মিস্তর স্পীকর,

মেদাম ভাইস প্রেসিদেন্ত,

য়ু.এস. কোংগ্রেসকী শক্নাইরবা মেম্বরশিং,

ইকাই খুম্নরবা ইবুংঙো অমসুং ইবেম্মশিং,

নমস্কার!

য়ুনাইতেদস্তেতকংগ্রেসতাৱাঙাংবাফংবাহায়বসিয়াম্নালেমজনিংঙাইনি।অসুম্নাঅনিরকঙাংবাফংবাহায়বসিয়াম্নালাইবকফবনি।ইকাইখুম্নবীবাঅসিগীদমক্তা, ঐহাক্নাভারতকীমীবিলিয়ন১.৪গীমহুৎশিন্দুনাথমোইশেংনাতৌবীমলখঙবাউৎচরি।ঐহাক্না উবদা নখোয়তঙখায়মুক্না২০১৬দামফম অসিদায়াওখি। অরিবা মরুপশিং ওইনা নখোয়গী মীনুংশি অদু ফাওই। ঐহাক্না ২০১৬দা মফম অসিদা উনখিবা সেনেতর হেরী রৈদ, সেনেতর জোন মেক্কেন, সেনেতর ওরিন হেচ, ইলাইজাহ কম্মিংস, এলসী হেস্তিংস অমসুং অতোপ্পশিংবু অমসুং লাইবক থিবদগী ঐখোয়গী মরক্তা লৈত্রবশিং অদুবুশু নিংশিংলি।

মিস্তর স্পীকর

মফম অসিদা লেপ্তুনা, জুন তরেতরক্কী মমাংদা, হায়রিবা জুন অদু হেমিল্তন্না এৱার্দ খুদিংমক লৌখিবা মতম অদুনি, ঐহাক্না হায়খি মদুদি পুৱারিগী অপনবা, নুংঙাইতবশিং অদু হৌখ্রে। হৌজিক্তি, ঐখোয়গী য়ুগ অসিনা লমখাংদা লৈরবা মতম অসিদা, ঐহাক্না চহি চা অসিগী তৌগদবা থবকশিং অদুগী মতাংদা ঙাংনবা  মফম অসিদা লাক্লি। ঐখোয়না চৎখিবা শাংলবা অমসুং থেক-কোইরবা লম্বি অদুগী খুত্থাংদা, ঐখোয়না মরুপ অমা ওইবগী চাংয়েং অদু মায়োক্নখ্রে। কালেন পন্থা তরেতকী মমাংদা ঐহাক্না লাক্লম্বা অদুদগী অহোংবা কয়া অমা লাকখ্রে। অদুবু অয়াম্বদি অদুমক হোংদনা লৈ – খদুম ওইনা ভারত অমসুং য়ুনাইতেদ স্তেতসকী মরক্তা মরুপ অমা ওইবগী নুংশিরবা মরি অদুবু হেন্না চেৎশিনহন্নবা ঐখোয়গী ফিরেপ। হৌখিবা চহি খরা অসিদা, এ.আই. – আর্তিফিসিয়েল ইন্তেলিজেন্সতা য়াম্না খুমাং চাউশিনখ্রে। লোইন-লোইননা, অতোপ্পা এ.আই.গা মরি লৈননা– ভারত অমসুং অমেরিকাদশু য়াম্না শিংথানিংঙাই ওইবা মওংদা খুমাং চাউশিল্লকখ্রে।

মিস্তর স্পীকর অমসুং শক্নাইরবা মেম্বরশিং,

দেমোক্রেসীগী ফজবা অসি মীগালেপ্তনা পাউ ফাওনবা, মখোয়দা তাবীবা, অমসুং মখোয়গী মীহুল খঙবীবা। অমসুং মসিদা মতম, পাঙ্গল, হোৎনবা অমসুং চত্থোক-চৎশিন য়াম্না চংঙি।ঙসি অসি শগোলশেলগী নুমিৎয়ুংবা মতুংনি – নখোয় খরা অমগীদি চত্থোক-খোত্তোক্কদবা মতম্নি। মরম অদুনা ঐহাক্না নখোয়গী মতম অদুগীদমক্তা থগৎপা ফোংদোক্লি। হৌখিবা থাদা নখোয় কয়া য়াম্না চিল্লমগনি হায়বদুশু ঐহাক্না খঙই।

ঐহাক ইশামক য়াম্না লিংবা দেমোক্রেসী অমগী নাগ্রিক ওইবনা, ঐহাক্না ৱাফম আমদি য়ানিংঙি মিস্তর স্পীকর- নহাক্কী থবক অসি য়াম্না লুবা থবক্নি! ঐহাক্না পেসন, পর্সুৱেশন অমসুং পোলিশিগীদমক্তা লান্থেংনবা অদুবু খঙবা ঙম্মি। ইদিয়াশিং অমসুং ইদিয়োলোজীগীদমক্তা দিবেত তৌনবা অদুশু খঙই। অদুবু মালেম অসিগী খ্বাইদগী চাউবা দেমোক্রেসী অনি- ভারত অমসুং য়ুনাইতেদ স্তেতসকী মরক্তা লৈরিবা মরি অসিবু সেলেব্রেত তৌনবা অমত্তা ওইনা পুনশিনবা অসিদা য়াম্না নুংঙাইবা ফাওই। নখোয়না করিগুম্বা মতমদা য়াম্না লিংবা বাইপার্তিসান কনসেন্সকী মথৌ তাবা মতমদা য়াম্না হরাওনা মতেং পাংগনি। য়ুমদা ৱাখল্লোনশিংগী কন্তেস্ত লৈগনি অমসুং লৈগদবনি। অদুবু ঐখোয়না ঐখোয়গী লৈবাক্কীদমক্তা ৱা ঙাংবা মতমদা অমত্তা ওইনা চুংশিন্নগদবনি। অমসুং মদুবু নখোয়না তৌবা ঙম্মি হায়না উৎখ্রে। থাগৎপা ফোংদোক্লি!

