Share
 
Comments

প্রধান মন্ত্রী শ্রী নরেন্দ্র মোদী ঙসি সুরত্তা চৎখ্রে। মহাক্না সুরত এয়রপোর্তকী তর্মিনেল বিলদিং পাকথোক চাউথোকহন্নবা উরেপ উয়ুং তমখি মদুনা সুরত অমসুং গুজরাতকী খা থংবা লমদমদা কনেক্তিবিতী অমসুং প্রোসপেরিতী হেঙ্গৎহল্লগনি।

থৌরম অসিদা তিনখিবা মীয়ামদা ৱা ঙাংলদুনা প্রধান মন্ত্রীনা হায়খি, “ইজ ওফ দুইং বিজিনেসকীদমক, লৈবাক অসিগী ইনফ্রাস্ত্রকচর ফগৎহনগদবনি অমদি সুরত এয়রপোর্ত পাকথোক চাউথোকহনবা অসি মায়কৈ অসোমদা হোৎনরিবা অমনি।” সুরত এয়রপোর্ত তর্মিনেল বিলদিং অসি লুপা কোতি ৩৫৪ হেন্না চংনা স্ক্ব্যার মীতর ২৫,৫০০গী এরিয়াদা শাগনি। মসি সোলর ইনর্জী অমসুং এল.ই.দি. লাইতিং শিজিন্নবা ইকো-ফ্রেন্দলী সস্তেনেবল বিলদিং অমা ওইগনি। অনৌবা তর্মিনেল অসি শাবা লোইবগা মসিনা হৌজিন চহী অমদা পেসেঞ্জর লাখ ৪ হেন্দল তৌবা ঙমলিবা অসিগী মহুৎ লাখ ২৬ হেন্দল তৌবা ঙম্লগনি। অথুবা মতমদা এয়র ইন্দিয়া এক্সপ্রেস ফ্লাইতনা সুরতপু শারজহাগা শম্নহল্লগনি হায়না প্রধান মন্ত্রীনা মখা তাখি। হৌরকপদা মসিদা হপ্তা অমদা ফ্লাইত অনি লৈগনি, তুংদা মদু শরুক অনি ওইহন্দুনা হপ্তা অমদা ফ্লাইত মরি লৈগনি।

প্রধান মন্ত্রীনা হায়খি মদুদি উরান স্কিমগী মখাদা এয়র কনেক্তিবিতীদা ইনোৎ অমা পীনবা এয়রপোর্ত কয়া অমা শেমগৎলে। মহাক্না মখা তাখি, “ঐখোয়না মীপুম খুদিংমকপু এয়র ত্রাবেল এসেস তৌবা ঙমহনবা পাম্মি। ভারত্তা এয়র কনেক্তিবিতী হেঙ্গৎহনবদা উরান্না চাউনা মতেং পাংলি। ভারতকী এয়র মেপতা উরান্না এয়রপোর্ত ৪০ হাপচিনলে। সরকারনা লৈবাক শিনবা থুংনা অসিগুম্বা মখলগী অহেনবা এয়রপোর্তশিং দিবেলপ তৌনবা প্লান তৌরি।”

সরকারনা পায়খৎলিবা দিবেলপমেন্তকী থবকশিং পল্লদুনা মহাক্না হায়খি মদুদি তোতেল মেজোরিতী ওইবা সরকার অমনা লৈবাক অসিগী দিবেলপমেন্তকীদমক অচৌবা ৱারেপশিং লৌবা অমদি অপনবা য়াওদনা থবক তৌবা ঙমহল্লি। মহাক্না অকনবা ৱাফম থমখি মদুদি “ময়াম্না ঐখোয়দা মেজোরিতী পীনবিবা অদুনা মরম ওইদুনা অরুবা ৱারেপশিং লৌবা ঙমহল্লি” অমদি মমাংগী সরকারগা মান্নদবা মওংদা এন.দি.এ. সরকারনা মিদল ক্লাসকীদমক থবক তৌরি।

মহাক্কী সরকারগী পর্ফোমেন্স অদু য়ু.পি.এ.গা চাংদম্নরদুনা শ্রী মোদীনা হায়খি মদুদি, “ঐখোয়না পাল্লকপা চহী মরি অসিদা ঐখোয়না য়ুম কোতি ১.৩০ শারে মদুমক য়ু.পি.এ.না পাল্লিঙৈ মতমদা মখোয়না য়ুম লাখ ২৫ শাখি।” “২০১৪দা পাসপোর্ত ওফিস ৮০ খক্তমক লৈরম্বা অদুগা চাংদম্ননবদা হৌজিক্তি ঐখোয়গী পাসপোর্ত ওফিস ৪০০ হেন্না লৈরে।” হায়নসু মহাক্না মখা তাখি।

