প্রধান মন্ত্রী, শ্রী নরেন্দ্র মোদীনা ঙসি রাস্ত্রিয় এক্তা দিবসকা মরী লৈনবা থৌরমদা শরুক য়াখ্রে। মহাক্না সর্দার পতেলগী মপোক কুমওন্দা স্তেচ্যু ওফ য়ুনিতীগী মফমদা ইকায় খুম্নবা উৎখি। BSF অমসুং স্তেত পুলিস কয়াগী মার্চিং কন্তিঞ্জেন্ত কয়ানা শরুক য়াদুনা পাংথোকপা রাস্ত্রিয় এক্তা দিবস পেরেদসু মহাক্না মিৎয়েং তাখি। অখন্নবা থৌরম পরেংগী মনুংদা, CRPF নুপী বাইকরসিংগী অকীবা খঙদবা উৎপগী শো; BSFকী নুপীগী পাইপ বেন্দ; গুজরাত নুপী পুলিস্কী কোরিওগ্রাফ তৌরবা শো; NCCগী অখন্নবা শো; স্কুল বেন্দ কয়া; ইন্দিয়ন এয়র ফোর্সনা ফ্লাইপাস্ত তৌবা; ভাইব্রেন্ত ভিলেজশিংগী ইকোনোমিক ভাইএবিলিতী উৎপনচিংবা ইভেন্ত কয়া উৎখি।
প্রধান মন্ত্রীনা ঙসিগী থৌরমদা তিনখিবা মীয়ামদা ৱা ঙাঙবদা, রাস্ত্রিয় এক্তা দিবসনা ভারতকী নহা অমসুং লান্মীশিংগী অমত্তা ওইবগী পাঙ্গলবু নুংঙাই ফোংদোক্লি হায়না ফোংদোকখি। “ঐহাক্না মিনি ইন্দিয়া অমা মওং অমদা উবা ফংই”, প্রধান মন্ত্রীনা হায়খি। লোল, রাজ্য অমসুং চৎনবীশিং খেন্নজরবসু, ভারতকী মীয়াম খুদিংমক অপুনবগী অকনবা লং অমনা পুনশিন্দুনা থম্লি হায়না মহাক্না হায়খি। “মরুদি য়াম্মি, অদুবু লৈ পরেংদি অমখক্তনি। ঐখোয় অসি তোঙাঞ্জরবসু, ঐখোয় অসি অমত্তা ওইরি”, মহাক্না হায়খি। ওগস্ত 15 অমসুং জনুৱারী 26পু নিংতম নুমিৎ অমসুং গনতন্ত্র দিবস নুমিৎ হায়না খঙনবগুম্না ওক্তোবর 31 অসিসু লৈবাক শিনবা থুংবগী অমত্তা ওইবগী কুহ্মৈ ওইরে হায়না প্রধান মন্ত্রীনা হায়খি। লাল কিলাদা নিংতম নুমিৎ পাংথোকপা, কর্তব্য পথতা গনতন্ত্র দিবস পাংথোকপা অমসুং ইমা নর্মদাগী তোর্বান্দা লৈরিবা স্তেচ্যু ওফ য়ুনিতীদা রাস্ত্রিয় এক্তা দিবস পাংথোকপা অসিনা লৈবাক্না খোঙজেল য়াঙনা চাউখৎপগী ত্রনিতী ওইরে হায়না মহাক্না হায়খি। ঙসিগী থৌরমগী মতাংদা ৱা ঙাঙলদুনা, প্রধান মন্ত্রীনা এক্তা নগরদা লাকপা মীওইশিংনা স্তেচ্যু ওফ য়ুনিতী য়েংবতা নত্তনা সর্দার সাহেবকী পুন্সি অমসুং ভারতপু পুনশিন্নবা হোৎনখিবগী মতৌসু য়েংবা ফংগনি হায়না প্রধান মন্ত্রীনা হায়খি। “স্তেচ্যু ওফ য়ুনিতীনা এক ভারত, শ্রেস্থ ভারতকী ৱাখল্লোনগী মহুৎ শিল্লি”, শ্রী মোদীনা হায়খি। স্তেচ্যু অসি শাবদা মীয়াম্না মশাগী