অদোমগী এক্সলেন্সী, প্রধান মন্ত্রী কৃস্তর্সন,
অদোমগী এক্সলেন্সী উর্সুলাজী,
অদোমগী রোয়ল হাইনেস,
বোল্বো গ্রুপকী প্রসিদেন্ত অমসুং সি.ই.ও.,
য়ুরোপিয়ন রাউন্দ তেবলগী চেয়রমেন,
মফমসিদা লৈরিবা য়ুরোপকী কারবারগী মরু ওইবা লুচিংবশিং,
ইবেম্মা অমসুং ইবুংঙোশিং,
খুরুমজরি!
ঙসিগী রাউন্দ তেবল অসিদা ঐহাকপু শরুক য়ানবা পাউজেল পীবিরকপগীদমক্তা ঐহাক্না প্রধান মন্ত্রী কৃস্তর্সনবু থাগৎপা ফোংদোকচরি। ঙসিগী থৌরম অসি “গোথনবর্গ”তা পাংথোক্লি হায়বসি ঐহাক খঙই। শহর অসিদি ইনোভেসনখক্ত নত্তনা য়ুরোপকী মেন্যুফেকচরিং স্পিরিৎকী মিৎনা উবা ইথিল অমনি।
মরুপশিং,
ইন্দস্ত্রীগী মসিগুম্বা য়ুরোপিয়ন রাউন্দ তেবল অসিদা ঐহাক্কী ৱাফম খরা থম্বা ফংবগী খুদোংচাবা ফংজবা অসি য়াম্না ইকায়খুম্ননীংঙাই ওইবা মতৌ অমনি।
অদোম মরুপ খরদি ঐহাক্কা মমাংদা উন্নখ্রে, খরা অমনা ঐহাক্না ঙসি অহানবা ওইনা উবনি। অদুবু ৱাফম অমদি শোইদ্রবনি, অদোম পুম্নমক ভারতকা মওং অমদা নত্ত্রগা অমদা মরী লৈনৈ।
অদোমগী মরক্তগী মীওই খরগী ভারত্তা মেন্যুফেকচরিং ওপরেসন লৈ। মীওই খরা অমগীনা আর. এন্দ দি. বেজ লৈ। অতোপ্পা খরগী ওইনদি, ভারতনা মখোয়দা তেলেন্ত পীরি। মীঐ খরগী সপ্লাই চেনগা ভারতকা মরী লৈনৈ। অদুগা মীওই খরনা ভারত্তা শেল চাউনা থাদরি। ঙসিগী মীফম অসিনা মসিগী পার্ত্নরশিপ অসিগী মপাঙ্গল হেনগৎহনগনি।
মরুপশিং,
ভারত অমসুং য়ুরোপকী মরী অসি ঙসিদগী অনৌবা মায়কৈ অমদা লৈরগনি। ঐখোয়না সরকারগী থাক্তা তসেংনা মিৎয়েং শানবা ৱাফম কয়া শেম্লে।
ভারত-ই.য়ু. ফ্রী ত্রেদ এগ্রীমেন্তকা মরী লৈননা ৱারেপ অমা পুরক্লে। উর্সুলাজীনা চুম্না হায়খিবগুম্না, মসিদি তসেংনা “দীল খুদিংগী মমানি”। ঐখোয়না মসিবু অথুবা মতমদা থবক্তা ওন্থোক্নবা হোৎনগনি।
ঐখোয়গী সেক্যুরিতী অমসুং দিফেন্স পার্ত্নরশিপকা লোয়ননা ঐখোয়গী মোবিলিতী এগ্রীমেন্তনা ঐখোয়না তেংবাংমিন্নরিবা অসিদা অনৌবা মায়কৈ অমা পীরবনি। ভারত-ই.য়ু. ত্রেদ অমসুং তেক্নোলোজী কাউন্সিল্মা ঐখোয়গী পার্ত্নরশিপ অসিদা অনৌবা ইন্সতিত্যুস্নেল ওইবা পাঙ্গল অমা হাপ্লে। ভারত অমসুং য়ুরোপ্না দিজিতেল তেক্নোলোজী, সপ্লাই চেন অমসুং ইনোভেসন য়াওনা তোঙান-তোঙানবা সেক্তরশিংদা থবক তৌমিন্নরি।