প্রধান মন্ত্রীনা সুরত্তা প্রধান মন্ত্রী অৱাস য়োজনাগী বেনিফিসরি খরদসু শোজৈশিং য়েন্থোকখি। লৈবাক অসিগী লাইরবা অমদি মিদল ক্লাসকী পুন্সী মহিং লাইথোকহন্নবা মীয়েংদা মিসন মোদ অমদা সরকার অসিনা থবক তৌরি, “হৌখিবা চহী মরি অসিদা সরকার অসিনা সহরদা লৈরিবা লাইরবশিংগীদমক য়ুম লাখ ১৩ হেন্না শাখ্রে অমসুং য়ুম লাখ ৩৭ শাবগী থবক চত্থরি।”

নুংথিল অথেংবদা প্রধান মন্ত্রীনা সুরত্তা খ্বাইদগী নৌবা রসিলাবেন সেবান্তিলাল ভেনস হোস্পিতাল অমা শঙ্গাখি। হোস্পিতাল অদুদা ফংলিবা খুদোংচাবশিং অদু মহাক্না য়েংশিনখি। মীয়াম পুনখিবা অমদা ৱা ঙাংলদুনা, মতৌ করম্না আয়ুশ্মান ভারতনা মীয়ামদা পুবা থাংবা ঙম্বা হেল্থকেয়ার সর্বিসশিং ফংহনবদা মরুওইবা থৌদাং অমা লৌরিবগে হায়বদু মহাক্না ফোংদোকখি। মহাক্না হায়খি মদুদি হৌজিক্তি মীয়ামগীদমক্তা জেনেরিক মেদিসিন মশিং য়াম্না ফংহল্লে মদুনা হেল্থকেয়রগী মমল হন্থহনবতা নত্তনা তাংলবা পুন্সী কয়া কনবসু ঙমহল্লগনি।

নেস্নেল সোল্ত সত্যগ্রহ মেমোরিয়েল মায়খুম হাংদোক্লগা দান্দিদগী হলক্লবা মতুং নুমিদাংৱাইরম অথেংবদা সুরত ইন্দোর স্তেদিয়মদা প্রধান মন্ত্রীনা ন্যু ইন্দিয়া য়ুথ কনক্লেবতা ৱা ঙাংগনি। মেমোরিয়েল অসিদা মহাত্মা গান্ধী অমসুং পুৱারি ওইরবা দান্দি সোল্ত খোংচৎ মনুংদা মহাক্কা লোয়ননা খোংচৎ য়াওখিবা সত্যগ্রহিস ৮০গী মীতম য়াওরি। মেমোরিয়েল অসিদা পুৱারি ওইরবা ১৯৩০গী থুমগী খোংচৎকী তোঙান তোঙানবা থৌদোকশিং অমসুং ৱারিশিং য়েকথোক্লিবা নেরেতিব ম্যুরেল ২৪সু য়াওরি। মসিনা ভারতকী নিংতম খোংজংগী পুৱারিদা মরুওইবা থৌদোক অমা ওইরি।

 

 

 

 

 

 

 

 

 

 

 

 

 

 

 

 

 

 

 

সেবা অমসুং সমর্পনগী চহি 20 তাক্লিবা ফোতো 20
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
How India is becoming self-reliant in health care

Media Coverage

How India is becoming self-reliant in health care
...

Nm on the go

Always be the first to hear from the PM. Get the App Now!
...
রাস্ত্রপতি শবকৎ মির্জিয়োয়েবনা ইলেক্সনদা মাই পাক্লকপদা প্রধান মন্ত্রীনা নুংঙাইবা ফোংদোকখ্রে
October 26, 2021
Share
 
Comments

রাস্ত্রপতি শবকৎ মির্জিয়োয়েবনা ইলেক্সনদা মাই পাক্লকপদা প্রধান মন্ত্রী শ্রী নরেন্দ্র মোদীনা নুংঙাইবা ফোংদোকখ্রে৷

ত্বীত অমদা, প্রধান মন্ত্রীনা হায়খি;

"রাস্ত্রপতি শবকৎ মির্জোয়োয়েবনা ইলেক্সনদা মাই পাক্লকপদা থমোই-শেংনা নুংঙাইবা ফোংদোকচরি৷ ভারত-উজবেকিস্তান স্ত্রাতিজিক পার্তনরশিপ অসিনা অদোমগী অনিশুবা তর্মদা হেন্না মপাঙ্গল লৈহল্লগনি হায়না ঐনা থাজৈ৷ অদোমদা অমসুং উজবেকিস্তানগী প্রজাদা ঐগী য়াইফ-মঙ্গোলশিং পীজরি৷"