ঙসি প্রধান মন্ত্রী শ্রী নরেন্দ্র মোদীনা মহারাষ্ট্রাগী মুম্বাইদা গ্লোবেল ফিনতেক ফেষ্ট ২০২৫ দা ৱা ঙাংখ্রে। থৌরম অদুদা শরুক য়াখিবশিং তরাম্না ওক্লদুনা, প্রধান মন্ত্রীনা হায়খি মু্ম্বাই অসি ইনর্জি, ললোন-ইতিক অমসুং মপান নাইদ্রবা খুদোংচাবশিংগী সহরনি। মহাক্না মহাক্কী মরুপ, প্রধান মন্ত্রী কৈর ষ্টারমর তরাম্না ওকখি অমসুং মহাক্না গ্লোবেল ফিনতেক ফেষ্টিবেল শরুক য়াবগীদমক তৌবীমল খঙবা উৎখি।
চহি মঙাগী মমাংদা, গ্লোবেল ফিনতেক ফেষ্টিবেল হৌদোকখিবা অদু নিংশিংলদুনা, প্রধান মন্ত্রীনা হায়খি ঙসিদি ফেষ্টিবেল অসি শেন-থুমগী অনৌবা থবকশিং অমসুং মতেং পাংনবগী মালেমগী ফম্বাক অমা ওইরে। চহি অসিদা য়ু.কে পার্তনর লৈবাক অমা ওইনা শরুক য়ারি অমসুং গনতন্ত্র চৎপা লৈবাক অনিগী মরক্ত পুন্না থবক তৌমিন্নবনা মখা তানা মালেমগী শেন-থুমগী ফিবম ফগৎহনগনি। থৌরম মফমদা অফবা অমসুং পুক্নিং থৌগৎনিঙাই ওইবা ফিবম উবা অসি শিংথানিঙাইনি। মসিদা ভারতকী শেন-থুম অমসুং চাউখৎপদা মালেম্না থম্লিবা থাজবা অদু মমি তারে। থৌরম অসি মাইপাক্না পাংথোকপগীদমক প্রধান মন্ত্রীনা কৃস গোপালকৃষ্ণন, অশীন-অরাং তৌরিবশিং অমসুং শরুক য়ারিবশিং থাগৎপা ফোঙদোকখি।
প্রধান মন্ত্রীনা হায়খি ভারত গনতন্ত্রগী মমানি অমসুং ভারত্ত গনতন্ত্র অসি মীখলশিং নত্ত্রগা থৌশিল শেম্বা খক্তদা ওইদে। ভারতনা গনতন্ত্রগী ৱাখল্লোন অসি লৈবাক অসিগী লৈঙাক-সাসনগী মপাঙ্গল কনবা য়ুম্বী অমা ওইহল্লে। মসিগী গনতন্ত্রগী ৱাখল্লোন অসিগী ময়েক লারবা খুদম অমা তেক্নোলোজিনা ওইরে। মালেম্না মতম শাংনা তেক্নোলোজিগী খেন্নবগী মতাংদা খন্নরিঙৈদা, মতম অমদা ভারতসু ফিবম শোকখি- হৌখিবা চহি ১০ হেনবা অসিদা ভারতনা মাইপাক্না তেক্নোলোজি মীয়ামগী ওইহল্লে। হৌখিবা চহি ১০ দা, ভারতনা তেক্নোলোজি মীওই খুদিংমক্ত ফংহল্লে, ঙসিগী ভারত মালেমদা খুন্নাইগী কাংলুপ খুদিংমক তেক্নোলোজি য়াম্না শীজিন্নবশিংগী মনুংদা য়াওরে।
প্রধান মন্ত্রীনা হায়খি ঐখোয়না দিজিতেল তেক্নোলোজি মীয়ামগী ওইহল্লে, মীওই খুদিংমক অমসুং লৈবাক্কী মফম খুদিংমক্ত মসি ফংহল্লে। মসি হৌজিক অফবা লৈঙাক্কী ভারতকী নমুনা ওইরে। নমুনা অসিদা, মীয়ামগী য়াইফনবা সরকারনা দিজিতেল ইনফ্রাষ্ট্রকচর শেমগৎলে অমসুং প্লেতফোর্ম অদুদা লনাই কাংবুনা অনৌবা পোৎথোকশিং পুথোক্লে। তেক্নোলোজি অসি খুদোংচানবা খুৎলায় অমা খক নতনা, মসি থোং মান্নবা পুরক্নবা পাম্বৈ অমসুনি হায়বা ভারতনা উৎলে।
