ইকায়খুম্নরবা রাস্ত্রপতি ৱিলিয়ম রুতো.
লৈবাক অনিমক্কী মীহুৎ কাংবু,
মেদিয়াগী মরুপশিং.
খুরুমজরি !
রাস্ত্রপতি রুতো অমসুং মহাক্কী মীহুৎ কাংবু ভারত্তা তরাম্না ওকপদা ঐ হরাওই।
অফ্রিকান য়ুনিয়ন্না জি-২০ দা শরুক য়ারবা মতুংদা মহাক্না লৈবাক অসিদা লাকপদা ঐ হরাওই।
ভারতকী মপান লৈবাক্কী থৌশিলদা মতম পুম্নমক্তা অফ্রিকা মরুওইবা মফম অমা কল্লি।
হৌখিবা চহি ১০ অসিদা, ঐখোয়না অফ্রিকা মতেং পাংবা মিসনগী মওংদা ঐখোয়না হেনগৎলে।
রাস্ত্রপতি রুতোগী খোঙচৎ অসিনা ঐখোয়গী লৈবাক অনিগী মরীশিং অমসুং ঐখোয়না অপুনবা অফ্রিকা মহাদেসকা থবক তৌমিন্নবা অসিদা অনৌবা ইনোৎ অমা হাপ্লগনি হায়না ঐনা থাজৈ।
মরুপশিং,
চহি অসিদা ভারত অমসুং কেনিয়াগী মরক্তা দিপ্লোমেতকী মরী লৈনরকপা চহি ৬০ মপুংফারকপগী থৌরম ঐখোয়না পাংথোক্লি, অদুবু ঐখোয়গী মরী অসি পুৱারি ওইনা চহি লিশিং কয়াগী মমাঙদগী লৈরক্লবনি।
মুম্বাই অমসুং মোম্বাসা শম্নহল্লিবা পাক্লবা ভারত মহাসাগর অসি ঐখোয়গী অরিবা মরীশিংগী শাখি অমনি।
মসিগী অকনবা য়ুম্ফম অসিগা লোয়ননা ঐখোয়না চহিচা কয়া মাঙলোমদা চঙশিল্লি। হৌখিবা চহিচাদা ঐখোয়না অপুনবা ওইনা লোয়লম লৈঙাক থেংনখি।
ভারত অমসুং কেনিয়া অসি মান্নবা মাংলমচৎ অমসুং তুংলমচৎ অমা লৈবা লৈবাকশিংনি।
মরুপশিং,
চাউখৎপা তুংলমচৎ অমগী য়ুম্ফম থোন্দুনা, হিরম খুদিংমক্তা ঐখোয়না মতেং পাংনবা মপাঙ্গল কনখৎহন্নবা ঙসি ঐখোয়না ৱারেপ লৌরে। লোয়ননা অনৌবা থবক কয়া মশক খঙদোক্লে।
ভারত অমসুং কেনিয়াগী মরক্তা অমনা অমদা শেন থাদবা অমসুং ললোন-ইতিক্কী থবক তপ্ন-তপ্না চাউখৎলক্লি।
ঐখোয়গী শেন-থুমগী মতেং পাংনবা মপুংফানা থবক ওইনা ওন্থোক্নবা ঐখোয়না মখা তানা অনৌবা খুদোংচাবশিং থিদোক্কনি।
আই.তি.ই.সি অমসুং আই.সি.সি.আর স্কোলারশিপশিংগী খুৎথাংদা কেনিয়াগী মীয়াম স্কিল হেনগৎহন্নবা অমসুং কেপাসিতি বিল্দিংগী থবকশিংদা ভারতনা শিংথাবা য়ানা মতেং পাংলি।
লৌউ-শিংউগী শেন্মিৎলোনগী মখা পোনবা লৈবাক অনি ওইনা, ঐখোয়না খঙবা লৌশিং কয়া পীথোক-পীশিন তৌনবা হায়না ঐখোয়না য়ানরে।
কেনিয়াগী লৌউ-শিংউগী থবকশিং মতমগা চুনবা মওংদা শেমগৎনবা দোল্লর মিল্লিয়ন ২৫০গী লাইন ওফ ক্রেদিৎ অমা পীবা হায়নসু ঐখোয়না ৱারেপ লৌরে।
অনৌবা যুগকী দরকার ওইবা মতুংইন্না, তেক্নোলোজি অমসুং ইন্নোবেসনদা ঐখোয় মতেং পাংনবা ঐখোয়না হেনগৎলে।