ভারত-মিদ্দল ইস্ত-য়ুরোপ ইকোনোমিক কোরিদোরগুম্বা পুৱারী ওইরবা খোঙথাংশিং অসিনা কন্নেক্তিবিতী অমসুং ইকোনোমিক ইন্তিগ্রেসন্দা অনৌবা শাফু পীরি। ঐখোয়না গ্রীন ত্রাঞ্জিসন অমসুং সস্তেনেবল গ্রোথকী হীরমদা মান্নবা পান্দম থম্লি।
শম্না হায়রবদা, ঐখোয়না “বিগ পিকচর”দা য়েংলবদি, মসিদা রাজনিতী, শেন্মিৎলোন অমসুং স্ত্রেতজীগী মতাংদা অরুবা মরী অমা লৈমিন্নরি। ভারত অমসুং য়ুরোপ অসি খল ঙাকপা, তেক্ত-কায়দবা অমসুং তুং কোইনা চৎকদবা মালেম অমগী মায়কৈদা চঙশিনমিন্নরি।
অদুবু মরুপশিং,
সরকারনা ফ্রেমৱর্ক, তঙাই ফদবা ঙাক্লৌ অমসুং পোলিসী খক্তমক শেম্বা ঙম্মি। তসেংবা থবক অসিদি অদোম্না গ্রাউন্দদা পাংথোকপনি। মরম অদুনা, অদোম পুম্নমক্কা ভারতকা থবক তৌমিন্নসি হায়না ঐহানা ঙসি হায়বা লাক্লিবনি।
ভারতনা মালেমগী খোঙজেল খ্বাইদগী য়াঙনা শাহৌ লৌবা শেন্মিৎলোন অমা ওইনা অনৌবা থাজবা অমগা লোয়ননা মাঙদা চঙশিল্লি। ভারত অসিদি মীওই বিলিয়ন ১.৪গী অপাম্বনা চলায়বা লৈবাক অমনি। ঐখোয়গী নহা ওইরিবা মীওইশিং, মশিং য়ামখৎলক্লিবা মিদ্দল ক্লাস অমসুং ইনফ্রাস্ত্রকচরশিং পাক চাউথোকহল্লিবা অসিনা ভারতকী চাউখৎপগী খোঙজেলদা অনৌবা পাঙ্গল হাপ্লি।
ভারতনা হৌখিবা চহি তরানিথোই অসিদা ‘রিফোর্ম, পরফোর্ম অমসুং ত্রান্সফোর্ম’ হায়বা মন্ত্রনা লমজিংদুনা চৎলি। সরকারগী রাজনিতীগী ইথিলনা শাফু পীরদুনা মসিগী ‘রিফোর্ম এক্সপ্রেস’ অসিনা খ্বাইদগী য়াঙবা খোঙজেলদা চৎলি।
গুদ এন্দ সর্ভিস তেক্স (জি.এস.তি.) অসিনা ভারতপু “লৈবাক অমা, তেক্স অমা, কৈথেল অমা” হায়বা পান্দম অসি ফংনবা তেংবাংলি। ইন্সোল্ভেন্সী অমসুং বেংক্রপসি কোদনা কারবারগী চৎনবীদা থাজবা লৈহল্লি।
এফ.দি.আই.গী রিফোর্মশিংনা সেক্তর কয়া অমা মালেমগী কেপিতেলগীদমক হাংদোক্লে। প্রদক্সন লিংক ইন্সেন্তিব (পি.এল.আই.) স্কিমশিংনা ইলেক্ত্রোনিক্স, ফার্মাসিউতিক্স, ওতো কম্পোনেন্তশিং, সোলর মোদ্যুলশিং, তেলিকম্ম্যুনিকেসনশিং অমসুং তেক্সতাইল য়াওনা তোঙান তোঙানবা সেক্তরশিংদা মেনুফেকচরিংদা অচৌবা ইথিল পীরি।
