২০১৯গী ওগস্ত ২২দগী ২৬ ফাওবা ঐহাক ফ্রান্স, য়ু.এ.ই. অমসুং বহরেন্দা চৎকনি।
ঐহাক্কী ফ্রান্স খোংচৎ অসিদা ঐখোয়গী লৈবাক অনিগী অচেৎপা স্ত্রাতেজিক পার্তনরশিপ অদু মমি তারি।২০১৯গী ওগস্ত ২২–২৩দা ঐহাক্না ফ্রান্সতা রাস্ত্রপতি মেক্রোনগা লোয়ননা উনদুনা খন্ন–নৈনবা অমসুং প্রধানমন্ত্রী ফিলিপকা লোয়ননা মীফম অমা য়াওনা লৈবাক অনিগী ওইবা মীফমশিং পাংথোক্কনি। ঐহাক্না মফমঅদুদা লৈরিবা ভারত মচাশিংগশু উনগনি অমদি ১৯৫০ অমসুং ১৯৬০দা ফ্রান্সতা এয়র ইন্দিয়া অনি কায়খিবদালৈখিদ্রবা ভারত মচাশিংগী মফমদা নীংশিং খুভম অমা কত্থোক্কনি।
তুংদা, ওগস্ত ২৫–২৬তা রাস্ত্রপতি মেক্রোনগী বার্তন্দা ইনভাইরনমেন্ত, ক্লাইমেৎ, ওসিন্স অমসুং দিজিতেলত্রান্সফোর্মেসন্দা পাংথোকপা মীফমদা বিয়ারিতজ পার্তনর অমা ওইনা জি৭ মীফমদা ঐহাক শরুক য়াগনি।
ভারত অমসুং ফ্রান্সনা অফবা লৈবাক অনিগী ওইবা মরীশিং লৈরি, মদুনা ঐখোয়গী লৈবাক অনিগী অমদিমালেমগী শান্তি অমসুং চাউখৎপা মখা তানা হেঙ্গৎহন্নবা তেংবাং পীনবদা অপুনবা মিৎয়েং অমনা থম্লি।ঐখোয়গী অচেৎপা স্ত্রাতেজিক অমসুং ইকোনোমিক পার্তনরশিপ অসি তেরোরিজম, ক্লাইমেৎ চেঞ্জঅসিনচিংবা মালেমগী অচৌবা ৱাফমশিংদা সেয়র পর্সপেক্তিব অমনা মপুং ফাহল্লি। খোংচৎ অসিনা নাকলঅনিগী ওইবা চাউখৎপা, শান্তি অমসুং প্রোগ্রেসকীদমক ফ্রান্সকা লোয়ননা ঐখোয়গী মতম শাংলবা অমসুংমগুন লৈবা মরূপ ওইবগী মতৌ অসি মখা তানা পুক্নিং থৌগৎলগনি হায়না ঐহাক্না থাজবা থম্লি।
ওগস্ত ২৩–২৪দা য়ুনাইতেদ অরব ইমিরেৎসতা চৎকদৌরিবা খোংচৎ মনুংদা, ঐহাক্না অবু ধাবীগী ক্রাউন প্রিন্সহিজ হায়নেস শৈখ মোহম্মদ বিন জায়েদ অল নহয়ানগা লোয়ননা লৈবাক অনিগী মরীশিং অমদি নাকল অনিগীইন্তরেস্তকী ওইবা রিজনেল অমসুং অন্তরজাতিগী ওইবা হিরমশিংদা খন্ন–নৈননবা মিৎয়েং থম্লি।
ঐহাক্না মহাত্মা গান্ধীগী ১৫০শুবা মপোক কুমওনগী নীংশিংনীংঙাই ওইরবা স্তাম্প হিজ হায়নেস ক্রাউনপ্রিন্সকা লোয়ননা পুন্না রিলিজ তৌনবসু মিৎয়েং থম্লি। খোংচৎ অসিগী মনুংদা য়ু.এ.ই. সরকারনা পীবাসিভিলিয়নশিংগী খ্বাইদগী ৱাংবা ইকায় খুম্নবা ‘ওর্দর ওফ জয়েদ’ ফংবা অসি ইকায় খুম্নবীবা অমা ওইরগনি।মীরমদা কেশলেস ত্রাঞ্জেক্সনগী নেৎৱার্ক হেন্না পাকথোক চাউথোকহন্নবা ঐহাক্না হৌনবী মতুং ইন্না রুপে কার্দলোঞ্চ তৌগনি।
ভারত অমসুং য়ু.এ.ই.গী মরক্তা অৱাংবা থাক্তা চাং নাইনা ৱারী শানবনা ঐখোয়গী অচেৎপা মরী অদু তাক্লি।য়ু.এ.ই. অসি ঐখোয়গী অহুমশুবা খ্বাইদগী চাউবা ত্রেদ পার্তনর অমসুং ভারতকীদমক শুংদোক্ত্রিবা থাও চাউনাএক্সপোর্ত তৌরিবা মরিশুবা লৈবাক্নি। খোংচৎ অসিনা য়ু.এ.ই.গা লোয়ননা ঐখোয়গী মায়থোং য়াম্লবা লৈবাকঅনিগী মরীশিং হেন্না চেৎশিলহল্লগনি।
২০১৯গী ওগস্ত ২৪–২৫দা ঐহাক বহরেনদসু চৎকনি। মসিনা লৈবাক অসিদা ভারতকী প্রধান মন্ত্রী অমগী অহানবা খোংচৎওইরগনি। ঐহাক্না প্রধান মন্ত্রী হিজ রোয়েল হাইনেস প্রিন্স শৈখ খালিফা বিন সলমান অল খালিফাগা লোয়ননা ঐখোয়গীলৈবাক অনিগী লৈনরিবা মরীশিংদা মখা তানা ইনোৎ পীনবা অমসুং নাকল অনিগী ইন্তরেস্ততা রিজনেল অমসুংঅন্তরজাতিগী হিরমশিংদা পুন্না মিৎয়েং থম্বদা খন্ন–নৈননবা মিৎয়েং থম্লি। ঐহাক্না বহরেনগী নীংথৌ হিজ মেজেস্তী শৈখহমদ বিন ইসা অল খালিফা অমসুং অতোপ্পা লুচিংবশিংগসু মীফম পাংথোক্কনি।
ঐহাক্না ইন্দিয়ন দাইস্পোরাগা লোয়ননা উন্নদুনা ৱারী শান্ননবা তাঞ্জাসু লৌগনি। জনমাস্তমিগী শেংলবা কুমহৈনা লাকপদাগল্ফ রিজন্দা খ্বাইদগী লীরবা শ্রীনাথজীগী লাইশং নৌনা শেমজিন শাজিনবা হৌবগী থৌরমদা শরুক য়াজবগী খুদোংচাবাঅদু ঐহাক্না ফংজরগনি। খোংচৎ অসিনা সেক্তর কয়াদা ঐখোয়গী মরী হেন্না চেৎশিলহল্লগনি হায়বা ঐহাক্না থাজবা থম্লি।