দিজিতেল পব্লিক ইনফ্রাস্ত্রকচরগী মাইপাকপশিং কেনিয়াদা খঙহন্নবা ঐখোয়না মপুংফানা থৌরাং তৌদুনা লৈরি।
মসিগী মরুওইবা হিরম অসিদা ঙসি য়ানবা পুরকখিবা অসিনা ঐখোয়গী থবকশিং মপাঙ্গল কনখৎহল্লগনি।
মৈখু থাংদবা ইনর্জি শীজিন্নবা হায়বদি লৈবাক অনিমক্কী মরুওইবনি।
কেনিয়ানা পায়খৎলিবা অফ্রিকা ক্লাইমেত সম্মিৎকী থবক অসি থাগৎফম থোকপা থবক অমনি।
মালেম্না মায়োক্নরিবা খুদোংচাদবশিং অপুনবা ওইনা কোকহন্নবা রাস্ত্রপতি রুতোনা থাজবা পীখিবা অদু মসিদা মমি তারে।
গ্লোবেল বাইওফুয়েলস এল্লাইন্স অমসুং ইন্তরনেসনেল সোলার এল্লাইন্স শরুক য়ানবা কেনিয়ানা ৱারেপ লৌখিবদা ঐ হরাওই।
মসিগী মথক্তা, ইন্তরনেসনেল বিগ কেত এল্লাইন্স শরুক য়ানবা কেনিয়ানা লৌখিবা ৱারেপ অসিনা অচৌবা কৈ মখল কয়া ঙাক-শেন্নবা মালেমগী থবকশিং ফগৎহন্নবা ঐখোয়গী মতেং পাংগনি।
ঙাক-শেনগী লমদা ঐখোয় মতেং পাংনবা হেনগৎলকপা অসি ঐখোয় অমনা অমবু চেৎনা থাজবা অমসুং মান্নবা অপাম্বশিং লৈবগী খুদম অমনি।
ঙসি খন্ন-নৈনবদা, লাল ঔরাইবা, কেপাসিতি বিল্দিং অমসুং লৈবাক অনিমক্কী দিফেন্স ইন্দস্ত্রিশিং শম্নহন্নবা ঐখোয়না য়ানখি।
মীয়ামগী য়াইফনবা স্পেস তেক্নোলোজি শীজিন্নবগী মতাংদসু ঐখোয়না খন্নখি।
মসিগী মরুওইবা হিরম অসিদা ভারতকী মাইপাকপগী ৱারিশিং কেনিয়াদা খঙহনবা হায়না ঐখোয়না য়ানখি।
মসিগী থাজবা অমসুং মরুপ-মপাং ওইবগী ৱাখল্লোন অসিগা লোয়ননা, হিরম খুদিংমক্তা ঐখোয় মতেং পাংনবা হেনগৎহন্নবা ঐখোয়না ঐখোয়গী থবকশিং মখা চৎথগনি।
মরুপশিং,
ঙসিগী মীফমদা ঐখোয়না মালেম অমসুং লমদম-লমদমগী ওইবা ৱাফম কয়া খন্নখি।
ভারত মহাসাগরনা শম্নবা লৈবাকশিং ওইনা, মেরিতাইম সেকুরিতি, পাইরেসি অমসুং দ্রগ ত্রাফিক্কিংগী ৱাফমশিং অসি ঐখোয়গী মান্নবা মরুওইনা লৌবা হিরমশিংনি।
মসিগী মরুওইবা হিরম অসিদা অমগা অমগা মতেং পাংনবা হেনগৎহন্নবা, মেরিতাইম কোওপরেসনগী মতাংদা জোইন্ত ভিজন স্তেৎমেন্ত অমা ঐখোয়না পুথোক্লে।
কেনিয়া অমসুং ভারতকী মরক্তা নিংথিনা মতেং পীনবা অসিনা ইন্দো-পেসিফিক লমদমদা ঐখোয়গী থবকশিং মপাঙ্গল কনখৎহনগনি।
তেরোরিজম অসি মীওইবা খুন্নাইদা খ্বাইদগী চাউনা শিংনবনি হায়বা ভারত অমসুং কেনিয়ানা অমতা ওইনা য়ানরে।
হিরম অসিদা, তেরোরিজম থেংননবা হিরমদা অমগা অমগা মতেং পাংনবা হেনগৎহন্নবা ঐখোয়না ৱারেপ লৌরে।
মরুপশিং,
