প্রধান মন্ত্রী শ্রী নরেন্দ্র মোদী ১৭শুবা সিবিস সর্বিসেস দে থৌরমদা ৱা ঙাংখ্রে

ঙসি ১৭শুবা সিবিল সর্বিসেস দে থৌরমদা, ন্যু দিল্লিগী বিজ্ঞান ভবন্দা প্রধান মন্ত্রী শ্রী নরেন্দ্র মোদীনা সিবিল সর্ভেন্তশিংদা ৱা ঙাংখ্রে। মহাক্না প্রাইম মিনিস্তরস এৱার্দ ফোর এক্সলেন্স ইন পব্লিক এদমিনিস্ত্রেসন য়েন্থোকখি। থৌরম অদুদা ৱা ঙাংবদা সিবিল সর্বিসেস দে অসিদা প্রধান মন্ত্রীনা মীয়াম থাগৎপা ফোঙদোকখি অমসুং  চহি অসিদা সংবিধান চহি ৭৫শুরকপা অমসুং সরদার ভল্লবভাই পতেলগী ১৫০শুবা মপোক কুমওন লাকপা অসিদা চহি অসিগী থৌরম অসিগী মরুওইবা অদু ফোঙদোকখি। প্রধান মন্ত্রীনা হায়খি এপ্রিল ২১, ১৯৪৭ দা সরদার পতেলনা মহাক্কী ৱারোলদা সিবিল সর্ভেন্তশিং অসি ভারতকী স্তিলগী ফ্রেমনি হায়না ফোঙদোকখি। কৎথোকপগা লোয়ননা লৈবাক্কী থবক তৌবা থকশি-খাসি লৈবা, পুকচেল শেংবা অমসুং গুনশিং লৈবা ফম্নাইবশিং ওইনবা মহাক্না পান্দম থমখি।

প্রধান মন্ত্রীনা হায়খি মথং চহি লিশিং কয়াগীদমক ভারতকী য়ুম্ফম মপাঙ্গল কনখৎহনবা দরকার ওই। ঙসি ঐখোয়না থবক তৌরিবা থৌশিলশিং, ঐখোয়না লৌরিবা ৱারেপশিং অসিনা মথং চহি লিশিং কয়াগী তুংলমচৎ শেমগনি। গারি অমা চকা অমা খক্তনা চেনবা ঙমদবগুম, হোৎনবা য়াওদনা লাইবক ফবা খক্তনা মাইপাকপা ঙম্লোই। চাউখৎলবা ভারত অমগী পান্দম ফংনবা অপুনবা থবক অসি য়াম্না মরুওই। মসিগী পান্দম অসি ফংনবগীদমক মীওই খুদিংমক চোকথবা লৈতনা, নুমিৎ খুদিংগী অমসুং মিকুপ খুদিং থবক তৌগদবনি।

প্রধান মন্ত্রীনা হায়খি মালেম অসি য়াম্না য়াংনা অহোংবশিং লাকপদগী, ইমুংশিংগী মনুংদা ফাওবা নহারোলশিংগা ৱারি শানবদা চুশিন্নবা ঙমদবা কনাগুম্বশিংনা ফাওরে। গেজেতশিং চহি অনিদগী অহুমফাওবা অসিদা য়াংনা অহোংবা লাক্লে অমসুং হায়রিবা অওনবশিং অসিগী মরক্ত অঙাংশিং চাউখৎলক্লি। মতমগা চুনদ্রবা ফিবম অমদা ভারতকী ফম্নাইবগী থবক অমসুং থৌশিল শেম্বা থবক তৌবা য়ারোই। য়াংনা হোংলক্লিবা অসিগা চুশিন্নবা ঙম্নবা ২০১৪ দগী অওনবা কয়া পুরকপা হৌরে। ভারতকী চাউখৎপা পাম্লিবা খুন্নাই-নহারোল, লৌমী অমসুং নুপীশিং-মখোয়গী মঙলানশিং মমাঙদা অমুক্ত ওইখিদ্রিবা মওংদা ৱাংলে, হায়রিবা অনিংবশিং অসি থুংনবা, তোঙানবা খোঙজেল অমা তঙাইফদে। ভারতকী পান্দমশিংগী মনুংদা ইনর্জি সেকুরিতি, ক্লিন ইনর্জি, শান্নবদা চাউখৎপা, স্পেসকী লমদা থিজিনবা, হিরম খুদিংমক্ত ভারতকী ফিরালগী মরুওইবা হেনগৎহনবা অসিনি। ভারতনা অথুবা মতমদা মালেমদা অহুমশুবা খ্বাইদগী চাউবা ইকোনোমি ওইরকপদা সিবিল সর্ভেন্তশিংগী থৌদাং লৈ।