প্রধান মন্ত্রীনা হায়খি মীওই খুদিংমক কোনশিনবা ভারতকী থৌওং অসিনা বেঙ্কগী থবকশিংদা অওনবা পুরক্লে। মতম অমদা ইনাকখুনবশিং খক্তগী ওইরম্বা বেঙ্কগী থবক, দিজিতেল তেক্নোলোজিনা মসি মীয়ামগী ফিবম ফগৎনবা পাম্বৈ অমা ওন্থোক্লে। ভারত্ত দিজিতেল পেমেন্তশিং নুমিৎ খুদিংগী পাংথোকপা থবক ওইরে, মসিনা জাম ত্রিনিত- জন ধন, আধার অমসুং মোবাইল মাইপাকহল্লে। থা খুদিংগী লুপা করোর লাখ ২৫ গী য়ু.পি.আই ত্রান্সসেক্সন বিল্লিয়ন ২০ পাংথোক্লে। মালেমগী ওইনা খুদক্ত দিজিতেল ত্রান্সসেক্সন ১০০ পাংথোকপদা, ৫০ ভারত্ত পাংথোক্লি।
প্রধান মন্ত্রীনা হায়খি চহি অসিগী গ্লোবেল ফিনতেক ফেষ্টিবেলগী থিমনা ভারতকী গনতন্ত্রগী গুনশিং মপাঙ্গল কনখৎহল্লে। ভারতকী দিজিতেল ষ্টেক মালেম্না খন্নরে, য়ু.পি.আই, আধার ইনেবল পেমেন্ত সিষ্টেম, ভারত বিল পেমেন্ত সিষ্টেম, ভারত-ক্বিউ.আর, দিজিলোক্কর, দিজিযাত্রা অমসুং গভর্নমেন্ত ই-মার্কেতপ্লেস (জি ই এম) গুম্বা মরুওইবা মচাকশিং ভারতকী দিজিতেল ইকোনোমিগী য়াংলেন শরু ওইরে। ইন্দিয়া ষ্টেক হৌজিক অনৌবা ওপন ইকোসিষ্টেম অমা ওইরকপদা অপেনবা ফাওই। মখোয়না লৈবাক শীনবা থুংবগী কৈথেলশিংগা শম্নবা ঙমদুনা, ওপন নেতৱার্ক ফোর দিজিতেল কম্মর্স (ও এন দি সি) অসি অপীকপা দুকান ফম্বশিং অমসুং এম.এস.এম.ইশিংগীদমক বর অমা ওইরে। ওপেন ক্রেদিদ ইনেবলমেন্ত নেতৱার্কনা অপীকপা ওন্ত্রেপ্রেন্যুরশিংনা শেন্থং ফংবদা লাইহল্লে অমসুং এম.এস.এম.ইশিংনা শেন্থং ফংদবগী খুদোংচাদবশিং কোকহল্লে। আর.বি.আইনা পায়খৎলিবা দিজিতেল করেন্সিগী থবক অসিনা অফবা ফলশিং পুরক্কনি। থবকশিং অসিনা শীজিন্নদনা লৈরিবা ভারতকী খুদোংচাবশিং লৈবাক অসি চাউখৎনবা শাফু অমা ওইহনগনি।
প্রধান মন্ত্রীনা হায়খি ইন্দিয়া ষ্টেক অসি গ্লোবেল সাউথকী লৈবাকশিং য়াওনা মালেমগী থাজবগী মৈরা অমা ওইরে। লৈবাক অসিগী দিজিতেলগী অনৌবা থবকশিংগী খুৎথাংদা, মালেমগী ওইনা দিজিতেল মতেং পাংনবা হেনগৎহন্নবা ভারতনা পান্দম থম্লি। মালেমগী য়াইফনবা ভারতনা মসিগী হৈথোই-শিংথোইবা অমসুং ওপন-সোর্স প্লেতফোর্ম অনিমক পীথোক্লি। ভারত্ত মোদুলার ওপন-সোর্স আইদেন্তিতি প্লেতফোর্ম (এম ও এস আই পি) শেমগৎলে, মখোয় মশাগী মনিংতম্বা দিজিতেল আইদেন্তিতি সিষ্টেমশিং শেমগৎনবা লৈবাক ২৫ হেন্নবা মসি শীজিন্নরে। ভারতনা তেক্নোলোজি পীথোকপা খক নত্তনা মসি চাউখৎনবা অতোপ্পা লৈবাকশিংগী মতেং পাংলি। মসি দিজিতেলগী মতেং পাংবা নত্তে, মসি মসি দিজিতেল ইম্পৱারমেন্তনি।
