Share
 
Comments
“শুপ্নগী চহি ৬খক্তা লৌউ-শিংউগী বজেৎ শরুক কয়া হেনগৎলে। হৌখিবা চহি ৭সিদা লৌমীশিংগী লৌউ-শিংউগী লোনসু শরুক অনিগা তঙ্খায় হেনগৎলে”
“২০২৩বু মালেমগী মিল্লেৎকী চহি হায়না শকখঙখিবগা লোয়ননা, কোর্পোরেত কাঙবুশিংনা ভারতকী মিল্লেৎপু ব্রান্দ পীননবা অমদি য়োকখৎনবা মাঙদা থোরকপা মথৌ তাই”
“২১শুবা চহিচাসিদা লৌউ-শিংউ অমদি লৌউ পথাপকী মওং মতৌ আর্তিফিসিএল ইন্তলিজেন্সনা মপুং ফানা হোংহল্লগনি”
হৌখিবা চহি ৩-৪সিদা লৈবাকসিদা এগ্রি স্তার্তঅপ ৭০০ হেন্না লিংখৎখ্রে”
“লৈঙাক্না কোওপরেতিবকা মরী লৈনবা অনৌবা মন্ত্রালয় অমা শেম্লে। অদোমগী পান্দমদি কোওপরেতিববু কমদৌনা মায় পাকপা বিজিনেস এন্তরপ্রাইজেজ অমা ওন্থোক্কদগে হায়বসিনা ওইগদবনি।”

প্রধান মন্ত্রী শ্রী নরেন্দ্র মোদীনা লৌউ-শিংউগী লমদা কেন্দ্রগী বজেৎ ২০২২না পীরিবা অফবা শাফুগী মতাঙদা পাঙথোকপা ৱেবিনার অমদা ৱা ঙাঙখ্রে‍। বজেৎ অসিনা লৌউ-শিংউগী লমদা মপাঙ্গল কনখৎহনগদবা মওংশিং মহাক্না খন্নখি‍। ৱেবিনার অদুনা ‘স্মার্ত এগ্রিকলচর – স্ত্রেতেজিজ ফোর ইম্প্লিমেন্তেসন’ হায়বসিদা মীৎয়েঙ থমখি‍। মরী লৈনবা মন্ত্রীশিং, স্তেত লৈঙাক্কী মীহুৎশিং, ইন্দস্ত্রীগী মীহুৎশৎং, অমদি একাদমিয়া অমসুং লৌমীশিংনা তোঙাত তোঙানবা কৃশি বিজ্ঞান কেন্দ্রশিংগী খুত্থাঙদা থৌরমদুদা শরুক য়াখি‍।

থৌরমদুদা, প্রধান মন্ত্রীনা পি.এম. কিসান সম্মান নিধি হৌদোকখিবগী অহুমশুবা কুমওন তারিবসিগী মতাঙদা পনখি‍। “স্কিম অসি লৈবাকসিগী অপীকপা লৌমীশিংদা মপাঙ্গল কল্লবা ঙাক্লৌ অমা ওইরে‍। স্কিম অসিগী মখাদা লৌমী করোর ১১দা লুপা করোর লাখ ১.৭৫গী ময়াদা ফংহনখ্রে”, হায়না মহাক্না হায়খি‍। প্রধান মন্ত্রীনা মরুদগী হৌরগা কৈথেল ফাওবদা লৈরিবা অনৌবা সিস্তেম কয়াগী মরমদা অমদি লৌউ-শিংউগী লমদা লৈরমবা অরিবা থৌওংশিংদা অওনবা পুরকপগী মতাঙদসু ৱাফম কয়া থমখি‍। “শুপ্নগী চহি ৬খক্তা লৌউ-শিংউগী বজেৎ শরুক কয়া হেনগৎলে‍। হৌখিবা চহি ৭সিদা লৌমীশিংগী লৌউ-শিংউগী লোনসু শরুক অনিগা তঙ্খায় হেনগৎলে‍”, হায়না মহাক্না মখা তাখি‍। লাইচৎকী লুরবা তানফমদা অখন্নবা থঔরাং অমগী মখাদা লৌমী করোর ৩দা কিসান ক্রেদিৎ কার্দ (কে.সি.সি.) পীখি অমদি শা-ঙা লোয়বা লৌমীশিংগী মফমদসু কে.সি.সি. ফংহনখি‍। অপীকপা লৌমীশিংদা চাউনা কান্নবা পীগদবা মাইক্রো ইরিগেসন নেতৱর্কসু মপাঙ্গল কনখৎহনখি, হায়না মহাক্না হায়খি‍।

