প্রধান মন্ত্রী শ্রী নরেন্দ্র মোদীনা সেপ্তেম্বর ১৫দা বিহারগী শহরগী ইনফ্রাস্ত্রকচরগা মরী লৈনবা প্রোজেক্ত তরেৎ ভিদিও কনফরেন্সকী থোংদা শঙ্গাগনি অমসুং উরেপ উয়ুং তমগনি। মসিগী মনুংদগী প্রোজেক্ত মরিদি ৱাতর সপ্লাইগা মরী লৈনৈ, অনীনা সিৱরেজ ত্রিৎমেন্তকা অমসুং অমনা রিবর্ফ্রন্ত দিবেলপমেন্তকা মরী লৈনৈ। প্রোজেক্তশিং অসিগী অপুনবা শেনফম্না লুপা করোর ৫৪১নি। প্রোজেক্তশিং অসিবু পায়খৎপগী থবক্না বুইদকোনা অর্বান দিবেলপমেন্ত অমসুং হাউসিং দিপার্ত্মেন্ত ওব বিহারনা তৌগনি। বিহারগী মুখ্য মন্ত্রীসু থৌরম অদুদা শরুক য়াগনি।
অকুপ্পা মরোল
নমামি গঙ্গেগী মখাদা পত্না ম্যুনিসিপাল কোর্পোরেসনগী বিউর অমসুং কর্মলিচক্তা শেমগৎলিবা সিৱরেজ ত্রিৎমেন্ত প্লান্তশিং অসি প্রধান মন্ত্রীনা শঙ্গাগনি।
অম্রুৎ মিসনগী মখাদা সিৱান ম্যুনিসিপাল কাউন্সিল অমসুং চপ্রা ম্যুনিসিপাল কোর্পোরেসন্দা পায়খৎলিবা ৱাতর সপ্লাই প্রোজেক্তশিং অসি প্রধান মন্ত্রীনা শঙ্গাগনি। প্রোজেক্ত অনীমকসিনা পুং ২৪ চুপ্না মীয়ামদা থক্নবা ঈশিং ফংহনগনি।
অম্রুৎ মিসনগী মখাদা পায়খৎলিবা মঙ্গর ৱাতর সপ্লাই স্কিম অসি প্রধান মন্ত্রীনা উরেপ উয়ুং তমগনি। স্কিম অসিনা মঙ্গর ম্যুনিসিপাল কাউন্সিল কোর্পোরেসনগী মখাদা লৈবা মীয়ামদা পাইপ্লাইন্দা থক্নবা ঈশিং ফংহনগনি। অম্রুৎ মিসনগী মখাদা জমলপুর ম্যুনিসিপাল কাউন্সিলদা পায়খৎলিবা জমলপুর ৱাতর সপ্লাই স্কিম অসিসু উরেপ উয়ুং তমগনি।
নমামি গঙ্গেগী মখাদা পায়খৎলিবা মুজাফর্পুর রিবরফ্রন্ট দিবেলপমেন্ত স্কিমগী উরেপ উয়ুং প্রধান মন্ত্রীনা তমগনি। প্রোজেক্ত অসিগী মখাদা, মুজাফর্পুরগী ঘাৎ অহুম (পুর্বি অখারা ঘাত, সিধী ঘাৎ অমসুং চন্দ্বারা ঘাৎ)সু শেমগৎকনি। তোইলেৎ, ইনফোর্মেসন কিওস্ক, ফি হোংনবা কা, লম্বী, য়েংনবা তাৱর অসিনচিংবশিংবুসু রিবর্ফ্রন্ত অসিদা ফংহনগনি। সেক্যুরিতীগী এরেঞ্জমেন্ত, সাইনেজ, অমসুং মঙাল মতীক চানা হায়রিবা ঘাৎশিং অসিদা ফংহনগনি। রিবর্ফ্রন্ত অসি শেমগৎপনা তুরিজম চাওখৎহনবদা নত্তনা তুংদা মফমশিং অসিবু মীয়ামগী মীৎয়েংফম ওইগনি।
