মুখ্য মন্ত্রীগী মন্ত্রী মন্দলদা লৈরিবা ঐহাক্কী মরুপ শ্রী রাজনাথ সিংহজী, শ্রী অজয় ভত্তজী, চীফ ওফ নেভেল স্তাফ, ভাইস চীফ ওফ নেভেল স্তাফ, দিফেন্স সেক্রেতরী, এস.আই.দি.এম.গী প্রসিদেন্ত, ইন্দস্ত্রী অমসুং একাদেমিয়াগা মরী লৈনবা মরুপশিং, অতোপ্পা দিগনিতরি পুম্নমক, নুপী অমদি নুপাশিং!
২১শুবা চহিচাগী ভারতকীদমক ভারতকী লান্মীশিংগী আত্মনির্ভরতাগী পান্দম অসি য়াম্না মরু ওই। মীপাল তাংদবা নেভীগীদমক অহানবা স্বাবলম্বন সেমিনার পাঙথোকপা অসি মাইকৈ অসিদা চংশিল্লিবা মরু ওইবা খোঙথাং অমনি অমসুং মসিগীদমক ঐহাক্না পুম্নমকপু থাগৎচরি। ঐহাক্না য়াইফ-মঙ্গোল পীজরি।ম
মরুপশিং,
মিলিতরীগী শেম-শাবদা, অমসুং মরু ওইনা নেভীগী জোইন্ত এক্সর্সাইজতা মসিনা অচৌবা থৌদাং অমা লৌই। সেমিনার অসি জোইন্ত এক্সর্সাইজকী মখল অমসু ওইরি। আত্মনির্ভর ফংনবা জোইন্ত এক্সর্সাইজ অসিদা নেভী, ইন্দস্ত্রী, এম.এস.এম.ই.শিংশিং, হায়বদি মালেমগী মীয়াম অমসুং সরকারগী মীহুৎশিং, স্তেকহোল্দর খুদিংমক্না পুন্না পান্দম অমা ফংনবগীদমক ঙসি পুন্না ৱাখল খল্লি। জোইন্ত এক্সর্সাইজকী পান্দম অসি পার্তিসিপেন্ত পুম্নমক্না মেক্সিমম এক্সপোজর ফংবনি, অমনা অমবু খঙবা হেনগৎহনবনি, খ্বাইদগী ফবা প্রেক্তিস শীজিন্নবনি। অসিগুম্বা ফীভম অমদা জোইন্ত এক্সর্সাইজকী পান্দম অসি য়াম্না মরু ওই। অমত্তা ওইনা ঐখোয়না মথং চহিগী ওগস্ত ১৫ ফাওবদা নেভীগী ইন্দিজিনস তেক্নোলোজী ৭৫ পুথোক্কনি, ফিরেপ অসিমক অচৌবা শক্তি অমনি অমসুং অদোমগী হোৎঞ্জমল, অদোমগী এক্সপরিয়েন্স, অদোমগী লৌশিংনা মসি শোইদনা উৎপা ঙমগনি। ঙসি ভারতনা নীংতম্বগী চহি ৭৫, অমৃত মহোৎসব পালন তৌরিবা মতম অসিদা অসিগুম্বা পান্দমশিং অসিনা ঐখোয়গী আত্মনির্ভর ওইনবগী পান্দমশিংদা শাহৌ পীরগনি। অমরোমদা ঐহাক্না হায়জনীংবদি ইন্দিজিনস তেক্নোলোজী ৭৫ পুথোকপা অসি অহানবা খোঙথাংশিংগী মখল অমনি। ঐখোয়না মখোয়গী মশিং লেপ্পা লৈতনা হেনগৎনবা হোৎনবা তাই। অদোমগী পান্দম অসি ভারতনা মাগী নীংতম্বগী চহি ১০০ শুরকপা মতম অদুদা ঐখোয়গী নেভীনা অমুক্তা য়ৌখিদ্রিবা পনখৈ অমা য়ৌবা ঙমহনবা হায়বা অসি ওইগদবনি।
মরুপশিং,
