মখাগী অসি মহাক্কী থাইলেন্দ খোঙচৎকী মমাংদা পীখিবা প্রধান মন্ত্রীগী খোংশাল ৱারোলনি।
“নবেম্বর ৩দা ১৬শুবা অসিয়ান-ইন্দিয়া সমিৎ অমসুং ১৪শুবা ইস্ত এসিয়া সমিৎ অমসুং নবেম্বর ৪দা রিজনেল কমপ্রেহেন্সিপ ইকনোমিক পার্তনরশিপ এগ্রিমেন্তগী ৩শুবা লৈবাকশিংগী সমিৎ মীফমশিং শরুক য়ানবা ঐ হয়েং বেঙ্কোক্তা চৎলগনি।
খোঙচৎ মনুংদা,ঐনা বেঙ্কোক্তা মালেমগী লুচিংবা কয়াগা নাকল অনিগী ওইবা মীফমশিং পাংথোক্কনি। অসিয়ানগা মরী লৈনবা সমিৎশিং অসি ঐখোয়গী দিপ্লোমেতিক্কী থাদোক্নবা য়াদ্রবা শরুক অমনি অমসুং ঐখোয়গী এক্ত ইস্ত পোলিসিগী মরুওইবা মচাক অমনি।
লম্বী-থোং, কেপাসিতি শেমগৎপা, ললোন-ইতিক অমসুং কলচরদা য়ুম্বীশিং ওইদুনা ঐখোয়গা অসিয়ানগা লৈনবা মরী শাগৎপনি। ঐখোয়গী গনতন্ত্র দিৱস নুমিৎতা অসিয়ানগী লৈবাক ১০গী লুচিংবশিং চীফ গেস্তশিং ওইদুনা নই দিল্লীদা অসিয়ানগী কম্মেমোরেতিপ সমিৎ অমা পাংথোক্তুনা ঐখোয়না ২০১৮গী জনুৱারিদা অসিয়ানগা পুন্না থবক তৌরকপগী ২৫শুবা থৌরম পাংথোকখি।
ঐখোয়গা অসিয়ানগা লৈনরিবা মরীশিং ঐনা অমুক হন্না য়েংশিনগনি অমসুং মরীশিং কনখৎহন্নবা থৌরাংশিং য়েংশিনগনি। লমদম অসিগী ওইনা মতেং পীনবদা ইস্ত এসিয়া সমিৎ অসি ঙসিদি মাংজিল থাবা অমা ওইরে। সমিৎ অসিগী এজেন্দাদা ঐখোয়না লমদম অসিগী অমসুং মালেমগী ৱাথোকশিং অমুক হন্না খন্নগনি অমসুং ঐখোয়গী হৌজিক পায়খৎলিবা থবকশিং অমসুং প্রোজেকশিং য়েংশিনগনি। ঐনা ইন্দো-পেসিফিক স্ত্রাতেজিসু মীৎয়েং থমগনি, মসিদা অসিয়ানগী লৈবাকশিং পুনশিনবদা ঐ হরাওগনি।
রিজনেল কমপ্রেহেন্সিপ ইকনোমিক পার্তনরশিপ সমিৎতা, ঐখোয়না মসিগী খুমাং চাউশিনবা অসি য়েংশিনগনি। ললোন-ইতিক, সর্বিস, ইনভেস্তমেন্ত য়াওনা ভারতনা পাম্বা হিরমশিং মীফম মনুংদা খন্নবা য়াওহন্নবা ঐখোয়না খন্নগনি।
ঐগী খোঙচৎ অসিদা য়াওরিবা অতৈ মরুওইবশিংগী মনুংদা নবেম্বর ৪দা অসিয়ানগী চেয়রমেন ওইরিবা থাইলেন্দগী প্রধান মন্ত্রীনা শীনবা অখন্নবা চাক্লেন অমা শরুক য়াবা য়াওরি।
নবেম্বর ২দা ভারতমচাশিংনা শীনবা ওকপগী থৌরম অমা ঐ শরুক য়াগনি। থাইলেন্দা ভারত্তগী হৌখিবা মীওইশিংনা শিংথাবা য়ানা মতেং পাংলি অমসুং ভারত অমসুং থাইলেন্দগী মরীদা মরুওইবা অমা ওইরি”।