মিস্তর স্পীকর,

অমেরিকা লিংখৎলকখিবা অসি চপ মান্নবা মীশিংগী লৈবাক অমা শেম্নবগী ভিজন অদুনা থৌগৎলকপনি। নখোয়গী পুৱারিদা, নখোয়না মালেমগী অকোইবদগী মীশিংবু তরাম্না ওকখি। অমসুং নখোয়না অমেরিকাগী মঙলানদা মখোয়বুশু চপ মান্ননা শরুক য়াহনখি। মফম অসিদা ভারত্তগী হৌরকপা মী মিলিয়ন কয়া অমা লৈ। খরা অমদি চেম্বর অসিদা য়াম্না চাউথোক্না ফম্লি। ঐগী তুংদা পুৱারি শেমখিবা অমা লৈরি! সামোসা কোকস অসি হাউস অসিগী মরু ওইবা মচাক অমা ওইরি হায়না ঐঙোন্দা খঙহল্লকখি। মসিনা চাউখৎলক্তুনা অমসুং মফম অসিদা ভারতকী চিঞ্জাক্কী মখল-মথেল অদুবু মপুং ফানা উত্থোকপা ঙম্বা ওইরসনু হায়না ঐহাক্না আশা তৌরি। চহি চা অনিগী মথক্তা ঐখোয়না ঐখোয়বু অফাওবা অমেরিকনশিং অমসুং ইন্দয়নশিংদগী পুক্নিং থৌগৎলকখি। ঐখোয়না মহাত্মা গান্ধি অমসুং মার্তিন লুথর কিং জুনিয়রবু স্রধাঞ্জলি কৎচরি। ঐখোয়না লিবর্তী, ইক্বালিতী অমসুং জস্তিসকীদমক্তা হোৎরম্বশিং কয়া অমবুশু নিংশিংলি। ঙসিদি, ঐহাক্না মখোয়শিং অদুগী মনুংদা অমা – কংগ্রেসমেন জোন লেৱিসপু থমোই শেংনা স্রধাঞ্জলি কৎচরি।

মিস্তর স্পীকর,

দেমোক্রেসী অসি ঐখোয়গী য়াম্না শেংলবা অমসুং ভেল্যুশিংগী মনুংদা অমনি। মসিনা মতম কয়া অমদা অহোংবা কয়া অমা লাকখ্রে অমসুং মওং অমসুং সীস্তেম কয়া অমা ওনখ্রে।  তৌইগুম্বশুং, পুৱারিদা , ৱাফম অমদি য়াম্না ময়েক শেংখি।

দেমোক্রেসী অসি ইক্বালিতী অমসুং দিগ্নিতীবু সপোর্ত তৌবা ৱাখল্লোন অদুনি।

দেমোক্রেসী অসি দেবেত অমসুং দিস্কোর্সপু তরাম্না ওকপা ৱাখল্লোন অদুবুনি।

দেমোক্রেসী অসি থোত অমসুং এক্সপ্রেসন ফোংদোকপা ঙমহল্লিবা কলচর অদুবুনি।

ভারতনা থাইনা মমাংঙৈগী মতমদগী অসিগুম্বা ভেল্যুশিং অসিবু শাগোন্নরকপা হায়বসি ঐখোয়গীদি য়াম্না লাইবক ফবনি।

দেমোক্রেতিক স্পিরিৎনা হৌরকপা মতমদা, ভারতনা দেমোক্রেসীগী মমনি।

চহি চা লিসিং কয়া অমগী মমাংদা, ঐখোয়গী খ্বাইদগী লিরবা স্ক্রিপচরশিংদা হায়খি,

‘एकम्सत्विप्राबहुधावदन्ति’.

মসিনা হায়রিবসি- অশেংবদি অমখক্তনি অদুবু অশিংবনা তোঙান-তোঙান মওংদা ফোংদোকই।

হৌজিক, য়ু.এস.না খ্বাইদগী অরিবনি অমসুং ভারতনা খ্বাইদগী চাউবা দেমোক্রেসীনি।

ঐখোয়গী পার্তনরশিপ অসিনা দেমোক্রেসীগী তুংলমচৎকীদমক্তা য়াম্না ফবা খুদম্নি।

ঐখোয় পুন্না, মালেম অসিদা হেন্না ফবা তুংলমচৎ অমা থম্লসি, অমসুং তুংদা লাক্কদবা মতমশিংদা হেন্না ফবা তাইবং অমা পীরম্মসি।

মিস্তর স্পীকর,

মমাংগীচহিদা, ভারতনা নিংখা তম্বগী চহি ৭৫ শুবগী পালন তৌখি। তাংখক খুদিংমক য়াম্না মরু ওই অদুবু মসিমদি বাম্না মরু ওই। ঐখোয়না চহি লিশিং কয়া মপান লমগী মীনা মওং অমা নত্রগা অমদা পাল্লম্লবা মতুংদা নিংখা তমদুনা চহি ৭৫ মথক্তা চৎখিবা খোংচৎ অদুবু নুংঙাইবা ফোংদোকখি। মসি দেমোক্রেসীগী নুংঙাইবা ফোংদোকপা খক্তা নত্তে মসিদা দাইভর্সিতীশু য়াওরি। কনস্তিত্যশন খক্তা নত্তে মসিদা সোসিয়েল এমপাৱরমেন্তশু য়াওরি। ঐখোয়গী কমপিতিতিব অমসুং কোওপরেতিব ফেদরেলিজম খক্তা নত্তে মসিদা ঐখোয়গী য়াম্না মরু ওইবা অপুনবগী অমসুং অমত্তা ওইবগী শক্তম অদুশু য়াওরি।

ঐখোয়গী পোলিতিকেল পার্তী লিশিং অনিগা চামঙাগী মথক্তা লৈ। হোই নখোয়না তারিবদু অচুম্বনি- লিশিং অনিগা চামঙা। তোঙান-তোঙানবা পার্তি কুন লোম্না ভারতকী রাজ্য কয়া অমা সাসন তৌরি। ঐখোয়গী ওফিসিয়েল ওইবা লোল কুনগা নিথোই অমসুং দাইলেক লিশিং কয়া অমা লৈ, অমসুং অদুম ওইনমক ঐখোয়না খোঞ্জেল অমদা ঙাংই। মাইল চামা খুদিং, ঐখোয়গী চিঞ্জাক হোংঙি। দোসাদগী অলু পরাথা অমসুং স্রিখন্দদগী সন্দেশ। ঐখোয়না পুম্নমক অসি য়াম্না পাম্মি।  ঐখোয়না মালেম অসিগী তোঙান-তোঙান লাইনিং-লাইশোল কয়া অমগী পুনফম্নি অমসুং ঐখোয়না মখোয় পুম্নমক অদুবু সেলেব্রেত তৌই। ভারত্তা দাইভর্সিতী অসি পুন্সিগী শরুক অমনি।

