কনাদাগী প্রধান মন্ত্রী জস্তিন ত্রুদোদগী লাকপা তেলিফোন কোল অমা ঙসি প্রধান মন্ত্রী শ্রী নরেন্দ্র মোদীনা ওকখ্রে।
কনাদানা ভারত্তগী কোবিদ-১৯ তিকা দরকার ওইবা অদুগী মতাংদা প্রধান মন্ত্রী ত্রুদোনা প্রধান মন্ত্রী মোদীদা পাউদমখি। লৈবাক অসিনা মমাঙদা অতোপ্পা লৈবাকশিংদা পীখিবগুম, কনাদাগী তিকা থাবগী থবকশিং শৌগৎনবা ভারতনা মতেং পাংগনি হায়না প্রধান মন্ত্রীনা কনাদাগী প্রধান মন্ত্রীদা থাজবা পীখি।
মহাক্কী থাগৎপা ফোঙদোক্লদুনা, প্রধান মন্ত্রী ত্রুদোনা হায়খি করিগুম্বা মালেম অসিনা কোবিদ-১৯ লাকশিনবা ঙম্লবদি, মদু হিদাক-লাংথক্কী লমদা ভারতকী অচৌবা থবকশিং অমসুং মালেমগা শরুক য়ামিন্নবা ঙম্বা প্রধান মন্ত্রী মোদীগী লুচিংবা অদুনা ওইগনি। মহাক্কী ৱাফমশিং অদুগীদমক প্রধান মন্ত্রী মোদীনা প্রধান মন্ত্রী ত্রুদো থাগৎখি।
মালেমগী মরুওইবা রাজনিতি অমসুং শেন-থুমগী থৌদোকশিংদা য়েংলিবা ভারত অমসুং কনাদাগী মান্নবা মিৎয়েংগী মতাংদা লুচিংবা অনিনা অমুক হন্না খন্নখি। অইং-অশাগী খল কাইরকপা অমসুং লাইচৎ অসিনা শেন-থুমগী ফিবম শোকহল্লিবা য়াওনা মালেমগী অৱাবশিং থেংন্নবা লৈবাক অনিনা মখা তানা মতেং পাংনবা হায়না মখোয়না য়ানখি।
চহি অসিদা মালেমগী মরুওইবা থৌদোকশিংদা অমগা অমগা উনদুনা নাকল অনিমক্না পাম্নবা ৱাফমশিংগী মতাংদা মখা তানা ৱা খন্নবা হায়না লুচিংবশিংনা থাজবা পীনখি।
Was happy to receive a call from my friend @JustinTrudeau. Assured him that India would do its best to facilitate supplies of COVID vaccines sought by Canada. We also agreed to continue collaborating on other important issues like Climate Change and the global economic recovery.
— Narendra Modi (@narendramodi) February 10, 2021