শেংনা ভারত চাউখৎহনবা হায়বগী ৱাহন্থোক্তি খুঙ্গং অমতা, ইমুং অমতা অমসুং মীওই অমতা চিৎথরমদবা হায়বসিনি। অশেংবা চাউখৎপা হায়বসি অপীকপা অহোংবশিং অদু নত্তে পাক-শন্না কান্নবা পীবা হায়বনি; ইমুং খুদিংদা অফবা ঈশিং, অঙাং খুদিংমক্ত গুন লৈবা লাইরিক তম্বা, ওন্ত্রেপ্রেন্যুয়র খুদিংমক শেন-থুমগী খুদোংচাবা ফংবা অমসুং খুঙ্গং খুদিংমক দিজিতেল ইকোনোমিগী কান্নবশিং ফংবা হায়বসি অশেংবা চাউখৎপনি। স্কিমশিং হৌদোকপা খক্তনা অফবা লৈঙাক্কী মগুন খঙবা ঙম্লোই, স্কিমশিং মীয়ামদা য়ৌহনবা অমসুং মখোয়গী কান্নবশিং অসিনা অফবা লৈঙাক্কী মগুন লেপকনি।

প্রধান মন্ত্রীনা হায়খি হৌখিবা চহি ১০ দা, কান্নবা অওনবশিং উনবা ভারত্ত অহোংবা কয়া পুরক্লে। লৈবাক অসিগী লৈবাক ঙাকপগী নমুনা অসি হৌজিক তুংগী মীরোলশিংগী অওনবশিং, তেক্নোলোজি শীজিন্নবা অমসুং সরকার অমসুং মীয়ামগী মরক্ত লৈনরিবা অহোংবশিং মেনখৎনবা অনৌবা থবকশিংদা মীৎয়েং চঙলে। অওনবশিং অসিগী কান্নবা খুঙ্গং অমসুং সহরশিংদা উবা ফংলে। জনুৱারি ২০২৩ দা হৌদোকখিবা এস্পিরেসনেল ব্লোক থৌরম অসি চহি অনি অসিদা অফবা ফলশিং উবা ফংলে অমসুং হকশেল, খুন্নাই চাউখৎপা অমসুং তঙাইফদবা ইনফ্রাস্ত্রকচরশিং হায়রিবা ব্লোকশিং অসিদা ফিবম ফগৎলে। রাজস্থানগী তোনক জিলাগী পীপ্লু ব্লোক্ত অঙ্গনৱাদি সেন্তরশিংদা অঙাংশিংগী ফিবম চাদা ২০ দগী চাদা ৯৯ দা হেনগৎলে। বিহারগী ভাগলপুরগী জগদিস ব্লোক্ত মীরোনবীশিং রেজিস্তার তৌবা চাদা ২৫  দগী চাদা ৯০ দা হেনগৎলে। জে অমসুং কেগী মারৱাহ ব্লোক্ত হোস্পিতালদা অঙাং উনবা চাদা ৩০ দগী চাদা ১০০ দা হেনগৎলে। ঝারখন্দগী গুরদিহ ব্লোক্ত তোতি ঈশিং ফংবা  চাদা ১৮ দগী চাদা ১০০ দা হেনগৎলে।

প্রধান মন্ত্রীনা হায়খি মদুদি ভারত হৌজিক শুপ্নগী লৈবাক অসিগী চাউখৎপা খক্তগী মীয়াম্না খঙনবা নত্তনা, লৈবাক ঙাকপা, শেঞ্জা-থুমজ লৈতবা অমসুং ইন্নোবেসন্দা অনৌবা থবক কয়া পায়খৎপগীদমক মালেম্না খঙনরে। জি-২০ গী পুৱারিদা অহানবা ওইনা সহর ৬০ হেনবদা মীফম ২০০ হেন্না পাংথোকখি। মীয়াম শরুক য়াবদগী জি-২০ অসি মীয়ামগী খোঙজং অমা ওইখি অমসুং মালেম্না মশক খঙখি, ভারতনা মসি শরুক য়াবা খক নত্তনা মসি লমজিংখি।