ঐখোয়গী শেন্মীৎলোন্দা আত্মনির্ভরগীদমক সমুদ্র অমসুং সমু্দ্র মপালগী মফমশিং অসি য়াম্না মরু ওই অমসুং নাকল অমরোমদা মসিনা ইনোৎ হাপ্পি। মরম অসিনা ইন্দিয়ন নেভীগী থৌদাং অসি লেপ্তনা হেনগৎলক্লি। মরম অসিনা নেভীগা লোয়ননা মসিনা লৈবাক্কী মথৌ তাবা হেনগৎলক্লিবশিং অসিদা আত্মনির্ভর ওইবা হায়বা অসি য়াম্না মরু ওই। সেমিনার অসি অমদি মসিদগী ফংবা অমৃত অদুনা ঐখোয়গী ফোর্সশিংবু আত্মনির্ভর ওইহনবদা য়াম্না কান্নরগনি হায়না ঐহাক্না থাজৈ।
মরুপশিং,
ঙসি, ঐখোয়না দিফেন্সতা তুংলমচৎতা আত্মনির্ভর ওইনবগী মতাংদা খন্নরিবা মতম অসিদা ঐখোয়না হৌখিবা দিকেদশিংদা থোকখিবশিংদগী পরাশিং তমশিনবসু তঙাই ফদে। মসিনা তুংলচৎকীদমক লম্বী য়াৎপদা ঐখোয়গী মতেং ওইগনি। ঙসি ঐখোয়না তুং হন্দুনা য়েংলুবদা ঐখোয়গী মতিক ময়াই লৈরবা সমুদ্রগা মরী লৈনবা লানশিং উবা ফংই। ভারতকী অচৌবা ললোন-ইতিক্কী লম্বী অসি লেগেসী অসিগী শরুক অমা ওইরি। ঐখোয়গী ইপা-ইপুশিংনা সমুদ্রবু খুদুম চনবা ঙমলমখি মরমদি মখোয়নদা নুংশিং, স্পেস সাইন্সকী মরমদা লৌশিং য়াম্না লৈরমখি। করম্বা পন্থাদা নুংশিৎকী মাইকৈ কদোমদা শিৎকনি খঙবা ঙম্বগী লৌশিং, নুংশিৎকী মাইকৈদা হী হোন্দুনা লমথুংফম তম্না চৎপা, মসি ঐখোয়গী ইপা-ইপুশিংগী অচৌবা পাঙ্গল ওইরমখি। ভারতকী দিফেন্স সেক্তর অসি নীংতম্বা ফংদ্রিঙৈ মমাংদগী য়াম্না মপাঙ্গল কনবা ওইরমখি। নীংতম্বা ফংবা মতমদা, লৈবাক অসিদি ওর্দিনান্স ফেক্তরী ১৮ লৈরমখি, মসিদা আর্তিলরী গনশিং য়াওনা মিলিতরীগী খুৎলাই মখল কয়া ঐখোয়গী লৈবাক্তা শারমখি। মালেমগী অনিশুবা লাঞ্জাওদা ঐখোয়না দিফেন্স ইক্বিপমেন্তগী মরু ওইবা সপ্লায়র অমা ওইরমখি। ঐখোয়গী হোবিতজর তোপশিং, ইশাপুর রাইফল ফেক্তরীদা শাবা মছিন গনশিং অসি খ্বাইদগী ফৈ হায়না লৌনরম্মি। ঐখোয়না য়াম্না এক্সপোর্ত তৌরমখি। অদুবু করি থোকখিবননো ঐখোয়না তানফম অমদা লম অসিদা মালেমগী ওইনা খ্বাইদগী চাউবা ইম্পোর্তর ওইরকখিবা? অমসুং অহানবা অমসুং অনিশুবা মালেমগী লাঞ্জাওনা চাউনা অমাং অতা থোকহনখি। মালেমগী অচৌবা লৈবাকশিংনা মখল কয়াগী খুদোংথিবা মায়োক্নখি, অদুবু মখোয়না খুদোংথিবা অদুবু খুদোংচাবদা ওন্থোক্নবা হোৎনখি। অমসুং মখোয়না খুৎলাইশিং শাদুনা লান্থেং অসিদগী