প্রধান মন্ত্রীনা হায়খি ভারতকী ফিনতেক্কী মীওইশিং থাগৎপা ফোঙদোকচরি, ঐখোয়গী শ্বাদেসিগী পোৎথোকশিং মালেম্না পাম্নবা হেনগৎলক্লি। মফম খুদিংমক্ত শীজিন্নবা য়াবা ক্বিউ.আর নেতৱার্কশিং, ওপন কম্মর্স অমসুং ওপন ফাইনান্স ফ্রেমৱার্কশিং অসি ভারতকী ষ্টার্দঅপশিংনা পুথোকপা মরুওইবা হিরমশিং ওইনা মালেম্না খঙনরে। চহি অসিগী অহানবা থা তরুক্ত, ভারত মালেমদা খ্বাইদগী শেন থাদবা ফিনতেক ইকোসিষ্টেমশিং অহুমগী মনুংদা য়াওরে। ভারতকী মপাঙ্গল অসি পাক-চাউবা খক নত্তে, খুদিংমক কোনশিনবা, অৱাবা মায়োক্নবা ঙম্বা অমসুং তুংকোইনা চৎনবা য়াগদবা থবকশিং পুনশিনবা অসিসু য়াওরি। মীচং মীখাই নাইনা ৱারেপ লৌবা হন্থহন্নবা, নমথাক তৌবা মশক খঙদোক্নবা অমসুং তোঙান তোঙানবা থবকশিং ফগৎহনবদা এ.আইনা মরুওইবা থৌদাং লৌরি। মসিগী কান্নবা অসি লৌনবা, দেতা, স্কিলশিং অমসুং লৈঙাক্ত পুন্না শেন থাদবা দরকার ওইরে।
প্রধান মন্ত্রীনা হায়খি .আইগী লমদা, ভারতকী থৌওং অসি মরুওইবা ফিদম অহুমদা য়ুম্ফম ওইরি- মীওই খুদিংমক ফংহনবা, অপুনবা মীশিং স্কিল লৈহনবা অমসুং দাইত্ব লৈনা শীজিন্নবা। ইন্দিয়া-এ.আই মিসনগী মখাদা, ইন্নোবেতরশিং অমসুং ষ্টার্দঅপশিং কান্নবশিং মমল হোংনা অমসুং লাইনা ফংনবা সরকারনা অৱাংবা থাক্কী কম্পুতিং কেপাসিতি শেমগৎলি। জিলা খুদিংমক অমসুং খুঙ্গং খুদিংমক এ.আইগী কান্নবশিং ফংনবা থবক পায়খৎলি। থবক অসিদা ভারতকী সেন্তরস ওফ এক্সলেন্স, স্কিল হবশিং অমসুং লৈবাক অসিদা শাজবা এ.আই মোদেলশিং শরুক য়ারি। নিয়ম চুম্না এ.আই শীজিন্ননবা মালেমগী ঙাক্লৌ অমা শেম্নবা ভারতনা মতম পুম্নমক্ত শৌগৎলি। দিজিতেল পব্লিক ইনফ্রাষ্ট্রকচরগী ভারতনা খঙলিবা অমসুং মসি তম্নবা পুক্কৈ অসি মালেমগী ওইনা মমল য়াম্না লৈ। দিজিতেল পব্লিক ইনফ্রাষ্ট্রকচরদা ভারতনা চৎলিবা লম্বী অসি লৈবাক অসিনা এ.আইদা চঙশিল্লিবা অসিগা মান্নৈ। ঐখোয়গী ওইনা, এ.আই হায়বদি ওল ইনক্লুসিপ হায়বনি।
প্রধান মন্ত্রীনা হায়খি এ.আইগী থাজবা অমসুং অশোই-অঙাম থোক্তনবা নিয়মশিংগী মালেম্না মরৈ য়েৎনরিঙৈদা, ভারতনা মাঙজৌননা থাজবগী মরোল অমা শেমগৎলে। ভারতকী এ.আই মিসন অসি দেতা শীজিন্নবা অমসুং অরোন-অথুপ লৈনবগী থবকশিং য়াওরে। ইন্নোবেতরশিংনা অপুনবা এপ্লিকেসনশিং শেমগৎনবা প্লেতফোর্মশিং শেমগৎনবা ভারতকী অপাম্বা লৈরি। পেমেন্তশিংদা ভারতনা খোঙজেল অমসুং থাজবা মরুওইনা লৌরি; ক্রেদিদ পীবদা, অয়াবা পীবা অমসুং মমল হোংহনবদা মীৎয়েং থম্লি; ইন্সুরেন্সতা, অফবা থৌশিলশিং অমসুং মতম চানা ক্লেমশিং পীথোকপদা পান্দমশিং থম্লি; অমসুং শেন থাদবদা, লাইনা ফংহনবা অমসুং অরোন-অথুপ লৈহন্দবগী পান্দম থম্লি। অওনবশিং অসি পুরকপদা এ.আইনা শাফু ওইগনি। মসিগীদমক, মীয়ামগী য়েংলগা এ.আই এপ্লিকেসনশিং দিজাইন তৌগদবনি। অরানবশিং য়াম্না থুনা চুমথোক্কনি হায়বগী থাজবা অহানবা ওইনা দিজিতেল ফাইনান্স শীজিন্নরিবশিংদা থাজবা লৈহনগদবনি। মসিগী থাজবা অসিনা, মখা তানা দিজিতেল ইনক্লসন অমসুং থবকশিংদা থাজবা হেনগৎহনগনি।