ঙসি, মালেম্না ভারতকী মতাংদা হেন্না খঙবা পাম্লি। ঐহাক্না হাউস অসিদশু মদুগী খঙনিংবা অদু উবা ফংঙি। ঐখোয়না হৌকিবা দিকেদশিংদা ভারত্তা য়ু.এস. কংগ্রেসকী মেম্বর চামগী মথক্তা ওকখি। মীপুম খুদিংমক্নাভারতকী চাউখৎ-থৌরাং, দেমোক্রেসী অমসুং দাইভর্সিতীবু খঙবা পাম্লি। মীপুম খুদিংমক্না ভারতনা করি অচুম্বা তৌরি অমসুং করম্না তৌরি। য়াম্না নক্নবা মরুপশিংগী মরক্তা, ৱাফম আসিমক শিয়র তৌবদা য়াম্না হারাওবা ফাওই।

মিস্তর স্পীকর,

ঐহাক্না প্রধান মন্ত্রী ওইনা য়ু.এস.তা ইহান-হান্না লাকপা মতমদা,  ভারত অসি মালেম অসিদা তরাশুবা খ্বাইদগী চাউবা ইকোনোমী অমা ওইরম্মি। ঙসিদি, ভারত অসি মঙশুবা খ্বাইদগী চাউবা ইকোনোমী অমা ওইরে। অমসুং ভারতনা য়াম্না থুনা অহুমশুবা খ্বাইদগী চাউবা ইকোনোমী ওইরগনি। ঐখোয়না চাউখৎলকপদা নত্তনা য়াম্না য়াংনশু চাউখৎলক্লি। ভারতনা চাউখৎপা মতমদা, মালেম পুম্বা চাউখৎলি। মরমদি, ঐখোয়না মালেম অসিগী মীশিংগী শরুক তরুক থোকপগী মনুংদা অমনি! হৌখিবা চহি চাদা, ভারতনা নিংখা তম্বা মতমদা, লৈবাক কয়া অমশু লোইলম শাসনদগী মশাবু নিংখা তমহন্নবা পুক্নিং থৌগৎখি। হন্দক্কী চহি চা অসিদা, ভারতনা চাউখৎ-থৌরাংগী মতাংদা পান্দম অমা থম্বা মতমদা, মসিনা অতোপ্পা লেবাকশিংবুশু অসুম্না তৌনবা থৌগৎলগনি। ঐখোয়গী ভিজন অসি सबकासाथ, सबकाविकास, सबकाविश्वास, सबकाप्रयास নি। মসিনা হায়রিবসি: ঐখোয় পুন্না, মীপুম খুদিংমক্কী চাউখৎনবগীদমক্তা, মীপুম খুদিংমক্না থাজবা অমসুং মীপুম খুদিংমক্না হোৎনবা।

ভিজন অসিবু য়াম্না য়াংনা অমসুং পাক শন্না করম্না থবক ওইনা ওন্থোকপগে হায়বদু নখোয়দা শিয়র তৌজগে। ঐখোয়না ইফ্রাস্ত্রকচর দেবেলপমেন্ত মিৎয়েং থম্লি। ঐখোয়না মী মিলিয়ন ১৫০ গী হেনবদা লৈননবা মফমশিং পীনবা য়ুম মিলিয়ন ৪০গী মথক্তা পীখ্রে। হায়রিবা অসি ওস্ত্রেলিয়াগী মীশিংগী শরুক তরুক লোম্নি! ঐখোয়না মী মিলিয়ন চামঙা রোম লেম্না লায়েংহনবা নেস্নেল হেল্থ ইন্সুরেন্স প্রোগআম অমা চলাইরি। মসি সাউথ অমেরিকাগী মীশিংদগী হেল্লি! ঐখোয়না মালেম অসিগী খ্বাইদগী চাউবা দ্রাইব অমগা লোইননা বেঙ্ক লৈতবা মফমদা বেঙ্কিং য়ৌহল্লে। মসিদগী চাউরাক্না মী মিলিয়ন চামংআ রোম্না কানখ্রে।

মসি  নোর্থ অমেরিকাগী মীশিংগা মান্নরে! ঐখোয়না দিজিতেল ইন্দিয়া শেমগৎনবা  থবক তৌখি। ঙসিদি লৈবাক অসিদা স্মার্ত ফোন  অমসুং ইন্তর্নেত য়ুজর মিলিয়ন চানিপাল য়াংখৈ হেন্না লৈরে। মসি য়ুরোপকী মীশিংদগী হেল্লি! ঐখোয়না ঐখোয়গী মীশিংবু মেদ ইন ইন্দিয়া কোবিদ ভেক্সিনগী দোজ বিলিয়ন অনি পীদুনা ঙাক-শেনখি অমসুং হায়রিবা অসিশু লেম্ননি! ঐহাক্না য়াম্না থুনা কন্তিনেন্তশিং লোইশিল্লকপা য়াই, মর অদুনা ঐহাক অসিদা লেপহৌরগে!

শক্নাইরবা মেম্বরশিং,

ভেদশিং আসি মালেমগী খ্বাইদগী লিরবা স্ক্রিপচরশিংগী মনুংদা অমনি। মখোয় অসি চহি লিশিং কয়া অমগী মমাংদা লেংখিবা, মীওইবা খুনাইগী য়াম্না তাংলবা লন্নি। মতম অদুদা, নুপী রিশিশিংনা ভেদশিংদা শৈরেং কয়া অমা লেংখি। অমসুং ঙসিদি, মতম অসিগী ভারত্তা, নুপীশিংনা ঐখোয়বু হেন্না ফবা তুংগী লম্বি অমদা লমজিংলি। ভারতকী ভিজন অসি নুপীশিংবু কান্নবা পীবা চাউখৎ-থৌরাং কক্তা নত্তা। মসি নুপীশিংনা লুচিংবা চাউখৎ-থৌরাংনি, মসিদা নুপীশিংনা চাউখৎ-থৌরাংগী খোংচত্তা লমজিংলি। নুপী অমনা য়াম্না চমজরবা আদিৱাসিগী ইমুংদগীহৌরক্তুনা ঐখোয়া রাস্ত্রগী মকোক ওইরে।