শাফনবা লম্বী পুথোকখি অমসুং মালেমগী অচৌবা কৈথেলগী পুক্নিং চীংশিন্নবা হোৎনবদা মশাসু খ্বাইদগী চাউবা মেন্যুফেকচর্র অমসুং দিফেন্সকী খ্বাইদগী চাউবা সপ্লায়র ওইবা ঙমখি হায়বদি মখোয়না লান অসিগী চৈথেং ফংখি অদুবু মসিদগী লম্বীসু য়াৎপা ঙমখি। ঐখোয়না কোরোনাগী মতমদা অচৌবা খুদোংথিবা অমা মায়োক্নখি, ঐখোয়না মসিবু মায়োক্ননবা মপুং ফানা শেম-শাবা ঙমখিদে, ঐখোয়গী পি.পি.ই. কিৎশিং লৈখিদে, ঐখোয়না ভেক্সিনগী মঙলান শাগৎপা ফাওবা ঙমখিদে। অদুবু অহানবা লাঞ্জাও, অনিশুবা লাঞ্জাওদা মালেমগী লৈবাক কয়ানা অচৌবা খুৎলাইগী শক্তি পাইনবগী লম্বী পুথোকখিবা অদুগুম্না ভারতনা কোরোনা লাইচৎ মনুংদা চপ মান্নবা লৌশিং অসি শীজিন্নদুনা সাইন্তিফিক গ্রাউন্দদা ভেক্সিন পুথোক্নবা হোৎনখি, অতোপ্পা ইক্বিপমেন্ত পুথোক্নবা হোৎনখি। মমাংদা অমুক্তা তৌখিদ্রবশিং তৌনবা হোৎনখি। ঐহাক্না মসি খুদম ওইনা পীবগী মরমদি ঐখোয়দা শক্তি লৈ, ঐখোয়দা তেলেন্ত ৱাৎপগী ৱাফম লৈতে। অমসুং মালেমদা মীওই তরা খক্তনা পাইবা খুৎলাই অদু ঐহাক্কী লান্মীশিংদা ঐহাক্না পাইহনগনি। করিগুম্বা নীংথিনা ত্রেনিং তৌরবদি মহাক্না খুৎলাই অদু নীংথিনা শীজিন্নবা হৈগনি। অদুবু ঐখোয়না মতম কয়াম শাংনা রিস্ক লৌদুনা লৈগনি? ঐখোয়গী নহা ওইরিবা লান্মীশিংনা চপ মান্নবা খুৎলাই অদু মখুৎতা পাইদুনা লৈগনি? মহাক্না খল্লুদবা অদু মহাক্না ফংগনি। মহাক্না নীংথিনা খঙবা ঙমদ্রিঙৈদা মহাক্কী পুন্সি লোমখিগনি। মসিগী মোদ অসি লান্মীশিং শেম-শাবা খক্তগী নত্তে, মোদ অসি মহাক্কী মখুৎতা করি খুৎলাই পাই হায়বা অসিগী মখা পোল্লি। মরম অসিনা আত্মনির্ভর ভারত অসি শেন্মীৎলোনগী থবক থৌরম খক্তা নত্তে অমসুং ঐখোয়না মসিদা মপুং ফানা অহোংবা পুরকপা মথৌ তাই।
মরুপশিং,
নীংতম্বা ফংবগী অহানবা দিকেদ অমগা মখাইদা ঐখোয়না অনৌবা ফেক্তরীশিং শাগৎপা ঙমদবা খক নত্তনা অরিবা ফেক্তরীশিংগী মতিক-ময়াই হন্থরকখি। ১৯৬২গী লাঞ্জাও মতুংদা নমদুনা পোলিসীশিংদা অহোংবা খরা পুরকখি অমসুং ওর্দিনসন্স ফেক্তরীশিং হেনগৎহন্নবা থবক হৌখি। অদুবু রিসর্চ, ইনোভেসন অমসুং দিবেলপমেন্তদা মীৎয়েং চংখিদে। মম অদুদা মালেম্না অনৌবা তেক্নোলোজী, অনৌবা ইনোভেসনগীদমক