ভারত্তগী হৌখিবা চাউরাক্নবা মীওই লিশিং ৮০ অসিনা কেনিয়া অসি মখোয়গী অনিশুবা য়ুমনি হায়না খনবা অসি ঐখোয়গী মরীশিংগী খ্বাইদগী কনবা মপাঙ্গলনি।
মহাক্কী থবকশিংগীদমক কেনিয়াদগী মহাক শৌগৎলকপা অসিগীদমক ঐনা রাস্ত্রপতি রুতো থাগৎপা ফোঙদোকচরি।
ঐখোয় অমগা অমগা নক্নবা মরী লৈনবা মখা তানা ফগৎহনবগা লোয়ননা ঙসি কলচরেল একচেঞ্জ এগ্রিমেন্ত ঙসি খুৎয়েক পীনরে।
কেনিয়াগী লমশাং চেনবা অমসুং মরাথোন চেনবা শান্নরোয়শিং মালেমদা মমিং চৎলে। মসিগা লোয়ননা, লৈবাক অনিমক্তা ক্রিকেত অসি য়াম্না পাম্নৈ।
লৈবাক অনিগী মরক্তা শান্ন-খোৎনবগী লমদা অমগা অমগা মতেং পাংনবা হেনগৎহন্নবা মরুওইবা এগ্রিমেন্ত অমা য়ানরে।
বোল্লিৱুদকা লোয়ননা, কেনিয়াদা য়োগা অমসুং অয়ুর্বেদাসু পাম্নবা হেনগৎলক্লে।
লৈবাক অনিগী মরক্তা মীগা-মীগা লৈনবা মরীশিং হেন্না চেৎশিনহন্নবা ঐখোয়না মখা তানা হোৎনগনি।
ইকায়খুম্নরবা,
অদোম অমসুং অদোমগী মীহুৎ কাংবু ভারত্তা তরাম্না ওকচরি।
অদোম থাগৎচরি।
भारत की विदेश नीति में अफ्रीका को हमेशा उच्च प्राथमिकता का स्थान दिया गया है।
— PMO India (@PMOIndia) December 5, 2023
पिछले लगभग एक दशक में हमने मिशन मोड में अफ्रीका के साथ अपना सहयोग बढ़ाया है: PM @narendramodi
इस वर्ष हम भारत और कीनिया के diplomatic relations की साठवीं वर्षगाँठ मना रहे हैं, किन्तु हमारे संबंधों का हज़ारों वर्ष पुराना इतिहास है: PM @narendramodi
— PMO India (@PMOIndia) December 5, 2023
भारत और कीनिया के बीच आपसी व्यापार और निवेश में लगातार प्रगति हो रही है।
— PMO India (@PMOIndia) December 5, 2023
हमारे आर्थिक सहयोग के पूरे potential को realise करने के लिए हम नए अवसरों की तलाश जारी रखेंगे: PM @narendramodi
मुझे ख़ुशी है कि कीनिया ने Global Biofuels Alliance और International Solar Alliance से जुड़ने का निर्णय लिया है।
— PMO India (@PMOIndia) December 5, 2023
साथ ही कीनिया द्वारा लिए गए International Big Cat Alliance से जुड़ने के निर्णय से हम big cats के संरक्षण के लिए वैश्विक प्रयासों को सशक्त कर सकेंगे: PM @narendramodi
भारत और कीनिया एकमत हैं कि आतंकवाद मानवता के लिए सबसे गंभीर चुनौती है।
— PMO India (@PMOIndia) December 5, 2023
इस संबंध में हमने counter-terrorism के क्षेत्र में आपसी सहयोग को बढ़ाने का निर्णय लिया है: PM @narendramodi