মীখলদা খনগৎলবা নুপী চাউরাক্না মিলিয়ন অমগা মখাইনা ঐখোয়বু থাক কয়া অমদা লুচিংলি অমসুং মখোয়শিং আদু লোকেলগী সরকারশিংদনি। ঙসি নুপীশিংনা আর্মী, নেভী অমসুং এয়র ফোর্সতা ঐখোয়গী লৈবাক অসিগী সেবা তৌরি। ভারতনা মালেম অসিগী ওইনা নুপী এয়রলাইন পাইলোতকী চাংচৎ খ্বাইদগী হেন্না ৱাংঙি। অমসুং মখোয়না মার্স মিসনদা লুচিংদুনা ঐখোয়বু মার্স য়ৌহনবীরে। অঙাং নুপীদা ইনভেস্ত তৌবনা ইমুং পুম্বা ৱাংনা থাংগৎলি হায়না থাজৈ। নুপী এমপাৱর তৌবনা লৈবাক্তা অওনবা পুরকই।

মিস্তর স্পীকর,

ভারত অসি নহাশিংগী মীশিং ওইবা য়াম্না লিরবা লৈবাক্নি। ভারত অসি মখোয়গী চৎনবীগীদমক্তা মশক খঙনৈ। অদুবু নহা ওইরিবা মীরোলশিংনা মসিবু তেক্নোলোজীগী হব অমশু ওইহল্লে। ক্রিয়েতিব রীলশিংবু ওইরো নত্রাগ ইনস্তাবু ওইরো নত্রগা রিয়ল তাইম পেমেন্তশিংবু ওইরো, কোদিং নত্রগা ক্বান্তম কমপ্যুতিংবু ওইরো, মেছিন লর্নিংবু ওইরো নত্রগা মোবাইলেপশংইবু ওইরো, ফিনতেক নত্রগা দেতা সাইন্সপু ওইরো, ভারতকী নহাশিং অসিনা ক্বাইদগী অনৌবা তেক্নোলোজীবু খুনাই অমনা করম্না শিজিন্নগনি হায়বগী খুদম্নি। ভারত্তদি তেক্নোলোজী অসি ইনোভেশন খক্কী নত্তে মসি ইনক্লুজনগী মতাংদশুনি। ঙসি, দিজিতেল প্লেতফোর্মশিংনা মখোয়গী প্রাইভেসী ঙাক-শেন্দুনা মীশিংগী হক অমসুং দিগ্নিতীবুশু এমপাৱর তৌরি।

হৌখিবা চহি মাপল অসিদা, মী বিলিয়ন অমা হেনবনা মখোয়গী বেঙ্ক একাউন্তশিং অমসুং মোবাইল ফোনশিংগা তোপ-তোপ্পা দিজিতেল বায়োমেত্রিক ইদেন্তিতীগা কেনেক্ত তৌখ্রে। মসিগী দিজিতেল পব্লিক ইনফ্রাস্ত্রকচর অসিনা শেল-থুমগী ওইবা মতেংগা লোইননা সেকেন্দ খরগী মনুংদা নাগ্রিকশিংদা য়ৌহনবদা ঐখোয়গী মতেং পাংলি। মী মিলিয়ন চানিপাল য়াংকৈনা মখোয়গী একাউন্তশিংদা দাইরেক্ত বেনিফিত ত্রান্সফর ফংখ্রে। চহি অমদা অহুমলক, লৌমী মিলিয়ন চামগী মথক্না বত্তনা অমা নমদুনা মখোয়গী বেঙ্ক একাউন্তশিংদা মতেং ফংখ্রে। অসিগুম্বা ত্রান্সফরশিং অসিগী ভেল্যু অদু বিলিয়ন দোলর চামগা কুন হেনক্রে, অমসুং ঐখোয়না থৌওং অসিদা বিলিয়ন দোলর কুন মঙাগী মথক্তা সেব তৌখি। করিগুম্বা নখোয়না ভারত্তা লাকপা তারবদি, নখোয়না স্ত্রী ভেন্দরশিং য়াওনা মীপুম খুদিংমক্না পেমেন্তশিংগীদমক্তা ফোনশিং শিজিন্নবা থেংনগনি।

হোখিবা চহিদা, মালেম আসিগি রিয়ল তাইম দিজিতেল পেমেন্ত ১০০ খুদিংদা, ৪৬ অমদি ভারত্তা তৌখি। চাউরাক্না মাইল লিশিং চামরিগী ওপ্তিকেল ফাইবরশিং অমসুং অহোংবা দেতানা মরম ওইরগা খুদোংচাবশিংগী রিভোল্যুশন অমা পুরক্লে। লৌমীশিংনা ৱেদর অপদেতশিং য়েংবা য়ারে, অহল ওইরবশিংনা সোসিবেল সেক্যুরিতী পেমমেন্তশিং  ফংলে, মহৈরোইশিংনা স্কোলারশিপশিং ফংলে, দোক্তরশিংনা তেলিমেদিসিন য়ৌহল্লে, ঙামীশিংনা ফিসিং গ্রাউন্দশিং য়েংলে আমসুং অপিকপা বিজনেসশিংনা লোনশিং ফংলে, হায়রিবশিং অসি মখোয়গী ফোনশিংদা অমুরক নম্লগা ফংবা ঙাক্তনি।

মিস্তর স্পীকর,

দেমোক্রেসী, ইনক্লুজন আমসুং সস্তেনেবিলিতীনা ঐকোববু মশক তাকই। মসিনামালেম অসিদা ঐখোয়ু মশক রাকই। ভারতনা ঐখোয়গী গ্রহ অসিগী মতাংদা থৌদাং লৌবগা লোইননা চাঊখৎলক্লি।

ঐখোয়না থাজৈ:

माताभूमि: पुत्रोअहंपृथिव्या:

মসিনা হায়রিবা অসি – “পৃথিবী অসি ঐখোয়গী ইমানি অমসুং ঐখোয়না মহাক্কী মচানি।”

ভারতকী কলচরনা এনভাইরনমেন্ত অমসুং ঐখোয়গী গ্রহ অসিবু য়াম্না চেৎনা ইকাইখুম্নৈ। কহবাইদগী য়াংনা চাউখৎলক্লিবা ইকোনোমী  অমা ওইরদুনা ঐখোয়না ঐখোয়গী সোলর কেপাসিতীবু চাদা লিশিং অনি চাহুমদা হেনগৎখ্রে! হোই, নখোয়না তারিদু চুম্মি – চাদা লিশিং অনি চাহুম!