শরুক তমখিবগী মতাংদা পল্লদুনা লৌমীশিংনা মসিগীদমক্তা মশাগী খুৎশু খুৎলায় পুথোক্লকখিবগী খুদম পীখি। ৱাল ওফ য়ুনিতী শানবগীদমক্তা লৈবাক্কী তোঙান-তোঙানবা মফমদগী লৈবাক-লৈহাও পুরকখিবগী মতাংদসু মহাক্না হায়খি। মীয়াম করোর অমনা ‘রন ফোর য়ুনিতী’ অমসুং লৈবাক পুম্বদা পাংথোক্লিবা থৌরম কয়াদা শরুক য়াদুনা রাস্ত্রিয় এক্তা দিবসকী নুংঙাইবা ফোংদোকপদা শরুক য়ারি হায়না প্রধান মন্ত্রীনা হায়খি। “সর্দার সাহেবকী ৱাখল্লোন্না এক ভারত, শ্রেস্থ ভারতকী ইথিলগীদমক্তা নুংঙাইবা ফোংদোক্নবগীদমক্তা অমত্তা ওইনা পুল্লিবা মীয়াম করোর 140গী নুংগী ৱাখল্লোন ওইরি”, প্রধান মন্রতীনা সর্দার পতেলগী মফমদা ইকায় খুম্নবা উত্তুনা অমসুং মীয়াম্বু রাস্ত্রিয় এক্তা দিবসকীদমক্তা থাগৎলদুনা হায়খি।
ভারতপু নুংঙাই য়াইফবা অমসুং চাউখৎপা লৈবাক অমা ওইহনগদবগী মতম ওইবনা, মথংগী চহি 25 অসিদি ভারতকী ওইনা হন্দক্কী চহি চা অসিগী খ্বাইদগী মরু ওইবা চহি 25নি হায়না অমুক্কা হন্না পল্লদুনা, প্রধান মন্ত্রীনা হায়খি। নিংতম্বগী চহি 25কী মমাংদা লৈবাক অসিনা উবা ফংখিবা চপ মান্নবা ইথিল অদুমক লৈদুনা লৈবাক অসিগীদমক্তা খোঙফম চেৎসি হায়না মহাক্না মীয়ামদা হায়খি। মালেমদা ভারতকী থাক হেনগৎলক্লিবা অসিবুসু মহাক্না পনখি। “মালেমগী খ্বাইদগী চাউবা গনতন্ত্র ওইবগী থাকপু ঐখোয়না অৱাংবা থাক্তা পুখৎপা ঙম্বসিদা ঐখোয়না চাউথোকচবা ফাওই”, মহাক্না হায়খি। সেক্যুরিতী, ইকোনোমী, সাইন্স, লৈবাক মনুংদা দিফেন্সকী পোৎলম শাজবগী লমদা ভারতকী থাক লিংনা লৈরিবা অমসুং ভারত মচাশিংনা মালেমগী কোর্পোরেত অমসুং শান্ন-খোৎনবগী লমদা লুচিংলিবা অসিগী মতাংদসু মহাক্না হায়খি।
মীখা পোনবগী ৱাখল্লোন থাদোক্তুনা তুংলমচত্তা চঙশিনবগী ৱাশকশিং পল্লদুনা, পি.এম. মোদীনা ভারতনা শাহৌ লৌবগা লোয়ননা মশাগী হেরিতেজপুসু য়োকখৎলি হায়না ফোংদোকখি। নেভীগী ফিরালদগী মীখা পোনবগী মমি লৌথোকখিবা, মীখা পোল্লিঙৈ মতমগী কান্নদবা আইন কয়া মুথৎপা, ঘঝণগী মহুৎ শিন্দোকখিবা অমসুং নেতাজীনা মীতম্না ইন্দিয়া গেতপু লৈতেংলদুনা মীখা পোনবগী মীহুৎশিং লৌথোকখিবগী মতাংদসু মহাক্না পনখি।
