মমিং লৈরবা কার্তুন য়েকপা আর কে লক্ষ্মনদা য়ুমফম ওইবা কোফি তেবল বুক “তাইমলেস লক্ষ্মন” ঙসি প্রধান মন্ত্রী নরেন্দ্র মোদীনা ফোঙখ্রে ।
থৌরম অদুদা ৱা ঙাংবদা , মহাক্না হায়খি মসিগী লোইবা নাইদ্রবা খোঙচৎ অসিগী শরুক অমা ওইবদা মহাক হরাওই । লক্ষ্মনগী য়াম্লবা মমল য়াম্লবা পোৎথোকশিং অসিগুম্বা মওংদা ফংহনবা অসিদা মহাক্না হরাওবা ফোংদোকখি ।
মহাক্না হায়খি, চহি কয়াগী লক্ষ্মনগী পোৎথোকশিং নৈনবা অসি মতম অদুগী খুন্নাইগী অমসুং শেন-থুমগী মরমদা খঙবা ঙমহল্লি ।
প্রধান মন্ত্রীনা হায়খি, মসিগী থবক অসি লক্ষ্মন খক্তগী নত্তে, নৎত্রগা মহাক নিংশিংবা নত্তে, মীওই ক্রোর কয়াগী পুন্সিদা লক্ষ্মনগী শরুক মচেৎ অমা হাপচিনবনি ।
প্রধান মন্ত্রীনা হায়খি, লক্ষ্মনগী মীচম অসি শিবা নাইদবনি অমসুং ভারত শীন থুংবনি । ভারতমচা খুদিংমক্না , অমসুং মীরোল খুদিংমক্না মহাক মশক খঙই ।
মীচমশিংদা হেন্না মীৎয়েং চংনবা মতৌ করম্না পদ্মা এৱার্দশিং পীনবা খনবগী থৌরাং পায়খৎপগে হায়বদু প্রধান মন্ত্রীনা পনখি ।
