Mera Saansad
Search Search
Manipuri language

প্রধান মন্ত্রীনা ইজরেল সংসদ - কেনেসত্তদা ৱা ঙাংখ্রে

Published By : Admin | February 25, 2026 | 20:00 IST

ঙসি প্রধান মন্ত্রী শ্রী নরেন্দ্র মোদীনা জেরুশালেমদা কেনেসেতকী অখন্নবা মীফম অমদা ৱা ঙাংখ্রে। ইজরেলগী সংসদতা ৱা ঙাংবা ভারতগকী অহানবা প্রধান মন্ত্রী মহাক্না ওইরে।

 

মহাক কেনেসত্ত থুংলবদা, কেনেসেতকী স্পিকর অমির ওহানানা প্রধান মন্ত্রী তরাম্না ওকখি। প্রধান মন্ত্রীনা ৱা ঙাংদ্রিঙৈদা ইজরেলগী প্রধান মন্ত্রী বেঞ্জামিন নেতনয়াহু; ওপোজিসনগী লুচিংবা য়াইরা লাপিদ অমসুং স্পিকর ওহানা অখন্নবা মীফম অদুদা ৱা ঙাংখি, ভারত-ইজরেলগী মরীশিং শৌগৎনবা ৱাফমশিং ফোঙদোকখি।

অখন্নবা ইকায়খুম্নবা উৎপগীদমক মহাক্কী ৱারোল হৌরকপদা প্রধান মন্ত্রীনা স্পিকর থাগৎপা ফোঙদোকখি। মহাক্না হায়খি মদুদি “স্পিকর ওফ কেনেসত” মেদল পীবগীদমক তৌবীমল খঙবা উৎচরি অমসুং লৈবাক অনিগী মতম কুইরবা মরুপ-মপাংগী মরী অমসুং শরুক য়ামিন্নরিবা গনতন্ত্রগী চৎনবীশিংদা মনা অসি কৎথোকচরি। লৈবাক অনিগী মীয়াম থায়নগী সভেত্যগী মরীশিং অমসুং তেক্নোলোজি, ইন্নোবেসন, দিফেন্স, সেকুরিতি অমসুং লাল্লোংগী অপুনবদা য়ুম্ফম ওইবা অফবা মতম অসিগী মরী অনিমক শরুক য়ামিন্নরি। লৌউ-শিংউ, খুঙ্গং চাউখৎহনবা, ঈশিংগী থবক,  তুংকোইনা চৎনবা য়াবা থবক অমসুং শেন-থুমগী মতেং পাংবদা য়ুম্ফম ওইবা মীগা-মীগা লৈনবা মরীশিংনা মরুপ-মপাংগী মরী অসিগী অফবা শক্তম অমা ওইরে। লৈবাক অনিগী মরক্ত পুৱারিগী মরীশিং লৈনরি অমসুং লৈবাক অনিগী মীয়াম মরক্ত চৎথোক-চৎশিন তৌনরি। ইজরেলদা লৈরিবা ভারতমচাশিং অমসুং ভারত্ত লৈরিবা জিয়ুমচাশিংনা লৈবাক অনিমক চাউখৎনবা শিংথাবা য়ানা মতেং পাংলি।

 

তেরোরিজম খাংদুনা লৈথোক্তবা হায়বা লৈবাক অনিমক্কী শন্তাইনবা য়াদ্রবা থৌশিল নিংশিংলদুনা, প্রধান মন্ত্রীনা হায়খি মদুদি ওক্তোবর ৭ গী তেরোরিষ্টশিংগী থৌদোক্ত লৈখিদ্রবশিংগী অৱাবদা শরুক য়াজরি অমসুং অসিগুম্বা তমথিরবা থৌদোক অসি মরম চাবনি হায়না ফোঙদোকপা য়ারোই। লমদম অসিদা তুংকোইনা শান্তি অমসুং তুংদু-লৈতাবা পুরক্নবা থবক খুদিংমক্ত ভারতনা শৌগৎলি। য়ু.এন সেকুরিতি কাউন্সিলনা পুখৎলকপা গজাদা শান্তি পুরক্নবা থবক ভারতনা মপুংফানা শৌগৎলি। মালেমগী তোঙান-তোঙানবা লুপশিংদা হৌজিক ভারত অমসুং ইজরেল পুন্না চৎমিন্নরি। ইন্দিয়া-মিদল ইষ্ট-য়ুরোপ ইকোনোমিক কোরিদোর (আই এম ই সি) অমসুং ১২য়ু২ফ্রেমৱার্কশিংদা লৈবাক অনি হেন্না চেৎনা থবক তৌমিন্নরি।