পি.এম. মোদীনা হায়খি, “ঙসিদি, ভারতনা ফংবা ঙম্লোইদবা পান্দম অমত্তা লৈত্রে”। সবকা প্রয়াসকী মপাঙ্গল তাক্লদুনা, মহাক্না আর্তিকল 370 লৌথোকখিবগী মতাংদা পল্লদুনা কশ্মির অমসুং লেমহৌরিবা লৈবাক্কী মফমশিংগী মরক্তা লৈরম্বা আর্তিকল 370গী ফক্লাং অদু ঙসি লৌথোকখ্রে অমসুং মসিনা সর্দার সাহেবনা হৌজিক লৈরিবা মফম অদুদা মহাকপু শোইদনা নুংঙাইবা ফাওহল্লমগনি হায়না মহাক্না হায়খি।
মতম কয়াদগী পন্দুনা লৈরবা শিংনবা কয়াগী মতাংদা মহাক্না মখা তারদুনা, দিকেদ 5-6তগী পন্দুনা লাক্লবা অদুগা শুপ্নগী চহি খরগী মনুংদা লোইশিনখ্রবা সর্দার সরোবর দামগী মতাংদা পাউদমখি। কেবারিয়া-এক্তা নগরবু শেমদোকখিবগী থৌওংবু মহাক্না সঙ্কল্প সে সিদ্ধীগী খুদম ওইনা পনখি। “ঙসিদি, এক্তা নগরবু গ্লোবেল গ্রীন সিতী হায়না শকখঙনরে”, মহাক্না হায়খি। লমকোয়বা ময়ামগী কোইফম কয়াগী মথক্তা, হৌখিবা থা 6 অসিমক্তদা, এক্তা নগরদা উ-পাম্বী চারা লাখ 1.5 হেন্না থাখ্রে হায়না প্রধান মন্ত্রীনা পাউদমখি। লোকেলিতী অসিদা হান্নদগী হৌনা সোলার পাৱর নীংথিনা পুথোক্লিবা অমসুং গ্যাস দিস্ত্রিব্যুসন তৌবগী মতাংদা পল্লদুনা, প্রধান মন্ত্রীনা ঙসিদি এক্তা নগরদা হেরিতেজ ত্রেনসু লাক্লগনি হায়খি। হৌখিবা চহি 5তা লমকোয়বা করোর 1.5 হেনবনা মফমসিদা লাকখ্রে, মসিনা লোকেল ত্রাইবেল খুন্নাইদা থবক্কী খুদোংচাবা কয়া পীখি হায়না মহাক্না ফোংদোকখি।
প্রধান মন্ত্রীনা হায়খি, “ঙসিদি, ভারতকী নীংহন্নবা লৈতবা মতৌ অমসুং লৈবাক মীয়ামগী থৌনা অমসুং মায়থীবা খঙদবগী মতৌবু মালেম পুম্বনা শকখঙলে”। মালেম্না মসিদগী ইথিল লৌরিঙৈ তাল্লকসিদা, ঐখোয়না চৎনবী খরগী মতাংদা চেকশিনবগী মথৌদি তারি হায়না মহাক্না হায়খি। মালেমদা ঙসি লৈরিবা জিওপোলিতিকেলগী ওইবা তংদু লৈতাদবা অসিগী মতাংদা পল্লদুনা, প্রধান মন্ত্রীনা কোবিদ লাইচৎকী মতুংদা ইনফ্লেসন থোকপা অমসুং হৌখিবা চহি 30-40গী ওইনা য়েংলুবদা, থবক ফংদবগী চাংনা য়াম্না কা হেন্না লৈরিবা অসিনা লৈবাক্কী শেন্মিৎলোন কয়া কায়হল্লিবা অসিগী মতাংদা হায়খি। মসিগী ফিভম অসিদা, ভারতনা অনৌবা রেকোর্দ কয়া থমদুনা অমসুং খোঙথাং কয়া পায়খত্তুনা তুংলমচৎকী মাইকৈদা লেপ্তনা চঙশিল্লি হায়না প্রধান মন্ত্রীনা হায়খি। সরকারনা লৌবা ৱারেপ অমসুং শেমখিবা পোলিসী কয়ানা হৌখিবা চহি 9দা পুরকখিবা অফবা