ঐখোয়না রেগুলেতরী কমপ্লাইএন্সকী চয়েৎনবা অদু য়াম্না হন্থহল্লে। ঐখোয়না মতমগা চুনদ্রবা কাংলোন লিশিং কয়া লৌথোকখ্রে। ঐখোয়না 'ইজ ওফ দুইং ব্যুজিনেস' অসি ঐখোয়গী গবর্নান্স ফ্রেমৱার্ককী তঙাইফদবা শরুক অমা ওইনা শেম্লে। 'দিজিতেল ইন্দিয়া'না পব্লিক সর্ভিসশিং অসি হেন্না ত্রান্সপরেন্ত, ইফিসেন্ত অমসুং এক্সেসিবল ওইহল্লে।
ঙসিদি, ভারত্তা মালেমগী খ্বাইদগী চাউবা অহুমশুবা স্তার্তঅপ ইকোসিস্তেম লৈরে। ঐখোয়গী স্তার্ত-অপশিংনা এ.আই., ফিনতেক, স্পেস তেক্নোলোজী, দ্রোন, বাইওতেক, ক্লাইমেৎ তেক, অমসুং মোবিলিতীগুম্বা তোঙান তোঙানবা লমশিংদা মালেমগী ওইবা সোলুসনশিং পুথোক্লি।
ঙসিদি, ভারতনা তেলেন্ত, স্কেল, দিমান্দ, অমসুং স্তেবিলিতী লৈরে; অমসুং খ্বাইদগী মরুওইরিবদি, ভারত অসি মসিগী নাগরিক বিল্লিয়ন ১.৪গী অপুনবা ৱারেপ্না পাৱর পীরি। মরম অদুনা, হৌজিক ঐখোয়না 'ইন্তেন্ত'তগী 'ইনভেস্তমেন্ত'তা অহোংবা পুরকপগী মতম ওইরে।
মতাং অসিদা ঐহাক্না অদোমগী খন্ন-নৈনবগীদমক্তা খোংথাং মঙা পুথোকচবা পাম্মি।
অহানবদা: তেলিকম্ম্যুনিকেসন অমসুং দিজিতেল ইনফ্রাস্ত্রকচর। ভোদাফোন, এরিক্সন, নোকিয়া, অমসুং ওরেঞ্জকুম্বা কম্পেনীশিংনা ভারত্তা থবক তৌবগী পাক চাউবা এক্সপরিয়েন্স লৈরে। ভারত অসি ৫জিদগী ৬জি তেক্নোলোজীদা ওন্থোকপদা মরুওইবা পার্তনর অমা ওইনা থোরকপা ঙমগনি। মসিগা লোয়ননা এ.আই.-ইনেবল তৌরবা নেৎৱার্কশিং, সেক্যুর কনেক্তিবিতী সোলুসনশিং অমসুং দিজিতেল ইনক্লুজন ইনিসিয়েতিবশিং শেমগৎপদসু মরুওইবা পার্তনর অমা ওইগনি। অদোম পুম্নমক্না ভারতপু মালেমগী আর.এন্দ.দি.
অনিশুবদা: এ.আই., সেমিকন্দক্তর, ইলেক্ত্রোনিক্স, অমসুং দিপ-তেক মেন্যুফেকচরিং। এ.এস.এম.এল., এন.এক্স.পি., এস.এ.পি. অমসুং কেপজেমিনিগুম্বা ইন্দস্ত্রীগী মকোক থোংবা মীওইশিং ঙসি মফম অসিদা য়াওরি। ভারতকী য়াম্না থুনা চাউখৎলক্লিবা, এন্দ-টু-এন্দ তেক্নোলোজী ইকোসিস্তেম অসিদা এক্তিব পার্তনরশিং ওইনবা ঐনা অদোমদা হায়জরি।
ভারতকী মিৎয়েং অসি ময়েক শেংলে: তেক্নোলোজিকেল ইন্নোবেসনগী মথংগী ৱেব অসি ভারত্তা পুন্না শেমগদবনি।
অহুমশুবদা: গ্রীন ত্রাঞ্জিসন অমসুং ক্লিন ইনর্জী। মালেমগী ওইবা অকোয়বগী ফিভমদা, ভারতনা মশাগী ইনর্জী সেক্যুরিতী মপাঙ্গল কনখৎহন্নবা অমসুং ক্লিন ইনর্জী কেপাসিতী পাকথোক চাউথোকহন্নবা অকনবা মীৎয়েং থম্লি। ENGIE, টোটেল এনর্জিজ, শেল, অমসুং য়ুমিকোরকুম্বা কম্পেনীশিংনা ক্লিন ইনর্জি, হায়দ্রোজেন, ইনর্জি ষ্টোরেজ, ই.ভি.শিং, অমসুং দেকার্বোনেসনদা লুচিংবশিংনি। অদোম্না ভারত্তা পাক চাউনা শেল থাদবা য়াগনি।
