India has emerged as the nerve centre of global health: PM Modi
The last day of 2020 is dedicated to all health workers who are putting their lives at stake to keep us safe: PM ModiIn the recent years, more people have got access to health care facilities: PM Modiপ্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা এম্স রাজকোতকী উরেপ-উয়ুং তমখ্রে। থৌরম অদুদা কেন্দ্র মন্ত্রী দা. হর্শ বর্ধন, গুজরাতকী রাজ্যপাল আচার্য় দেবব্রত, গুজরাতকী মুখ্য মন্ত্রী, শ্রী বিজয় রুপানী শরুক য়াখি।
থৌরম অদুদা ৱা ঙাংলদুনা, প্রধান মন্ত্রী মীওইবগী পুন্সি কনবদা মতম চুপ্পা মথৱাই খুবাক্তা হাপখিবা দোক্তরশিং, হেল্থ ৱাকরশিং, স্কাভেঞ্জরশিং অমসুং অতৈ ফ্রন্তলাইন কোরোনা ৱারিয়র কয়াশিং অদুগী হোৎনখিবশিং অদুবু নীংশিংখি। মহাক্না সাইন্তিস্তশিং অমসুং লাইরবশিংবু মপুং ফানা কৎথোকপগা লোইননা চানবা পোৎলম ফংহনখিবশিং অদুনা হোৎনখিবশিং অদুবু শিংথাবা ফোংদোকখি।
প্রধান মন্ত্রীনা হায়খি মদুদি চহি অসিনা উৎখ্রে মদুদি ভারতনা অমত্তা ওইনা পুনশিল্লবদি খ্বাইদগী খুদোংথিনীংঙাই ওইরবা থৌদোক অদুসু মশক থোক্না মায়োক্নবা ঙম্মি। মহাক্না হায়খি মদুদি মতিং লৈবা খোংথাংশিং পায়খৎপনা মরম ওইদুনা ভারত হেন্না ফবা ফিভমদা লৈরি অমসুং ভারতকী কোরোনাগী ভিক্তিমশিং কনবগী রিকোর্দ অসি অতৈ লৈবাকশিংদগী হেন্না ফরি। মহাক্না হায়খি মদুদি ভারত্তা, ভেক্সিনগী মথৌ তাবা শেম-শাবা পুম্নমক পায়খৎলি। মহাক্না হায়খি মদুদি ভারত্তা শাবা ভেক্সিনগী অরোইবা তাঙ্কক অদুদা লৈরে, খোংজেল য়াংনা কাচিন-কোয়া পুম্বা য়ৌশিল্লি। মহাক্না হায়খি মদুদি মালেমগী খ্বাইদগী চাউবা ভেক্সিন কাপ্পগী খোংজং চংশিন্নবা ভারতনা শেম-শাবগী থবক কন্না পায়খৎলি। মহাক্না ভেক্সিন কাপ্পগা খোংজং অসি মায় পাকহন্নবা মমাংগী চহিদা লাইচৎ অসিদগী ঙাকথোক্নবা হোৎনখিবা অদুগুম্না অমত্তা ওইনা মাংদা চংশিনমিন্ননবা ফোংদোকখি।
শ্রী মোদীনা হায়খি মদুদি এম্স রাজকোতনা গুজরাত্তা হেল্থকী ইনফ্রাস্ত্রকচর, মেদিকেল এজুকেসন্দা ইনোৎ হাপ্লগনি অমসুং থবক ফংবগী খুদোংচাবা হেনগৎহল্লগনি। মহাক্না হায়খি মদুদি চাউরাক্না হকথেংননা থবক লিশিং ৫ রোম অমসুং নাকোইননা থবক কয়ামরুম শেম্লগনি। কোবিদ মায়োক্নবদা গুজরাতনা হোৎনখিবশিং অদুবু থাগৎলদুনা, প্রধান মন্ত্রীনা হায়খি মদুদি কোবিদ মায়োক্নবদা গুজরাতনা লম্বী তাকখি। গুজরাত্তা কোরোনাগী শিংনবশিংবু হেন্না ফজনা লাকশিনখিবগীদমক মহাক্না গুজরাত্তা মপাঙ্গল কল্লবা মেদিকেল ইনফ্রাস্ত্রকচরদা ক্রেদিৎ পীখি। মহাক্না হায়খি মদুদি হকশেলগী লমদা গুজরাতকী মায় পাকপা অসিগী মরুমদা চহি তরাগী খুজিং অনিগী চোকথবা নাইদনা হোৎনখিবশিং, কৎথোকপশিং, অমসুং ৱাশকশিং অদু য়াওরি।