ঐখোয়না পেরিস কমিৎমেন্তবু মপুং ফাহনবা ঙম্বা অমত্তা ঙাইরবা জি.২০ লৈবাক অমা ওইখি। ঐখোয়না ২০৩০গি তার্গেত অদুদগী চহি মাপল মাংজৌননা, ঐখোয়গী ইনর্জী সোর্সশিংগী চাদা নিফুগী মথক্তা রিন্যুৱেবল ওইহনখি।  অদুবু ঐখোয়না মসিদা লেপ্তে। গ্লাসগো সম্মিত্তা, ঐহাক্না মিসন লাইফ- লাইফস্তাইল ফোর এনভাইরনমেন্ত প্রোপোস তৌখি। সস্তেনেবিলিতীবু মীয়ামগী অশেংবা ইহৌ অমা ওইহন্নবগী লম্বিনি। সরকার খক্তগী থবক অমা ওইনা লৈহন্দে।

অপাম্বা খনবা মতমদা নিংথিনা খন্থদুনা, মীপুম খুদিংমক্না অফবা শাফু অমা পীবা ঙমগনি। সস্তেনেবিলিতিবু মীয়ামগী ওইবা ইহৌ অমা ওইহন্দুনা মালেম অসিবু নেত জিরোগী তার্গেত অদুবু হেন্না য়াংনা য়ৌহনবদা মতেং পাংলগনি।

মিস্তর স্পীকর,

ঐখোয়া ৱাসুধৈৱ কুতুম্বাকম নত্রগা মালেম অসি ইমুং অমতনি হায়বা মোতো অসিগী মতুং ইন্না হিংঙি। মালেম অসিগা এনগেজমেন্ত তৌবনা মীপুম খুদিংমক্কী কান্নবনি। “ৱান সন, ৱান ৱর্ল্দ, ৱান গ্রীদ”না মালেম অসিবু অশেংবা ইনর্জীগা লোইননা কনেক্ত তৌবদা ঐখোয় পুম্নমক্না শরুক য়াহনবা পাম্লি। “ৱান অর্থ, ৱান হেল্থ” অসি শা-শলশিং অমসুং পাম্বিশিং য়াওনা মীপুম খুদিংমক্তা ক্বালিতী লৈবা হেল্থকিয়া পীনবা গ্লোবল এক্সনগী ভিজন অমনি।

মসিগা চপ মান্নবা স্পিরিৎ অসি ঐখোয়না জি.২০ – “ৱান অর্থ, ৱান ফেমিলী, ৱান ফ্যুচর”গী চিয়র ওইবা মতমদা থীম অদুদা উবা ফংখি। ঐখোয়না য়োগগী খুত্থাংদা অমত্তা ওইবগী ৱাখল্লোন অদুবু হেনগৎহল্লি। ঙরাং খক্তদা, মালেম পুম্বনা ইন্তর্নেস্নেল দে ওফ য়োগবু সেলেব্রেত তৌনবা অমত্তা ওইনা পুনশিনখি। মমাংগী চয়োল মক্তদা, লৈবাক খুদিংমক্না পীসকীপরশিংবু ইকাই-খুম্ননবা মেমোরিয়েল ৱাল অমা সানবা য়ু.এন.দা থাংগৎখিবা ঐখোয়গী প্রোপোজল অদুদা য়াওখি।

অমসুং হন্দক্কী চহি অসি, মালেম পুম্বনা তুংকোইনগী ওইবা লৌউ-শিংউ অমসুং ন্যুত্রিশন প্রোমোত তৌনবা ইন্তর্নেস্নেল য়িয়র ওফ মিল্লেতস পাংথোক্লগনি। কোবি মনুংদা ঐখোয়না লৈবাক চামগা য়াংখৈ হেনবদা ভেক্সিনশিং অমসুং হিদাক-লাংথকশিং য়ৌহনখি। ঐখোয়গীদমক্তা তৌবগুম্না খ্বাইদগী অহানবা রেসপোন্দরশিং ওইনা খুদোংথিবা থৌদোকশিংদা ঐখোয়না অতোপ্পশিং য়ৌশিল্লি। ঐখোয়না ঐখোয়গী অরৈবা রিসোর্সশিং অসু খ্বাইদগী হেন্না মথৌতাবশিংদা শিয়র তৌই। ঐখোয়না কেপেবিলিতীশিং শেমগৎলি, দিপেন্দেন্সীদি নত্তে।

মীস্তর স্পীকর,

হাক্না মালেমদা ভারতকী খোংথাংশিগী মতাংদা ৱারি শাবা মতমদা, য়ুনাইতেদ স্তেতসনা য়াম্না মরুওইবামফম অম কল্লি। ঐহাক্না ঐখোয়গী মরি অসি নখোয় পুম্নমক্তা য়াম্না মরু ওই হায়বা খঙই। কংগ্রেস অসিগী মেম্বর খুদিংমক মসিদা য়াম্না থবাই য়াওই। ভারত্তা দিফেন্স অমসুং এরোস্পেস চাউখৎলকপা মতমদা ৱাসিংতন, এরিজোনা, জিওর্জিয়া, এলাবামা, সাউথ কেরোলাইনা অমশুং পেনসীলভেনিয়াগী রাজ্যশিংগী ইন্দস্ত্রীশিংনা চাউখৎকনি। আমেরিকাগী কমপনীশিংনা চাউখৎপা মতমদা, ভারত্তা লৈরিবা মখোয়গী রিসর্চ অমসুং দেবেলপমেন্ত সেন্তরশিং অদু চাউখৎকনি। ভারতমচাশিংনা য়াম্না হেন্না পাইবা মতমদা, এয়রক্রাফকী ওর্দর অমখক তৌবদা অমেরিকাগী রাজ্য নিফু মরিদা থবক মিলিয়ন অমা হেন্না থবক ফংহল্লি।