অহুমশুবদা: গ্রীন ত্রাঞ্জিসন অমসুং ক্লিন ইনর্জী। মালেমগী ওইবা অকোয়বগী ফিভমদা, ভারতনা মশাগী ইনর্জী সেক্যুরিতী মপাঙ্গল কনখৎহন্নবা অমসুং ক্লিন ইনর্জী কেপাসিতী পাকথোক চাউথোকহন্নবা অকনবা মীৎয়েং থম্লি। ENGIE, টোটেল এনর্জিজ, শেল, অমসুং য়ুমিকোরকুম্বা কম্পেনীশিংনা ক্লিন ইনর্জি, হায়দ্রোজেন, ইনর্জি ষ্টোরেজ, ই.ভি.শিং, অমসুং দেকার্বোনেসনদা লুচিংবশিংনি। অদোম্না ভারত্তা পাক চাউনা শেল থাদবা য়াগনি।
মরিশুবদা: ইনফ্রাস্ত্রকচর, মোবিলিতী, অমসুং অর্বান ত্রান্সফোর্মেসন। ভোলভো, মেয়র্স্ক, এয়রবস, সাব, আর্সেলোরমিতল, অমসুং হেইদলবর্গ... হায়রিবা কম্পেনী পুম্নমক্কী এক্সপর্সিতী অসি ভারতকী ত্রান্সফোর্মেসনগা হকথেংননা মরী লৈনৈ। সস্তেনেবল সিমেন্ত, গ্রীন স্তীল, মোবিলিতী, লোজিস্তিক্স, এরোস্পেস অমসুং দিফেন্সকুম্বা সেক্তরশিংদা ভারত অমসুং য়ুরোপকী মরক্তা পার্তনরশিপ অমনা মালেমগী থাক্কী মহৈ-মশিং ফংহনবা ঙমগনি।
মঙাশুবদা: হেল্থকেয়র অমসুং লাইফ সাইন্স। এস্ত্রাজেনেকা, রোচে, মর্ক, ফিলিপ্স, নেস্তলে অমসুং য়ুনিলিভরগুম্বা কম্পেনীশিংনা ভারতকা মতম শাংনা লৈনরিবা মরীশিং লৈনরি। হৌজিক ঐখোয়না পার্তনরশিপ অসিবু মথংগী থাক্তা পুখৎকদবনি।
ভেক্সিন, কেন্সর কেয়র, দিজিতেল হেল্থ, ন্যুত্রিসন অমসুং মেদিকেল দিভাইসশিংদা য়াম্না চাউবা স্কোপ লৈ। "দিজাইন ফোর ইন্দিয়া, মেক ইন ইন্দিয়া, অমসুং এক্সপোর্ত ফোর ইন্দিয়া"গী মোদেলদা য়ুম্ফম ওইদুনা অদোম্না মাংলোমদা চংশিনবা য়াই।
মতমগী অৱাবা লৈবনা মরম ওইদুনা, মফম অসিদা লৈরিবা কম্পেনী খুদিংমক্কী মমিং ঐহাক্না পনখিদে। অদুম ওইনমক, ভারত্তা লৈরিবা খুদোংচাবশিং অসি পুম্নমক্কীদমক হাংলি, অমসুং ঐহাক্না অদোম খুদিংমকপু খুরুমজরি।
মরুপশিং,
মসিগী সজেসনশিং অসিগী মতুং ইন্না, ঐহাক্না অদোমদা চেলেঞ্জ অমা পীবা পাম্মি। মফম অসিদা লৈরিবা কম্পেনী খুদিংমক্না ভারতকীদমক মরু ওইবা অনৌবা কম্মিতমেন্ত অমা তৌবা ঙমগদ্রা? লাক্কদৌরিবা চহি মঙা অসিদা ভারত্তা হৌদোক্কদৌরিবা মরুওইবা প্রোজেক্তশিং ঐখোয়না মশক তাকপা ঙমগদ্রা?
