Share
 
Comments
পি.এম.না ইন্দিয়ন নেভীদা ইন্দিজিনস তেক্নোলোজী শীজিন্নবদা শাহৌ পীনবা পান্দম থম্মিবা – ‘স্প্রিন্ত চেলেঞ্জেস’ হৌদোকখ্রে
“২১শুবা চহিচাগী ভারতকীদমক ভারতকী ঙাকশেল লান্মীশিংগী আত্মনির্ভরগী পান্দম অসি য়াম্না মরু ওই।”
“ইনোভেসন অসি মরু ওই অমসুং মসি ইন্দিজিনস ওইবা তাই। ইম্পোর্ত তৌরকপা পোৎলমশিং অসি ইনোভেসনগী সোর্স অমা ওইবা য়ারোই”
“অহানবা ইন্দিজিনস এয়রক্রাফ কেরিয়র কম্মিসন তৌনবা ঙাইরিবা অসি অথুবদা য়ৌরক্লগনি”
“নেস্নেল সেক্যুরিতীদা খুদোংথিনীংঙাই ওইবসু হেনগৎলক্লি অমসুং লান শোক্নবগী পাম্বৈশিংদসু অহোংবা লাক্লি”
“ভারতনা মালেমগী ফম্পাক্তা মশাগী মশক তাকপা হৌরকপগা লোয়ননা মিসইনফোর্মেসন, দিসইনফোর্মেসন, অরানবা পাউগী খুত্থাংদা লেপ্পা লৈতনা অকাইবা পীরক্লি”
“লৈবাক অসিগী নত্ত্রগা মপালদগী ওইরবসু ভারতকী চাউখৎপদা অকাইবা পীবা শাফুশিংগী খোঙথাং খুদিংমক মাইথিবা পীবা তাই”
“ঐখোয়না আত্মনির্ভর ভারতকীদমক ‘হোল ওফ দি গভর্নমেন্ত’ এপ্রোচকা লোয়ননা মাংদা চংশিল্লিবা অসিদা লৈবাক অসিগী ঙাকশেলগীদমক ‘হোল ওফ দি নেসন’ এপ্রোচ অসিসু তানফম অসিদা য়াম্না তঙাই ফদে”

প্রধান মন্ত্রী শ্রী নরেন্দ্র মোদীনা এন.আই.আই.ও. (নেভেল ইনোভেসন এন্দ ইন্দিজিনাইজেসন ওর্গনাইজেসন)গী সেমিনার স্বাব্লম্বন’দা ঙসি ৱা ঙাংখ্রে।

মীতিন অদুদা ৱা ঙাংলদুনা প্রধান মন্ত্রীনা হায়খি মদুদি, ২১শুবা চহিচাগী ভারতকীদমক ভারতকী লান্মীশিংগী আত্মনির্ভরতাগী পান্দম অসি য়াম্না মরু ওই। মীপাল তাংদবা নেভীগীদমক অহানবা স্বাব্লম্বন সেমিনার পাঙথোকপা অসি মাইকৈ অসিদা চংশিল্লিবা মরু ওইবা খোঙথাং অমনি।

প্রধান মন্ত্রীনা হায়খি ভারতকী অনৌবা ফিরেপশিং লৌবগী মতম অসিদা ইন্দিজিনস তেক্নোলোজী ৭৫ শেমগৎনবগী ফিরেপ অসিমক ইথিল পীনীংঙাই ওই অমসুং মসি অথুবদা থুংহনবা ঙমগনি হায়না মহাক্না থাজবা ফোঙদোকখি। মসিমক মসিগী অহানবা খোঙথাংগী মখল অমনি হায়খি। “ঐখোয়না মখোয়গী মশিং লেপ্পা লৈতনা হেনগৎনবা হোৎনবা তাই। অদোমগী পান্দম অসি ভারতনা মাগী নীংতম্বগী চহি ১০০ শুরকপা মতম অদুদা ঐখোয়গী নেভীনা অমুক্তা য়ৌখিদ্রিবা পনখৈ অমা য়ৌবা ঙমহনবা হায়বা অসি ওইগদবনি”, হায়না মহাক্না মখা তাখি।

ভারতকী শেন্মীৎলোন্দা সমুদ্র অমসুং সমু্দ্র মপালশিংগী মরু ওইবা অদু পল্লদুনা প্রধান মন্ত্রীনা হায়খি ইন্দিয়ন নেভীগী থৌদাং অসি লেপ্তনা হেনগৎলক্লি অমসুং মরম অসিনা নেভীগী আত্মনির্ভর ওইবা হায়বা অসি য়াম্না মরু ওই।

