প্রধান মন্ত্রীনা ঙসি য়ু.এস. প্রেসিদেন্ত, জো বাইদেন, ওস্ত্রেলিয়াগী প্রধান মন্ত্রী, স্কোত মোরিসন অসমুং জপানগী প্রধান মন্ত্রী, ফুমিয়ো কিশিদাগা লোইননা ক্বাদ লীদরশিংগী ভর্চুৱল সম্মিত্তা শরুক য়াখ্রে।
মীফম অসিনা ২০২১গী ক্বাদ সম্মিতকী মতুংদগী ক্বাদনা পাইখৎলকখিবা অনৌবা খোংথাংশিংগী মতাংদা কয়া য়াম্না খুমাং চাউশিল্লবগে হায়বদু য়েংশিনখ্রে। লুচিংবশিং অদুনা হন্দক্কী চহি অসিগী লোইশিল্লকপদা জপানদা পাংথোক্কদবা সম্মিত অদু ফাওবগী মনুংদা মশক নাইবা আউতকমশিং ফংবনবগী পান্দমগা লোইননা কোওপরেশনঅসিবু হেন্না য়াংশিনহন্নবা য়ানখ্রে।
ক্বাদনা ইন্দো-পেসিফিক রিজনদা শান্তি, মরা চেৎপা অমসুং চাউখৎপা পুরক্নবগী মরু ওইবা পান্দম অদুদা মিৎয়েং থমদুনা লৈগদবনি হায়না প্রধান মন্ত্রীনা পনখি। মহাক্না ক্বাদকী মনুংদা খুদম ওইনা হ্যুমেনিতেরিয়ন অমসুং দিজাস্তর রিলীফ, দেত সস্তেন্নেবিলিতী, সপ্লাই চেনশিং, ক্লীন ইনর্জী, কনেক্তিবিতী অমসুং কেপাসিতী-বিল্দিংগুম্বা এরিয়াশিংদা মশক নাইবা অমসুং প্রেক্তিকেল ওইবা মওংগী কোওপরেশন পীনবগীদমক্তা হায়খি।
মীফম অদুদা য়ুক্রেনদা মখোয়গী হ্যুমেনিতেরিয়ন ইমপ্লিকেশনশিং য়াওনা ওইরক্লিবা ফিভমশিং অদুগী মতাংদা খন্নখ্রে। প্রধান মন্ত্রীনা ৱারী শানদুনা অমসুং দিপ্লোমেসী লম্বিদা অমুক হন্না চৎপগী তঙাইফদবা অদুগী মতাংদা য়াম্না মরু ওইনা হায়খি।
লুচিংবশিং অদুনা সাউথইস্ত এসিয়া, ইন্দিয়ন ওসীন রিজন অমসুং পেসিফিক আইলেন্দশিংদা লৈরিবা ফিভম অদু য়াওনা, অতোপ্পা মরু ওইবা ৱফমশিংদসু খন্নখি। প্রধান মন্ত্রীনা য়ু.এন. চার্তর, ইন্তর্নেস্নেল লোগী মতুং ইন্না চৎপা অমসুং সোভরেনতী অমসুং তেরিতোরিয়েল ইন্তেগ্রিতীবু ইকাইখুম্নবা উৎপগী মরু ওইবা অদুগী মতাংদা হন্না-হন্না হায়খি।
লুচিংবশিং অদুনা পাউ ফাওনদুনা লৈনবা অমসুং জপানদা পাংথোক্কদবা লাক্কদবা লুচিংবশিংগী সম্মিত অসিগীদমক্তা য়াম্না চাউবা এজেন্দা অমগী মাইকৈদা থবক তৌনবা য়ানখ্রে।