প্রাইবেৎ সেক্তরগী মপাল তাংবা হৌখি অদুবু লাইবক থিবদা দিফেন্স সেক্তর অসিবু অকক্নবা সরকারগী রিসোর্স, সরকারগী ৱাখল্লোন মখাদা থমখি। ঐহাক গুজরাত্তগী হৌরকখি, অহমদাবাদ অসি ঐহাক্না মতম শাংনা থবক তৌরকখিবা মফমনি। মতম অমদা নখোয়না গুজরাত্তা, অচৌবা চিমনি অমসুং মিলশিংগী ইন্দস্ত্রী ওইরিবা সমুদ্র মপালগী মফমশিংদা থবক তৌরমগনি, অমসুং মসি ভারতকী মনচেস্তরত হায়না খঙনরমখি, অহমদাবাদ অসি ফী পুথোকপগী লমদা মমিং লৈরমখি। করি থোকখি? ইনোভেসন তৌদে, তেক্নোলোজী অপ-গ্রেদেন তৌদে, তেক্নোলোজী ত্রান্সফর তৌদে। অসিগুম্বা অৱাংবা চিমনি অসি মুত্থৎরকখি, মরুপশিং ঐখোয়গী মীৎমাংদা মসি উবা ফংখি। মসি মফম অমদা থোক্লবদি অতোপ্পা মফম অমদা করিগীদমক থোকলমলোই। মসিনা মরম ওইদুনা ইনোভেসন অসি য়াম্না মরু ওইরক্লি অমসুং য়োনবা য়াবা পোৎলমশিংদগী ইনোভেসন ফংলোই। মতম অদুদা ঐখোয়গী নহারোলশিংগীদমক মপালদা খুদোংচাবা কয়া লৈখি অদুবু লৈবাক অসিদদি খুদোংচাবা অকক্ননা লৈখি। মতম অমদা মালেমগী মাংজিল থারিবা মিলিতরী পাৱর ওইরিবা ভারতকী লান্মীনা রাইফলগুম্বা অচম্বা খুৎলাইগীদমক মপাল লৈবাকশিংগী মীপাল তাংবা তাখি। অমসুং মসি হৈনবী ওইরক্তুনা, মোবাইল ফোনশিংদসু হৈনবী অসি লাকখি, ভারত অসি য়াম্না ফৈ হায়না ফনা হায়নরবসু মসি থাদোক্তুনা চৎনীংবা পোকপা ফাওবা য়াওখি। হৌজিক্তি হৈনবী ওইখিবনা মসিদগী থোরক্নবা সাইকোলোজিকেল সেমিনারসু পাঙথোকপা মথৌ তারে। পুম্নমক অসি ৱাখলনা থোকহনবনি। ঐখোয়না ময়াই কাবা নিশা থাদোক্নবা ত্রেনিং তৌবা অদুগুম্না ঐখোয়সু ত্রেনিং তঙাই ফদে। করিগুম্বা ঐখোয় ইশাদা থাজবা লৈরবদি ঐখোয়গী খুৎতা পাইরিবা খুৎলাইগী শক্তি অসি হেনগৎহনবা ঙমগনি, ঐখোয়গী খুৎলাইনা শক্তি পাইহনবা ঙমগনি।
মরুপশিং,
মতম অদুগী দিফেন্সকা মরী লৈনবা দীল অয়াম্বা ৱাহংনা হনখিবা অসিনা খুদোংচাদবা ওইহনখি। পুম্নমক অসিদা লোব্বী তোখি, লম অসিদা লোব্বী তৌখিবনা ঐখোয়গী লৈবাক্তা রাজনিতী তৌরিবা মীওইশিংদা এব্যুজ তৌবা অসি য়াম্না অরাইবা ওইখি। মসি চহি কয়া চত্থরকখি। মসিনা মরম ওইদুধনা আর্মীশিংনা অনৌবা খুৎলাইশিংগীদমক দিকেদ কয়া ঙাইবা তাখি।
মরুপশিং,
