Share
 
Comments
“বুদ্ধগী পাউজেল অসি মালেম পুম্বগীনি, বুদ্ধগী ধম্মা অসি মীওইবা খুনাইগীদমক্নি”
“বুদ্ধ সংসার পুম্বগীনি মরমদি বুদ্ধনা ইশাগী মনুংদগী হৌনবা হায়খি। বুদ্ধগী বুদ্ধত্বা অসি লোইনাইদ্রবা ইথৌদাংগী ফাওরকপা ইথিল অমনি”
“ঙসিসু বুদ্ধনা ভারতকী কন্সতিত্যুসনগী ইনোৎ অমা ওইরি, বুদ্ধগী ধম্মা ওইরিবা চক্রনা ভারতকী মচু অহুমগা ফিরালদা লৈরি অমসুং ঐখোয়দা থৌনা অমা হাপ্লি”।
“লোর্দ বুদ্ধগী পাউজেল ‘অপ্প দীপু ভবা’ অসিনা ভারতপু মরোমদোম লেপচবা ঙম্নবা পুক্নিং থৌগৎলি”

প্রধান মন্ত্রী, শ্রী নরেন্দ্র মোদীনা কুশিনগরদা মহাপরিনির্ভানা মন্দিরদা অভিধম্মা নুমিৎ পালন তৌবগী পাঙথোকপা থৌরমদা অমদা শরুক য়াখ্রে। উত্তর প্রদেশকী রাজ্যপাল অমসুং মুখ্য মন্ত্রী, কেন্দ্রগী মন্ত্রীশিং শ্রী জি. কিশন রেদ্দী, শ্রী কিরেন রিজিজু, শ্রী জ্যোতিরাদিত্য সিন্ধিয়া, শ্রী লঙ্কা সরকারগী কেবিনেত মিনিস্তর শ্রী নমাল রাজাপাক্সা, শ্রী লঙ্কাদগী বুদ্ধগী দেলিগেসন, ম্যানমারদ, ভেতনাম, কম্বোদিয়া, থাইলেন্দ, লাও পি.দি.আর. ভুতান, খা কোরিয়া, শ্রী লঙ্কা, মোঙ্গোলিয়া, জাপান, সিঙ্গাপুর, নেপাল, অমদি অতৈ কয়াগী দিপ্লোমেতশিং থৌরম অসিদা শরুর য়াখি।

থৌরম অসিদা ৱা ঙাংলদুনা প্রধান মন্ত্রীনা অশ্বিন পুর্নিমাগী য়াইফরবা থৌরম অমসুং লোর্দ বুদ্ধগী শেংলবা রিলিকপু নিংশিংশি। শ্রী লঙ্কাগী দেলিগেসনশিংবু তরাম্না ওক্তুনা প্রধান মন্ত্রীনা ভারত অমসুং শ্রী লঙ্কাগী মরীবু নিংশিংখি অমসুং নিংথৌরেল অশোকাগী মচানুপা মহেন্দ্র অমসুং মচানুপী সঙ্গহামিত্রনা শ্রী লঙ্কাদা বুদ্ধীজিমগী পাউজেল পুখিবগী মরমদা ৱা ঙাংখি। মহাক্না মসি অমসু হায়খি মদুদি নুমিৎ অসিদা ‘আর্হত মহিন্দা’ অমুক হল্লক্তুনা মপাদা শ্রী লঙ্কানা বুদ্ধগী পাউজেল য়াম্না থৱায় য়াওনা য়াজখি হায়না তমখি। পাউ অসিনা থাজবা হেনগৎহনখি মদুদি বুদ্ধগী পাউজেল অসি মালেম পুম্বগী ওইখ্রে, বুদ্ধগী ধম্মা অসি মীওইবা খুনাইগীদমক্নি, হায়না প্রধান মন্ত্রীনা হায়খি।   

ইন্তর্নেস্নেল বুদ্ধিস্ত কনফেদেরেসন্না লোর্দ বুদ্ধগী পাউজেল শন্দোকপদা লৌরিবা থৌদাংশিং অসিবু থাগৎপা ফোংদোক্লদুনা প্রধান মন্ত্রীনা শ্রী শক্তি সিনহাবু মহাক্না ইন্তর্নেস্নেল বুদ্ধিস্ত কনফেদেরেসনগী দি.জি. ওইনা থৌদাং লৌখিববু নিংশিংখি। শ্রী সিনহা হন্দক্তা লৈখিদবনি। 

প্রধান মন্ত্রীনা পনখি মদুদি ঙসি অসি লোর্দ বুদ্ধনা তুশিতা শর্গদগী মালেম লৈমাইদা কুম্লকপগী অতোপ্পা য়াইফরবা থৌরম মিকুপ অমনি। মরম অসিনা, ঙসি অশ্বিন পুর্নিমা অসিদা, লম্বোইবশিংসু মখোয়গী থা অহুমগী ‘বর্শবস’ লোইশিল্লি। ‘ঙসি ঐহাকসু ‘বর্শবস’ লোইরগা সঙ্গ মোঙ্কতা ‘চিবর দান’ ফংগনি, হায়না মোদীনা হায়খি।