প্রধান মন্ত্রীনা হায়খি মদুদি নীং খা তম্লবা চহি কয়াগী মতুং অসিদসু ভারত্তা শুপ্নগী এম্স ৬ খক্তমক লৈরম্মি। ২০০৩দা অতলজীগী সরকারগী মতমদা, অহেনবা এম্স ৬ অমগা লিংখৎনবা খোংথাং পায়খৎখি। মহাক্না হায়খি মদুদি হৌখিবা চহি ৬ অসিদা, অনৌবা এম্স ১০ শাগৎপগী থবক হৌখ্রে অমসুং কয়া অমনা শঙ্গাখ্রে। মহাক্না হায়খি মদুদি এম্সশিং অসিগা লোইননা, সুপর স্পিসিএলিতা হোস্পিতালশিংসু শাগৎলি।
প্রধান মন্ত্রীনা শাফু পীখি মদুদি ২০১৪গী মমাংদা, ঐখোয়গী হকশেলগী লমগী তোঙান তোঙানবা মায়ওন অসি তোঙান তোঙানবা মায়কৈ অমসুং মিৎয়েংদা থবক পায়খৎলম্মি। মহাক্না হায়খি মদুদি ২০১৪গী মতুংদগীদি, হকশেলগী লম অসিনা অপুনবা মওংদা থবক তৌখি অমসুং প্রিভেন্তিব কেয়রদা শাফু পীখি, অদুগা অনৌবা লায়েংগী খুদোংচাবশিংসু মরুওইবা ওইনা থমখি। মহাক্না হায়খি মদুদি সরকারনা লাইরবশিংগী লায়েংবদা চংবা মমল হন্থহল্লে অমসুং মতম মদুগা লোইননা, দোক্তরশিংগী মশিং লেপ্তনা হেনগৎহনবদসু শাফু পীখি।
প্রধান মন্ত্রীনা হায়খি মদুদি আয়ুশ্মান ভারত স্কিমগী মখাদা, মনুং হঞ্জিনবা অরাপ্পা মফমদা হেল্থ অমসুং ৱেলনেস সেন্তর মিলিয়ন ১.৫ শাখ্রে অমসুং মখোয়শিং অদুগী মনুংদা সেন্তর ৫০০০০রোম থবক হৌখ্রে। মখোয়শিং অদুগী মনুংদা লিশিং ৫দি গুজরাত খক্তদা লৈরি। মহাক্না হায়খি মদুদি জন ঔশধী সেন্তর ৭০০০ লোম্না লাইরবা অনাবা লাখ ৩.৫ রোমদা অহোংবা মমলদা হিদাক-লাংথকশিং ফংহল্লি। মহাক্না মীয়ামগী হকশেল ফগৎনবা সরকারনা পায়খৎলিবা খোংথাংশিংগী মরমদা পনখি।
প্রধান মন্ত্রীনা হায়খি মদুদি ২০২০ অসি হকশেলগী শিংনবশিংগী চহি ওইরবদি, ২০২১ অসি হকশেলগী পাম্বৈশিংগী চহি ওইগনি। মালেম অসিনা হেন্না ফবা খোংজংগা লোইননা হকশেলগী পাম্বৈশিংগী মায়কৈদা চংশিল্লি। প্রধান মন্ত্রীনা ফোংদোকখ্রে মদুদি, ২০২০দা শিংনবশিং মায়োক্নখিবনা মরম ওইদুনা ভারতনা হকশেলগী পাম্বৈ পুথোকপদা মরুওইবা থৌদাং লৌগনি। মহাক্না হায়খি মদুদি ২০২১দা হকশেলগী পাম্বৈ পুথোকপদা ভারতকী থৌদাং অসি পাম্বৈশিংগী থাক লেপ্পদা মরুওইবা ওইগনি। ভারতকী মেদিকেল প্রোফেস্নেলশিং অমসুং সর্বিস মোতিবেসন অদু য়েংলদুনা, পাক চাউনা ভিক্সিন কাপ্পগী এক্সপিরিএন্স অদুগা লোইননা ভারতনা মালেমদা স্মার্ত অমসুং অহোংবা পাম্বৈ ফংহনগনি। হেল্থ স্তার্তঅপশিংনা হকশেলগী পাম্বৈ অমসুং তেক্নোলোজী অসি পুনশিল্লি অমসুং হেল্থ কেয়র অসি য়ৌশিনবা ঙমহল্লি। শ্রী মোদীনা হায়খি, “ভারতনা হকশেলগী তুংলমচৎ অমসুং তুংলমচৎকী হকশেল অনিমক্তা মরুওইবা থৌদাং লৌগদৌরি।”
প্রধান মন্ত্রীনা হায়খি মদুদি লাইচৎ অসিনা মালেমদা শন্দোকখিবগা লোইননা, মালেমগী হকশেলগী পাম্বৈশিংগীদমক্তা মালেম্না পুন্না হোৎনমিন্নবগী মতম অদু লাক্লে। ভারতনা মসিদা গ্লোবেল প্লেয়র ওইনা থবক তৌরি। ভারতনা তাল্লকপা মতুং ইন্না চাউৎহন্দুনা অমসুং শন্দোকহন্দুনা মসিগী তৌবা ঙম্বা অদু ফোংদোক্লে। ভারতনা মালেমগা লোইননা চংশিল্লি অমসুং অপুনবা পাঙ্গল অদুদা মগুন হাপ্লি। ভারতনা গ্লোবেল হেল্থকী নর্ব সেন্তর ওইনা শাহৌরক্লি, প্রধান মন্ত্রীনা হায়খ্রে, ঐখোয়না ২০২১দা ভারতকী থৌদাং অসি হেন্না মপাঙ্গল কলহনবা মথৌ তাই।
