প্রধান মন্ত্রী শ্রী নরেন্দ্র মোদীনা ঙসি লোক কল্যান মার্গতা ভারত সরকারগী সেক্রেতরীশিংগা উন্নদুনা ৱারী শানখ্রে।
থৌরম অদুদা কেন্দ্রগী মন্ত্রীশিং, শ্রী রাজনাথ সিংহ, শ্রী অমিৎ শাহ, শ্রীমতী নির্মলা সিতারমন অমসুং দা. জিতেন্দ্র সিংহনা শরুক য়াখি।
ৱারী শান্নবা অদু হৌদোক্লদুনা কেবিনেৎ সেক্রেতরী শ্রী পি.কে. সিনহানা মতৌ করম্না প্রধান মন্ত্রীনা মমাংগী সরকারগী মতমদা দাইরেক্তর/দিপুতী সেক্রেতরীগী থাক ফাওবগী ওফিসিয়েল পুম্নমক্কা হকথেংননা উন্নদুনা ৱারী শান্নখিবগে হায়বদু নৌহৌনা নীংশিংখি।
মাংলোমদা মীৎয়েং থম্লদুনা কেবিনেৎ সেক্রেতরীনা মরুওইবা থবক অনিখক ফোংদোকখি মদু সেক্রেতরীশিংগী খনগৎলবা গ্রুপশিংগী মাংদা থমগনি: (অ) মন্ত্রালয় খুদিংমক্কী নীংথিজনা শেম শারবা পান্দমশিংগা লোয়ননা চহী মঙাগী প্লান অমগী দোকুমেন্ত। (আ) নুমীৎ ১০০গী মনুংদা অয়াবা লৌগদবা মন্ত্রালয় খুদিংমক্কী মরুওইবা ৱারেপ অমা।
ৱারী শান্নখিবা অদুগী মনুংদা, তোঙান তোঙানবা সেক্রেতরীশিংনা এদমিনিস্ত্রেতিব দিসিজন-মেকিং, এগ্রীকলচর, রুরেল দিবেলপমেন্ত অমদি পঞ্চায়তী রাজ, ইনফোর্মেশন তেক্নোলোজী ইনিসিয়েতিবশিং, এজুকেসন রিফোর্ম, হেল্থকেয়র, ইন্দস্ত্রীয়েল পোলিসী, ইকোনোমিক গ্রোথ, স্কিল দিবেলপমেন্ত অসিনচিংবা হিরমশিংদা মখোয়গী ৱাখল্লোনশিং পুথোকখি।
ৱারী শান্নখিবা অদুগী মনুংদা, প্রধান মন্ত্রীনা ২০১৪গী জুন থাদা সেক্রেতরীশিংগা লোয়ননা মহাক্না অহানবা উন্নখিবা অদু নৌহৌনা নীংশিংখি। হন্দক পাংথোকখিবা মীখলদা প্রো-ইনকম্বেন্সীনা মার্ক তৌখিবা অদুগী ক্রেদিৎ ওফিসিয়েলশিংগী তীম অপুনবনা ফংফম থোকই হায়না মহাক্না হায়খি। মখোয়না কন্না হোৎনদুনা হৌখিবা চহী মঙাদা স্কিমশিং হৌদোকখি, অমদি অফবা মহৈশিং পীবা ঙমখি। হন্দক্কী মীখলশিংদা পোজিতিব ওইবা ভোৎ অমা মার্ক তৌখি মদুনা মহাক্কী নোংমা নোংমগী ওইবা এক্সপরিয়েন্সতা য়ুমফম ওইরগা মীচম প্রজানা ফাওরিবা অদুগুম্লবা থাজবা অদু উবা ফংই হায়না মহাক্না হায়খি।
প্রধান মন্ত্রীনা হায়খি মদুদি ভারতকী ভোতরশিংনা মথংগী চহী মঙাগীদমক মিৎয়েং অমা থম্লি, অমদি মদুগী খুদোংচাবা অদু হৌজিক ঐখোয়গী মাংদা লৈরে। মহাক্না হায়খি মদুদি মীয়ামগী চাউরবা থাজবা অসি শিংনবা অমা ওইনা উদনা খুদোংচাবা অমা ওইনা উগদবনি। মেনদেৎ অসিদা মীয়ামগী ৱিল অমসুং এস্পিরেসন অদু মমি তারি অমদি মখোয় মশাগী হেন্না ফবা পুন্সি মহিং অমা থিরি হায়না মহাক্না হায়খি।
দেমোগ্রাফিক দিবাইদেন্দতা ৱা ঙাংলদুনা প্রধান মন্ত্রীনা দেমোগ্রাফিকশিংবু মতিকচানা য়ুতিলাইজ তৌবা মথৌ তাই হায়না ফোংদোকখি। কেন্দ্র সরকারগী দিপার্তমেন্ত খুদিংমক্না, অমদি রাজ্য খুদিংমক্কী জিলা খুদিংমক্না ভারতপু ৫ ত্রিলিয়ন দোলর ইকোনোমী অমা শেমগৎপদা থৌদাং লৌগদবনি হায়না মহাক্না হায়খি। “মেক ইন ইন্দিয়া” ইনিসিয়েতিবকী মরুওইবা অমদি মসিগী লোইশিল্লকপদা মশক থোক্না খুমাং চাউশিনহনবগী মথৌ তাবা অদু মহাক্না থমখি।
প্রধান মন্ত্রীনা হায়খি মদুদি “ইজ ওফ দুয়িং বিজিনেস”তা ভারতনা খুমাং চাউশিল্লিবা অসিনা অপীকপা ললোন-ইতিক তৌরিবশিং অমসুং ইন্তর্প্রিনরশিংদা চাউনা কান্নবা ফংহনগদবনি। সরকারগী মন্ত্রালয় খুদিংমক্না “ইজ ওফ লিভিং”দা মীৎয়েং থমগদবনি হায়না মহাক্না হায়খি।
ঈশিং, ফিসরিজ, অমসুং এনিমেল হজবেন্দরী অসি সরকারগীদমক মরুওইবা হিরমশিং ওইহনগদবনি হায়না প্রধান মন্ত্রীনা ফোংদোকখি।
মহাক্না হায়খি মদুদি ঙসিগী উন্নদুনা ৱারী শান্নবা অসিদা সেক্রেতরীশিংগী মফমদা লৈবাক অসিবু মাংলোমদা পুখৎনবা মীৎয়েং, ফিরেপ অমসুং ইনর্জী অদু মহাক্না উবা ফংই। মহাক্না তীম অসিগীদমক চাউথোকচৈ হায়না ফোংদোকখি। মহাক্না মীপুম খুদিংমকপু দিপার্তমেন্ত খুদিংমক্তা কান্নবা অমসুং মহৈ হেঙ্গৎহন্নবগীদমক তেক্নোলোজী শিজিন্ননবা তকশিনখি।
প্রধান মন্ত্রীনা হায়খি মদুদি দিপার্তমেন্ত খুদিংমক্না নীংতম্বগী চহী ৭৫শুবগী লাক্কদৌরিবা মাইলস্তোন অসিগী কান্নবা লৌনবা হোৎনগদবনি, মদুনা লৈবাক অসিবু হেন্না য়াইফনবগীদমক থৌদাং অমা লৌদুনা মীয়াম্বু ইনোৎ পীবা ঙমগনি। মীয়ামগী এস্পিরেসনবু মপুং ফাহন্নবা চংশিল্লিবা খোংথাংশিংদা শরুক য়ানবা মহাক্না মীপুম খুদিংমক্কী মফমদা তকশিনখি।