দিফেন্সকা মরী লৈনবা অপীকপা পোৎলম খুদিংমক্কীদমক মপাল লৈবাকশিংগী মীপাল তাংবা হায়বা অসি ঐখোয়গী লৈবাক্কী মশানা মশাগী ইকাই খুম্নবদা, ঐখোয়গী শেন্মীৎলোন লোয়ননা স্ত্রেতেজিদা পীজবা অচৌবা শীংনবা অমনি। ২০১৪গী মতুংদা ফীভম অসিদগী থোরক্নবা ঐখোয়না মিসন মোদতা থবক পাইখৎখি। ঐখোয়গী পব্লিক সেক্তর দিফেন্স কম্পনীশিংবু ঐখোয়না তোঙান-তোঙানবা সেক্তরশিংদা শিন্দোক্তুনা ঐখোয়না অনৌবা মপাঙ্গল হাপখি। ঙসি ঐখোয়না আই.আই.তি.গুম্বা ঐখোয়গী প্রিমিয়র ইন্সতিত্যুসনশিংবু দিফেন্স রিসর্চ অমসুং ইনোভেসনগা শম্নহন্নবা হোৎনরি। হৌখিবা দিকেদশিংগী এপ্রোচতগী তমশিন্দুনা ঙসি ঐখোয়না সবকা প্রয়াসকা লোয়ননা অনৌবা দিফেন্স ইকোসিস্তেম চাউখৎহল্লি। ঐখোয়গী তেক্নিকেল য়ুনিভর্সিতীশিং নত্ত্রগা তেক্নিকেল কোলেজশিংদা নত্ত্রগা ইঞ্জিনীয়রিংগী লমদা লৈরিবা সমস্যা অসি মফমশিং অসিদা দিফেন্সকী ইক্বিপমেন্তগা মরী লৈনবা কোর্সশিং লৈতে। করিগুম্বা মসি তম্বা পাম্লবদি মপালদা চৎপা তাই। হায়বদি স্কোপ অমা খক্তমক হোংখি। মসিদা অহোংবা পুরক্নবা ঐখোয়না লেপ্পা লৈতনা হোৎন্দুনা লাকখি। দি.আর.দি.ও. অমসুং ইস্রোগী কত্তিং এদজ তেক্নোলোজীগা লোয়ননা ঐখোয়গী নহারোলশিং অমসুং স্তার্ত-অপশুংদা মপাঙ্গল হাপনবা হোৎনরি। ঐখোয়না চহি কয়া মখোয়গী তার্গেৎশিং মনুংদা লৈরকখিবা মিসাইল সিস্তেমশিং, সবমেরিনশিং, তেজাস ফাইতর জেৎশিংগুম্বা তোঙান-তোঙানবা ইক্বিপমেন্তগী খোঙজেল য়াংখৎহন্নবা অপনবশিং লৌথোকখি। অহানবা ইন্দিজিনস এয়রক্রাফ কেরিয়র কম্মিসন তৌনবা ঙাইরিবা অসি অথুবদা য়ৌরক্লগনি হায়না থাজবা ফাওই। নেভেল ইনোভেসন এন্দ ইন্দিজিনাইজেসন ওর্গনাইজেস, আইদেক্স নত্ত্রগা তি.দি.এ.সি. ওইরবসি পুম্নমক অসিনা আত্মনির্ভর ওইনবা অচৌবা ফিরেপশিং অসিদা শাহৌ পীরগনি।
মরুপশিং,
হৌখিবা চহি ৮ অসিদা ঐখোয়না দিফেন্সকী বজেৎ হেনগৎহনবা খক নত্তনা বজেৎ অসি ঐখোয়না লৈবাক অসিগী দিফেন্স মেন্যুফেকচরিং ইকোসিস্তেম শেমগৎপদা তেংবাং ওইহন্নবা হোৎনখি। ঙসি, দিফেন্স ইক্বিপমেন্ত লৈনবগীদমক খাক্তুনা থমখিবা বজেৎ অসিগী য়াম্লবা শরুক অসি ভারতকী কম্পনীশিংদগী লৈবদা শীজিন্নরি। অমসুং ঐখোয়না মসিবু য়াজৈ। করিগুম্বা ঐখোয়না য়ুমদা ইশাগী অঙাংশিংদা ইকাই