Inaugurates, dedicates to the nation and lays the foundation stone of multiple development projects worth over Rs 17,000 crores in Rajasthan
Inaugurates various National Highway projects worth more than Rs 5000 crores in Rajasthan
Dedicates to nation and lays foundation stone for eight important railway projects worth around Rs 2300 crores
Dedicates to nation ‘Khatipura railway station
Lays foundation stone and dedicates to nation important solar projects worth around Rs 5300 crores
Dedicates to nation power transmission sector projects worth more than Rs 2100 crores
Lays foundation stone for multiple projects worth around Rs 2400 crores including projects under Jal Jeevan Mission
Dedicates to nation Indian Oil’s LPG bottling plant at Jodhpur
“Viksit Rajasthan has a key role in building a Viksit India”
“India has an opportunity to move forward with confidence leaving the despair of the past”
“When I talk of Viksit Bharat, it is not just a word or an emotion but it is a campaign to make the life of every family prosperous. Viksit Bharat is a campaign to remove poverty, create quality jobs and create modern facilities in the country”
“Today India has become one of the leading countries in the world in terms of generating electricity from solar energy”
“Youth, women, farmers and the poor are the 4 biggest castes for us and I am happy that the double-engine government is fulfilling the guarantees given by Modi for the empowerment of these sections”
“Today’s first-time voter is standing with the vision of Viksit Bharat”

ঙসি প্রধান মন্ত্রী শ্রী নরেন্দ্র মোদীনা ভিদিও কনফরেন্সকী খুৎথাংদা ‘বিকসিত ভারত বিকসিত রাজস্থান’ থৌরমদা ৱা ঙাংখ্রে। প্রধান মন্ত্রীনা রাজস্থান্দা লুপা করোর ১৭০০০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাখি, মীয়ামদা কৎথোকখি অমসুং উরেপ-উয়ুং তমখি। প্রোজেকশিংগী মনুংদা লম্বী, রেলৱেজ, সোলার ইনর্জি, পৱার ত্রান্সমিসন, থক্নবা ঈশিং অমসুং পেত্রোলিয়ম অমসুং নেচরেল গ্যাসগুম্বা মরুওইবা হিরমশিং য়াওরি।

থৌরম অদুদা তিনখিবা মীয়ামদা ৱা ঙাংবদা প্রধান মন্ত্রীনা হায়খি রাজস্থানগী কেন্দ্র খুদিংমক্তগী মীওই লাখ কয়া ‘বিকসিত ভারত বিকসিত রাজস্থান’ থৌরমদা শরুক য়ারি অমসুং মখোয় শরুক য়াবগীদমক থাগৎচরি। বেনিফিসরি খুদিংমক মফম অমদা পুনহল্লবা তেক্নোলোজি মপুংফানা শীজিন্নবগীদমক রাজস্থানগী চীফ মিনিস্তর থাগৎচরি। নুমিৎ খরনিগী মমাঙদা রাজস্থান্দা ফ্রান্সকী রাস্ত্রপতি ইমানুয়েল মেক্রোন তরাম্না ওকখিবা অসি রাজস্থানগী মীয়ামগী মগুনশিংনি। মসি ভারত খক্তা নত্তনা ফ্রান্সতা মসিগী খোন্থাংনা নিনখি।

 

প্রধান মন্ত্রীনা হায়খি রাজস্থানগী বিধান সভা মীখল মনুংদা মহাক্না রাজ্য অসিদা লাকপদা মীয়ামগী থৌজাল ফংখি অমসুং দবল-ইঞ্জিন সরকার অমা শেমদুনা ‘মোদী কি গরেন্তি’গী থাজবা অমুক হন্না উৎলে। লম্বী, রেলৱেজ, সোলার ইনর্জি, পৱার ত্রান্সমিসন, থক্নবা ঈশিং অমসুং পেত্রোলিয়ম অমসুং নেচরেল গ্যাসগুম্বা মরুওইবা হিরমশিংদা লুপা করোর ১৭০০০ হেনবগী তোঙান-তোঙানবা চাউখৎ-থৌরাংগী প্রোজেকশিং অসিগীদমক রাজস্থানগী মীয়ামদা নুংঙাইবা ফোঙদোকচরি অমসুং মসিনা রাজ্য অসিদা থবক ফংনবা খুদোংচাবশিং ফংহল্লগনি।