প্রধান মন্ত্রীনা হায়খি চহি খরগী মমাঙদা য়ু.কেদা এ.আই সেফতি সম্মিৎ পাংথোকখ্রে অমসুং মথং চহিদা ভারত্ত এ.আই ইম্পেক্ত সম্মিৎ পাংথোক্কনি। অশোই-অঙাম থোক্তনবা য়ু.কেদা ৱারি শানখিবগা লোয়ননা, কান্নবগী মতাংদা হৌজিক ভারত্ত ৱারি শানরগনি। মালেমগী ললোন-ইতিক্ত অনিমক কান্নবা ফংবা পুন্না থবক তৌমিন্নবগী নমুনা অমা ভারত অমসুং য়ু.কেনা মালেমদা উৎলে অমসুং মখোয়না এ.আই অমসুং ফিনতেক্ত পুন্না থবক তৌমিন্নবনা মসিগী ৱাখল্লোন অসি মখা তানা চাউখৎহনগনি। য়ু.কেগী থিজিনবা অমসুং মালেমগী শেন-থুমগী লৌশিং অমসুং ভারতকী পাক-চাউবা অমসুং লৌশিং লৈবা অসি পুন্দুনা মালেমগীদমক খুদোংচাবশিংগী অনৌবা থোঙশিং হাংদোকপা ঙমগনি। ষ্টার্দঅপশিং, মহৈলোয়শঙশিং অমসুং ইন্নোবেসন হবশিংগী মরক্ত পুন্না থবক তৌমিন্ননবা অমুক হন্না থাজবা পীনরে। য়ু.কে-ইন্দিয়া ফিনতেক কোরিদোরনা পাইলোত অমসুং অনৌবা ষ্টার্দঅপশিংদা খুদোংচাবশিং পীগনি অমসুং লন্দন ষ্টোক একচেঞ্জ অমসুং গিফ সিতিগী মরক্ত মতেং পাংনবা হেনগৎনবা লম্বীসু শেমগনি। লৈবাক অনিগী মরক্ত শেন-থুমগী থবক পুনশিনবা অসিনা ফ্রি ত্রেদ এগ্রিমেন্তগী কান্নবশিং য়াম্না লৌনবা কম্পেনিশিংগী মতেং পাংগনি।
প্রধান মন্ত্রীনা হায়খি য়ু.কে য়াওনা মালেমগী লৈবাক খুদিংমক প্লেতোফর্ম অসিদা শরুক য়ানবা খঙহল্লি। ভারতকী চাউখৎপগা লোয়ননা চৎমিন্ননবা ইনভেষ্টর খুদিংমক তরাম্না ওকচরি। তেক্নোলোজিনা মীয়াম অমসুং গ্রহ অনিমক ফগৎহনবা ফিনতেক্কী মালেম অমা শেম্নবা ঐখোয়না পান্দম থম্লি। থবক অসি পাংথোক্নবা হায়বগা লোয়ননা, মীয়ামদা য়াইফ পাউজেল পীজরি।
থৌরম অসিদা শরুক য়াখিবা অতোপ্পা শক্নাইরবা মীওইশিংগী মনুংদা য়ু.কেগী প্রধান মন্ত্রী কৈর ষ্টারমর, রিজার্ব বেঙ্ক ওফ ইন্দিয়াগী রাজ্যপাল শ্রী সঞ্জয় মলহোত্রা য়াওখি।
নুঙগীৱারোল
গ্লোবেল ফিনতেক ফেষ্ট ২০২৫ অসিনা মালেম শিন-থুংবদগী ইনোভেতরশিং, পোলিসীমেকরশিং, সেন্ত্রেল বেঙ্করশিং, রিগুলেতরশিং, ইনভেস্তরশিং, একাদমিসিয়নশিং অমসুং ইন্দস্ত্রীগী লুচিংবশিং পুন্না পুশিল্লক্লনি। কনফরেন্সকী মরুওইবা থীম অসিদি, ‘হেন্না নিংথিজবা মালেম অমগী শেল-থুমগী ফীভম ফগৎহনবা’ – ইথিকেল ওইবা অমসুং তুং-কোইবা শেল-থুমগী ফীভম ফবা তুংলমচৎ অমা শেম্বদা তেক্নোলোজী অমসুং মীওইবগী মঙম হেনগৎহন্নবা উত্তুনা এ.আই., ঔগমেন্তেদ ইন্তলিজেন্স, ইনোভেসন অমসুং ইনক্লুজন্না পাৱর পীবা।
হন্দক্কী চহীসিগী ইদিসন অসি খ্বাইদগী চাওবা ফিন্তেক্তা মী তিন্দুনা লৈবাক ৭৫ দগী চাওরাক্না পার্তিসিপেন্ত ১০০০,০০০ না ফুতবোলদা পুক্নিং চিংশিনগদ্রা হায়না পান্নরি। থৌরম অসি ভারত অমসুং ইন্তর্নেস্নেল জুরিসদিক্সনশিং অনিমক্তগী মহুৎ শিন্দুনা কম্পেনী ৭৫০০ স্পীকর ৪০০, একজিবিতর ৪০০ রিগুলেতর ৭০ না শরুক য়াগনি।