খুম্নবা অমসুং মীনুংশি উৎকবদি অতোপ্পা মীওইশিংনা অদোমগী অঙাংবু নুংশিগনি, মসি ওইফম থোক্তব্রা? অদোম্না মখোয়বু মীরেমনি হায়না নুমিৎ খুদিংগী হায়রবদি নোংমদা অতোপ্পা মীনসু হায়রকপা তাবনি, নত্ত্রা? ঐখোয়গী খুৎলাই পুথোক্লিবা অদুবু ইকাই খুম্নদ্রবদি মালেমনা ঐখোয়গী খুৎলাই ইকাই খুম্নবা হায়বা অসি ওইথোক্কদ্রো? ঐখোয় ইশাদগী হৌবা তাই। অমসুং মসিগী খুদম ব্রহ্মোসনা ওইরি, ভারতনা ব্রহ্মোআ অসিবু ইকাই খুম্নরবদা মালেম্না ঙসি মসিবু ফংনবা ক্যু লেপ্পি। মরুপশিং, ঐখোয়না পুথোক্লিবা খুদিংমক্কীদমক ঐখোয়না চাউথোকচবা পোকফম থোকই। অমসুং দিফেন্স ফোর্সশিংনা ইম্পোর্ত তৌররোইদবা আইতেম ৩০০গী লিস্ত অমা শেমখিবগীদমক থাগৎপা ফোঙদোকচরি।
মরুপশিং,
খোঙথাংশিং অসিগী ফলশিং হৌজিক ময়েক শেংলক্লি। হৌখিবা চহি ৪-৫ অসিদা ঐখোয়গী দিফেন্স ইম্পোর্ত অসি চাউরাক্না চাদা ২১ হন্থখি। ঙসি ঐখোয়না খ্বাইদগী চাউবা দিফেন্স ইম্পোর্তর ওইরম্বদগী অচৌবা এক্সপোর্তরগী মাইকৈদা খোঙজেল য়াংনা মাংদা চংশিল্লি। এপল অমসুং ওরো অসি চাংদম্নবা য়ারোই অদুবু ঐহাক্না ভারত্তা হায়জনীংবদি। ঐহাক্না ভারতকী মীয়ামগী পাঙ্গলগী মতাংদা হায়বা পাম্মি। কোরোনাগী মতমদা ঐহাক্না অসিগুম্বা ৱাফম অমা পুখৎখি। হৌজিক য়েংবীয়ু ইচিল-ইনাওশিং, ঐখোয়না করিগীদমক মপালদগী শান্নপোৎশিং পুশিল্লক্লি? অপীকপা ৱাফম ওইরবসু, করিগীদমক মপালদগী শান্নপোৎ পুশিল্লি? ঐখোয়গী শান্নপোৎ শীজিন্নদ্রিবা করিগীনো? ঐখোয়গী শান্নপোৎশিং মালেমদা য়োনবা য়াদব্রা? ঐখোয়গী শান্নপোৎশিং, ঐখোয়গী শান্নপোৎ শারিবশিংগী মরুমদা ঐখোয়গী নাৎকী চৎনবীগী ৱাখল্লোন লৈ, মসিদগী ঐখোয়না শান্নপোৎশিং শারি। মসিদা ত্রেনিং চত্থৈ, সেমিনার খরা পাঙথোকই, ভর্চিএল কনফরেন্স তৌই, মসিদা মখোয়দা খজিক্তং নুংঙাইবা ফাওহল্লি। অতেনবা মতমগী মনুংদা ঐহাক্কী লৈবাক্কী মপাঙ্গল উবা ফংবা, ঐহাক্কী লৈবাক্না মশানা মশাবু ইকাই খুম্নবা উবা ফংবা, ঐহাক্কী মীচম প্রজাশিংগী ৱাখল্লোনগী অপাম্বা উবা ফংবা অসিদা অঙকপা পোক্কনি। অঙাংশিংনা মখোয়গী য়ুমদা মীরৈবাক্কী শান্নপোৎনি হায়গদবা অমত্তা উবা ফংখিদে। কোরোনানা মরম ওইদুনা থোকহনখিবা খুদোংথিবশিং অদুনা ৱাখল্লোন