Share
 
Comments

খুরুমজরি মরূপশিং,

ভারত অসি য়াংনা চাউখৎপদা লৈবাক অসিগী ইনর্জী সেক্তরদা য়াম্না চাউবা থৌদাং লৈ। মসি ইজ ওফ লিভিং অমসুং ইজ ওফ দুইং বিজিনেস অনিমক্কা মরি লৈনবা সেক্তর অমনি। ঙসি লৈবাক অসিনা আত্মনির্ভর ভারতকী পান্দমগা লোয়ননা মাংলোমদা চংশিল্লক্লিবা অসিদা ইনর্জী সেক্তর অসি ঐখোয়গী পাৱর সেক্তর, রিন্যুএবল ইনর্জীগী য়াম্না চাউবা থৌদাং লৈ। সেক্তরশিং অসি থুনা খোংজেল হেনগৎহন্নবগীদমক্তা অদোম ময়ামগী মরক্তগী খং-হৈরবা কয়ানা বজেৎকী মমাংদা কন্সল্তেসন কয়া তৌমিন্নখি, ৱা খন্নমিন্নখি। অদোমগী সজেসনশিং অদু হায়রিবশিং অসিদা হাপচিন্নবসু হোৎনরি।

হৌজিক বজেৎ হৌখিবা অসি নুমীৎ ১৫নিদগী হেনখ্রে। য়াম্না অকুপ্পা বজেৎকা মরি লৈনরিবা , অদোমগী সেক্তরগা মরি লৈনরিবশিং অসি অদোম্না য়াম্না মমুৎ তানা এনালাইসিসসু তৌখ্রে। করম্বদনা মাংজগদৌরিবা, করম্বনা তোংজগদৌরিবা, অতৈ কান্নবা লৌনবগী মওংনা করিনো হায়বা পুম্নমক অসি অদোম্না থিদোকপিরম্লগনি। অদুগা অদোমগী এদভাইজরশিংনসু য়াম্না কন্না হোৎনদুনা থবক অদুবুসু পাংথোকপীরম্লগনি। মতুং তাবা লম্বি অসি সরকার অমসুং অদোম্না পুন্দুনা করম্না লেপথোক্কদগে, মতৌ করম্না বজেৎকী লাউথোকপশিং অসি থুনা-য়াংনা চৎনহনগদগে, মতৌ করম্না সরকার অমসুং প্রাইভেৎ সেক্তরনা অমগা-অমগা থাজনবা হেনগৎহন্দুনা খুমাং চাউশিলহনগদগে হায়বা ৱাফম অসিগী ওইনা মসিগী ৱারী-ৱাতাই শান্নবা অসিগী মথৌ তাখি।

মরূপশা,

ইনর্জী সেক্তর অসিগী মতাংদা ঐখোয়গী সরকারগী এপ্রোচ অসি মতম পুম্নমক্তা য়াম্না হোলিস্তিক ওইরি। ২০১৪দা ঐখোয়গী সরকার অসি শেমখিবা মতমদা পাৱর সেক্তর অসিদা করি ওইরমখিবগে হায়বসি অদোম্না নিংথিনা খংবিরি। মসিগা শম্নরিবা দিস্ত্রিব্যুসন কম্পেনীশিংগী করি ফীভম ওইরম্বগে হায়বগী মতাংদা ঐহাক্না হায়বগী মথৌ তাদে। ঐখোয়না মসিগী সেক্তর অসিদা কঞ্জুমর অমসুং ওন্তর্প্রিন্যুর অনিমক্কী ফনবা য়েংদুনা চৎন-পথাপশিং শেম্নবা অমদি চৎন-পথাপশিং অসি ফগৎহন্নবা লেপ্তনা হোৎখি। পাৱর সেক্তরদা ঐখোয়না লাইশোন অনি শোন্দুনা চংশিনগদবা অসি-রিচ, রিএনফোর্স, রিফোর্ম অমসুং রিন্যুএবল ইনর্জীনি।

