প্রধান মন্ত্রী শ্রী নরেন্দ্র মোদীনা ঙরাং UAEগী রাস্ত্রপতি হিস হাইনেস শেখ মোহম্মদ বিন জায়দ অল নাহয়ানগা তেলিফোন্দা ৱারী শানখ্রে।
লুচিংবা অনিনা ভারত অমসুং UAEগী মরক্তা লৈবাক অনিগী ওইবা কমপ্রিহেন্সিব স্ত্রেতেজিক পার্তনরশিপ মখা তানা মপাঙ্গল কনখৎহন্নবগীদমক মখোয়গী নাকল অনিগী ফিরেপ অদু অমুক হন্না ফোংদোক্নখি। মখোয়না লৈবাক অনিগী ওইবা মতেং পীনবগী তোঙান তোঙানবা সেক্তরশিংদা চাউখৎপা উবা ফংলবা অদু পুক্নিং থৌগৎপা ওইনা য়েংশিনখি অমসুং লৈবাক অনিগী মীয়ামগী কান্ননবগীদমক কোল্লাবোরেসন অসি হেন্না হেনগৎহন্নবা অমসুং হেন্না চেৎশিলহনবদা মরুওইবা পীখি।
হিস হাইনেস শৈখ মোহম্মদনা ভারতকী পুৱারীদা খ্বাইদগী শাংনা থবক তৌখিবা অনিশুবা প্রধান মন্ত্রী ওইরকপদা প্রধান মন্ত্রী নরেন্দ্র মোদীবু থম্মোয় শেংনা থাগৎপা ফোংদোকখি অমসুং মহাক্না লৈবাক অসিগীদমক মখা তানা থবক তৌবদা মায় পাকপা ওইরসনু হায়খি।
প্রধান মন্ত্রীনা হিস হাইনেসতা মহাক্কী অফবা য়াইফ-পাউজেল অমসুং ভারতকী মীয়ামগীদমক মহাক্না উৎখিবা মীনুংশি অদুগীদমক থাগৎপা ফোংদোকখি।