অসি পোকহনখি। অঙাং অমনা অঙাং অমদা অদোমগী য়ুমদা মীরমগী শান্নপোৎ থমগনু হায়রম্মি। অমসুং মসিগী ফলনা চহি অনিগী মনুংদা শান্নপোৎ পুশিল্লকদা ৭০% হন্থখি। মহৌশাগী শাক্তি অসি য়েংবীয়ু অমসুং মসি লৈবাক অসিগী ঐখোয়গী শান্নপোৎ শারিবশিংগী শক্তিনি মসিনা ঐখোয়গী এক্সপোর্তশিংদা ৭০% হন্থবা ঙমখি। হায়বদি ঙসি ১১৪%গী খেন্নবা উবা ফংলে। শান্নপোৎশিং অসি চাংদম্নবা য়ারোই মরম অসিনা ঐহাক্না এপল অমসুং ওরো চংদম্নবা য়ারোই হায়রিবনি। ঐহাক্না চাংদম্নরিবা অসিদা মীওইবা জাতিগী ৱাখল খনবা ঙম্বগী শক্তি অদুনি শক্তি অসি ঐখোয়গী শান্নপোৎ শারিবা মীওইশিংগীদমক কান্নবা ওইখি। মসিগী শক্তি অসি ঐখোয়গী লৈয়াক্কী মিলিতরী শক্তিদা কান্নগনি। ঐখোয়না ঐখোয়গী ইরৈবাকচাশিংদা থাজবা থমগদবনি। হৌখিবা চহি ৮ অসিদা ঐখোয়গী দিফেন্স এক্সপোর্তশিং অসি শরুক ৭ হেনগৎলকখি। মতম খরগী মমাংদা ঐখোয়গী দিফেন্সকী এক্সপোর্ত লুপা করোর লিশিং ১৩ তৌখিব খঙবদা চাউথোকচবা পোক্কনি। অমসুং মসিদা ঐখোয়গী প্রাইবেৎ সেক্তরগী স্তেক চাদা ৭০ য়াওরি।
মরুপশিং,
২১শুবা চহিচাদা আর্মীগী মোদর্নিতী, দিফেন্স ইক্বিপমেন্তদা আত্মনির্ভর ওইবগা লোয়ননা অতোপ্পা হীরমশিংদা মীৎয়েং চংবা তঙাই ফদে। হৌজিক নেস্নেল সেক্যুরিতীদা খুদোংথিনীংঙাই ওইবসু হেনগৎলক্লি, লান শোক্নবগী পাম্বৈশিংদসু অহোংবা লাক্লি। মমাংদা ঐখোয়না শুপ্নগী কংফাল, সমুদ্র অমসুং নোংথক ফাওবা খক ঐখোয়গী দিফেন্সকী ৱাখল শাগৎলমখি। হৌজিক্তি স্কোপ অসি স্পেস হায়বদি শুন্দ্রংগী মাইকৈদা চংশিল্লি, সাইবরস্পেসকী মাইকৈদা চংশিল্লি, শেন্মীৎলোন, সামাজিক স্পেসকী মাইকৈদা চংশিল্লি। ঙসি সিস্তেমগী মখল খুদিংমক খুৎলাইদা ওন্থোক্লি। করিগুম্বা অতাংবা অমা লৈরবদি মদু খুৎলাইদা ওন্থোকসি। ক্রুদ ওইল ওইরবসু মদু খুৎলাইদা ওন্থোকসি। মসিগী ৱাখল্লোন অমসুং পাম্বৈ অসিনা মালেম পুম্বদা অহোংবা পুরক্লি। হৌজিক মায়োক্নদুনা লান শোক্নরম্বদগী মীৎনা উবা ফংদবা মওংদা লান শোক্নরি, হেন্না শাথিরক্লি। মমাংগী দিফেন্স পোলিসী অমসুং লালোং অদুদা য়ুম্ফম ওইরগা শেম্বা য়াদ্রে। অসিগুম্বা ফীভম অমদা ঐখোয়না তুংদা লাক্কদবা শীংনবশিংগী অদুগী শেমশাদুনা মাংদা চংশিনবা অমসুং মদুগী মতুং ইন্না ইশাদা অহোংবা পুরকপা তাই। মীপাল তাংদবনা লৈবাক অসিবু হীরম অসিদা চাউনা মতেং পাংগনি।
