Share
 
Comments

রাজ্য সভাদা পীখিবা রাস্ত্রপতিগী ৱারোলগী মোসন ওফ থেঙ্কসতা প্রধান মন্ত্রী শ্রী নরেন্দ্র মোদীনা ঙসি পাওখুম পীখ্রে। মহাক্না অপর হাউকী মেম্বরশিংবু শরুক য়াবীবা অমসুং খন্ন-নৈনবদা থৌদাং লৌবীবগীদমক থাগৎপা ফোংদোকখি। রাজ্য সভাগী লৈখিদ্রবা এম.পি. শ্রী মদনলাল সাইনীগী মফমদসু মহাক্না ইকাই খুম্নবা উৎখি।

প্রধান মন্ত্রীনা হায়খি মদুদি ২০১৯গী লোক সভা মীখলগী মেনদেৎ অদুনা মীয়াম্না তংদু লৈতাবা পাম্লিবা অদু উৎলরে। তংদু লৈতাবা সরকার অমা খনবগী চৎনবী অসি হৌজিক্তি তোঙান তোঙানবা রাজ্যশিংদা উবা ফংলে হায়না মহাক্না মখা তাখি।
হন্দক পাংথোকখিবা লোক সভাগী মীখল মনুংগী ইলেক্তোরেল প্রোসেস অদু থাগৎপা ফোংদোক্লদুনা প্রধান মন্ত্রীনা হায়খি মদুদি প্রোসেস পুম্নমক্কী স্কেল অদু য়াম্না পাক-চাউখ্রে। দেমোক্রেসী মাংখ্রে হায়না লুচিংবা খরনা ফোংদোকখিবা অদু লাইবক থিবনি। ভোত্তরশিংগী হৈ-শিংবা অদুদা ৱাহং হংদনবা মহাক্না মেম্বরশিংদা হায়খি। প্রধান মন্ত্রীনা মখা তাখি, “ঐখোয়গী ইলেক্তোরেল প্রোসেস অমসুং দেমোক্রেসীবু ইকাই খুম্নবা মরু ওই।”

ই.ভি.এম.দা পুখৎলক্লিবা ৱাহংশিং অদু প্রধান মন্ত্রীনা য়ানীংদবা ফোংদোকখি। ই.ভি.এম.না বুথ কেপচর তৌবা অমসুং হিংশা হন্থহল্লে হায়না মহাক্না হায়খি। প্রধান মন্ত্রীনা হায়খি, “হৌজিক্তি ভোৎ থাদবগী চাং হেঙ্গৎলে। মসি দেমোক্রেসীগী অফবা খুদম অমনি।” ভি.ভি.পেৎশিং খক্তনা ইলেক্ত্রোনিক ভোতিং মেচিনগী ক্রেদিবিলিতী চেৎশিলহল্লে হায়না মহাক্না ফোংদোকখি।

ইলেক্সন রিফোর্মসকী মতাংদা ঙাংলদুনা, প্রধান মন্ত্রীনা হায়খি মদুদি ভারত্তা ইলেক্তোরেল প্রোসেস মপাঙ্গল কনখৎহন্নবগীদমক রিফোর্মস অসি য়াম্না দরকার ওই। মসিগা মরী লৈননা “ৱান নেসন ৱান পোল”গুম্বা ইলেক্তোরেল রিফোর্মসকী হায়জরকপশিং খন্ন-নৈনবা মরু ওই হায়না মহাক্না ফোংদোকখি।

প্রধান মন্ত্রীনা হায়খি মদুদি ভারতকী মীয়াম্না কান্নবা ফংগদবা থৌওংশিং লায়থোকহন্নবগী মায়কৈদা কেন্দ্র সরকারনা কন্না হোৎনরি। সরকার অসিনা মীচম প্রজাদা শক্তি শিন্নবদা থাজবা থম্লি হায়না মহাক্না হায়খি। লৈবাক অসিগী মীয়ামদা য়ুম, ইলেক্ত্রিসিতী, গ্যাস কনেক্সন, তোইলেৎ অসিনচিংবশিং ফংহন্নবগী মায়কৈদা সরকারনা তৌরিবা থবকশিং অদু মহাক্না পাওদমখি।