অমেরিকাগী ফোন শাবশিংনা ভারত্তা ইনভেস্ত তৌবা মতমদা, লৈবাক অনিমক্তা থবক অমসুং খুদোংচাবশিংগী অচৌবা ইকোসীস্তেম অমা শেম্মি। ভারত অমসুং য়ু.এস.না সেমি-কন্দক্তরশিং আমসুং ক্রিতিকেল মিনরেলশিংদা পুন্না থবক তৌমিন্নবা মতমদা, মালেম আসিগি সপ্লাই চেনবু হেন্না দাইভর্স, রেজিলিয়েন্ত অমসুং রিলায়েবল ওইহনবদা মতেং পাংঙি। তশেংনা হায়রগদি, মিস্তর স্পীকর, ঐখোয় অসি হন্দক্কী চহি চা অসি হৌরকপদা দিফেন্স কোওপরেশনদা লম্লানবা অমগুম্না লৈরম্মি। হৌজিক্তি য়ুনাইতেদ স্তেতস অসি ঐখোয়গী খ্বাইদগী হেন্না মরু ওইবা দিফেন্স পার্তনরশিংগী মনুংদা ওইরে। ঙসিদি ভারত অমসুং য়ু.এস.না স্পেস অমসুং সমুদ্রদা, সাইন্স অমসুং সেমি-কন্দক্তরশিংদা, স্তার্ত-অপশিং অমসুং সস্তেনেবিলিতীদা, তেক অমসুং ত্রেদতা, লৌউ-শিং অমসুং ফাইনান্সতা, আর্ত অমসুং অর্তিফিসিয়েল ইন্তেলিজেন্সতা, ইনর্জী আমসুং এজুকেশনদা, হেল্থকিয়র অমসুং হ্যমেনিতেরিয়নগী ওইবা থবকশিংদা পুন্না থবক তৌমিন্নরে।

 

ঐহাক্না লেপ্তনা অদুমক চত্থবা ঙমগনি. আদুবু পুল্লপ তেনশিল্লগা ঐনা হায়গদবদি,

ঐখোয়গী কোওপরেশন অসিগী স্কোপতি লোইবা নাইদে,

ঐখোয়না খুৎশম্নদুনা থবক তৌমিন্নবগী পোতেন্সিয়েল অসিগী অকক্নবা লৈতে,

অমসুং ঐখোয়গী মরি অসিগী কেমিস্ত্রী অসি য়াম্না লাই।

 

মসি পুম্নমক অসিদা, ইন্দিয়ন অমেরিকনশিংনা য়াম্না চাউবা থৌদাং লৌখি। মখোয় অসি স্পেলিং বী খক্তা নত্তনা হিরম খুদিংমক্তা য়াম্না হৈ-শিংই। মখোয়গী পুক্নিং অমসুং ৱাখল, মহৈ-মশিং আমসুং হৈ-শিংবা অমসুং অমেরিকা অমসুং ভারতকীদমক্তা মখোয়গী মীনুংশিং অদুগা লোইননা মখোয়না ঐখোয়বু শমজিন্নহল্লে; মখোয়গী থোং হাংদোকখ্রে; মখোয়না ঐখোয়গী পার্তনরশিপ অসিগী মতিক অদু উৎখ্রে।

মিস্তর স্পীকর অমসুং শক্নাইরবা মেম্বরশিং,

হান্নগী ভারতকী প্রধান মন্ত্রী অমসুং অমেরিকাগী প্রেসিদেন্ত খুদিংমক্না ঐখোয়গী মরি অসিবু হেন্না খুমাং চাউশিনহনখি। অদুবু ঐখোয়গী মীরোল অসিনা মসিবু হেন্না অৱাংবা থাক্তা পুখৎপা ফংজবা অসি ঐখোয়গী লাইবক ফবনি। ঐহাক্না মসিবু চহি চা অসিগী মশক তাকপা অদুগুম্বা পার্তনরশিপ অমনি হায়বা প্রেসিদেন্ত বাইদেনগী ৱাফম আদুবু য়ানিংঙি। মরমদি মসিনা হেন্না চাউবা মরম আমগীদমক্তা মথৌ তৌরি। দেমোক্রেসী, দেমোগ্রাফী অমসুং দেস্তিনীনা মদুগী মরম অদু পীনবীরে। সপ্লাই চেনশিং য়াম্না হেন্না কন্সেন্ত্রেত তৌবনা গ্লোবেলাইজেশনগী কন্সিক্বেন্স  অমা ওইদুনা লাক্লি।

ঐখোয়না সপ্লাই চেনশিং দাইভর্সিফাই, দিসেন্ত্রেলাইজ অমসুং দেমোক্রেতাইজ তৌনবা পুন্না থবক তৌমিন্নগনি। কুনমাথোইশুবা চহি চা অসিদা তেক্নোলোজীনা সেক্যুরিতী, প্রোসপরিতী অমসুং লীদরশিপ লেপকদৌরিবনি। মরম অদুনা ঐখোয়গী লৈবাক অনি অসিনা অনৌবা “ইনিসিয়েতিব ফোর ক্রিতিকেল এন্দ ইমর্জিং তেক্নোলোজীজ” অমা থম্লগনি। ঐখোবগী নোলেজ পার্তনরশিপ অসিনা মীওইবা জাতিগী সেবা তৌরগনি অমসুং মহৌশাগী অইং-অশাদা অহোংবা লাকপা, অরাম-খৌরাংবা অমসুং হকশেলগা মরি লৈনবা মালেমগী  শিংনবশিং অদুগী সলুশনঅমা থিরগনি।

মিস্তর স্পীকর অমসুং শক্নাইরবা মেম্বরশিং,

হৌখিবা চহি খরা অসিনা চাউখৎ-ধৌরাংদা অকাইবা কয়া লাকখি। য়ুক্রেনগী থোক্লিবা ইরাং, লান অসিনা য়ুরোপতা অমুক হল্লক্লে। মসিনা লমদম অসিদা য়াম্না অৱাবা ওইহল্লে। মসিদা অচৌবা শক্তি লৈবা লৈবাকশিং য়াওবনা, মসিগী শাফু অসি য়াম্না কল্লি। গ্লোবল সাউথকী লৈবাকশিংদনা মরু ওইনা শোকহল্লে। গমালেম আসিদা তংদু-লৈতাবা হায়বসিয়ু.এন চার্তরগী প্রিন্সিপলশিংবু ইকাইখুম্নবা, য়ানদবা লৈবশিংবু শান্তি লৈনা ৱারোইশিন পুরকপা, আমসুং সোভরেনতী অমসুং তেরিতোরিয়েল ইন্তেগ্রিতীবু ইকাইখুম্নবা হায়বা অসিদা য়ুমফম ওই।