 ‘হৌজিক্কী মতম অসি-চপ চারবা মতমনি’ হায়না মহাক্না লাল কিলাদগী ফোঙদোকখিবা ৱাফম নিংশিংলদুনা, প্রধান মন্ত্রীনা হায়খি হৌজিক্কী মতম অসি অমৃত কালনি অমসুং হৌখিবা চহি কয়াগী নিংবা কাইবা হুন্দোক্লমদুনা থাজবগা লোয়ননা হৌজিক ভারত মাঙলোমদা চঙশিল্লে। ২০১৪গী মমাঙদা স্কামশিং, লৈতাদবা অমসুং তেরোরিজমগী মরমদা ঙাংনরম্বা অদু হৌজিক বিকসিত ভারত অমসুং বিকসিত রাজস্থানগী পান্দমদা মীৎয়েং চঙলে। ঙসি ঐখোয়না অচৌবা অওনবশিং পুরক্লে অমসুং অচৌবা মঙলান মঙলে অমসুং মখোয় ফংনবা ঐখোয় ইশামক কৎথোক্লে।  ঐনা বিকসিত ভারতকী ৱারি শানরকপা মতমদা, মসি শুপ্নগী ৱাহৈ অমা নত্ত্রগা পুক্নিংগী ইহুল অমা নত্তে, মসি ইমুং খুদিংমক নুংঙাইহন্নবা খোঙজং অমনি অমনি। বিকসিত ভারত অসি লায়রবা কোকহন্নবা, অফবা থবকশিং ফংহন্নবা অমসুং লৈবাক অসিদা অনৌবা খুদোংচাবশিং ফংহন্নবা খোঙজং অমনি। মহাক্কী মপান লৈবাকশিংগী খোঙচত্তা মহাক্না মালেমগী লুচিংবশিংগা ৱারি শানখি। ভারতনা অচৌবা মঙলানশিং মঙবা ঙম্মী অমসুং হায়রিবা মঙলানশিং অসি ফংবা ঙম্মী হায়বা মালেমগী লুচিংবশিংনা য়ারে।

প্রধান মন্ত্রীনা হায়খি বিকসিত ভারত শেমগৎপদা বিকসিত রাজস্থান্না মরুওইবা থৌদাং অমা লৌগনি। তঙাইফদবা হিরমশিং হায়বদি রেল, লম্বী, মৈ অমসুং ঈশিং য়াংনা চাউখৎহনবা তঙাইফদে। হায়রিবা হিরমশিং চাউখৎহনবা অসিনা লৌমীশিং, শা-ষন লোইরিবশিং, উদোগশিং অমসুং তুরিজমদা য়াম্না কান্নবা পীগনি অমসুং রাজ্য অসিদা অনৌবা শেন থাদবা অমসুং থবক ফংনবগী খুদোংচাবশিং পীগনি। চহি অসিগী কেন্দ্রগী বজেত্তা ইনফ্রাস্ত্রকচর শেমগৎনবা লুপা করোর লাখ ১১ কাইথোক্লে, মসি হান্নদগী শরুক ৬ হেল্লবনি। হায়রিবা চাদিং অসিনা সিমেন্ত, নুঙ অমসুং সেরামিক উদোগশিংদা য়াম্না চাউনা কান্নবশিং পীগনি।

প্রধান মন্ত্রীনা হায়খি হৌখিবা চহি ১০দা রাজস্থান্দা খুঙ্গংগী লম্বীশিং, হায়ৱেশিং অমসুং এক্সপ্রেসৱেশিংদা মমাঙদা অমুক্তা ওইখিদ্রিবা মওংদা শেন থাদরে। ঙসি রাজস্থান্না গুজরাত অমসুং মহারাস্ত্রাগী সমুদ্র মপানগী লমশিংগা শম্নরে অমসুং অপাকপা হায়ৱেশিং ফাওরগা পঞ্জাবকা শম্নরে। ঙসিগী প্রোজেকশিং অসিনা কোতা, উদয়পুর, তোক, সাৱাই মাধোপুর, বুন্দি, অজমর, ভিলৱারা অমসুং চিত্তোগর য়ৌবা লম্বীশিংগী ফিবম ফগৎহল্লগনি। হায়রিবা লম্বীশিং অসিনা দিল্লি, হরিয়ানা, গুজরাত অমসুং মহারাস্ত্রাগা চৎথোক-চৎশিনগী খুদোংচাবা হেনগৎহল্লগনি।

 