প্রধান মন্ত্রীনা হায়খি মদুদি অফবা লৈঙাক লৈবগী মতাংদা ভারতনা অতোপ্পা লৈবাকশিংদগী চহি ১০-১১ হেন্না মাঙজিল থানা চৎলে। থেংথবা লৈতনবা হৌখিবা চহি ১১ দা থবক কয়া পায়খৎলে, অনৌবা থবকশিং হৌদোক্লে অমসুং তেক্নোলোজিগী খুৎথাংদা মতম চংবা হন্থহল্লে। কমপ্লাইয়েন্স ৪০,০০০ হেন্না লৌথোক্লে অমসুং ললোন-ইতিক তৌবা নুংঙাইনবা লিগেল প্রোবিজন ৩,৪০০ হেন্না ক্রিমিনেল ওইহন্দ্রে। সরকার অসিনা প্রেসরদা থবক তৌদে, অনৌবা ফলশিং ফংনবা অনৌবা থবকশিং পায়খৎপা তঙাইফদে। হায়রিবা থবকশিং অসিনা ভারতকী ইজ ওফ দুইং ব্যুজিনেস রেঙ্কিংশিং হাইগৎলক্লে অমসুং মালেমগী লৈবাকশিংনা ভারত্ত শেন থাদবা পাম্লে। পান্দমশিং ফংনবা রাজ্য, জিলা অমসুং ব্লোকশিংগী থাকশিংদা রেত তেপ লৌথোক্তুনা মসিগী কান্নবা অসি লৌনবা হোৎনগদবনি।

প্রধান মন্ত্রীনা হায়খি মদুদি হৌখিবা চহি ১০-১১ অসিদা চাউখৎলবা ভারত অমগী অচেৎপা য়ুম্ফম অমা থোল্লে। অকনবা য়ুম্ফম অসিদা হৌজিক লৈবাক অসিনা চাউখৎলবা লৈবাক অমগী অচৌবা শঙলেন অমা শাগৎলে। ভারত মালেমদা মীশিং খ্বাইদগী য়াম্বা লৈবাক ওইরে, তঙাইফদবশিং মপুংফানা ফংহনবা হায়বসি য়াম্না মরুওই। মীওই খুদিংমক চাউখৎ-থৌরাংগী থবকশিংনা কোনশিনবা হায়বিসিদা অকনবা মীৎয়েং থম্লে। ২০৪৭ দা চাউখৎলবা ভারত অমগী পান্দম ফংবা ঙম্নবা হিরম খুদিংমক্ত পান্দমশিং ফংবা অমসুং থবকশিং য়াংখৎহনবা অসি ঐখোয়গী পান্দমনি। ঙসি অফবা মখলগী তেক্নোলোজিশিং ফংলে অমসুং মসিগী শক্তি অসি শীজিন্নগদবনি। হৌখিবা চহি ১০দা লায়রবশিং য়ুম করোর ৪ শারে, চহি ৫-৬ গী মনুংদা খুঙ্গংগী ইমুং করোর ১২ হেন্না তোতি ঈশিং ফংহল্লে। হৌখিবা চহি ১০ দা লায়রবশিংগী তোইলেত করোর ১১ হেন্না শাখ্রে অমসুং লায়রবা মীওই মিল্লিয়ন কয়াদা লুপা লাখ ৫ ফাওবগী লেম্না লায়েংবগী খুদোংচাবশিং ফংহনখ্রে অমসুং অমোৎপা লোইশিন্নবা অনৌবা পান্দমশিং থম্লে। মীয়ামদা মচি ওইবা চীঞ্জাক ফংহন্নবা হেনগৎনবা থবকশিং হন্না য়েংশিনবা তঙাইফদে অমসুং অমতা ঙাইরবা পান্দমদি চাদা ১০০ কোনশিনবা অমসুং চাদা ১০০ কান্নবা ফংহনবনি। হৌখিবা চহি ১০ অসিদা মীওই করোর ২৫ লায়রবা কোকহল্লে অমসুং মসিনা লায়রবা লৈতবা ভারত অমা ওইহন্নবদা লমজিংগনি।

প্রধান মন্ত্রীনা হায়খি মদুদি ফম্নাইবশিংনা রিগুলেতর অমা ওইনা উদ্যোগ অমসুং ওন্ত্রেপ্রেন্যুরসিপ লাকশিনবগী মতম অদুগী ৱাখল্লোন অদু হৌজিক লৈত্রে অমসুং হৌজিক মীয়াম মরক্ত ইন্তরপ্রাইজশিং য়োকখৎপগী ফিবম অমা লৈরে। সিবিল সর্বিসশিং থবক ঙম্বা মীওই অমা ওইগদবনি, রুল বুকশিংগী মপু ওইবগী থৌদাংগী মথক্ত চাউখৎপদা মতেং পাংবা অমা ওইগদবনি। মালেমগী ওইনা অহোংবশিংগী মরক্ত, ভারত্ত এম.এস.এম.ইশিং, স্তার্দঅপশিং অমসুং নহা ওইরিবা ওন্ত্রেপ্রন্যুয়রশিং মমাঙদা অমুক্ত ওইখিদ্রিবা খুদোংচাবা অমা ফংলে।