ঐহাক্না শেংনা অমসুং ফোংনা হায়খিবা অদুগুম্না, মসি লানগী য়ুগ নত্তে। অদুবু মসি দাইলোগ অমসুং দিপ্লোমেসীগী মতম্নি। অমসুং ঐখোয় পুম্নমক্না ইহিং-নাহিং তানবা অমসুং মীওইবগী অৱাবা অসিবু কোকহন্নবা তৌবা ঙম্বা খুদিংমক তৌগদবনি। মিস্তর স্পীকর,  নমফু-শাফু অমসুং মুক্নবগী অমম্বা নোংথাং আদুনা মখোয়গী মমি অদু ইন্দো পেসিফেক্তা তাহল্লি। লমদম অসিগী স্তেবিলিতী অসি ঐখোয়গী পার্তনরশিপ অসিগী য়াম্না মরু ওইবা খন্নিংঙাই ওইবা ৱাফম অমা ওইরক্লি।

ঐখোয়না অসোই-অঙাম য়াওদবা সমুদ্রনা শম্নহনবা, ইন্তর্নেস্নেল লোনা লেপ্পা, অতোপ্পনা খুদম চন্দবা, অমসুং এসিয়ন সেন্ত্রেলিতীদা লৈবা নিংখা তম্বা, ওপন অমসুং ইনক্লুসি ওইবা ইন্দো-পেসিফিক আমগী ভিজন অমা শিয়র তৌরি। লৈবাক খুদিংমক্না, অপিকপা অমসুং অচৌবনা মখোয়গী অনিংবা-অপাম্বদা নিংখা তম্বা অমসুং অকিবা অমত্তা লৈতবা লমদম, শিংদোকপা ঙম্লরোইদবা শেন্দোনগী অৱাবনা ফুংহৎনদবা চাউখৎ-থৌরাংশিং, কেনেক্তিবিতীবু লাল্লোংগীদমক্তা শিজিন্নদবা, লৈবাক খুদিংমকপু নুংঙাই-য়াইফবগী ৱাংলবা ঈথক অদুনা থাংগৎপীবা লমদম

ঐখোয়গী ভিজন অসিনা ফাজিন্নবা নত্রাগ তান্থোক্নবা নত্তে, মসি শান্তি লৈবা অমসুং নুংঙাই-য়াইফবগী কোওপরেতিব রিজন অমা শেম্নবনি। ঐখোয়না রিজন অসিগী মনুংদগীঅমসুং মপান্দগী ঐখোয়গী পার্তনরশিং অদুগা লোইননা রিজনেল ইন্সতিত্যুশনশিং অসিগী খুত্থাংদা থবক তৌই। মসিদা, ক্বাদনা লমদম অসিগীদমক্তা অফবগী য়াম্না মরু ওইবা শক্তি অমা ওইনা থোরকখ্রে।

মিস্তর স্পীকর,

৯/১১গী মতুংদা অমসুং মুম্বাইগী ২৬/১১গী মতুংদা দেকেদ অনি হেল্লবা মতুংদা, রেদিকেলিজম অমসুং তেরোরিজম অসি মালেম পুম্বগী ওইনা য়াম্না উদংওথিনিংঙাই ওইবা অমা ওইদুনা অদুমক লৈরি। মসিগী ইদেওলোজীশিং অসিনা অনৌবা শক্লোন  অমসুং শক্তম লেপ্তনা হোংলি, অদুবু মখোয়গী পান্দমদি অদুমক চপ মান্নৈ। তেরোরিজম হায়বসি মীওইবা জাতিগী য়েক্নবনি অমসুং মখোয়শিং অসিগা মায়োক্নবা মতমদা করিগুম্বা নত্রগা অদুবু হায়বা ৱাফম অসি কৈদৌনুংদা লৈবা য়াদে। ঐখোয়না অসিগুম্বা কিনিংঙাই ওইবা থবকশিং অসিবু শৌগত্তুনা মতেং পাংলিবা অমসুং শন্দোক্লিবা ফোর্সশিং অসিবু মাইথিবা পীগদবনি।

মিস্তর স্পীকর,

কোবিদ-১৯গী খ্বাইদগী চাউবা শাফু অশি পুন্সি মাংখিবা অমসুং মসিনা থোকহনখিবা অৱাবশিং অদুনি। ঐহাক্না কোবিদতা মপুন্সি মাংখিবা কংগ্রেসমেন, রোন রাইত অমসুং মহাক্কী স্তাফ মেম্বরশিংবু নিংশিংবা পাম্লি। ঐখোয়না লাইচৎ অসিদগী থোরক্লবা মতুং, ঐখোয়না অনৌবা ৱার্লদ ওর্দর অমা শেম্বা তাই। পুংজা অসিগী খ্বাদগী তঙাইফদবা অসি কন্সিদরেশন, কীবর অমসুং কন্সর্ন অসিনি। গ্লোবল সাউথকা পুনবা হায়বসিনা মাংলোমদা চৎনবগী লম্বিনি। রম অদুনা ঐহাক্না য়াম্না চেৎনা থাজৈ মদুদি অফ্রিকন য়ুনিয়নদা জি.২০গী ফুল মেম্বরশিপ পীবীগদবনি।

ঐখোয়না হেন্না ফবা রিসোর্সশিং অমসুং রিপ্রেজেন্তেশনশিংগা লোইননা মল্তিলেতরেলিজম অমসুং রিফোর্ম মল্তিলেতরেলিজম ইনস্তিত্যুশনশিং হিংগৎহনগদবনি। হায়রিবা অসি ঐখোয়গী গোবর্নেন্সকী গ্লোবল ইনস্তিত্যুশনশিং, মরু ওইনা য়ুনাইতেদ নেসন্সতশু চৎনৈ। মালেম অসিনা হোংলবনিনা, ঐখোয়গী ইনস্তিত্যশনশিং অসিনশু হোংগদবনি। নত্রগা রুলশিং লৈতবা য়েক্নবগী তাইবঙ অমনা মহুৎ শিনখিবগী খুংদোথিবা লৈ। ইন্তর্নেস্নেল লোদা য়ুমফম ওইরগা অনৌবা ৱার্লদ ওর্দরগীদমক্তা থবক তৌবা মতমদা, ঐখোয়গী লৈবাক অনি  অসিনা পার্তনরশিং ওইনা মাংজিল থাদুনা চৎকনি।