শাফু কয়াগী মতাংদা প্রধান মন্ত্রীনা পাউদমখি। হৌখিবা চহি 5খক্কী মনুংদা, ভারত মচা করোর 13.5 হেনবনা লাইরবগী খয়াত্তগী মনিং তমখি হায়না মহাক্না পাউদমখি। লৈবাক মীয়াম্না লৈবাক্কী তংদু লৈতাদবগী মতৌ কাইহন্দনা থম্বীয়ু হায়রদুনা, প্রধান মন্ত্রীনা লৈবাক মীয়াম করোর 140গী হোৎনজমন্না লৈবাকপু চাউখৎ থৌরাংগী লম্বীদা থম্লিবা অসিবু লেম্না মাঙহল্লোইসি হায়না ফোংদোকখি। “ঐখোয়না তুংগী মতমদা মিৎয়েং থমগদবনি অমসুং ঐখোয়গী লৈবাক্কী পান্দমশিং লেপ্তনা ফংহনগদবনি”, মহাক্না মখা তাখি।
আইরন মেন সর্দার সাহেবনা ইন্তর্নেল সেক্যুরিতীগীদমক্তা খঞ্জরম্বা অদুগী মতাংদা পাউদম্লদুনা, প্রধান মন্ত্রীনা হৌখিবা চহি 9দা হীরম অসিগা মরী লৈননা পায়খৎখিবা খোঙথাং কয়াগী পরিং অমসুং অমাঙ অতা থোকহল্লম্বা মীওইশিংদগী মখোয়না মমাংদা ফংলম্বা শক্তিশিংবু লৌথোক্তুনা মসিগুম্বা শিংনবা অসিগা মতৌ করম্না মাইয়োক্নরিবগে হায়বগী মতাংদা ৱাফম কয়া থমখি। লৈবাক্কী অপুনবা শক্তমগী মাইয়োক্তা লান্দারকপা মতমদা ঐখোয়না মতম পুম্বদা চেকশিন্না লৈফম থোকই হায়না মহাক্না মরু অইনা পনখি।
ভারতকী চাউখৎ থৌরাংগী খোঙচত্তা লৈরিবা খ্বাইদগী অচৌবা অপনবা ওইরিবসিদি মীওই খরবু পেলহন্না শান্নবা রাজনীতিনি হায়না প্রধান মন্ত্রীনা হায়রদুনা, মখোয়গুম্বা মীওইশিংনা তেরোরিজম্বু উশিন্নদনা লৈখিবা অমসুং মীওইবা খুন্নাইগী য়েক্নবগা অমত্তা ওইনা লেপ্পগী মতৌ অসি ঐখোয়না দিকেদ কয়াদগী উদুনা লাকখি হায়না মহাক্না হায়খি। লৈবাক্কী অপুনবদা অপনবা পীবা য়াবা মসিগুম্বা ৱাখল্লোন্দগী ঐখোয়না চেকশিন্না লৈসি হায়না মহাক্না মখা তাখি।
হৌজিক চত্থরিবা অমসুং লাক্কদৌরিবা মীফমগী মতাংদা পল্লদুনা, প্রধান মন্ত্রীনা অফবা পোলিতিক্স তৌগে খন্দবা কাঙবু অমসুং লৈবাক অমসুং খুন্নাইগী মাইয়োক্তা লৈবা থবক পাংথোকপশিংদগীসু চেকশিনসি হায়না মহাক্না হায়খি। “চাউখৎপা ভারত অমগী পান্দম ফংনবগীদমক্তা ঐখোয়না লৈবাক্কী অপুনবগী শক্তম ঙাকপগী থবকশিং ঐখোয়না লেপ্তনা পায়খৎসি। ঐখোয়না লৈবা হীরম খুদিংদা, ঐখোয়না মদুদা ইশাগী চাম্মদা চাম্মা পীবা তাবনি। মসি খক্তনা ঐখোয়গী তুংগী চারোন শুরোনগী অফবা মতম অমা থম্লম্নবা পাম্বৈনি”, শ্রী মোদীনা মখা তাখি।
.