প্রধান মন্ত্রীনা হায়খি মদুদি বুদ্ধ অসি মালেম পুম্বগিনি মরমদি বুদ্ধনা ইশা মনুংদগী হৌগদবনি হায়বিখি। বুদ্ধগী বুদ্ধত্বা অসি মপাল লোইনাইদ্রবা ইথৌদাংগী ইথিল অমনি। প্রধান মন্ত্রীনা ঙসি হায়খি মদুদি মালেম অসিনা অকোইবগী ঙাক-শেন্নবা, মালেমগী অইং অশা ওন্নরকপগী মরমদা ফোংদোনরকপা অসিদা ৱাহং কয়া অমা থোক্লকখি। অদুবু, ঐখোয়না বুদ্ধগী পাউজেলবু লৌরি, অদুনা ‘কনানা তৌগনি’ ‘করি তৌগদবনো’ অসি মথন্তা লাক্লি। প্রধান মন্ত্রীনা হায়খি মদুদি বুদ্ধ অসি মীওইবা খুনাইগী থম্মোয়নুংদা লৈবনি অমসুং সংস্কৃতী অমসুং লৈবাক কয়াগী পুনফম্নি। “ভারতনা কৈদৌনুংদা অথোইবশিংগী ৱাখল্লোন  অমদি লৌশিং নাথৈদুনা থমদে। মরম অদুনা মীওইবগী মগুন হায়বদি অহিংশা অমসুং মীনুংশি অসি  ভারতরী থম্মোয়নুংদা মহৌশাগুম লৈরি,” হায়না প্রধান মন্ত্রীনা হায়খি।

প্রধান মন্ত্রীনা হায়খি, ঙসিসু বুদ্ধনা ভারতকী কন্সতিত্যুসনগী ইনোৎ অমা ওইরি, বুদ্ধগী ধম্মা ওইরিবা চক্রনা ভারতকী মচু অহুমগা ফিরালদা লৈরি অমসুং ঐখোয়দা থৌনা অমা হাপ্লি”। ঙসিসু কনাগুম্বা অমনা ভারতকী পার্লিয়ামেন্তদা চৎপদা মন্ত্র অসি তশেংনা উবা ফংই – “ধর্ম্ম চক্র প্রবর্তন্য’, হায়না প্রধান মন্ত্রীনা হায়খি।

গুজরাত্তা লোর্দ বুদ্ধনা পীরিবা শাফু, মরুওইনা প্রধান মন্ত্রীগী পোক্নফম লমদম, বাদনগর অসিগী মরমদা ৱা ঙাংলদুনা শ্রী মোদীনা হায় মদুদি লোর্দ বুদ্ধগী শাফু অসি নোংপোক্কী মফমশিংগা মান্ননা লৈবাক অসিগী নোংচুপ অমসুং খা থংবা মফমশিংদা ফবা ফংলি। “গুজরাতকী হৌখিবা মতম্না বুদ্ধনা ঙমখৈ অমসুং মাইকৈ লান্না লাকখি হায়বা উৎলি। গুজরাত্তকী লমদমদা পোকখিবা মহাত্মা গান্ধী অশেংবা অমসুং অহিংশাগী ওইবা বুদ্ধগী পাউজেল পুবা ফ্লেগ-বিয়াররনি।

লোর্দ বুদ্ধগী “অপ্প দীপু ভবা” ৱাহন্থোক্তি ‘অদোম ইশাগী থাউমৈ ওইবিয়ু’ পল্লদুনা প্রধান মন্ত্রীনা হায়খি কনাগুম্বা মীওই অমনা মশা মথন্তা মঙাল পীথোরক্লবা, মদুদা মহাক্না মালেম অসিদসু মঙাল পীগনি। মহাক্না হায়রিবা অসি ভারতপু মরোমদোম লেপচনবা পুক্নিং থৌগৎপদা মখা তানা হায়খিবনি। মসিনা মালেম অসিদা লৈবাক খুদিংমক্না চাউখৎ থৌরাংগী থবকশিং চংশিনবদা শরুক য়াবদা থৌনা হাপ্নবা পুক্নিং থৌগৎপনি। প্রধান মন্ত্রীনা মসি অমসু পনখি মদুদি লোর্দ বুদ্ধগী পাউতাকশিং অসি ভারতনা মাংজিল থাবদা লৌরিবা মন্ত্র সবকা সাথ, সবকা বিকাস, সবকা বিস্বাস অমসুং সবকা প্রয়াস্তা শিজিন্নরি।

 

 

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
21 Exclusive Photos of PM Modi from 2021
Explore More
পি.এম.না উত্তর প্রদেশকী বারানসীদা কাশী বিশ্বনাথ ধাম শঙ্গাবদা থমখিবা ৱারোল

Popular Speeches

পি.এম.না উত্তর প্রদেশকী বারানসীদা কাশী বিশ্বনাথ ধাম শঙ্গাবদা থমখিবা ৱারোল
Construction equipment industry grew 47% in Q2 FY22

Media Coverage

Construction equipment industry grew 47% in Q2 FY22
...

Nm on the go

Always be the first to hear from the PM. Get the App Now!
...
PM Modi, PM Jugnauth to jointly inaugurate India-assisted Social Housing Units project in Mauritius
January 19, 2022
Share
 
Comments

Prime Minister Narendra Modi and Prime Minister of Mauritius Pravind Kumar Jugnauth will jointly inaugurate the India-assisted Social Housing Units project in Mauritius virtually on 20 January, 2022 at around 4:30 PM. The two dignitaries will also launch the Civil Service College and 8MW Solar PV Farm projects in Mauritius that are being undertaken under India’s development support.

An Agreement on extending a US$ 190 mn Line of Credit (LoC) from India to Mauritius for the Metro Express Project and other infrastructure projects; and MoU on the implementation of Small Development Projects will also be exchanged.