লৈবাক অসিগী মতিক-ময়াই লৈরবা সমুদ্রগা মরী লৈনবা চৎনবী অসিবু নীংশিংলদুনা প্রধান মন্ত্রীনা হায়খি, ভারতকী দিফেন্স সেক্তর অসি নীংতম্বা ফংদ্রিঙৈ মমাংদগী য়াম্না মপাঙ্গল কনবা ওইরমখি। নীংতম্বা ফংবা মতমদা, লৈবাক অসিদি ওর্দিনান্স ফেক্তরী ১৮ লৈরমখি, মসিদা আর্তিলরী গনশিং য়াওনা মিলিতরীগী খুৎলাই মখল কয়া ঐখোয়গী লৈবাক্তা শারমখি। মালেমগী অনিশুবা  লাঞ্জাওদা ঐখোয়না দিফেন্স ইক্বিপমেন্তগী মরু ওইবা সপ্লায়র অমা ওইরমখি। “ঐখোয়গী হোবিতজর তোপশিং, ইশাপুর রাইফল ফেক্তরীদা শাবা মছিন গনশিং অসি খ্বাইদগী ফৈ হায়না লৌনরম্মি। ঐখোয়না য়াম্না এক্সপোর্ত তৌরমখি। অদুবু করি থোকখিবননো ঐখোয়না তানফম অমদা লম অসিদা মালেমগী ওইনা খ্বাইদগী চাউবা ইম্পোর্তর ওইরকখিবা?”, হায়না মহাক্না হঙখি। মহাক্না হায়খি মালেমগী লাঞ্জাওগী শীংনবা অসিদা কেপিতেলাইজ তৌখিবা লৈবাকশিংনা অচৌবা আর্মস এক্সপোর্তরশিং ওইরকখিবা অসিগুম্না ভারতনা কোরোনাগী মতমদা খুদোংচাদববু খুদোংচাবদা ওন্থোকপা ঙমখি অমসুং শেন্মীৎলোন, মেন্যুফেকচরিং অমসুং সাইন্সতা খুমাং চাউশিনখি। নীংতম্বা ফংবগী হৌরকপা দিকেদশিংগী মনুংদা দিফেন্স প্রদক্সন অমসুং রিসর্চতা মীৎয়েং চংলমখিদবা অমসুং সরকারগী সেক্তর খক্তা হায়বা ৱাখল্লোন অসিনা মরম ওইদুনা চাউখৎপদা চাউনা অপনবা ওইরমখিবা অসিগীদমক মহাক্না নুংঙাইতবা ফোঙদোকখি। মহাক্না হায়, “ইনোভেসন অসি মরু ওই অমসুং মসি ইন্দিজিনস ওইবা তাই। ইম্পোর্ত তৌখিবা পোৎলমশিং অসি ইনোভেসনগী সোর্স অমা ওইবা য়ারোই”। মহাক্না হায়খি ইম্পোর্ত তৌরকপা পোৎলমশিংদা পুক্নিং চিংশিল্লিবগী ৱাখল্লোন অসিদা অহোংবা অমা পুরকপা মথৌ তাই।

প্রধান মন্ত্রীনা হায়খি আত্মনির্ভর ভারত অসি শেন্মীৎলোনগী ওইনা অমসুং স্ত্রেতেজিক ওইবা ৱাখল্লোন্দা য়াম্না মরু ওই। মহাক্না হায়খি লৈবাক অসিনা ২০১৪গী মতুংদা মসিদা মীপাল তাংবা হন্থহন্নবা মিসন মোদতা থবক পাইখৎখি। প্রধান মন্ত্রীনা হায়খি ঐখোয়গী পব্লিক সেক্তর দিফেন্স কম্পনীশিংবু ঐখোয়না তোঙান-তোঙানবা সেক্তরশিংদা শিন্দোক্তুনা ঐখোয়না অনৌবা মপাঙ্গল হাপখি। ঙসি ঐখোয়না আই.আই.তি.গুম্বা ঐখোয়গী  প্রিমিয়র ইন্সতিত্যুসনশিংবু দিফেন্স রিসর্চ অমসুং ইনোভেসনগা শম্নহন্নবা হোৎনরি। মহাক্না হায়খি, “হৌখিবা দিকেদশিংগী এপ্রোচতগী তমশিন্দুনা ঙসি ঐখোয়না সবকা প্রয়াসকা লোয়ননা অনৌবা দিফেন্স ইকোসিস্তেম চাউখৎহল্লি। ঙসি দিফেন্স আর এন্দ সি অসি pপ্রাইবেৎ সেক্তর, একাদেমিয়া, এম.এস.এম.ই. অমসুং স্তার্ত-অপশিংগীদমক হাংদোক্লে”। মসিনা মতম শাংনা পন্দুনা লৈরকখিবা দিফেন্স প্রোজেক্তশিংদা অনৌবা খোঙজেল লৈহনখি অমসুং মন্ত্রী মন্ত্রীনা অহানবা ইন্দিজিনস এয়রক্রাফ কেরিয়র কম্মিসন তৌনবা ঙাইরিবা অসি অথুবদা য়ৌরক্লগনি হায়না থাজবা ফোঙদোকখি।