মরূপশা,

রিচকী মতাংদা হায়রগদি হান্ননা ঐখোয়না লৈবাক অসিগী খুঙ্গং খুদিংফাওবা অমসুং য়ুমথোং খুদিংফাওবা মৈ য়ৌহন্নবা কন্না হোৎনখি অমদি ঙমজবা থাদুনা হোৎনখি। সিস্তেম পুম্নমক মসিগী মায়কৈরোমদা ওনশিনখি। মৈ ফংহনবনা মখোয়গী ওইনা অনৌবা তাইবং অমা ফংনগুম ওইহনখ্রে। ২১শুবা চহিচাদা মৈ য়াওদনা লৈরম্বশিং অদুশিং অদুদা। করিগুম্বা ঐখোয়গী কেপাসিতী অসি রিএনফোর্স তৌনবগী মতাংদা হায়রগদি ঙসি ভারত অসি পাৱর দেফিসিৎ ওইবা লৈবাক্তগী পাৱর সরপ্লস ওইবা লৈবাক ওইরে। হৌখিবা চহি খরখক্তসিদা ঐখোয়না গীগা ৱাৎ ১৩৯গী কেপাসিতী হাপচিনখ্রে। ভারত অসি “ৱান নেসনৱান গ্রিদ– ৱান ফ্রিক্বেন্সী”গী পান্দম অসি ফংবা ঙমখ্রে। মসি পুম্নমক অসি রিফোর্ম য়াওদনা ওইথোকপা ঙম্লম্লোই। উদয় য়োজনাগী মখাদা ঐখোয়না লুপা লাখ করোর ২গা লিশিং ৩২গী বোনস ইসু তৌখ্রে। মসিনা পাৱর সেক্তরদা ফাইনান্সিএল অমসুং ওপরেস্নেল ইফিসিএন্সীশিং অসি হেনগৎহল্লি। পাৱর গ্রীদকী এসেৎশিং অসি মোনিতাইজ তৌনবগীদমক্তা ইনফ্রাস্ত্রকচর ইনভেস্তমেন্ত ত্রস্ত-ইনভির লিংখৎখ্রে অমদি য়াম্না থুনা ইনভেস্তরশিংগীদমক্তা হাংদোক্লগনি।

মরূপশা,

মৈগী মথৌ তাবশিং অসি ফংনবগীদমক্তা রিন্যুএবল ইনর্জীদা ফোকস য়াম্না তৌরি। হৌখিবা চহি ৬তা ঐখোয়না রিন্যুএবল ইনর্জী কেপাসিতী অসিদা শরুক অনিমখাই হেন্না হেনগৎহনখ্রে। হৌজিক্কী ওইনা ভারতকী সোলর ইনর্জীগী কেপাসিতীদা শরুক ১৫রোম হেনগৎখ্রে। ঙসি ভারত ইন্তর্নেস্নেল সোলর এলায়েন্সকী থোংদগী মালেম অসিগী লমজিংবসু ওইরি।

মরূপশা,

২১শুবা চহিচাগী মথৌ তাবশিং অসি য়েংলদুনা হন্দক্কী চহি অসিগী বজেৎ অসিদসু ভারতনা মহাক্কী ইনফ্রাস্ত্রকচরদা হান্না ওমুক্তা তৌদ্রিমা মওংদা ইনভেস্তরশিংগীদমক্তা কমিৎমেন্ত অদু উৎখ্রে। মিশন হাইদ্রোজেন হৌদোকপা ওইরো, সোলর সেলশিং দোমেস্তিক মেনুফেকচতর তৌবা ওইরো নত্রগা রিন্যুএবল ইনর্জী সেক্তরদা য়াম্না চাউনা কেপিতেল ইনফ্যুজন তৌবা ওইরো; ভারতনা হিরম খুদিংমক্তা থৌনা হাপ্লি। ঐখোয়গী লৈবাক অসিদা মথংগী চহি ১০ ফাওবদা সোলর সেলশিংগী দিমান্দ অসি ঐখোয়গী ঙসিগী মেনুফেকচরিং কেপাসিতী অসিদগী শরুক ১২ হেল্লি। কয়াদা চাউরবা মার্কেৎনা ঐখোয়বু ঙাইদুনা লৈরিবনো। অদোম্না খংবিরমগনি মদুদি লৈবাক অসিগী মথৌ তাবশিং অসি কয়াদা চাউরবনো অমদি অদোমগী ওইনা খুদোংচাবা অসি কয়াদা চাউরবনো।