ইলেক্ত্রিক ফংহনবগী মতাংদা প্রধান মন্ত্রীনা হায়খি রেলৱেশিং অমুক হন্না শেমজিনবা অমসুং ফগৎহনবা অসি ঙসিগী থৌরম অসিগী শরুক অমনি। বন্দিকুই-অগ্রা ফোর্ত রেল লাইন দবল ওইহনবা অসিনা মেহনদিপুর অমসুং অগ্রা য়ৌবা নুংঙাইহল্লগনি। খাতিপুরা(জয়পুর) রেলৱেস স্তেসন্দা অহেনবা ত্রেনশিং চেনবা ঙমহল্লগনি।

প্রধান মন্ত্রী মোদীনা হায়খি সরকারনা পায়খৎলিবা থবকশিং অসিনা মীয়াম্না মখোয়গী য়ুমশিংদা সোলার ইলেক্ত্রিক পুথোকপা ঙমহল্লগনি অমসুং অহেনবা মৈ য়োন্দুনা শেন তানবা য়ারগনি। পি.এম সুর্য়া ঘর য়োজনা অসিদা সরকারনা লেম্না মৈ য়ুনিত ৩০০ ফংহন্নবা থৌরাং তৌরি। অহানবা য়ুম করোর ১ দা সোলার পেনেলশিং থম্নবা সরকারনা শেন্থং পীগনি অমসুং মসিদা চাউরাক্না লুপা করোর ৭৫,০০০ রোম চঙগনি। মসিদগী মিদল-ক্লাস অমসুং লৱার-মিদল ক্লাস কাংলুপশিং কান্নবা ফংগনি। বেঙ্কশিংনা য়াম্না লাইনা লোনশিং ফংহনগনি। রাজস্থান্দা য়ুম লাখ ৫দা সোলার পেনেলশিং থম্নবা সরকারনা থৌরাং তৌরে। দবল-ইঞ্জিন সরকারনা পায়খৎলিবা থবকশিংনা লায়রবা অমসুং মিদল ক্লাসকী চাদিং হন্থহল্লে।

প্রধান মন্ত্রীনা হায়খি নহারোল, নুপীশিং, লৌমীশিং অমসুং লায়রবশিং অসি ঐখোয়গী খ্বাইদগী চাউবা ফুরুপনি অমসুং হায়রিবা কাংলুপশিং অসিগী য়াইফনবা মোদীনা পীবা থাজবশিং দবল-ইঞ্জিন সরকারনা থবক ওইনা পাংথোকপদা ঐ হরাওই। অনৌবা রাজস্থান সরকারগী অহানবা বজেত্তা থবক লিশিং ৭০ পীনবা ৱাফম পুথোক্লে। ৱাহংশিং লিক ওইবগী থৌদোকশিং থিজিন্নবা অনৌবা রাজ্য সরকারনা এস.আই.তি শেম্লে। ৱাহং লিক ওইবা থিংনবা কেন্দ্র সরকারগী অকনবা আইন্না অসিগুম্বা থবকশিং মখা তানা থিংবা ঙমগনি।

প্রধান মন্ত্রীনা হায়খি লায়রবা ইমুংশিংদা গ্যাস সিলিন্দর অমা লুপা ৪৫০দা ফংহন্নবা রাজ্য সরকারনা থাজবা পীরে অমসুং মসিনা রাজস্থানগী নুপী লাখ কয়া কান্নবা পীরগনি। হৌজক রাজ্য অসিদা জল জিবন মিসনগী থবকশিং য়াংনা পায়খৎলে। পি.এম কিষান সম্মান নিধিগী মখাদা রাজস্থানগী লৌমীশিংদা হৌজিক লুপা ৬০০০গী শেন্থং পীরিবা অসি লুপা ২০০০ হেনগৎহল্লে। ঐখোয়না ঐখোয়গী ৱাশকশিং মথং মথং থবক ওইনা পাংথোক্লে। ঐখোয়গী থাজবশিংগী মরমদা ঐখোয়না লুম্না লৌরি। মরম অদুনা মীয়াম্না হায়রি- মোদীগী থাজবা অসি থবক ওইনা পাংথোকপা অদুনি।