অসুম্না হোৎনখিবসিনা মরম ওইরগা, লৌমীশিংনা রেকোর্দা ওইবা চাঙদা পোত্থোক পুথোক্লি অমদি এম.এস.পি.দা পোৎ লৈশিনবদসু অনৌবা রেকোর্দ থমখি‍। ওর্গানিক লৌউ পথাপ পুক্নিং থৌগৎপনা মরম ওইরগা মপান্দা থাদোকপগী চাং চহি ৬কী মমাঙদা লুপা করোর ২০০০ লৈরমবদগী লুপা করোর ৭০০০ হেনবগী চাংদা হেনগৎলক্তুনা ওর্গানিক পোত্থোক্কী কৈথেল লুপা করোর ১১০০০ য়ৌখ্রে হায়না প্রধান মন্ত্রীনা ফোঙদোকখি‍।

বজেৎ অসিনা লৌউ-শিংউবু মতমগা চুনবা অমদি স্মার্ত ওইহন্নবা বজেৎনা পীরিবা থৌওং তরেৎকী মতাঙদা প্রধান মন্ত্রীনা শুগাইনা তাকখি‍। অহানবদা, গঙ্গা তুরেলগী নাকল অনিদা কিলোমিতর ৫গী লমদা মিসন মোদতা নেচরেল ফার্মিং পায়খৎপনি‍। অনিসুবদা, লৌমীশিংদা লৌউ-শিংউ অমসুং মহৈ মরোংগী লমদা মতমগা চুনবা তেক্নোলোজী ফংহনবনি‍। অহুমসুবদা চানবা থাউ মপান্দগী পুশিল্লকপগী চাং হন্থহন্নবা মিসন ওইল পাল্ম মপাঙ্গল কনখৎহন্নবা মীৎয়েঙ থম্লি‍। মরিসুবদা, লৌউ-শিংউগী পোত্থোকশিং পুথোক পুশিন তৌননবা পি.এম. গতি শক্তিগী খুত্থাঙদা অনৌবা লোজিস্তিক্কী থৌরাং পায়খৎকনি‍। বজেৎনা পীরিবা মঙাসুবা পাম্বৈদি লৌউ-শিংউদগী থোরকপা ফত্ত-হৌদিশিং মেনেজ তৌবগী হেন্না ফবা থৌওং অমসুং ফত্ত-হৌদিদগী ইনর্জী পুথোক্তুনা লৌমীশিংগী শেন্থোক হেনগৎহনবনি‍। তরুকশুবদা, লৌমীশিংনা খুদোংচাদবা মায়োক্নদনবা পোস্ত ওফিস লাখ ১ও৫ হেনবদা বেঙ্ককুম্না সর্ভিস পীহনগনি‍। তরেৎশুবদা, স্কিল দেভেলপমেন্ত অমসুং হ্যুমেন রিসোর্স দেভেলপমেন্তকা মরী লৈননা এগ্রি রিছর্চ অমসুং এজুকেসন সিলেবস হোংলক্লিবা মতমগা চুনবা মওংদা শেমদোক্কনি‍।