মরুপশিং,
লৈবাক্কী ঙাক শেন্নবা ঐখোয়না অতোপ্পা মরু ওইবা হীরমদা মীৎয়েং চংবা তাই। ঐখোয়না ভারতকী আত্মবিশ্বাস, ঐখোয়গী আত্মনির্ভরদা শীংনরিবা শাফুশিংগী মায়োক্তা ঐখোয়না শোক্নরিবা লান কনশিনবা তাই। ভারতনা মালেমগী ফম্পাক্তা মশাগী মশক তাকপা হৌরকপগা লোয়ননা মিসইনফোর্মেসন, দিসইনফোর্মেসন, অরানবা পাউগী খুত্থাংদা লেপ্পা লৈতনা অকাইবা পীরক্লি। মসিদা থাজবা থমদুনা লৈবাক অসিগী নত্ত্রগা মপালদগী ওইরবসু ভারতকী চাউখৎপদা অকাইবা পীবা শাফুশিংগী খোঙথাং খুদিংমক মাইথিবা পীবা তাই। লৈবাক্কী ঙাকশেল অসি ঙমখৈদা খক্তা লোইদ্রে, মসি হেন্না পাকথোক-চাউথোরক্লি। মরম অসিনা মসিগী মরমদা প্রজা খুদিংমক্তা খঙহনবা হায়বা অসি চপ মান্ননা মরু ওইরি। লৈবাক্কী মীয়ামদা স্লোগান অসি য়ৌহনবা তঙাই ফদে। ঐখোয়না আত্মনির্ভর ভারতকীদমক ‘হোল ওফ দি গভর্নমেন্ত’ এপ্রোচকা লোয়ননা মাংদা চংশিনবা অসিদা মসিগা মান্ননা লৈবাক অসিগী ঙাকশেলগীদমক ‘হোল ওফ দি নেসন’ এপ্রোচ অসিসু তানফম অসিদা য়াম্না তঙাই ফদে। ভারতকী তোঙান-তোঙানবা মীওইশিংগী অপুনবা নেস্নেল কন্সিয়সনেস অসিনা ঙাকশেল অমসুং চাউখৎ থৌরাংগীদমক মপাঙ্গল কনবা য়ুম্ফম থোল্লি। অমুক্কা হন্না থৌশিল অসিগীদমক ঐহাক্না ঙাকশেল মন্ত্রালয়, ঐখোয়গী দিফেন্স ফোর্সশিং, মখোয়গী লমজিং, মখোয়না হোৎনরিবশিং অসিনা মাংদা পুখৎলি অমসুং ঙসি ঐহাক্না স্তোলশিংদা চৎপা মতমদা অমসুং নখোয়গী ইনোভেসনশিং উবদা ঐহাক্না নুংঙাইবা ফাওখি, মসিদা ঐখোয়গী থবক্তগী পোত্থখ্রবা মরুপশিংনা মখোয়গী এক্সপরিয়েন্স, মখোয়গী ইনর্জী, মখোয়গী মতম ইনোভেসনগী থবক্তা থাদখি মসিনা ঐখোয়গী নেভীবু মপাঙ্গল কনখৎহনখি, ঐখোয়গী দিফেন্স ফোর্সশিং মপাঙ্গল কনখৎহনখি। মসি অচৌবা খোঙথাংনি হায়না ঐহাক্না খল্লি মরমদি মখোয়না থবক্তগী পোত্থরবা মতুংদা মিসন মোদতা থবক তৌখি। মসিগীদমক ঐখোয়না মখোয় পুম্নমক লোয়ননা নখোয়বুসু নুংঙাইবা ফোঙদোকচরি অমসুং শিল্লি লাংলিবা অসিগীদমক ইকাই খুম্নবা উৎচরি। নখোয় পুম্নমক্তসু নুংঙাইবা ফোঙদোকচরি। হন্না-হন্না থাগৎচরি।