ঐখোয়না মসিগী লম অসি ঐখোয়গী কম্পনীশিং অসি শুপ্নতগী লৈবাক অসিগী মথৌ তাবশিং অসি ফংবা ঙমহনবা অদুখক্তমক উবা পাম্বদা নত্তনা গ্লোবেল মেনুফেকচরিং চেম্পিয়নশিং ওইনা ওন্থোকপা পাম্মি। সরকারনা ‘হাই ইফিসিএন্সী সোলর পি.ভি. মোদ্যুলশিং’ অসিদা পি.এল.আই. স্কিমশিং অসিগা শম্নরি অমসুং মসিদা লুপা করোর ৪৫০০দগী হেন্না ইনভেস্ত তৌনবগীদমক্তা অচেৎপা ৱাফম থম্লি। মসিগী ইনভেস্ত অসি ভারত্তা গীগা ৱাৎকী থাক্কী সোলর পি.ভি. মেনুফেকচরিং ফেসিলিতীশিং অসি শেমগরপদা মতেং পাংগনি। পি.এল.আই. স্কীম অসি মায় পাক্না পাংথোকপদা লৈবাক অসিদা পোজিতিব ওইবা ত্রেক রেকোর্দ অমা শেম্লে। হৌজিক মোবাইল মেনুফেকচর তৌবা অসি ঐখোয়না মসিগী স্কীম অসিগা শমজিন্নবদগী মসিগী য়াম্না য়াম্বা রেসপোন্স অসি ঐখোয়না য়াম্না থুনা উবা ফংবা হৌরে। হৌজিক ‘হাইইফিসিএন্সী পি.ভি. মোদ্যুলশিং’গী ওইনসু অসিগুম্বা রেসপোন্স লাক্কনি হায়না থাজৈ।

পি.এল.আই. স্কীমগী মখাদা মেগাৱাৎ লিশিং ১০গী কেপাসিতী লৈবা ইন্তিগ্রেতেদ সোলর পি.ভি. মেনুফেকচরিং প্লান্তশিং শারগনি অমসুং মসিদা লুপা করোর লিশিং ১৪রোম ইনভেস্ত তৌনবা থৌরাংলি। সরকারনা পাবদা লাক্কদৌরিবা চহি ৫সিদা লুপা করোর লিশিং ১৭তগী হেন্না দিমান্দ লৈগনি হায়বসিনি। মসিগী দিমান্দ অসি সোলর পিয়ভি.মেনুফেকচরিং অসি ইকোসিস্তেমপুম্বা চাউখৎহনবদা, মসিগী খোংজেল হেনগৎহনবদা য়াম্না চাউবা থৌদাং লৌগনি।

মরূপশা,

আর.ই. সেক্তরদা ইনভেস্ত তৌবা অসি হেনগৎনগীদমক্তা সরকারনা সোলর ইনর্জী কোর্পোরেসন ওফ ইন্দিয়াদা অতোপ্পা লুপা করোর লিশিং অমগী কেপিতেল ইনফ্যুজনগীদমক্তা অচেৎপা ৱাফম থম্লি। মতৌ অসিগুম্না ইন্দিয়ন রিন্যুএবল ইনর্জী দিভেলপমেন্ত এজেন্সীদসু অতোপ্পা লুপা করোর ১৫০০ ইনভেস্ত তৌরগনি। মসিসু য়াম্না চাউবা খোংথাং অমনি।

মরূপশা,

পাৱর সেক্তরদা ইজ ওফ দুইং বিজিনেস অসি ফগৎহন্নবগীদমক্তা সরকারনা রিগুলেতরী অমসুং প্রোসেস ফ্রেমৱর্ক অসি ফগৎহন্নবগীসু কেম্পেন চত্থরি। পাৱর সেক্তর অসিদা ঐখোয়না হান্না য়েংলম্বা মীৎয়েং অদুদগী ঐখোয়গী মীৎয়েং অসিনা তোঙাল্লি। ঙসি তৌরিবা রিফোর্মশিং অসিনা পাৱর অসি ইন্দস্ত্রী সেক্তরগী শরুক অমা ওইনা লৌবগী মহুত্তা মশা মতোমতা সেক্তর অমা ওইনা ত্রিৎ তৌরি।

