৭৪শুবা য়ু.এন.জি.এ.গী নাকলদা ন্যু য়ের্কতা ২০১৯গী সেপ্তেম্বর ২৪দা ইন্দিয়া–পেসিফিক আইলেন্দস দিবেলপিং স্তেৎকী (পি.এস.আই.দি.এস.) লুচিংবশিংগী মীফম পাংথোকখ্রে। মীফম অদুদা ফিজী, রিপব্লিক ওফ কিরিবাতী, রিপব্লিক ওফ মার্সল আইলেন্দস, ফেদরেতেদ স্তেৎস ওফ মাইক্রোনেসিয়া, রিপব্লিক ওফ নাওরু, রিপব্লিক ওফ পলাও, ইন্দিপেন্দেন্ত স্তেত ওফ পাপুৱা ন্যু গনিয়া, ইন্দিপেন্দেন্ত স্তেত ওফ সামোৱা, সোলোমোন আইলেন্দস, কিংদম ওফ তোনগা, তুভালু অমসুং রিপব্লিক ওফ বনুৱাতুগী মীহুৎশিংগী লুচিংবশিংনা শরুক য়াখি।
পেসিফিক ইথৎ লৈবাকশিংগা লোয়ননা ভারতকী মরী অসি এক্ত ইস্ত পোলিসীগী ইভোলুসনগা লোয়ননা হেন্না চেৎশিল্লকখি, মদুনা মরম ওইদুনা ফোরম ফোর ইন্দিয়া–পেসিফিক আইলেন্দ কোওপরেসন (এফ.আই.পি.আই.সি.) লিংখৎখি। এফ.আই.পি.আই.সি.গী অহানবা অমসুং অনিশুবা এদিসনশিং মথংশিংৎনা ফিজি (২০১৫) অমসুং জয়পুর (২০১৬)দা পাংথোকখি। এফ.আই.পি.আই.সি. মীফম মনুংদা প্রধান মন্ত্রীনা পেসিফিক ইথৎ লৈবাকশিংগা লোয়ননা নক্নবা পার্তনর অমা ওইবগী অপাম্বা ফোংদোকখি। য়ু.এন.জি.এ.গী চিদাইদা প্রধান মন্ত্রীনা পি.এস.আই.দি.এস.কী লুচিংবশিংগা উন্নবা অসি মসিনা অহানবনি।
লুচিংবশিংনা এস.দি.জি.শিং ফংনবগীদমক দিবেলপমেন্ত এক্সপরিয়েন্সশিং সেয়ার তৌবা, রিন্যুয়েবল ইনর্জীদা তেংবাং পীনবা হেঙ্গৎহনবা, দিজাস্তর রিসিলিয়েন্ত ইনফ্রাস্ত্রকচরগীদমক নৌনা লিংখৎপা কোলিয়েসন্দা শরুক য়াবা, কেপাসিতী বিলদিং, ইন্দিয়া–য়ু.এন. দিবেলপমেন্ত পার্তনরশিপ ফন্দগী মখাদা প্রোজেক্তশিং পায়খৎপা অমসুং মখা তাবা ইন্দিয়া–পি.এস.আই.দি.এস. কোওপরেসনগীদমক রোদমেপ অমা য়াওনা হিরম কয়াদা খন্ন–নৈনখি।
ভারত অমসুং পি.এস.আই.দি.এস.না ভেল্যুশিং অমসুং তুংলমচৎ অমা সেয়র তৌরি হায়না প্রধান মন্ত্রী মোদীনা অকনবা ৱাফম থমখি। মহাক্না ইনইক্বেলিতী হন্থহন্নবা অমসুং মীয়ামগী পুন্সিগী ফিভম ফগৎহনবগী দরকার ওইবদু ফোংদোকখি। ভারতনা ক্লাইমেৎ চেঞ্জকী ইম্পেক্ততগী ঙাকথোক্নবা চপ মান্নবা ৱাফম থম্লি অমসুং পি.এস.আই.দি.এস.না হোৎনরিবশিং শৌগৎলি হায়না মহাক্না ফোংদোকখি।