মালেমগী সপ্লাই চেন্দা হেন্না চাংদম্নবদা শরুক য়াবা অসি দরকার ওই অমসুং এম.এস.এম.ইশিং অসি অপীকপা ওন্ত্রেপ্রেন্যুয়রশিং খক্তগী নত্তনা মালেমগী ওইনা চাংদম্নবা মায়োক্নরি। ভারতকী উদ্যোগশিংগী পান্দমদি মালেমদা খ্বাইদগী ফবা পোৎথোকশিং পুথোকপনি। ভারতকী ফম্নাইবশিংগী পান্দমদি মালেমদা খ্বাইদগী ফবা অমসুং লাইবা কমপ্লাইয়েন্সগী ফিবম অমা ফংহনবনি। তেক্নোলোজিগী যুগতা, থবকশিং শীনবা-লাংবা খক্তনা লৈবাক ঙাকপা নত্তে, মসি ওইথোকপা য়াবশিং মশিং য়াম্না পাংথোকপা অদুনি। তেক্নোলোজি ফজনা খঙবা অসিনা থৌশিলশিং অমসুং স্কিমশিং শেম্বদা হেন্না খুদোংচাহল্লি। থৌশিল ফজনা শেম্নবা অমসুং থবক ওইনা পাংথোক্নবা দেতাদা য়ুম্ফম ওইদুনা ৱারেপ লৌবা অসি দরকার ওই। থবক ফজনা পাংথোক্নবা অমসুং মীয়ামগী অনিংবশিং থুংহন্নবা সিবিল সর্ভেন্তশিংনা আর্তিফিসিএল ইন্তিলিজেন্স অমসুং ক্বান্তম ফিজিক্সকী তেক্নোলোজিগী অওনবশিংগী থৌরাং তৌগদবনি। তুংগী থৌরাং তৌরবা সিবিল সর্বিসকীদমক সিবিল সর্ভেন্তশিংনা মখোয়গী থবক ঙম্বা হেনগৎহনবা অসি য়াম্না মরুওই। মরম অদুনা মিসন কর্ময়োগী অমসুং সিবিল সর্বিস কেপাসিতি বিল্দিং প্রোগ্রাম আসি য়াম্না মরুওই হায়না ঐনা খল্লি। প্রধান মন্ত্রীনা হায়খি মদুদি য়াংনা হোংলক্লিবা মতম অসিদা মালেমগী খুদোংচাদবশিং নকশিন্না য়েংশিনবা দরকার ওই। গ্লোবেল সাউথ, হৌজিক চৎথরিবা লানশিং, নোংমগী পুন্সি অমসুং হিংনবগী লম্বীদা ফংলিবা চৈথেংশিং অসি মরুওইবা ৱাফমশিংনি। অইং-অশাগী খল হোংলকপা, মহৌশাগী ওইবা অমাং-অতাশিং, লাইচৎশিং, সাইবরক্রাইমকী শিংনবশিং থেংননবা ভারতনা খোঙকাপ ১০ মাঙজৌননা থাংজিনগদবনি। লমদম অসিগী ওইবা লাল্লোং শেম্বা অমসুং মালেমগী ওইবা শিংনবশিং মপুংফানা থেংননবা হোৎনবা দরকার ওইরে।

প্রধান মন্ত্রীনা হায়খি মদুদি খোঙজেল য়াংখৎনবা অমসুং হিরম কয়াদা অওনবশিং পুরকপা হেনগৎনবা সিবিল সর্ভেন্তশিং অওনবা পুরক্নবা অমুক হন্না খন্নবা দরকার ওইরে। ইনফ্রাস্ত্রকচর, রিন্যুএবল ইনর্জিগী পান্দমশিং, লৈবাক মনুংগী ঙাক-শেন, শেঞ্জা-থুমজা মুৎথৎপা, খুন্নাইগী য়াইফ-থৌরাংশিং, শান্নবা অমসুং ওলেম্পিক্কা মরী লৈনবা পান্দমশিং অনৌবা অওনবশিং পুরক্নবা থবক পায়খৎকদবনি। মাইপাকপশিং শরুক কয়া হেনগৎহনগদবনি অমসুং চাউখৎনবগীদমক অৱাংবা পান্দমশিং থমগদবনি। তেক্নোলোজিনা লমজিংবা মালেম অসিদা মীওইবগী অচুম্বা ৱায়েলগী মরুওইবা লৈরি, সিবিল সর্ভেন্তশিং মিকুপ-নাহুম শিংগদবনি, লায়রবশিংগী খোল্লাউ তাগদবনি, মখোয়গী অৱাবা খঙগদবনি অমসুং মখোয়গী অৱাবশিং কোকহন্নবা থবক হান্না পায়খৎকদবনি। “নাগরিক দেবো ভবা”গী ৱাখল্লোন অসি “অতিথি দেবো ভবা” অসিগা মান্নৈ। সিবিল সর্ভেন্তশিংনা মখোয় মশামক লৈঙাকপা অমা ওইনা উরোইদবনি অদুবু চাউখৎলবা ভারত অমগী আর্কিতেক অমা ওইনা উগদবনি অমসুং কৎথোকপা অমসুং মীনুংশি খঙবগা লোয়ননা মখোয়গী থৌদাংশিং পাংথোক্কদবনি।