পাৱর সেক্তর অসি ইন্দস্ত্রিএল সেক্তরগী সপোর্ত সিস্তেমগুম্বা য়েংনদুনা লাক্লি। তৌবগীদি মৈ অসি মশা মথন্তনা অদুম্মক অথোইবনি অমসুং মসিগী অথোইবা অসি শুপ্নতগী ইন্দস্ত্রীশিংগী মরম্না নত্তে। মসিগী মরমদি ঙসি মীয়াম-মীচমগীদমক্তা মৈ ফংহন্নবা অসুক্কী মতিক লুনা লৌবননি। সরকারগী চৎন-পথাপশিং অসিমক্কী ইথীলনা ঙসি ভারত অসিগী পাৱর দিমান্দ অসি রেকোর্দকী থাক্তা য়ৌরে।! ঐখোয় লৈবাক পুম্বদা মৈ সপ্লাই তৌবা অমদি দিস্ত্রিব্যুসন সেগমেন্তকী অৱাবশিং অসি কোকহন্নবা হোৎনরি। মসিগীদমক্তা দিসকোম্সকা মরি লৈনবা পোলিসী অমসুং রিগুলেতরী ফ্রেমৱর্ক শেমগদৌরি। ঐখোয়না খনবদি কঞ্জুমর অসিদা অতৈ রিতেলগী অতোপ্পা পোৎশিং ফংহনবগুম্না ফংহনবা হায়বসিনি। ঐখোয় দিস্ত্রিব্যুসন সেক্তরদা এন্ত্রি বেরিয়র অসি হন্থহন্নবগীদমক্তা অমসুং মৈগী দিস্ত্রিব্যুসন অমসুং সপ্লাই অসি লাইসেন্স য়াওদবা ওইহন্নবগীদমক্তা থবক চত্থরি। সরকারগী মায়কৈদগী প্রিপেদ স্মার্ত মিতর অমসুং ফীদর সেপরেসন সিস্তেম অসি অপগ্রেদ তৌনবগৈা মরি লৈনবা ইনফ্রাস্তকচরদগী হৌরগা দিস্কোমশিংগী মতেংগীদমক্তা স্কীমদসু থবক চত্থরি।

মরূপশা,

ভারত্তা সোলর ইনর্জীগী মমল অসি য়াম্না তাই। মসিনা সোলর ইনর্জী অসি মীয়াম্না লায়নসু লৌশিন্নরি। পি.এম. কুসুম স্কীম অসিনা চেং-ফৌ পীবশিংবু ইনর্জী পীবা ওইহল্লি। মসিগী স্কীম অসিগী থোংদগী লৌমীশিংগী লৌবুকশিং অদুমক্তদা অপীকপা পাৱর প্লান্তশিং হাপ্তুনা গীগাৱাৎ ৩০গী সোলর কেপাসিতী থৌরাং তৌনবগী পান্দম্নি। হৌজিক ফাওবদা গীগাৱাৎ ৪মুক্কী রুফতোপ সোলর ইনর্জীগী কেপাসিতী অসি ঐখোয়না ইন্সতোল তৌখ্রে অমসুং চাউরাক্না গীগাৱাৎ অনিমখাইমু্ক্কী কেপাসিতী অসি মসিদা য়াম্না থুনা হাপচিল্লগনি। মখংগী চহি অমা মখাইদা হীগাৱাৎ ৪০গী সোলর ইনর্জী অসি শুপ্নতগী রুফতোপ সোলর প্রোজেক্তশিংগী থোংদগী শেম্নগী পান্দম থম্লি।

মরূপশিং,

লাক্কদৌরিবা নুমীৎশিং অসিদা পাৱর সেক্তর অসি ফগৎহন্নবা, মসি হেন্না মপাঙ্গল হেনগৎহন্নবগী কেম্পেনসু হেন্না য়াংশিল্লগনি।

ঐখোয়না হোৎনরিবশিং অসি অদোমগী সজেসনশিং অদুনা থৌনা হাপ্লি। ঙসি লৈবাক অসিগী পাৱর সেক্তর অসি অনৌবা ইনর্জীগা লোয়ননা অনৌবা খোংচৎ চৎননবা থোরক্লি। অদোমসু মসিগী খোংচৎ অসিগী শরুক য়ামিন্নবা ওইবীয়ু। অদোম্না মসিবু লমজিংবীয়ু।

