মখাগী ৱাফম অসি প্রধান মন্ত্রী শ্রী নরেন্দ্র মোদীনা মহাক্কী ইন্দোনেসিয়া, মালেসিয়া অমসুং সিঙ্গাপুর চৎত্রিঙৈগী মাংওইননা পীখিবা ৱাফমশিংনি।
“ঐহাক ২০১৮গী মে ২৯দগী জুনগী অনি ফাওবদা ইন্দোনেসিয়া, মালেসিয়া অমসুং সিঙ্গাপুরদা চৎকনি। ভারতনা লৈবাক অহুম অসিগা অফবা স্ত্রাতেজিক পার্তনরশিপ অমা লৈরি।
মে ২৯দা, ইন্দোনেসিয়াগী রাষ্ট্রপতি জোকো ৱিদোদোগী বার্তনদা ঐহাক জকার্তাদা থুংগনি। প্রধান মন্ত্রী অমা ওইনা মসি ঐহাক্কী অহানবা ইন্দোনেসিয়াগী খোংচৎনি। মে ৩০দা ঐহাক্না রাষ্ট্রপতি জোকো ৱিদোদোগা ৱারী শাননবা অমদি ইন্দিয়া-ইন্দোনেসিয়া সি ই ও এস ফোরমগা পুন্না উননবা শেম শারি। ইন্দোনেসিয়াদা লৈরিবা ভারতকী কমুনিতীদসু ঐহাক্না ৱা ঙাংগনি।
ভারত অমসুং ইন্দোনেসিয়ানা মরূপ ওইবগী অচেৎপা মরি থম্লি অমদি পুৱারী অমদি সিভিলাইজেসনগী ওইবা মরি অমা সেয়র তৌরি। লৈবাক অনিমক মল্তি ইথনিক, মল্তি রিলিজিয়স, প্লুরেল অমদি ওপন সোসাইতীশিং ওইরি। ঐহাক্কী ইন্দোনেসিয়া খোংচৎ অসিনা এসিয়াগী খ্বাইদগী চাউবা দেমোক্রেসী চৎপা লৈবাক অনিগী মরক্তা হেন্না ফবা মরি অমা শেমগৎলগনি হায়না ঐহাক্না থাজবা থম্লি।
মে ৩১দা, ঐহাক্কী সিঙ্গাপুর চৎপগী লম্বীদা, মলেসিয়াগী অনৌবা লুচীংবগী মফমদা নুংঙাইবা ফোংদোক্নবগীদমক্তা ঐহাক মলেসিয়াদা ঙৈহাক পন্থগনি। প্রধান মন্ত্রী দা. মহাথির মোহমদকা উননবা ঐহাক্না শেম শারি।
সিঙ্গাপুরদা ঐহাক্না ফিনতেক, স্কিল দিবেলপমেন্ত, অর্বান প্লানিং অমসুং আর্তিফিসিয়েল ইন্তেলিজেন্সকী লমদা ইন্দিয়া-সিঙ্গাপুর পার্তনরশিপ হেঙ্গৎহনবদা মীৎয়েং থমগনি। অর্বান দিবেলপমেন্ত, প্লানিং, স্মার্ত সিতিজ অমসুং ইনফ্রাস্ত্রকচর দিবেলপমেন্তগুম্বা লমশিংদা সিঙ্গাপুর অসি ভারতকী অচৌবা পার্তনর ওইরি।
মে ৩১দা ঐহাক্না ইন্দিয়া-সিঙ্গাপুর ইন্তর্প্রাইজ এন্দ ইনোবেসন একজিবিসন্দা চৎকনি। ললোন ইতিক অমদি কমুনিতীগী থৌরম অমদসু ঐহাক্না ৱা ঙাংগনি, তুংদা ললোন ইতিক অমসুং ইনভেস্তমেন্তকী খুদোংচাবশিংগী মতাংদা খন্ন-নৈননবা সিঙ্গাপুরগী মকোক থোংবা সি ই ওশিংগা মীফম পাংথোক্কনি।
জুন ১দা, ঐহাক্না সিঙ্গাপুরগী রাষ্ট্রপতি হলিমাহ য়োকোবকা উনগনি। ঐহাক্না সিঙ্গাপুরগী প্রধান মন্ত্রী লীগা লোইননা মীহুৎ কাংবুগী থাক্তা ৱারী শান্নগনি, অমদি নানয়াং তেক্নোলোজিকেল য়ুনিবর্সিতীদা চত্তুনা নহা ওইরিবা মহৈরোইশিংগা উনদুনা ৱারী শাননবা মীৎয়েং থম্লি।
নুমীদাংৱাইরমদা ঐহাক্না শনগ্রি-লা দাইলোগতা কীনোৎ এদ্রেস পীগনি। মসিনা দাইলোগ অসিদা ভারতকী প্রধান মন্ত্রী অমনা পীবা অহানবা কীনোৎ এদ্রেস ওইরগনি। মসিনা রিজন অসিদা রিজনেল সেক্যুরিতীগী ইসুশিং অমসুং শান্তি অমসুং তংদু লৈতাবা ঙাক্তুনা থম্বদা ভারতকী ওইবা মীৎয়েং অদু ফোংদোক্নবা তঞ্জা অমা পীরগনি।
জুন ২দা, ঐহাক্না ক্লিফোর্দ পেয়রগী প্লেক মায়খুম হাংদোক্কনি, ১৯৪৮গী মার্চ ২৭তা মফম অদুদা মহাত্মা গান্ধীগী উৎ অদু সমুদ্রদা তিলহনখি। ভারতকী সিভিলাইজেসনগা মরি লৈনবা শেংলবা মফমশিংদসু ঐহাক চৎকনি।
ঐহাক্কী থৌরমগী অরোইবা শরুক ওইনা সিঙ্গাপুরগী চানগী নেভেল বেজদা চৎকনি, মফম অদুদা ঐহাক্না ইন্দিয়ন নেভেল শিপ আই এন এস সাতপুরাদা চৎকনি অমদি ইন্দিয়ন নেভী অমসুং রোয়েল সিঙ্গাপুর নেভীগী ওফিসার অমদি সেলরশিংগা উনদুনা ৱারী শানগনি।
ঐহাক্কী ইন্দোনেসিয়া, মালেসিয়া অমসুং সিঙ্গাপুর খোংচৎ অসিনা ঐখোয়গী এক্ত ইস্ত পোলিসীদা মখা তানা ইনোৎ হাপ্লগনি অমদি লৈবাক অহুম অসিগা লৈনরিবা মরি হেঙ্গৎহল্লগনি হায়না ঐহাক্না থাজবা থম্লি।”
