প্রধান মন্ত্রীনা নাইত্রোজেন প্লান্তশিংবু ওক্সীজেন প্লান্তশিংদা ওন্থোকপগী চংশিল্লিবা থবকশিং হন্না য়েংশিনখ্রে

Nitrogen generating plants to be converted to generate oxygen

This process is underway in 14 industries. More plants being identified

Further 37 Nitrogen plants have been also identified for conversion

This step will complement other measures to boost availability of Oxygen

কোবিদ-১৯ লায়চৎকী ফিভম অসিদা মেদিকেল ওক্সীজেনগী তঙাইফদনা চংগদবা অসি য়েংলগা, ভারত সরকারনা হান্ননা লৈরিবা নাইত্রোজেন প্লান্তশিং অসি ওক্সীজেন পুথোক্নবগী থবকশিং পায়খৎলি। অসিগুম্বা ওক্সীজেন পুথোক্কদবা নাইত্রোজেন প্লান্তগী ইন্দস্ত্রী কয়া অমা খন্দোক্তুনা লৈরে।

হান্না লৈরবা প্রেসর স্বীং এবজোর্বসন (পি.এস.এ.) নাইত্রোজেন প্লান্তশিং ওক্সীজেন পুথোক্নবা থৌওংশিংগী মতাংদা খন্ন-নৈনখ্রে। নাইত্রোজেন প্লান্তশিং অসিদা ওক্সীজেন পুথোকপগীদমক তঙাইফদনা চংগদবা জিওলাইত মোলেকুলার শিব (জেৎ.এম.এস.)গী মফমদা কার্বোন মোলেকুলার শিব (কে.এম.এস.) শিজিন্নরি। মরম অদুনা, জেৎ.এম.এস. অসি কে.এম.এস.তা শিন্দোকপা অমসুং অতৈ অতোপ্পা ওক্সীজেন এনালাইজর, কন্ত্রোল পেনেল সিস্তেম, ফ্লো ভালব অসিনচিংবা অসিদা অহোংবা খর লৈবনা হান্না লৈরিবা নাইত্রোজেন প্লান্তশিং অসি ওক্সীজেন পুথোক্নবগীদমক শেমদোক শেমজিন তৌবা য়াই।
ইন্দস্ত্রীশিং অসিগা কুপ্না খন্নরবা মতুংদা, হৌজিক ফাওবদা থবক পায়খৎলিবা প্লান্ত অসিগী ইন্দস্ত্রী ১৪ মশক খঙদোক্লে। মখা তানা ইন্দস্ত্রী অসিগী মতেং পাংনবা নাইত্রোজেন প্লান্ত ৩৭ অমসু মশক খঙদোক্লে।

ওক্সীজেন পুথোক্নবগী শেমদোক্লবা নাইত্রোজেন প্লান্তশিং অসি মনাক নকপা হোস্পিতালদা হোংজিনবা নত্ত্রগনা প্লান্ত অসি হোংজিনবা য়াদবা থোক্লগনা হায়রিবা ওক্সীজেন অসি হোস্পিতালদা অখন্নবা ভেসেল/সিলিন্দরগী খুত্থাংদা পুরকপা পুক্তুনা মফম অদুমক্তদা শিজিন্নবা য়াই।

পি.এম.গী প্রিন্সিপাল সেক্রেতরী, কেবিনেৎ সেক্রেতরী, হোম সেক্রেতরী, রোদ ত্রান্সপোর্ত অমসুং হায়ৱেগা সেক্রেতরী অমসুং অতৈ মকোক থোংবা ওফিসিএলশিংনা মীফম অসিদা শরুক য়াখি।