থৌরম অদুদা শরুক য়াখিবা শক্নাইরবা মীওইশিংগী মনুংদা পর্সোনেল, পব্লিক গ্রিভান্সেস অমসুং পেন্সন্সকী রাজ্য মন্ত্রী দোক্তর জিতেন্দ্র সিংহ, প্রধান মন্ত্রীগী প্রিন্সিপাল সেক্রেতরি-২ শ্রী শক্তিকান্ত দাস, কেবিনেত সেক্রতরি শ্রী তি ভি শ্রীনিভাস অমসুং এদমিনিস্ত্রেতিপ রিফোর্মস অমসুং পব্লিক গ্রিভান্সেস দিপার্তমেন্তগী সেক্রেতরি শ্রী ভি শ্রীনিভাস য়াওখি।

নুঙগীৱারোল

মীয়ামগী থবক তৌনবা মখোয়  মশামক কৎথোক্নবা, মীয়ামগী থবক তৌনবা অমসুং মখোয়না খ্বাইদগী ফবা থবক পাংথোক্নবা ভারত শীনবা থুংবগী সিবিল সর্ভেন্তশিং মতম পুম্নমক্ত প্রধান মন্ত্রীনা পুক্নিং থৌগৎলি। চহি অসিদা, জিলাশিং চাউখৎহনবা, এস্পিরেসনেল ব্লোক প্রোগ্রাম অমসুং ইন্নোবেসনগী হিরমশিংদা সিবিল সর্ভেন্তশিংদা প্রধান মন্ত্রীনা মনা ১৬ য়েন্থোকখ্রে। মনা অসিগী খুৎথাংদা মীচম মীয়ামগী য়াইফনবা পাংথোকখিবা থবকশিংগীদমক মখোয় ইকায়খুম্নবা উৎপনি।

ৱা ঙাংখিবগী মপুংফাবা ৱারোল পানবা মসিদা নম্বীয়ু

The policies we are working on today, the decisions we are making, are going to shape the future of the next thousand years: PM pic.twitter.com/TitQW8U8cE

— PMO India (@PMOIndia) April 21, 2025

India's aspirational society – youth, farmers, women – their dreams are soaring to unprecedented heights.

To fulfil these extraordinary aspirations, extraordinary speed is essential. pic.twitter.com/r85pFJEZLT

— PMO India (@PMOIndia) April 21, 2025

Ensuring holistic development of India. pic.twitter.com/mmlHRlxLI5

— PMO India (@PMOIndia) April 21, 2025

Quality in governance is determined by how deeply schemes reach the people and their real impact on the ground. pic.twitter.com/K746QolEam

— PMO India (@PMOIndia) April 21, 2025

In the past 10 years, India has moved beyond incremental change to witness impactful transformation. pic.twitter.com/kRDEXzCB4I

— PMO India (@PMOIndia) April 21, 2025

India is setting new benchmarks in governance, transparency and innovation. pic.twitter.com/uxAM3yzljB

— PMO India (@PMOIndia) April 21, 2025

The approach of 'Janbhagidari' turned the G20 into a people's movement and the world acknowledged… India is not just participating, it is leading: PM @narendramodi pic.twitter.com/uyN4GlcefI

— PMO India (@PMOIndia) April 21, 2025

In the age of technology, governance is not about managing systems, it is about multiplying possibilities: PM @narendramodi pic.twitter.com/hIXnEsJ0YT

— PMO India (@PMOIndia) April 21, 2025

Making Civil Services future-ready. pic.twitter.com/FqSJetVPta

— PMO India (@PMOIndia) April 21, 2025