প্রধান মন্ত্রী শ্রী নরেন্দ্র মোদীনা ঙসি গুজরাতকী বলসার জিলাগী জুজৱা খুঙ্গংদা পাংথোকপা অচৌবা মীফম অমদা প্রধান মন্ত্রী আৱাস য়োজনা (গ্রামীন)গী কান্নবা ফংলবশিংগী অপুনবা ই-গৃহপ্রভেশ (য়ুমদা চংবা) য়েংখ্রে। রাজ্যগী জিলা ২৬তা কান্নবা ফংলবশিংদা য়ুম লাখ অমদগী হেন্না শিন্নখ্রে। জিলা কয়াগী কান্নবা ফংলবশিংনা ভিদিও লিঙ্ককী খুৎথাংদা মরু ওইবা থৌরম অদুদা শরুক য়াখি অমসুং মখোয়শিং অদুগী মনুংদা খরগা প্রধান মন্ত্রীনা ৱারী শানখি।
থৌরম অদুদা প্রধান মন্ত্রীনা দীন দয়াল উপাধ্যায় গ্রামীন কৌশল বিকাস য়োজনা, মুখ্য মন্ত্রী গ্রামোদয় য়োজনা অমসুং রাস্ত্রীয় গ্রামীন আজীবিকা মিশন য়াওনা তোঙান তোঙানবা স্কিমশিংগী মনুংদা খলগৎলবা খরগী কান্নবা ফংলবশিংদা সর্তিফিকেৎ অমসুং থবক্কা মরি লৈনবা চে য়েন্থোকখি। মহাক্না ৱুমেন বেঙ্ক কোরেস্পোন্দেন্তশিংদা থবক খনবগী চে অমসুং মিনি-এ.তি.এম.শিংসু য়েন্থোকখি।
প্রধান মন্ত্রীনা এস্তোল ৱাতর সপ্লাই স্কিমগী উরেপ উয়ুং তমখি।
থৌরম অদুদা প্রধান মন্ত্রীনা হায়খি মদুদি রক্ষা বন্ধনগী কুম্মৈ য়ৌরক্কদৌরে। মহাক্না হায়খি মদুদি নুপী লাখ অমদগী হেনবনা রক্ষা বন্ধনগী খুদোল ওইনা মখোয়গী মমিংদা য়ুম ফংবা অসিদা অপেনবা ফাওই। মহাক্না হায়খি মদুদি অনৌবা য়ুম অমনা মখোয়দা অনৌবা মংলান কয়া পুদুনা লাকই অমসুং মংলানশিং অদু মংফাওনহন্নবা ইমুং অদুনা কন্না হোৎননীংবগী থৌনা হেনগৎলকই।
ই-গৃহপ্রভেশ পাংথোক্লিবা য়ুমশিং অদু থোইদোক্না মগুন লৈবশিংনি হায়না ফোংদোক্লদুনা মহাক্না হায়খি মদুদি মসি ময়াই চাবা অমত্তা য়াওদবনা মরম ওইদুনা পাংথোকপা ঙম্লিবনি, মহাক্না ২০২২ ফাওবগী মনুংদা পুম্নমক্কীদমক্তা য়ুম ফংহন্নবা সরকারগী পান্দম অদুবু অমুক্কা হন্না পনখি।
প্রধান মন্ত্রীনা হায়খি মদুদি মতম কয়াদগী রাজনীতি তৌবশিংগী খুদোং চাবতনা থল্লবা য়ুমশিং শাবগী মতাংদা ঙাংনদুনা লাক্লি। মহাক্না হায়খি মদুদি হৌজিক মিৎয়েং অদুদা অহোংবা পুরক্লে অমসুং লাইরবশিংনা মখোয়গী য়ুম ফংবা হৌরে।
ঙসি উরেপ উয়ুং তমখিবা এস্তোল ৱাতর সপ্লাই অসি ইঞ্জিনীয়রশিংগী অঙকপা থৌওং অমনি হায়না ফোংদোক্লদুনা প্রধান মন্ত্রীনা হায়খি মদুদি অফবা থক্ননবা ঈশিংনা মীয়াম্বু লাইনা কয়াদগী ঙাকথোকই।
মতৌ করম্না লাইরবশিংদা মখোয়গী য়ুম, মৈ, অফবা থক্ননবা ঈশিং অমসুং তরু তনানবা শিং (ফুয়েল) ফংহন্দুনা করম্না মখোয়গী পুন্সিদা অহোংবা পুরক্লিবগে হায়বগী মতাংদা প্রধান মন্ত্রীনা ফোংদোকখি।
I got an opportunity to talk to women across the state today who got their homes under PM Awas Yojana.
— PMO India (@PMOIndia) August 23, 2018
The wonderful homes under PM Awas Yojana are being made possible because there are no middlemen: PM
It is my dream, it is our endeavour to ensure that every Indian has his own house by 2022.
— PMO India (@PMOIndia) August 23, 2018
Till now, we only heard about politicians getting their own homes.
Now, we are hearing about the poor getting their own homes: PM