ইং ২০২৩বু মালেমগী মিল্লেৎকী চহি হায়না শকখঙখিববু পল্লদুনা প্রধান মন্ত্রীনা কোর্পোরেৎ কাঙবুবু মাঙদা থোরক্তুনা ভারতকী মিল্লেৎশিংবু ব্রান্দিং তৌনবা অমদি য়োকখৎনবা ৱাফম থমখি‍। মহাক্না মপান লৈবাকশিংদা লৈরিবা অচৌবা ভারতকী মিসনশিংবু ভারতকী মিল্লেৎকী মতিং অমসুং কান্নবশিং মীয়ামদা পাক শন্না খঙহন্নবা সেমিনার অমসুং অতৈ থৌরমশিং শিন লাঙনবসু খঙহনখি‍। প্রধান মন্ত্রীনা মহৌশাগী চুশিন্নবা পুন্সি মহিংগী মরমদা মীয়াম্না পাক শন্না খঙনবা হেনগৎলক্লিবা অমদি মদুনা মরম ওইরগা মহৌশাগী ওইবা অমদি ওর্গানিক পোত্থোকশিংগী চাউখৎলক্লিবা কৈথেলগী কান্নবা লৌনবা ৱাফমসু থমখি‍। মহাক্না কে.ভি.কে.শিংদা খুঙ্গঙ অমমম কোনশিন্দুনা মহৌশাগী ওইবা লৌউ পথাপকী মরমদা পাক শন্না খঙহন্দুনা লৌউ পথাপ অসিবু য়োকখৎনবা ৱাফমশিং থমখি‍।

শ্রী মোদীনা ভারত্তা লৈহাউ চাং য়েং তৌবগী চৎনবী হেনগৎহন্নবা ৱাফম থমখি‍। সোইল হেল্থ কার্দকী মতাঙদা লৈরিবা লৈঙাক্কী মীৎয়েঙগী মরমদা পল্লদুনা মহাক্না স্তার্তঅপশিংবু চাং নাইনা লৈবাক লৈহাউ চাংয়েং তৌবগী থবক পায়খৎনবা ৱাফম থমখি‍।

শ্রী মোদীনা ভারত্তা লৈহাউ চাং য়েং তৌবগী চৎনবী হেনগৎহন্নবা ৱাফম থমখি‍। সোইল হেল্থ কার্দকী মতাঙদা লৈরিবা লৈঙাক্কী মীৎয়েঙগী মরমদা পল্লদুনা মহাক্না স্তার্তঅপশিংবু চাং নাইনা লৈবাক লৈহাউ চাংয়েং তৌবগী থবক পায়খৎনবা ৱাফম থমখি‍।

ঈথৈ লৌখোঙগী মরমদা লৈরিবা ইন্নোভেসনগী মতাঙদা পল্লদুনা প্রধান মন্ত্রীনা লৈঙাক্কী ‘পর দ্রোপ, মোর ক্রোপ’ হায়বা ৱাফমগী মতাঙদা ৱাফম কয়া ফোঙদোকখি‍। হীরম অসিদসু কোর্পোরেৎ কাঙবুনা পায়খৎপা য়াবা কয়ামরুম লৈ হায়না মহাক্না হায়খি‍। কেন – বেত্বা লিঙ্ক প্রোজেক্তনা বুন্দেলখন্দ মফমদা পুরক্কদৌরিবা অওনবশিংগী মতাঙদসু মহাক্না পনখি‍। শ্রী মোদীনা পন্দুনা লৈরিবা ঈথৈ লৌখোঙগী প্রোজেক্তশিং থুনা লোইশিনবগী মথৌ তাবা ৱাফমসু থমখি‍।

২১শুবা চহিচাসিদা লৌউ-শিংউ অমদি লৌউ পথাপকা মরী লৈনবা মওং মতৌশিং আর্তিফিসিএল ইন্তলিজেন্সনা মপুং ফানা হোংহল্লগনি হায়না প্রধান মন্ত্রীনা ফোঙদোকখি‍। লৌ উবদা দ্রোন শীজিন্নবসিসু মায়কৈ অসিদা লাক্লিবা অহোংবশিংগী শরুক অমনি‍। “দ্রোন তেক্নোলোজী অসি ঐখোয়না এগ্রি-স্তার্তঅপশিং য়োকখৎলবা মতমদা পাক শন্নবা ফংলক্কদৌরিবনি‍। হৌখৎবা চহি ৩-৪সিদা লৈবাকসিদা এগ্রি স্তার্তঅপ ৭০০ হেন্না লিংখৎখ্রে”, হায়না মহাক্না মখা তাখি‍।