ভারতপু ফাইব ত্রিলিয়ন দোল্লর ইকোনোমী অমা ওইহন্নবগী মায়কৈদা থবক তৌনবা শ্রী মোদীনা মীপুম খুদিংমক্তা তকশিনখি। পান্দম অসি ফংনবগীদমক পোজিতিব মাইন্দসেৎ অমগা লোয়ননা থবক তৌনবা অমদি ৱাখল্লোনশিং পীরক্নবা মহাক্না পোলিতিকেল পার্তী পুম্নমক্কী মফমদা খঙহনখি।

ঝারখন্দা হন্দক্তা থোকখিবা থৌদোক অদুনা মহাকপু তশেংনা নুঙাইহন্দে হায়না প্রধান মন্ত্রীনা ফোংদোকখি। মরাল লৈরবশিং অদু লৈবাক অসিগী আইনগী মতুং ইন্না মতিকচাবা দন্দি ফংগনি হায়না মহাক্না ফোংদোকখি। থৌদোক অমগীদমক রাজ্য পুম্বা মিংচৎ থিহনবদি অচুম্বা নত্তে হায়না মহাক্না ফোংদোকখি।

প্রধান মন্ত্রীনা হায়খি মদুদি হৌজিক দরকার ওইরিবা পুংফম অসি অয়ুশ্মান ভারতপু মপাঙ্গল কনখৎহনবনি। ঐখোয়গী লায়রবশিংনা অৱাংবা থাক্কী ওইবা অমদি মমল হোংবা ত্রিৎমেন্ত ফংবা অদু ঐখোয়না পাম্লি হায়না মহাক্না মখা তাখি।
অৱাং নোংপোক রাজ্যশিংগা লোয়ননা শোত্থরবা জিলাশিংগী চাউখৎ থৌরাংদা অকনবা মিৎয়েং থম্লি হায়না প্রধান মন্ত্রীনা ফোংদোকখি।

রিজরেল এস্পিরেসনগা লোয়ননা নেস্নেল এম্বিসন লৈবা মরু ওই হায়না প্রধান মন্ত্রীনা কোওপরেতিব ফেদরেলিজমগী মতাংদা হায়খি।

লৈবাক অসিবু হেন্না ফগৎহন্নবা অমদি মপাঙ্গল কনখৎহন্নবা তৌবা য়াবা পুম্নমক তৌনবা প্রধান মন্ত্রীনা মীয়ামদা তকশিনখি। ভারতপু অনৌবা থাক অমদা পুখৎনবা অমদি অনৌবা ভারত অমা শেম্নবগী মায়কৈদা পুন্না থবক তৌমিন্ননবা মহাক্না মীপুম খুদিংমক্কী মফমদা হায়খি।

 

দোনেসন
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
KT EXCLUSIVE: Even the sky is not the limit for UAE-India ties, says Indian PM Modi

Media Coverage

KT EXCLUSIVE: Even the sky is not the limit for UAE-India ties, says Indian PM Modi
...

Nm on the go

Always be the first to hear from the PM. Get the App Now!
...
PM greets people on the occasion of Janmashtami
August 24, 2019
Share
 
Comments

The Prime Minister, Shri Narendra Modi has greeted people on the occasion of Janmashtami.

“सभी देशवासियों को श्रीकृष्ण जन्माष्टमी की हार्दिक शुभकामनाएं। जय श्रीकृष्ण!

Janmashtami greetings to everyone! May the blessings of Bhagwan Shri Krishna always bring happiness and good health in our lives. Jai Shri Krishna!”, the Prime Minister said.