Share
 
Comments

প্রধান মন্ত্রী শ্রী নরেন্দ্র মোদীনা শগোলশেন (ওগস্ত ২, ২০১৮) নুমিত্তা লম্বী, প্রধান মন্ত্রী গ্রাম সরক য়োজনা (পি.এম.জি.এস.ৱাই.), রুরেল, অর্বান হাউজিং, রেলৱে, এয়রপোর্ত অমসুং হিথাংফমশিংগী ইনফ্রাস্ত্রকচরগী খোংজেল য়েংশিনখ্রে। য়েংশিনবগী মীফম অদু চাউরাক্না পুং অনিরোম চৎথখি, মদুদা ইনফ্রাস্ত্রকচরগা মরি লৈনবা মন্ত্রালয়, নীতি আয়োগ অমসুং প্রধান মন্ত্রী ওফিসকী মকোক থোংবা ওফিসরশিংনা শরুক য়াখি।

নীতি আয়োগকী সি.ই.ও. শ্রী অমিতাব কান্তনা প্রজেন্তেসন পীরদুনা হায়খি মদুদি লম্বী শেম্বগী লমদা মশক থোক্না চংশিল্লি। শেনবা চহি ২০১৭-১৮গী মনুংদা চাংচত্তা নুংতিগী লম্বী কিলোমীতর ২৬.৯৩ শেম্লি, অদুবু মসিগা য়েংনরুবদা শেনবা চহি ২০১৩-১৪দা লম্বী কিলোমীতর ১১.৬৭ শেমখি।

প্রধান মন্ত্রীদা ত্রান্সপোত সেক্তরবু দিজিতেলাইজেসন তৌবগী মতাংদা চংশিল্লিবা খোংজেলগী মতাংদা পাউদমখি। হৌজিক ফাওবদা রেদিও ফ্রিক্বেন্সী আইদেন্তিফিকেসন দিভাইসেস (আর.এফ.আই.দি.) তেগ লাখ ২৪ থাদোকখ্রে অমসুং ইলেক্ত্রোনিক তোল কলেক্সন্দগী চাদা ২২দগী হেন্না তোল তেক্স খোমগৎখ্রে। লম্বীগী ফিভমগী মতাংদা ই-পাউ পীরিবা ‘সুখদ য়াত্রা’ এপতা ৱাকৎপা য়াবগী খুদোংচাবসু ফংহল্লে। এপ অসি হৌজিক ফাওবদা লাখ অমদগী হেন্না দাউনলোদ তৌখ্রে। প্রধান মন্ত্রীনা ইলেক্ত্রোনিক তোল কনেক্সনগী লমদা খোংজেল য়াংনা থবক তৌনবগীদমক্তা খঙহনখি।

পি.এম.জি.এস.ৱাই.গী মখাদা খু্ঙ্গংগী লম্বীদগী হৌজিক ফাওবদা অকোইবগী মফম চাদা ৮৮ শম্নহনখ্রে। ২০১৪দগী ২০১৮ ফাওবগী মনুংদা খুঙ্গং লিশিং ৪৪ হায়রিবা লম্বীশিং অসিগা শম্নহনখ্রে, অদুম ওইনমক মসিগা মান্নবা মতমদা, হৌখিবা চহি মরিদা খুঙ্গং লিশিং ৩৫ খক্তমক লম্বী অসিগী খুথাংদা শম্নহনবা ঙমখি। ‘মেরী এপ’ এপ অসি তোঙান তোঙানবা লম-লমগী লোন ১০দা হৌদোক্লে অমসুং হৌজিক ফাওবদা মীওই লাখ ৯.৭৬না মসি দাউনলোদ তৌখ্রে। লম্বীগী জি.আই.এস. মেপিংগী থবক চৎথরি অমসুং হৌজিক ফাওবদা রাজ্য ২০না জিওস্পাসিএল রুরেল রোদ ইনফোর্মেসন সিস্তেম (জি.আর.আর.আই.এস.) শিজিন্নখ্রে। গ্রিন তেক্নোলোজী অমসুং নন-কনভেনস্নেল ওইবা মচাকশিং হায়বদি ফত্ত্রবা প্লাস্তিক্কুম্বা ফত্ত-হাওদিশিং খুঙ্গংগী লম্বী শেম্বদা শিজিন্নরি।