প্রধান মন্ত্রীনা হায়খি সরকারনা হৌখিবা চহি 8 অসিদা দিফেন্সকী বজেৎ হেনগৎহনবা খক নত্তনা, “বজেৎ অসি ঐখোয়না লৈবাক অসিগী দিফেন্স মেন্যুফেকচরিং ইকোসিস্তেম শেমগৎপদা তেংবাং ওইহন্নবা হোৎনখি। ঙসি, দিফেন্স ইক্বিপমেন্ত লৈনবগীদমক খাক্তুনা থমখিবা বজেৎ অসিগী য়াম্লবা শরুক অসি ভারতকী কম্পনীশিংদগী লৈবদা শীজিন্নরি”। মহাক্না দিফেন্স ফোর্সশিংনা ইম্পোর্ত তৌররোইদবা আইতেম ৩০০গী লিস্ত অমা শেমখিবগীদমক থাগৎপসু ফোঙদোকখি।

হৌখিবা চহি ৪-৫ অসিদা ঐখোয়গী দিফেন্স ইম্পোর্ত অসি চাউরাক্না চাদা ২১ হন্থখি। ঙসি ঐখোয়না খ্বাইদগী চাউবা দিফেন্স ইম্পোর্তর ওইরম্বদগী অচৌবা এক্সপোর্তরগী মাইকৈদা খোঙজেল য়াংনা মাংদা চংশিল্লি। হৌখিবা চহিদা প্রাইবেৎ সেক্তরদগী চাদা ৭০ হেন্না লৈবগা লোয়ননা লুপা করোর লিশিং ১৩রোমগী দিফেন্স এক্সপোর্ত তৌখি, হায়না মহাক্না ফোঙদোকখি।

প্রধান মন্ত্রীনা হায়খি হৌজিক নেস্নেল সেক্যুরিতীদা খুদোংথিনীংঙাই ওইবসু হেনগৎলক্লি, লান শোক্নবগী পাম্বৈশিংদসু অহোংবা লাক্লি। মমাংদা ঐখোয়না শুপ্নগী কংফাল, সমুদ্র অমসুং নোংথক ফাওবা খক ঐখোয়গী দিফেন্সকী ৱাখল শাগৎলমখি। হৌজিক্তি স্কোপ অসি স্পেস হায়বদি শুন্দ্রংগী মাইকৈদা চংশিল্লি, সাইবরস্পেসকী মাইকৈদা চংশিল্লি, শেন্মীৎলোন, সামাজিক স্পেসকী মাইকৈদা চংশিল্লি। প্রধান মন্ত্রীনা হায়খি অসিগুম্বা ফীভম অমদা ঐখোয়না তুংদা লাক্কদবা শীংনবশিংগী অদুগী শেমশাদুনা মাংদা চংশিনবা অমসুং মদুগী মতুং ইন্না ইশাদা অহোংবা পুরকপা তাই। মীপাল তাংদবনা লৈবাক অসিবু হীরম অসিদা চাউনা মতেং পাংগনি হায়না মহাক্না ফোঙদোকখি।

প্রধান মন্ত্রীনা নৌনা থোরক্লিবা অকিবা অসিগী মতাংদা চেকশিনৱা থমখি। মহাক্না হায়খি, “ঐখোয়না ভারতকী আত্মবিশ্বাস, ঐখোয়গী আত্মনির্ভরদা শীংনরিবা শাফুশিংগী মায়োক্তা ঐখোয়না শোক্নরিবা লান কনশিনবা তাই। ভারতনা মালেমগী ফম্পাক্তা মশাগী মশক তাকপা হৌরকপগা লোয়ননা মিসইনফোর্মেসন, দিসইনফোর্মেসন, অরানবা পাউগী খুত্থাংদা লেপ্পা লৈতনা অকাইবা পীরক্লি।  মসিদা থাজবা থমদুনা লৈবাক অসিগী নত্ত্রগা মপালদগী ওইরবসু ভারতকী চাউখৎপদা অকাইবা পীবা শাফুশিংগী খোঙথাং খুদিংমক মাইথিবা পীবা তাই”। মহাক্না মখা তারদুনা হায়খি মরম অসিনা “ঐখোয়না আত্মনির্ভর ভারতকীদমক ‘হোল ওফ দি গভর্নমেন্ত’ এপ্রোচকা লোয়ননা মাংদা চংশিনবা অসিদা মসিগা মান্ননা লৈবাক অসিগী ঙাকশেলগীদমক ‘হোল ওফ দি নেসন’ এপ্রোচ অসিসু তানফম অসিদা য়াম্না তঙাই ফদে”। “ভারতকী তোঙান-তোঙানবা মীওইশিংগী অপুনবা নেস্নেল কন্সিয়সনেস অসিনা ঙাকশেল অমসুং চাউখৎ থৌরাংগীদমক মপাঙ্গল কনবা য়ুম্ফম থোল্লি”, হায়না ফোঙদোক্লদুনা প্রধান মন্ত্রীনা ৱারোল পীবা লোইশিনখি।  