 

মিস্তর স্পীকর অমসুং শক্নাইরবা মেম্বরশিং,

ঙসি ঐখোয়না লৈবাক অনি অসিদা নত্তনা মালেম অসিগী লাইবক শেমগদৌরিবা ঐখোয়গী মরি অসিদা অনৌবা অয়ুক অদুদা লেপ্লরে। নহা ওইরিবা অমেরিকাগী কৱি  অমান্দা গোর্মাননা অসুম্না ফোংদোরকখি:

 

“নোংঙাল্লকপা মতমদা ঐখোয়না মরুমদগী থোরকই,

থৌনা লৈনা অমসুং অকিবা অমত্তা লৈতনা,

ঐখোয়না হেক থাদোকপগা অনৌবা অয়ুক অমা শাৎকাইরে।

মরমদি মতম পুম্বদা মঙাল লৈ,

করিগুম্বা ঐখোয়না মদুবু য়েংবা ঙম্বগী থৌনাদুদং লৈরম্লবদিকো।”

 

ঐখোয়গী থাজরবা পার্তনরশিপ অসি মাইকৈ খুদিংমক্তা মঙাল চাইথোক্কদবা অনৌবা অয়ুক অসিদা নুমিৎগুম্বনি।

ঐহাক্না মতম অমদা ইখিবা শৈরেং অমবু নিংশিংহল্লে:

 

आसमानमेंसिरउठाकर

घनेबादलोंकोचीरकर

रोशनीकासंकल्पलें

अभीतोसूरजउगाहै ।

दृढ़निश्चयकेसाथचलकर

हरमुश्किलकोपारकर

घोरअंधेरेकोमिटाने

अभीतोसूरजउगाहै।।

 

করিগুম্বা মসিবু এহাক্না ইংলিশতা হায়বা তারবদি, অসুম্না ওইগনি:

 

নোংথক্তা মশাগী মকোক থাংগত্তুনা,

অমম্বা নোংথাং মরক্তগী ফাওদোক্তুনা,

মঙালগী ৱাশক্কা লোইননা,

হৌজিক্তি নুমিৎ থোরক্লে।

অচেৎপা ফিরেপ অমগা লোইননা,

অৱাবা কয়া অমবু মাইথিবা পীদুনা,

অমম্বগী শক্তি মুত্থৎনবা’

হৌজিক্তি নুমিৎ থোরক্লে।

 

মিস্তর স্পীকর অমসুং শক্নাইরবা মেম্বরশিং,

ঐখোয়না তোঙান-তোঙানবা ফিভম অমসুং পুৱারিদগী লাকই, অদুবু অমত্তা ওইবা ভিজন অমসুংদেস্তিনী অমনা অমত্তা ওইনা পুনশিনহল্লরে। ঐখোয়গী পার্তনরশিপ অসিনা খুমাং চাউশিনবা মতমদা, ইকোনোমিক রেজিলিয়েন্স হেনগৎলকই, ইনোভেশন হেনগৎলকই, সাইন্স চাউখৎলকই, নোলেজ হেনগৎলকই, মীওইবা জাতিদা কান্নৈ, ঐখোয়গী সমুদ্রশিং অমসুং অসতিয়াশিংদা অসোই-অঙাম লৈতে, দেমোক্রেসীনা হেন্না লাংথোরক্কনি, অমসুং মালেম অসি হেন্না ফবা মফম অমা ওইরগনি।

মদুনা ঐখোয়গী পার্তনরশিপ অসিগী মিসন্নি। চহি চা অসিগীদমক্তা ঐখোয়গী অপাম্বা। মিস্তর স্পীকর অমসুং শক্নাইরবা মেম্বরশিং, ঐখোয়গী পার্তনরশিপ অসিগী  অসিগী অৱাংবা থাক অসিনা ফাওবা, মসিগী খোংচৎ অসি য়াম্না ফবা অওনবশিংগী মনুংদা অমনি। পুন্না, ঐখোয়না দেমোক্রেসী অসি মথৌ তাই অমসুং দেমোক্রেসীনা থবক পাংথোকই হায়বসি উৎথোক্লগনি। ঐহাক্না ভারত-য়ু.এস পার্তনরশিপ অসিদা নখোয়না লেপ্তনা সপোর্ত তৌরগনি হায়না থাজবা থম্লি।

২০১৬দা ঐহাক্না মফম অসিদা লাকপা মতমদা, ঐহাক্না হায়খি মদুদি “ঐখোয়গী মরি অসি য়াম্না মরু ওইবা তুংদা লাক্কদবা মতমশিংগীদমক্তা নিংথিনা শেম-শাবা লোইরে”। মদুগী তুং লাক্কদবা মতম অদু ঙসিনি। ইকাইখুম্নবীবা অসিগীদমক্তামিস্তর স্পীকর, মেদাম ভাইস প্রেসিদেন্ত অমসুং শক্নাইরবা মেম্বরশিংবু অমুক্কশু হন্না থাগৎচরি।

 

অমেরিকাবু ইশ্বরনা থৌজানবীবা ওইরসনু।

জয় হিন্দ।

ইন্দিয়া-য়ু.এস.কী মরুপ ওইবগী মরি অসিবু পুন্সি-নুংশাংবা ওইরসনু

 

 

 

 

 

 

 

 

 

 

 

 

 

 

 

 

 

 

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Union Budget 2024: A blueprint for India's manufacturing renaissance

Media Coverage

Union Budget 2024: A blueprint for India's manufacturing renaissance
NM on the go

Nm on the go

Always be the first to hear from the PM. Get the App Now!
...
Prime Minister meets former Prime Minister Shri HD Devegowda
July 25, 2024

The Prime Minister, Shri Narendra Modi met with former Prime Minister Shri HD Devegowda at 7, Lok Kalyan Marg in New Delhi.

In a X post, the Prime Minister said;

“It was an honour to meet former Prime Minister, Shri HD Devegowda Ji at 7, Lok Kalyan Marg. His wisdom and perspective on various subjects are deeply valued. I am also thankful for the artwork that he gave me, taking my mind back to my recent visit to Kanyakumari. @H_D_Devegowda @hd_kumaraswamy”