ভারত সরকারনা প্রোজেক্তশিং অসি মতম চানা লোইশিন্নবা মপুং ফানা মতেং পাংগনি। ঐখোয়না ইনিসিএতিবশিং অসি চাং নাইনা য়েংশিন্নবা ইন্সতিত্যুস্নেল মেকানিজম অমা শেম্বা য়াই।
মরুপশিং,
ঐখোয়না চহিদা অমুক্তি ইন্দিয়া-য়ুরোপকী সি.ই.ও.শিংগী রাউন্দতেবল অমা পাংথোকপা য়াই। ইন্দিয়া অমসুং য়ুরোপ অনিমক্কী ইন্দস্ত্রীগী বোদীশিং অসি থৌরাং অসিদা শরুক য়াবা য়াই। সেক্তর-স্পিসিফিক ৱার্কিং গ্রুপশিংসু শেম্বা য়াই।
ঐহাক্না ই.আর.তি.দা "ইন্দিয়া দেস্ক" নৎত্রগা "ইন্দিয়া এক্সন গ্রুপ" অমা লিংখৎনবা ৱাফম থমজরি। মসিগী মেন্দেত অসি লাইনা ওইগনি: ভারত্তা লৈরিবা কম্পেনীশিং শন্দোকপদা মতেং পাংবা; ভারতকী কৈথেলদা চঙশিনবা পাম্লিবা অনৌবা কম্পেনীশিং চঙশিনবদা মতেং পাংবা; অমসুং বিজিনেসকা মরী লৈনবা ৱাফমশিং প্রোএক্তিব ওইনা কোকহন্নবা।
মরুপশিং,
ভারত অমসুং য়ুরোপকী মরক্তা লৈরিবা পার্তনরশিপ অসি শেনমিৎলোনগী স্তেতিস্তিক্স খক্তদা য়ুম্ফম ওইদ্রে। মসি শরুক য়ামিন্নরিবা ভেল্যুশিংদা য়ুম্ফম ওইবা পার্তনরশিপ অমনি। মসিদি দিমোক্রেসী অমসুং মখল-মখা কয়াগী পার্তনরশিপ অমনি। মসি থাজবা অমসুং ত্রান্সপরেন্সীগী পার্তনরশিপ অমনি। মসি ইনোবেসন অমসুং ইনক্লুজনগী পার্তনরশিপ অমনি।
ঙসিগী মালেম অসিদা, য়েংহৌদবগী মমি তারিবা, সপ্লাই চেনশিংনা প্রেসর পীরিবা, তেক্নোলোজিকেল কম্পিতিসন হেনগৎলক্লিবা, অমসুং ইনর্জী সেক্যুরিতী অমসুং ক্লাইমেৎ এক্সন অনিমক্না শিংনবশিং মায়োক্নরিবা অসিদা, ভারত অমসুং য়ুরোপ্না পুন্না স্তেবিলিতী, সস্তেনেবিলিতী, অমসুং শেয়র্দ প্রোসপ্রিতীগী মপাঙ্গল লৈবা য়ুম্বী ওইনা থোরকপা ঙমগনি।
অসিগুম্বা ৱাখল্লোন অসিগা লোয়ননা ঐনা অদোম পুম্নমকপু ভারতকী চাউখৎপগী খোঙচৎ অসিদা শরুক য়ানবা কৌজরি। ঙসি গোথেনবুর্গতগী হৌরক্লিবা ৱারী শানবনা লাক্কদৌরিবা চহিশিংদা ভারত অমসুং য়ুরোপকী মরক্তা ইন্দস্ত্রীএল পার্তনরশিপকী অনৌবা চেপ্তর অমা ইগনি হায়না ঐনা থাজবা থম্লি।
অদোম্না মফম অসিদা মশিং য়াম্লবা মীওই কয়া থেংনখ্রে। মীফম অসিদা অদোম্না ঐহাকপু ঐহাক্কী ৱাখল্লোনশিং অদোমগা শরুক য়ানবা খুদোংচাবা পীখি। মসিগীদমক্তা, ঐহাক্না অদোম খুদিংমক্তা ঐহাক্কী থম্মোয় শেংনা অমসুং অচেৎপা থাগৎপা ফোংদোকচরি।
অদোমবু য়াম্না থাগৎচরি।
অদোমবু থাগৎচরি।
