসন ফংলবা নহারোলশিং ঐনা থাগৎপা ফোঙদোকচরি।
অফবা তুংলমচৎ অমগীদমক ময়াম পুম্নমক ঐনা য়াইফ-পাউজেল পীজরি! मिक्क ननरी