মতৌ অসুম্না রেলগী লমদা মরু ওইবা খোংজেল চংশিল্লি। মসিগী কেপাসিতীদা অমসুং রোলিং স্তোক্তা হেন্না ফগৎলক্লি। অনৌবা রেল তালীশিং তিংখ্রে অমসুং রেল লম্বী কয়ামরুম পাকথোকহনখ্রে। খোংজেল অসি ২০১৪দগী ২০১৮ ফাওবগী মনুংদা পাংথোকখিবনি। হায়বদি রেলগী লম্বী কিলোমীতর ৯,৫২৮ শেমখ্রে, অদুম ওইনমক মসিগা মান্নবা মতমদা হৌখিবা চহি মরিগা য়েংনরুবদা চাদা ৫৬ হেল্লে।

মতৌ অসুম্না, এভিয়েসনগী লমদা এরোপ্লেন তোংবশিংগী মশিংদা হৌখিবা চহি মরিদা ২০১৪দগী ২০১৮ ফাওবগী মনুংদা চাদা ৬২ হেনগৎলে, অদুম ওইনমক মসিগা মান্নবা মতমদা হৌখিবা চহি মরিগী মনুংদা মসি চাদা ১৮ খক্তমক ওইরম্মি। উরান স্কিমগী মখাদা তু অমসুং খ্রি তিয়রগী শহরশিংদা অনৌবা এয়রপোর্ত ২৭ হাংদোক্লে অমসুং মথৌ পাংথোক্লি।
হিথাংফমগী লমদা ২০১৪দগী ২০১৮ ফাওবগী মনুংদা চৎথোক-চৎশিন তৌবা চাদা ১৭ হেনগৎলে।

রুরেল হাউজিং সেক্তরগী মতাংদা প্রধান মন্ত্রীদা তমখি মদুদি ২০১৪দগী ২০১৮ ফাওবগী মনুংদা য়ুম ক্রোর অমদগী হেন্না শাখ্রে, অদুম ওইনমক মসিগা মান্নবা মতমদা হৌখিবা চহি মরিদা চাউরাক্না য়ুম লাখ ২৫ খক্তমক শাবা ঙমখি। য়ুম শাবা অমসুং মসিগা মরি লৈনবা লমশিংদা খোংজেল য়াংশিনবগী মরম্না থবক পীবা হেনগৎহল্লে। লনাই থিজিনবা অমগী মতুং ইন্না য়ুম শাবদা চংবা মতম অদু য়াম্না হন্থরে। ২০১৫-১৬কী মনুংদা য়ুম শাবদা নুমিৎ ৩১৪ চংলম্মি, অদুবু থবক অদুমক ২০১৭-১৮দা নুমিৎ ১১৪দা লোইশিনখ্রে। মহৌশাগী ওইবা খুদোংথিবশিংদগী ঙাকথোকপা ঙম্বা অসিগুম্বা অহোংবা য়ুম শাবদা হেন্না শাফু পীরি। মসিগীদমক্তা মখোয়গী দিজাইন তৌবদা হেন্না মীৎয়েং চংলি।

অর্বান হাউজিংগী মতাংদা অনৌবা শেমগৎ-শাগৎপগী তেক্নোলোজীশিং শিজিন্ননবা সরকারনা শাফু পীরি। প্রধান মন্ত্রী আৱাস য়োজনা (অর্বান) হৌরকপদগী হৌজিক ফাওবদা স্কিম অসিগী মখাদা য়ুম লাখ ৫৪গী অয়াবা পীখ্রে।

 
'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
সেবা অমসুং সমর্পনগী চহি 20 তাক্লিবা ফোতো 20
Explore More
জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে

Popular Speeches

জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে
Indian economy shows strong signs of recovery, upswing in 19 of 22 eco indicators

Media Coverage

Indian economy shows strong signs of recovery, upswing in 19 of 22 eco indicators
...

Nm on the go

Always be the first to hear from the PM. Get the App Now!
...
Social Media Corner 7th December 2021
December 07, 2021
Share
 
Comments

India appreciates Modi Govt’s push towards green growth.

People of India show immense trust in the Govt. as the economic reforms bear fruits.