সর্দার পতেলগী মতাংদা মাইগোবতা চত্থরিবা লৈবাক্কী ওইবা চাংয়েংনবা অসিগী মতাংদসু শ্রী মোদীনা পাউদমখি।
ঙসিগী ভারত অসিদি লৈবাক মীয়াম খুদিংনা মশাদা থাজবনা থল্লবা অনৌবা ভারত অদুনি হায়না প্রধান মন্ত্রীনা হায়খি। মসিগুম্বা থাজবা অসি লেপ্তনা লৈহনগদবনি অমসুং অমত্তা ওইবগী মতৌসু কাইহোল্লোইদবনি হায়না মহাক্না হায়খি। মহাক্না লৈবাক মীয়ামগী মহুত শিন্দুনা সর্দার পতেলবু ইকায় খুম্নদুনা অমসুং মীয়াম্বু রাস্ত্রিয় এক্তা দিবসকীদমক্তা য়াইফ পাউজেল পীরদুনা মহাক্না মশাগী ৱারোল লোইশিনখি।
বেকগ্রাউন্দ
প্রধান মন্ত্রীগী লুচিং মখাদা লৈবাক্কী অমত্তা ওইবগী মতৌ, পুম্নমক্কী মরক্তা অচেৎপা মরী লৈবগী মতৌ অমসুং তেক্ত-কায়দবগী মতৌ ঙাকপা অমসুং মপাঙ্গল হেনগৎহনবগী পান্দমগা লোয়ননা সর্দার বল্লবভাই পতেলগী মপোক নুমিৎপু রাস্ত্রিয় এক্তা দিবস হায়না পাংথোক্নবা পুৱারী ওইবা ৱারেপ লৌখিবনি।
31 अक्टूबर का ये दिन देश के कोने-कोने में राष्ट्रीयता के संचार का पर्व बन गया है। pic.twitter.com/qoKIuXjAuM
— PMO India (@PMOIndia) October 31, 2023
राष्ट्र उत्थान की त्रिशक्ति... pic.twitter.com/WSfKGthiDy
— PMO India (@PMOIndia) October 31, 2023
The coming 25 years are the most important 25 years of this century for India. pic.twitter.com/eYJMMekWPj
— PMO India (@PMOIndia) October 31, 2023
अमृत काल में भारत ने गुलामी की मानसिकता को त्यागकर आगे बढ़ने का संकल्प लिया है। pic.twitter.com/fyHNRnxkX4
— PMO India (@PMOIndia) October 31, 2023
Today, there is no objective beyond India's reach. pic.twitter.com/7NPhrKIVfq
— PMO India (@PMOIndia) October 31, 2023
Today, the entire world acknowledges the unwavering determination of India, the courage and resilience of its people. pic.twitter.com/7FT6eqvkeS
— PMO India (@PMOIndia) October 31, 2023
We must persistently work towards upholding our nation's unity to realise the aspiration of a prosperous India. pic.twitter.com/FUrGGhg6n7
— PMO India (@PMOIndia) October 31, 2023
हर भारतवासी आज असीम आत्मविश्वास से भरा हुआ है। pic.twitter.com/oQU8JdxvyH
— PMO India (@PMOIndia) October 31, 2023