রিজন অসিগী লৈবাক কয়ানা ইন্তর্নেস্নেল সোলর এলাইন্সতা শরুক য়ারকপদা প্রধান মন্ত্রীনা অপেনবা ফোংদোকখি। অনৌবা খোংথাং অসিদা শরুক য়ারনবা মহাক্না অতোপ্পা লৈবাকশিংদসু বার্তন তৌখি। প্রধান মন্ত্রীনা পি.এস.আই.দি.এস.কী লুচিংবশিংবু কোলিয়েসন ফোর দিজাস্তর রেসিলিয়েন্ত ইনফ্রাস্ত্রকচর (সি.দি.আর.আই.)দা শরুক য়ানবা বার্তনসু তৌখি।
মহাক্কী ফন্দামেন্তেল মন্ত্র “সবকা সাথ, সবকা বিকাস অমসুং সবকা বিশ্বাস”কী স্পিরিৎতা মখোয়গী অপাম্বা লমশিংদা দিবেলপমেন্ত প্রোজেক্তশিং লিংখৎনবগী মায়কৈদা প্রধান মন্ত্রী মোদীনা য়ু.এস. দোলর মিলিয়ন ১২গী শেলগী তেংবাং লাওথোকখি (পি.এস.আই.দি.এস. খুদিংদা য়ু.এস. দোলর মিলিয়ন অমমম)। মসিগী মথক্তা, লৈবাক খুদিংমক্কী দরকার ওইবগী মতুং ইন্না সোলর, রিন্যুয়েবল ইনর্জী অমসুং ক্লাইমেৎকা মরী লৈনবা প্রোজেক্তশিং হৌদোক্নবগীদমক পি.এস.আই.দি.এস.না ফংবা য়াগদবা য়ু.এস. দোলর মিলিয়ন ১৫০গী লাইন ওফ ক্রিদিৎ অমসু লাওথোকখি।
হেল্থ সেক্তরদা প্রধান মন্ত্রীনা ‘ইন্দিয়া ফোর হ্যুমেনিতী’ প্রোগ্রামগী মখাদা পেসিফিক রিজনেল হব অমদা জয়পুর ফুৎ আর্তিফিসিয়েল লিম্ব ফিৎমেন্ত কেম্প অমা পাংথোক্নবা ওফর তৌখি।
মীয়ামগী মরক্তা লৈনরিবা মরী মখা তানা হেঙ্গৎহন্নবগীদমক প্রধান মন্ত্রীনা শক্নাইরবা ভিজিতরশিংগী থৌরম অমা লাওথোকখি, মদুগী মখাদা লৈবাকশিং অসিদগী মীশক নাইরবা মীওইশিংনা ভারত্তা লাকপা য়াগনি। পেসিফিক ইথৎ লৈবাকশিংদগী ভারত্তা লাকপা পর্লিয়ামেন্তকী মীহুৎ কাংবুগী খোংচৎসু ভারতনা তরাম্না ওক্কনি। অৱাংবা থাক্কী লৈনরিবা মরী মখা চত্থনবা ২০২০গী অহানবা থা খরদা পোর্ত মোর্সবীদা পাংথোক্কদৌরিবা ৩শুবা এফ.আই.পি.আই.সি. মীফমগীদমক প্রধান মন্ত্রীনা লুচিংবা পুম্নমক্কী মফমদা বার্তন তৌখি।
নাকল অনিগী মরক্তা এঙ্গেজমেন্ত অমসুং তেংবাং পীনবা হেঙ্গৎহন্নবা প্রধান মন্ত্রীগী ৱাফম অদু পি.এস.আই.দি.এস.কী লুচিংবশিংনা তরাম্না ওকখি অমদি মখোয়গী মরী লৈনবা সরকারশিংদগী মপুংফাবা তেংবাং ফংগনি হায়না অমুক হন্না থাজবা পীখি।