পোস্ত হার্ভেস্ত মেনেজমেন্তকী লমদা পায়খৎলিবা থবকশিগী মতাঙদা, লৈঙাক্না প্রোসেস ফুদকী মঙম পাকথোক চাউথোকহন্নবা অমদি মালেমগী ক্বালিতী স্তেন্দর্দ ফংহন্নবা হোৎনরি হায়না প্রধান মন্ত্রীনা হায়খি‍। “হীরম অসিগী মতাঙদা, কিসান সম্পদ য়োজনাগা লোয়ননা, পি.এল.আই. স্কিম অসিসু মরুওই‍। ভেল্যু চেনসু মসিদা অচৌবা থৌদাং লৌরি‍। মরম অদুনা, লুপা করোর লাখ ১গী অখন্নবা এগ্রিকলচরেল ইনফ্রাস্ত্রকচর ফন্দ অমা শেম্লে”, হায়না প্রধান মন্ত্রীনা ফোঙদোকখি‍।

প্রধান মন্ত্রীনা লৌউ-শিংউগী লেমখাক (পরালি) লোইশিনবগী মতাঙদসু মরুওইবা মীৎয়েঙ থমখি‍। “মসিগীদমক্তা, বজেৎ অসিদা অনৌবা থৌরাং খরা লৌখৎলে, অমদি মসিনু মরম ওইরগা কার্বোন থাদোকপগী চাং হন্থহল্লগনি অমদি লৌমীশিংদসু শেন্থোক লৈহল্লগনি‍”, হায়না মহাক্না হায়খি‍। মহাক্না লৌউ-শিংউগী লেমখাকশিংবু পেকেজিংগী লমদা শীজিন্ননবগী পাম্বৈশিং থিননবা ৱাফমসু থমখি‍।

লৈঙাক্না চাদা ২০ ব্লেন্দিং তৌনবগী পান্দমগা লোয়ননা চঙশিল্লিবা ইথানোলগী লমদা লৈরিবা মঙমশিংগী মতাঙদসু প্রধান মন্ত্রীনা পল্লমখি‍। য়ানশিনবগী চাং অসি ২০১৪দা চাদা ১-২ লৈরমবদগী চাদা ৮গী ময়াদা য়ৌরক্লে হায়বা ৱাফমসু মহাক্না পাউদমখি‍।

প্রধান মন্ত্রীনা কোওপরেতিব সেক্তরগী থৌদাংগী মতাঙদা ৱাফম কয়া ফোঙদোকখি‍। মহাক্না হায়খিবদা, “ভারতকী কোওপরেতিব সেক্তর অসি মশক মচু থোকপা সেক্তর অমনি‍। চিনিগী মিল ওইরবসু, হারগী ফেক্তরী, শঙ্গোম, লোন শিন লাঙবা নৎত্রগা চীঞ্জাম মরু মরাং লৈশিনবদা ওইরবসু কোওপরিতিব সেক্তরনা চাউনা শরুক য়ারি‍। ঐখোয়গী লৈঙাক্না মসিগা মরী লৈনবা অনৌবা মন্ত্রালয় অমা শেম্লে‍। অদোমগী পান্দমদি কোওপরেতিববু কমদৌনা মায় পাকপা বিজিনেস এন্তরপ্রাইজেজ অমা ওন্থোক্কদগে হায়বসিনা ওইগদবনি‍।”

 

Click here to read PM's speech

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
First batch of Agniveers graduates after four months of training

Media Coverage

First batch of Agniveers graduates after four months of training
...

Nm on the go

Always be the first to hear from the PM. Get the App Now!
...
Secretary of the Russian Security Council calls on Prime Minister Modi
March 29, 2023
Share
 
Comments

Secretary of the Security Council of the Russian Federation, H.E. Mr. Nikolai Patrushev, called on Prime Minister Shri Narendra Modi today.

They discussed issues of bilateral cooperation, as well as international issues of mutual interest.