প্রধান মন্ত্রীনা হায়খি মোদীগী থবক্তি বেনিফিসিরি খুদিংমক কান্নবশিং ফংহনবা অমসুং মীওই অমতা চিৎথহৌদবনি। রাজস্থান্দা বিকসিত ভারত সংকল্প যাত্রা শরুক য়াখিবা মীওই করোর ৩ রোম লেম্না হকশেলগী চেকঅপশিং পাংথোকখ্রে, অনৌবা অয়ুস্মান কার্দ করোর ১ শাখ্রে, লৌমী লাখ ১৫ কিষান ক্রেদিদ কার্দ রেজিস্তার তৌখ্র, লৌমী লাখ ৬.৫ রোম পি.এম কিষান সম্মান নিধি য়োজনাগী এপ্লাই তৌরকখ্রে। নুপী লাখ ৮ রোম উজৱালা গ্যাস কন্নেক্সনগী রেজিস্তার তৌরে অমসুং হায়রিবা মতম অসিদা কন্নেক্সন লাখ ২.২৫ পীখ্রে। রাজস্থানগী মীওই লাখ ১৬ লুপা লাখ ২গী ইন্সুরেন্স স্কিমশিং শরুক য়াখি।

প্রধান মন্ত্রীনা হায়খি শক্তিশিংনা নিংবাকাইবগী ফিবম অমা শেমগৎখি অমসুং মাইপাকপগী হরাওবা ফোঙদোকপা ঙমহনখিদে। শাগৈগী রাজনিতিদগী চেকশিনগদবনি। অসিগুম্বা রাজনিতিনা নহারোলশিং শৌগৎতে। অহানবা ওইনা ভোৎ থাদগদৌরিবা নহারোলশিংগী অনিংবশিং অমসুং মঙলানশিং লৈরি। ঙসিগী অহানবা ওইনা ভোৎ থাদগদৌরিবা ভোত্তরশিং বিকসিত ভারতকী পান্দমগা লোয়ননা লেপ্লি। বিকসিত ভারত অমসুং বিকসিত রাজস্থানগী পান্দম অসি অহানবা ওইনা ভোৎ থাদগদৌরিবা ভোত্তরশিংগীনি।

থৌরম অদুদা শরুক য়াখিবশিংগী মনুংদা রাজস্থানগী রাজ্যপাল শ্রী কলরাজ মিশ্রা, রাজস্থানগী চীফ মিনিস্তর শ্রী ভজন লাল শর্মা, রাজস্থান সরকারগী অতোপ্পা মিনিস্তরশিং, এম.পিশিং, এম.এল.এশিং অমসুং পঞ্চয়াত থাক্কী মীয়ামগী মীহুৎশিং য়াওখি।  

নুঙগীৱারোল

প্রধান মন্ত্রীনা রাজস্থান্দা লুপা করোর ৫০০০ হেনবগী তোঙান-তোঙানবা নেসনেল হায়ৱেজ প্রোজেকশিং শঙ্গাখি। প্রধান মন্ত্রীনা বাউনলি-ঝালাই লম্বীদগী মুই খুঙ্গং সেক্সন ফাওবা; হারদিওগঞ্জ খুঙ্গংদগী মেজ তুরেলগী শরুক; অমসুং তাকলিদগী রাজস্থান/মধ্য প্রদেস ঙমখৈ ফাওবগী ৮-লেন দিল্লি-মুম্বাই গ্রিন ফিল্দ এলাইনমেন্ত(এন ই-৪)গী পেকেজ অহুম শঙ্গাখি। হায়রিবা শরুকশিং অসিনা লমদম অসিদা য়াংনা অমসুং নুংঙাইনা চৎথোক-চৎশিনগী খুদোংচাবা হেনগৎহনগনি। হায়রিবা শরুকশিং অসিদা মথক অমসুং মখাদা লম্লক্কী শা-উচেকশিং ফাওদুনা চৎপা য়ানবা খুদোংচাবা য়াওরি। লম্লক্কী শা-উচেকশিংদা চৈথেং পীবা হন্থহন্নবা অরাংবা খোঞ্জেল থিংনবা থবকশিং পায়খৎলে। দেবারিদা এন.ঐচ-৪৮দা চিত্তোগর-উদয়পুর হায়ৱে সেক্সনগা কায়া খুঙ্গংদা এন.ঐচ-৪৮কী উদয়পুর-সামলাজি সেক্সনগা শম্নবা ৬-লেন গ্রিনফিল্দ উদয়পুর বাইপাস প্রধান মন্ত্রীনা শঙ্গাখি। বাইপাস অসিনা উদয়পুর সহরদা মী চিনবা হন্থহনগনি। রাজস্থানগী ঝুনঝুনু, অবু রোদ অমসুং তোক জিলাশিংদা লম্বী ফগৎহনগদবা অতোপ্পা প্রোজেক কয়াশু প্রধান মন্ত্রীনা শঙ্গাখি।