শরুক য়াগদৌরিবা ইন্তর্নেস্নেলগী ইন্সতিত্যুসনশিং অদুগী মরক্তা শকখংনবা রিগুলেতরশিং খুদম ওইনা মোনিতরী ওথোরিতী ওফ সিঙ্গাপুর, দি দিয়ুতচে বন্দেসবেঙ্ক ওফ জর্মনী, বেঙ্ক দে ফ্রাঞ্চ অমসুং স্বীচ ফাইনান্সিএল মার্কেৎ সুপরভিজরী ওথোরিতী (ফিনমা)। মখোয়না শরুক য়াবগী অন্দরস্কোর জি.এফ.এফ.কী হেনগৎলকপগী থাক অসি ফাইনান্সিএল পোলিসী দাইলোগ অমসুং কোর্পোরেসনগীদমক্তা গ্লোবেল ফোরম অমা ওইননি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
India has made the democratic spirit a strong pillar of its governance. pic.twitter.com/BrG41f8MCr
— PMO India (@PMOIndia) October 9, 2025
In the past decade, India has achieved the democratisation of technology.
— PMO India (@PMOIndia) October 9, 2025
Today's India is among the most technologically inclusive societies in the world. pic.twitter.com/p8KhlLVwxe
We have democratised digital technology, making it accessible to every citizen and every region of the country. pic.twitter.com/i3bYd4y1JM
— PMO India (@PMOIndia) October 9, 2025
India has shown that technology is not just a tool of convenience, but also a means to ensure equality. pic.twitter.com/D4DhdONfFJ
— PMO India (@PMOIndia) October 9, 2025
India Stack is a beacon of hope for the world, especially for the nations of the Global South. pic.twitter.com/kwOmdENh5S
— PMO India (@PMOIndia) October 9, 2025
We are not only sharing technology with other countries but also helping them develop it.
— PMO India (@PMOIndia) October 9, 2025
And this is not digital aid, it is digital empowerment. pic.twitter.com/b0gxgBvxOS
Thanks to the efforts of India's fintech community, our Swadeshi solutions are gaining global relevance. pic.twitter.com/bdJuzjXMK7
— PMO India (@PMOIndia) October 9, 2025
In the field of AI, India's approach is based on three key principles:
— PMO India (@PMOIndia) October 9, 2025
Equitable access.
Population-scale skilling.
Responsible deployment. pic.twitter.com/Ox0SNJiKBs
India has always supported a global framework for ethical AI. pic.twitter.com/rz0lO4VFUE
— PMO India (@PMOIndia) October 9, 2025