ঐহাক্না থাজৈ মদুদি ঙসি মসিগী ৱেবিনার অসিদা এক্সপর্তশিং খুদিংমক্তগী মরুওইবা সজেসনশিং ফংগনি হায়না। ঐহাক্না মসিমসু থাজৈ মদুদি অদোমগী মমল য়াম্লবা সজেসনশিং অদুদগী সরকারনা বজেৎকা মরি লৈননা ৱা লাউথোকপশিং অসি থবক্তা ওন্থোকপদা য়াম্না মতেং ফংগনি অমসুং অপুনবা সরকারগী তীম্না বজেৎকী মমাংদা য়াম্না কন্না হোৎনবগী মথৌ তাবদা, হীরম কয়া য়েংবদা, ৱা য়াম্না খন্ন-নৈনবদা মতম চংনা হোৎনরবা মতুংদা বজেৎ অসি পুথোরক্লিবনি। অদুবু বজেৎ অসিগী মতুংদা য়াম্না থুনা অসুক চাউবা এক্সরসাইজ তৌবা অসিদা মসিদগী হেন্না মহৈ ফংগনি, মসিদগী হেন্না অথোইবা ওইগনি হায়না খল্লি। অমসুং মসিগীদমক্তা অদু ওইরম্লবদি ফরমগদবনি, অদা ওইরম্লবদি ফগদবনি, মসি তৌরম্লবদি ফগদবনি; হায়বগী মতমদু লোইখ্রে। ওইরিবা অসি য়াম্না থুনা থবক্তা ওন্থোকহনবনি। হৌজিক ঐখোয়না বজেৎ অসি থা অমগী মমাংদা পাংথোক্লি। থা অমা য়ৈখৎপগী ৱাহন্থক্তি ঐহাক্না লৈবাক অসিগী শেন্মীৎলোনগী ফীভম অদু থা অমগী মমাংদা চেনখৎহনগনি হায়বনি।

ঐখোয় উরি, মরুওইনা ইন্ফ্রাস্ত্রকচরগী ওইনা মসিগী মতম অসি য়াম্না মমল য়াম্মি মরমদি ঐখোয়গীসিদা এপ্রীলদা বজেৎ অসি থবক্তা ওন্থোকই অদুগা মসিগী মতুংদা করিগুম্বা ৱা অমুক খন্নবা তারবদি থা কয়া অমমুক হৌজিনখি। মে থাগী লোইশিল্লকপদা ঐখোয়গী লৈবাক অসিদা নোং চুবা হৌরকই অমসুং ইনফ্রাস্ত্রকচরগী থবক পুম্নমক অসি থা অহুম পন্দুনা লৈ। অসিগুম্বা ফীভম অসিদা এপ্রীল ১দগী থবক হৌবা তারবদি এপ্রীল, মে, জুন অসিদা ইনফ্রাস্ত্রকচরগী থবক তৌনবা মতম য়াম্না ফংই; জুলাই-অগস্ত-সেপ্তেম্বরগী নোং চুবা মতম ওই; অদুদগীদি ঐখোয়না থুনা থবক মখা চত্থবা য়াংশিনবা মতম অসি খ্বাইদগী অথোইবা মওংদা শিজিন্ননবগীদমক্তা মসিগী বজেৎ ঐখোয় ঐখোয়না থা অমা খুমাং চাউশিলহল্লিবনি।

মসিনা মেগী স্তেকহোল্দরশিং ওইবিরিবা মরূপ পুম্নমক্না ফংগনি, অদোম্না হোৎনরিবমখৈ সরকারনা অদোমগা লোয়ননা চৎমিন্নবা পাম্মি, খোংফম অমা হানগৎনা চৎপা পাম্মি। অদোম্না মাং থানা চংশিনবিরকউ, অদোমগী কঙ্ক্রিৎ ইম্প্লিমেন্তেসনগ কঙ্ক্রিৎ সজেসনশিং পুদুনা লাকপীয়ু, ঐহাক্কী তীম পুম্বনা অদোমগা পুন্না ৱা খন্নমিন্নগনি, পাক-শন্না খন্নমিন্নগনি অমসুং ঐখোয় পুন্না লৈবাক অসিগী মংলান অসি মপুং ফাহন্নবগীদমক্তা খোং থাংদোকমিন্নসি। য়াইফ-পাওজেল অসিগা লোয়ননা ঐহাক্না ৱেবিনার অসি য়াম্না মায় পাক্না, য়াম্না ফোকস তৌবা ওইহনবা পামজৈ। ইম্প্লিমেন্তেসন-ঐহাক্কী ফোকস এরিয়া অসি ইম্প্লিমেন্তেসন তৌবনি। মসিদা অদোম্না কন্না হোৎনবীয়ু।

হন্না-হন্না থাগৎচরি।

সেবা অমসুং সমর্পনগী চহি 20 তাক্লিবা ফোতো 20
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Forex reserves surge by $58.38 bn in first half of FY22: RBI report

Media Coverage

Forex reserves surge by $58.38 bn in first half of FY22: RBI report
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 28 ওক্তোবর 2021
October 28, 2021
Share
 
Comments

Citizens cheer in pride as PM Modi addresses the India-ASEAN Summit.

India appreciates the various initiatives under the visionary leadership of PM Modi.