লমদম অসিগী রেল ইনফ্রাস্ত্রকচর মপাঙ্গল কনখৎহন্নবা, প্রধান মন্ত্রীনা রাজস্থান্দা লুপা করোর ২৩০০ রোমগী মরুওইবা রেলৱে প্রোজেক ৮ লৈবাক মীয়ামদা কৎথোকখি অমসুং উরেপ-উয়ুং তমখি। মীয়ামদা কৎথোক্কদবা রেলৱে প্রোজেকশিংগী মনুংদা জোধপুর-রাই কা বাঘ-মেরতা রোদ-বিকানর সেক্সন(কিমি ২৭৭); জোধপুর-ফালোদি সেক্সন(কিমি ১৩৬); অমসুং বিকানর-রত্নগর-সাদুলপুর-রেৱারি সেক্সন(কিমি ৩৭৫) য়াওনা রেল লম্বীশিং ইলেক্ত্রিক ফংহন্নবা প্রোজকশিংনি।

প্রধান মন্ত্রীনা ‘খাতিপুরা রেলৱে স্তেসন’ মীয়ামদা কৎথোকখি। রেলৱে স্তেসন অসি জয়পুরগী সেতেল্লাইত স্তেসন অমা ওইনা শেমগৎপনি অমসুং মসিদা ত্রেনশিং চেন হৌনবা অমসুং পন্থুংফম ওইনা ‘তর্মিনেলগী খুদোংচাবা’ য়াওরে। প্রধান মন্ত্রীনা উরেপ-উয়ুং তমগদৌরিবা রেলৱে প্রোজেকশিংগী মনুংদা ভাগত কি কোথি(জোধপুর)দা বন্দে ভারত স্লিপ্পর ত্রেনশিং শেমজিন্নবা মফম; খাতিপুরা(জোধপুর)দা বন্দে ভারত, এল.ঐচ.বিগুম্বগী মখল খুদিংমক্কী রেকশিং শেমফম; হনুমানগরদা ত্রেনশিং শেমজিন্নবা কোচ কিয়ার কমপ্লেক্স শাগৎপা অমসুং বান্দিকুইদগী অগ্রা ফোর্ত রেল লাইন দবল ওইহনবা য়াওরি। রেল সেক্তরগী প্রোজেকশিংনা রেল ইনফ্রাস্ত্রকচর মতমগা চুনবা মওংদা শেমগৎপা, অশোই-অঙাম থোকহন্দনবা থবকশিং ফগৎহনবা, মীয়াম অমসুং পোৎ-চৈ চৎথোক-চৎশিন অমসুং পুথোক-পুশিনগী থবকশিং হেন্না ফগৎহন্নবা পান্দম থম্লি।

লমদম অসিদা রিনিউএবল ইনর্জি পুথোকপা হেনগৎহন্নবা, প্রধান মন্ত্রীনা রাজস্থান্দা লুপা করোর ৫৩০০ রোমগী মরুওইবা সোলার প্রোজেকশিং উরেপ-উয়ুং তমখি অমসুং মীয়ামদা কৎথোকখি। রাজস্থানগী বিকানর জিলাদা বরসিংসার থর্মেল পৱার স্তেসন ময়া নক্না লিংখৎকদবা মেগাৱাত ৩০০গী সোলার পৱার প্রোজেক অমা, এন.এল.সি.আই.এল বরসিংসার সোলার প্রোজেক প্রধান মন্ত্রীনা উরেপ-উয়ুং তমখি। অত্মনির্ভর ভারতকী পান্দমগা লোয়ননা ভারত্তা শাবা অফবা মখলগী বাইফেসিএল মোদুলশিংগা লোয়ননা অৱাংবা থাক্কী অনৌবা তেক্নোলোজি শীজিন্নদুনা সোলার প্রোজেক অসি লিংখৎকদবনি। মহাক্না রাজস্থানগী বিকানরদা, সি.পি.এস.য়ু স্কিম ফেজ-২(ত্রাঞ্চ-৩)গী মখাদা এন.ঐচ.পি.সি লিমিতেদকী মেগাৱাত ৩০০ সোলার পৱার প্রোজেক শানবা উরেপ-উয়ুং তমগনি। প্রধান মন্ত্রীনা রাজস্থানগী বিকানরদা শেমগৎপদা মেগাৱাত ৩০০গী এন.তি.পি.সি গ্রিন ইনর্জি লিমিতেদ নোখ্রা সোলার পি.ভি প্রোজেক মীয়ামদা কৎথোকখি। সোলার প্রোজেকশিংনা গ্রিন ইনর্জি পুথোক্কনি, কার্বোন দাইওক্সাইদ থাদোকপা হন্থহনবদা মতেং পাংগনি অমসুং লমদম অসিগী শেন-থুমগী ফিবম ফগৎহনগনি।