 

প্রধান মন্ত্রীনা হায়খি মদুদি ললোন-ইতিক, শেন থাদবা, ইনফ্রাষ্ট্রকচর শেমগৎপা, গ্রিন গ্রোথ, ষ্টার্দঅপশিং, দিজিতেলগী থবকশিং অমসুং নৌনা থোক্লকপা তেক্নোলোজিশিংদা লৈবাক অনি পুন্না থবক পায়খৎমিন্নরি অমসুং নহারোলশিংদা অনৌবা থবকশিং পায়খৎহল্লি। বাইলেতরেল ইনভেষ্টমেন্ত ত্রিতি য়ানবা পুরকখিবদা অপেনবা ফাওই। ললোন-ইতিক্কী খুদোংচাবশিং লৌনবা থাজবা থম্লিবা ফ্রি ত্রেদ এগ্রিমেন্ত থবক ওইনা অথুবা মতমদা পাংথোক্নবা থাজবা থম্লি।

 

হন্দক ভারত্ত শেমখিবা পর্লিয়ামেন্তরি ফ্রেন্দসিপ গ্রুপ ফোর ইজরেলগী খুদোংচাবা লৌদুনা গনতন্ত্র চৎপা লৈবাক অনিগী মরক্ত সংসদকী থবকশিং হেন্না পায়খৎনবা প্রধান মন্ত্রীনা তকশিনখি। সভেত্য অনিগী মান্নবা চৎনবীশিং পল্লদুনা, প্রধান মন্ত্রীনা হায়খি মদুদি বসুধাইবা কুতুম্বকম (মালেম অসি ইমুং অমনি) হায়বা ভারতকী ৱাঙুলোন অমসুং তিক্কুম ওলাম (মালেম ফগৎহনবা) হায়বা ইজরেলগী অচুম্বা ফিদম অসিনা নুংঙাই য়াইফবা অমসুং নুংশিনবা খুন্নাই অমা পুরক্কনি। ভারত-ইজরেলগী মরীশিংদা মখোয়না মতেং পাংবগীদমক কেনেসেতকী মেম্বরশিং প্রধান মন্ত্রীনা থাগৎপা ফোংদোকখি অমসুং লাক্লিবা পুরিম কুহ্মৈগীদমক য়াইফ পাউজেল পীখি। প্রধান মন্ত্রীগী মপুংফাবা ৱারোল মখাগী অসিদা ফংগনি। [link]

 

 

 

 

 

 

 

 

 

Login or Register to add your comment
Explore More
প্রধান মন্ত্রীনা শ্রী রাম জন্মভুমি মন্দির দ্বাজরোহন উৎসবতা পীখিবা ৱারোলগী মৈতৈলোন্দা হন্দোকপা

Popular Speeches

প্রধান মন্ত্রীনা শ্রী রাম জন্মভুমি মন্দির দ্বাজরোহন উৎসবতা পীখিবা ৱারোলগী মৈতৈলোন্দা হন্দোকপা
View All
Emerging cities see 42% growth in GCC jobs, outpacing metros: Report

Media Coverage

Emerging cities see 42% growth in GCC jobs, outpacing metros: Report
View All
NM on the go

Nm on the go

Always be the first to hear from the PM. Get the App Now!
Download App
...
Prime Minister shares Sanskrit Subhashitam highlighting the power of perseverance and determination
May 27, 2026

The Prime Minister, Shri Narendra Modi, said that even the biggest goals can be achieved through continuous effort, patience and firm determination. He noted that today the people of the country are guided by this very spirit as they take India to new heights.

The Prime Minister shared a Sanskrit Subhashitam-

“यो यमर्थं प्रार्थयते तदर्थं चेह ते क्रमात् ।
अवश्यं स तमाप्नोति न चेदर्थान् निवर्तते ।।”

The Subhashitam conveys that a person who prays for or desires a specific goal, and makes continuous, systematic efforts to attain it, will undoubtedly achieve that goal, provided they do not give up midway and retreat from their path.

The Prime Minister wrote on X;

“निरंतर प्रयास, धैर्य और दृढ़ संकल्प के साथ बड़े से बड़े लक्ष्य को हासिल किया जा सकता है। आज देशवासी इसी भावना से भारतवर्ष को नई ऊंचाइयों की ओर ले जा रहे हैं।

यो यमर्थं प्रार्थयते तदर्थं चेह ते क्रमात् ।

अवश्यं स तमाप्नोति न चेदर्थान् निवर्तते ।।”