এন.আই.আই.ও.গী সেমিনার ‘স্বাব্লম্বন’

আত্মনির্ভর ভারতকী মরু ওইবা য়ুম্বী অসি দিফেন্স সেক্তরদা মীপাল তাংদবা হায়বা অসিনি। খোঙথাং অসি মখা চত্থবা ওইনা থৌরম অসিদা প্রধান মন্ত্রীনা ইন্দিয়ন নেভীদা ইন্দিজিনস তেক্নোলোজী শীজিন্নবদা শাহৌ পীনবা পান্দম থম্মিবা ‘স্প্রিন্ত চেলেঞ্জেস’ হৌদোক্কনি। ‘আজাদী কা অমৃত মহোৎসব’কী শরুক ওইনা এন.আই.আই.ও.না দিফেন্স  ইনোবেসন ওর্গনাইজেসন (দি.আই.ও.)গা চুংশিন্নদুনা ইন্দিয়ন নেভীদা অনৌবা ইন্দিজিনস তেক্নোলোজী/প্রদক্ত য়ামদ্রবদা ৭৫ ইন্দক্ত তৌনবা পান্দম থম্মি। চুংশিন্নদুনা পাইখৎপা প্রোজেক্ত অসিগী মমিং স্প্রিন্ত (সপ্পোর্তিং পোল-ভোলতিং ইন আর এন্দ দি থ্রু আইদেক্স, এন.আই.আই.ও. এন্দ তি.দি.এ.সি.) কৌই।

সেমিনার অসিনা দিফেন্স সেক্তরদা মীপাল তাংদবা ওইবা ঙম্নবা মাইকৈদা ইন্দিয়ন ইন্দস্ত্রী অমসুং একাদেমিয়াগা থবক তৌমিন্ননবা পান্দম থম্মি। নুমিৎ নিনিগী সেমিনার (জুলাই ১৮-১৯) অসিনা দিফেন্স সেক্তরগীদমক রিকম্মেন্দেনশিংগী ৱাখল্লোন পুথোক্নবা কম্মন প্লেৎফোর্ম অমদা ইন্দস্ত্রী, একাদেমিয়া, সর্ভিসেস অমসুং সরকারগী লুচিংবশিং পুনশিন্নবগী ফম্পাক অমা পীরগনি। ইনোভেসন, ইন্দিজিনাইজেসন, অর্মামেন্ত অমসুং এভিএসনগী ওইবা সেসনশিং পাঙথোক্কনি। সেমিনারগী অনিশুবা নুমিৎতা সরকারগী সাগর (সেক্যুরিতী এন্দ গ্রোথ ফোর ওল ইন দি রিজন)গী বিজন অসিগী মখাদা ইন্দিয়ন ওসীন রিজনগী আউতরীচ উবা ফংগনি।

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
Modi image, page committees, Patel govt: How BJP scripted historic win in Gujarat

Media Coverage

Modi image, page committees, Patel govt: How BJP scripted historic win in Gujarat
...

Nm on the go

Always be the first to hear from the PM. Get the App Now!
...
PM chairs Video meeting of Governors, CMs and LGs to discuss aspects of India’s G20 Presidency
December 09, 2022
Share
 
Comments

Prime Minister Shri Narendra Modi chaired a video meeting of the Governors and Chief Ministers of States and Lt Governors of Union Territories today, to discuss aspects relating to India’s G20 Presidency.

Prime Minister in his remarks stated that India’s G20 Presidency belongs to the entire nation, and is a unique opportunity to showcase the country’s strengths.

Prime Minister emphasized the importance of teamwork, and sought the cooperation of the States / UTs in the organization of various G20 events. He pointed out that the G20 Presidency would help showcase parts of India beyond the conventional big metros, thus bringing out the uniqueness of each part of our country.

Highlighting the large number of visitors who would be coming to India during India’s G20 Presidency and the international media focus on various events, Prime Minister underlined the importance of States and UTs utilizing this opportunity to rebrand themselves as attractive business, investment and tourism destinations. He also reiterated the need to ensure people’s participation in the G20 events by a whole-of-government and a whole-of-society approach.

A number of Governors, Chief Ministers, and Lt. Governors shared their thoughts during the meeting, emphasising the preparations being done by the states to suitably host G20 meetings.

The meeting was also addressed by External Affairs Minister, and a presentation was made by India's G20 Sherpa.