ইকায়খুম্নরবা, প্রধান মন্ত্রী মিতসোতাকিস,
লৈবাক অনিমক্কী দেলিগেতশিং,
মেদিয়াগী মরুপ-মপাংশিং,
খুরুমজরি!
প্রধান মন্ত্রী মিতসোতাকিস অমসুং মহাক্কী দেলিগেত ভারত্তা তরাম্না ওকপদা ঐ অপেনবা ফাওই। হৌখিবা চহিদা ঐনা গ্রিসতা চৎলুরবা মতুংদা, মহাক্কী ভারত খোঙচৎ অসি লৈবাক অনিগী মরক্তা স্ত্রাতেজিক পার্তনরশিপ মপাঙ্গল কনখৎহন্নবগী খুদম অমনি। চহি ১৬গী মতুংদা, গ্রিসকী প্রধান মন্ত্রী ভারত্তা লাকপা অসি পুৱারি ওইরবা খোঙচৎ অমনি।
মরুপশিং,
ঙসি ঐখোয়না খন্নরিবা অসি য়াম্না মরুওইবা অমসুং কান্নবনি। ২০৩০ ফাওবগী মনুংদা লৈবাক অনিগী ললোন-ইতিক্কী থবক শরুক অনি হেনগৎহন্নবা মাইকৈদা য়াংনা চঙশিনবা অসি হরাওনবগী মরম অমনি। ঐখোয়গী মতেং পীনবদা অনৌবা থৌনা অমসুং অনৌবা মাইকৈ তাক্নবা ঐখোয়না অনৌবা খুদোংচাবা কয়া মশক খঙদোক্লে। লৌউ-শিংউগী লমদা লৈবাক অনিগী মরক্তা হেন্না চেৎনা মতেং পীন্নবা ওইথোকপা কয়া লৈরি। হিরম অসিদা হৌখিবা চহিদা য়ানখিবশিং থবক ওইনা পাংথোক্নবা নাকল অনিনা থবকশিং পায়খৎলকপদা ঐ হরাওই। ফার্মা, মেদিকেলগী খুৎলায়শিং, তেক্নোলোজি, ইন্নোবেসন, স্কিল হেনগৎহনবা অমসুং স্পেস য়াওনা হিরম কয়াদা মতেং পীনবা হেনগৎহন্নবা ঐখোয় য়ানরে।
লৈবাক অনিমক্তা স্তার্দঅপশিং শম্নহন্নবা ঐখোয় খন্নরে। লৈবাক অনিমক্না সিপ্পিং অমসুং চৎথোক-চৎশিনগী হিরমশিং য়াম্না মরুওইনা লৌরি। হায়রিবা হিরমশিং অসিদা মতেং পাংনবা হেনগৎহন্নবা ঐখোয় খন্নরে।
মরুপশিং,
দিফেন্স অমসুং সেকুরিতিদা মতেং পাংনবা হেনগৎলকপা অসিনা ঐখোয়গী অচেৎপা অমনা অমবু থাজনবা অদু মমি তারে। হিরম অসিদা ৱার্কিং গ্রুপ অমা শেমদুনা, দিফেন্স, সাইবর সেকুরিতি, তেরোরিজম থেংনবা অমসুং সমুদ্রগী সেকুরিতিগুম্বা মান্নবা শিংনবশিংদা অমনা অমগী মতেং পাংনবা হেনগৎহনগনি। ভারত্তা দিফেন্স মেনুফেকচরিংদা কো-প্রদক্সন অমসুং কো-দিবলপমেন্তদা অনৌবা খুদোংচাবা কয়া শেমগৎলে। লৈবাক অনিমক্কী দিফেন্স ইন্দস্ত্রিশিং শম্নহন্নবা ঐখোয় য়ানরে। তেরোরিজম থেংনবদা ভারত অমসুং গ্রিসকী মান্নবা খুদোংচাদবশিং অমসুং মরুওইশিং লৈরি। হিরম অসিদা কমদৌনা ঐখোয় মতেং পাংনবা হেনগৎহনগদগে হায়বগী অকুপ্পা ঐখোয় খন্নরে।
মরুপশিং,
অরিবা অমসুং অচৌবা সভেত্যা অনি ওইনা, ভারত অমসুং গ্রিসকী শাংলবা পুৱারি ওইরবা নাৎ অমসুং মীগা মীগা লৈনবা মরীশিং লৈনরক্লি। চহি লিশিং ২.৫ হেন্না, লৈবাক অনিমক ললোন-ইতিক অমসুং নাৎকী মরীশিং লৈনরক্লি।
হায়রিবা মরীশিং অসি অনৌবা ম ওংদা ওনখৎনবা ঙসি ঐখোয়না অনৌবা থবক কয়া মশক খঙদোক্লে। লৈবাক অনিগী মরক্তা অথুবা মতমদা মাইগ্রেসন এন্দ মোবিলিতি পার্তনরশিপ এগ্রিমেন্ত লোইশিন্নবা ঐখোয় খন্নরে। মসিনা মখা তানা মীগা মীগা লৈনবা মরীশিং মপাঙ্গল কনখৎহনগনি।
লৈবাক অনিগী অৱাংবা থাক্কী মহৈলোয়শঙশিংগী মরক্তা মতেং পাংনবা হেনগৎহন্নবা ঐখোয় য়ানরে। মথং চহিদা ভারত অমসুং গ্রিসকী মরক্তা কুতনিতিগী মরী লৈনরকপগী চহি ৭৫শুবা থৌরম পাংথোক্নবা এক্সন প্লান অমা শেম্বা হায়না ঐখোয় ৱারেপ লৌরে। মসিদা ঐখোয়না কমন হেরিতেচ, সাইন্স অমসুং তেক্নোলোজি, ইন্নোবেসন, শান্নবা অমসুং অতোপ্পা হিরমশিংদা লৈবাক অনিমক্কী মাইপাকপশিং মালেমদা উৎপা ঙমগনি।