প্রধান মন্ত্রীনা রাজস্থান্দা লুপা করোর ২১০০ হেন্না চঙনা শেমগৎপা পৱার ত্রান্সমিসন সেক্তর প্রোজেকশিং মীয়ামদা কৎথোকখি। হায়রিবা প্রোজেকশিং অসি রাজস্থান্দা সোলার ইনর্জি পুথোকপা মফমশিংদগী পৱার লৌথোকখিবনি অমসুং মসিনা লমদম অসিদগী পুথোকপা সোলার পৱার মৈ শীজিন্নগদবা মীওইশিংদা য়ৌহনবা ঙমগনি। প্রোজেকশিংগী মনুংদা ফেজ-২ পার্ত এগী মখাদা রাজস্থানগী সোলার ইনর্জি জোনশিংদগী গিগাৱাত ৮.১গী পৱার পুথোকখিনবা ত্রান্সমিসন সিস্তেম মপাঙ্গল কনখৎহনবা;  ফেজ-২ পার্ত বিগী মখাদা রাজস্থানগী সোলার ইনর্জি জোনশিংদগী গিগাৱাত ৮.১গী পৱার পুথোকখিনবা ত্রান্সমিসন সিস্তেম মপাঙ্গল কনখৎহনবা; অমসুং বিকানর(পিজি), ফাতেগর-২ অমসুং ভাদলা-২দা আর.ই প্রোজকশিংগা শম্ননবা ত্রান্সমিসন সিস্তেম শেমগৎপা য়াওরি।

রাজস্থান্দা অফবা থক্নবা ঈশিং ফংহন্নবা পান্দমদা জল জিবন মিসনগী মখাদা লুপা করোর ২৪০০ রোমগী তোঙান-তোঙানবা প্রোজেকশিং প্রধান মন্ত্রীনা উরেপ-উয়ুং তমখি। লৈবাক অসিগী য়ুমথোং খুদিংদা অফবা থক্নবা ঈশিং ফংহন্নবা প্রধান মন্ত্রীগী কৎথোকপা অসি প্রোজেকশিং অসিনা হেন্না মরুওইহল্লে।

প্রধান মন্ত্রীনা জোধপুরদা ইন্দিয়ান ওইলগী এল.পি.জি হান্নবা প্লান্ত লৈবাক মীয়ামদা কৎথোকখি। বোত্তলিং প্লান্ত অসি অনৌবা ইনফ্রাস্ত্রকচরনি অমসুং থবক তৌনবা অমসুং অশোই-অঙাম থোক্তনবা ওতোমেতিক সিস্তেম য়াওরি অমসুং মসিনা থবক ফংবা হেনগৎহনগনি অমসুং লমদম অসিগী মীওই লাখ কয়াগী দরকার ওইবা এল.পি.জি ফংহনবা ঙমগনি।

হায়রিবা প্রোজেকশিং হৌদোকপা অসি রাজস্থানগী ইনফ্রাস্ত্রকচরগী ফিবম অওনবা পুরক্নবা অমসুং চাউখৎ-থৌরাংগী খুদোংচাবশিং পীনবা প্রধান মন্ত্রীনা লেপ্তনা হোৎনবগী শরুক অমনি।

মরুওইবা থৌরম জোধপুরদা পাংথোকপগা লোয়ননা থৌরম অসি রাজস্থানগী জিলা শীনবা থুংবগী মফম ২০০ রোমদা পাংথোকখি। রাজ্য শীনবা থুংনা পাংথোকপা থৌরম অসিদা তোঙান-তোঙানবা সরকারগী স্কিমশিংগী বেনিফিসরি লাখ কয়া শরুক য়াখি। থৌরম অদুদা রাজস্থানগী চীফ মিনিস্তর, রাজস্থান সরকারগী অতোপ্পা মিনিস্তরশিং, এম.পিশিং, এম.এল.এশিং অমসুং পঞ্চয়াত থাক্কী মীয়ামগী মীহুৎশিং শরুক য়াখি।

 

Click here to read full text speech

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
How India's digital public infrastructure can push inclusive global growth

Media Coverage

How India's digital public infrastructure can push inclusive global growth
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 24 এপ্ৰিল, 2024
April 24, 2024

India’s Growing Economy Under the Leadership of PM Modi