জুন ২৩-২৪, ২০২২দা ভর্চুএল ফোর্মেৎতা চিনাগী রাস্ত্রপতি শী জিংপিংনা ময়াই তাংবল লৌদুনা পাঙথোকপা ১৪শুবা ব্রিক্স সম্মিৎতা প্রধান মন্ত্রী নরেন্দ্র মোদীনা ভারতকী মহুৎ শিন্দুনা শরুক য়াখ্রে। ব্রাজীলগী রাস্ত্রপতি জায়র বোলসোনারো, রসিয়াগী রাস্ত্রপতি ব্লাদিমীর পুতিন অমসুং খা অফ্রিকাগী রাস্ত্রপতি সিরিল রামফোসাসু জুন ২৩দা সম্মিৎ অসিদা শরুক য়াখি। গ্লোবেল দিবেলপমেন্তগী অৱাংবা থাক্কী দাইলোগ, সম্মিৎ অসিগী নন-ব্রিক্স এঙ্গেজমেন্ত সেগমেন্ত জুন ২৪দা পাঙথোকখি।
জুন ২৩দা লুচিংচবশিংনা কাউন্তর-তেরোরিজম, ললোন-ইতিক, হকশেল, ত্রেদিস্নেল মেদিসিন, অকোইবগী ফীভম, সাইন্স, তেক্নোলোজী অমসুং ইনোবেসন, লৌউ-শিংউ, তেক্নিকেল অমসুং ভোকেস্নেল এজুকেসন অমসুং ত্রেনিংগী লমশিং য়াওনা অমদি মলতিলেতরেল সিস্তেম, কোবিদ-১৯ লাইচৎ, মালেমগী ইকনোমিক রিকবরীগী রিফোর্ম পুরকপা য়াওনা মালেমগী ওইনা লৈরিবা মরু ওইবা হীরমশিংদা লুচিংবশিংনা খন্ন-নৈনখি। প্রধান মন্ত্রীনা ব্রিক্সকী লৈরিবা শক্তম অসি মপাঙ্গল কনখৎহন্নবা অমসুং ব্রিক্সকী চে-চাংশিংগী ওনলাইন দেতাবেজ, ব্রিক্স রেলৱে রিসর্চ নেৎৱার্ক লৈহন্নবা ৱাফমগী মতাংদা, অমসুং এম.এস.এম.ই.শিংগী মরক্তা তেংবাং পীনবা হেনগৎহন্নবা অপাম্বা ফোঙদোকখি। ভারতনা ব্রিক্স লৈবাকশিংগী স্তার্তঅপশিংগী মরক্তা লৈরিবা মরী চেৎশিনহন্নবা চহি অসিদা ব্রিক্স স্তার্তঅপকী থৌরম পাঙথোক্কনি। প্রধান মন্ত্রীনা হায়খি মদুদি ব্রিক্স মেম্বরশিংনা অমনা অমগী সেক্যুরিতীগী ৱাফম খঙবা তাই অমসুং তেরোরিস্তকী মতাংদা ম্যুচুএল সপ্পোর্ত পীনবা তাই অমসুং মসিগী অরুবা ৱাফম অসি পোলিতিসাইজ তৌরোইদবনি। সম্মিৎ অসি লোইশিনবদা ব্রিক্স লুচিংবশিংনা ‘বৈজিং দেক্লেরেসন’ এদোপ্ত তৌখি।
জুন ২৪দা প্রধান মন্ত্রীনা হায়, ভারতনা এফ্রিকা, সেন্ত্রেল এসিয়া, সাউথইস্ত এসিয়া অমসুং পেসিফিক্তগী কেরিবিয়ন ফাওবগা চাউখৎ-থৌরাং পুরক্নবা পার্তনরশিপ থম্লি; ভারতনা ফ্রী, ওপন, ইনক্লুসিব, অমসুং রুল-বেজ মেরিতাইম স্পেসতা মীৎয়েং চংলি; ইন্দিয়ন ওসীন রিজনদগী পেসিফিক ওসীন ফাওবদা লৈরিবা লৈবাক পুম্নমক্কী সোভরেন্তী অমসুং তেরিতিরিএল ইন্তিগ্রিতী ইকাই খুম্নৈ: অমসুং মালেমগী ওইনা ৱারেপ-লৌবদা এসিয়া অমসুং এফ্রিকা অমদি লেতিন অমেরিকাগী অয়াম্বা শরুকশিং অসিদা মলতিলেতরেল সিস্তেমগী রিফোর্মগী ৱা তাদে। প্রধান মন্ত্রীনা সর্ক্যুলর ইকনোমীগী মরু ওইবা অদু থমখি অমসুং শরুক য়ারিবা লৈবাকশিংগী প্রজাশিংদা লাইফস্তাইল ফোর এনভাইর্নমেন্ত (লাইফ) কেম্পেনদা শরুক য়ানবা হায়খ্রে। শরুক য়ারিবা লৈবাকশিং অদুদি অলজেরিয়া, অর্জেন্তিনা, কম্বোদিয়া, ইজিপ্ত, ইথিওপিয়া, ফিজি, ইন্দোনেসিয়া, ইরান, কজাস্কিস্তান, মলেসিয়া, সেনেগল, থাইলেন্দ অমসুং উজবেস্কিস্তাননি।
মমাংদা জুন ২২দা ব্রিক্স বিজিনেস ফোরমগী হৌদোকপগী থৌরমদা মরু ওইবা ৱারোল পীবদা প্রধান মন্ত্রীনা কোবিদ-১৯ লাইচৎ লৈজরবসু ব্রিক্স বিজিনেস কাউন্সিল অমসুং ব্রিক্স ৱুমেন বিজিনেস এলাইন্সনা মখোয়গী থবক লেপ্পতনা চত্থখিবগীদমক থাগৎপা ফোঙদোকখি। প্রধান মন্ত্রীনা ব্রিক্স বিজিনেস কম্ম্যুনিতীনা সোসিএল অমসুং ইকনোমিক্কী শীংনবশিং, স্তার্তঅপশিং, অমসুং এম.এস.এম.ই.শিংগীদমক তেক্নোলোজী-বেজ সোল্যুসনশিংগী লমদা তেংবাং পীনবা হেনগৎনবা অপাম্বা ফোঙদোকখি।