মরুপশিং
ঙসিগী মীফম অসিদা, ঐখোয়না লমদম লমদমগী অমসুং মালেমগী ওইবা ৱাফম কয়া খন্নরে। ৱারি শানদুনা অমসুং দিপ্লোমেসিগী খুৎথাংদা য়ানদবা অমসুং মুক্নবা খুদিংমক ৱারোইশিন পুরক্কদবনি হায়না ঐখোয় য়ানরে। ইন্দো-পেসিফিক্তা গ্রিসনা থৱায় য়াওনা শরুক য়াবা অমসুং মরুওইবা থৌদাং লৌবদা ঐখোয়না তরাম্না ওক্লি। গ্রিসনা ইন্দো-পেসিফিক ওসিন ইনিসিএতিপ শরুক য়ানবা ৱারেপ লৌখিবা অসি হরাওনবগী মচাক অমনি। নোংপোক থংবা মেদিতেরানিয়ান লমদমদা মতেং পীন্নবগী য়ানবা অমসু লৈরে। ভারতনা জি-২০গী চিয়ারমেন ওইরিঙৈদা হৌদোকখিবা, আই.এম.ই.সি কোরিদোর অসিনা মখা তানা লমদম অসিগী মীওইবা খুন্নাই চাউখৎহনবদা শিংথাবা য়ানা মতেং পাংগনি।
থৌরাং অসিদা গ্রিসশু মরুওইবা মরুপ অমা ওইগনি। মখোয় মতম অসিগা চুননা থবক তৌবা ঙম্নবা য়ু.এন অমসুং অতোপ্পা মালেমগী ইন্সতিতুসনশিং অমুক হন্না শেমদোকপদা ঐখোয় য়ানরে। মালেমগী শান্তি অমসুং তুংদু-লৈতাবা পুরক্নবা ভারত অমসুং গ্রিসনা মখা তানা মখোয়গী থবকশিং মতেং পাংগনি।
ইকায়খুম্নরবা,
ঙসি নুমিদাং অদোম চীফ গেস্ত ওনা রাইসিনা দাইলোগ শরুক য়াগনি। অদোম্না মফম অদুদা ৱা ঙাংবা তানবা ঐখোয় খৌরাংনা ঙাইরি। অদোমগী ভারত খোঙচৎ অমসুং ঐখোয় কান্নবা ৱাফমশিং খন্নবগীদমক ঐনা অদোম ঙমখৈ লৈতনা থাগৎচরি।
प्रधानमंत्री @kmitsotakis और उनके delegation का भारत में स्वागत करते हुए मुझे बहुत ख़ुशी हो रही है।
— PMO India (@PMOIndia) February 21, 2024
पिछले वर्ष मेरी ग्रीस यात्रा के बाद उनकी यह भारत यात्रा दोनों देशों के बीच मजबूत होती strategic partnership का संकेत है: PM @narendramodi
Defence और Security में बढ़ता सहयोग हमारे गहरे आपसी विश्वास को दर्शाता है।
— PMO India (@PMOIndia) February 21, 2024
इस क्षेत्र में Working Group के गठन से हम defence, cyber security, counter-terrorism, maritime security जैसी साझा चुनौतियों पर आपसी समन्वय बढ़ा सकेंगे: PM
आतंकवाद के खिलाफ लड़ाई में भारत और ग्रीस की चिंताएं और प्राथमिकताएं समान हैं।
— PMO India (@PMOIndia) February 21, 2024
हमने इस क्षेत्र में अपने सहयोग को और अधिक मज़बूत करने पर विस्तारपूर्वक चर्चा की: PM
दो प्राचीन और महान सभ्यताओं के रूप में भारत और ग्रीस के बीच गहरे सांस्कृतिक और people-to-people संबंधों का लम्बा इतिहास है।
— PMO India (@PMOIndia) February 21, 2024
लगभग ढाई हज़ार वर्षों से दोनों देशों के लोग व्यापारिक और सांस्कृतिक संबंधों के साथ-साथ विचारों का भी आदान प्रदान करते रहे हैं: PM @narendramodi
हम सहमत हैं कि सभी विवादों और तनावों का समाधान dialogue और diplomacy के माध्यम से किया जाना चाहिए।
— PMO India (@PMOIndia) February 21, 2024
हम Indo-Pacific में ग्रीस की सक्रीय भागीदारी और सकारात्मक भूमिका का स्वागत करते हैं।
यह ख़ुशी का विषय है कि ग्रीस ने Indo-Pacific Oceans Initiative से जुड़ने का निर्णय लिया है: PM
