প্রধান মন্ত্রী শ্রী নরেন্দ্র মোদী উত্তর প্রদেশকী বরানসী চৎখ্রে। রবিদাস জয়েন্তি থৌরমগী খুদম ওইনবা মহাক্না গুরু রবিদাস বর্থ প্লেস দিবেলপমেন্ত প্রোজেক্তকী উরেপ উয়ুং তমখি।
প্রধান মন্ত্রীনা বরানসী লৈরিবা দিজল লোকোমোতিব ৱার্কসতা অহানবা দিজলদগী ইলেক্ত্রিক ওন্থোক্লবা লোকোমোতিব লমথাখ্রে।
ইন্দিয়ন রেলৱেনা চাদা ১০০ ইলেক্ত্রিফিকেসন তৌনবা মিসন অদুগী পরিংদা, বরানসী লৈরিবা দিজল লোকোমোতিব ৱার্কসনা দিজল লোকোমোতিবতগী ওন্থোক্লবা অনৌবা প্রোতোতাইপ ইলেক্ত্রিক লোকোমোতিব অমা দিবেলপ তৌরি।
মসিগী মেন্দেতোরী ত্রায়েলশিং পাংথোক্লবা মতুংদা প্রধান মন্ত্রীনা লোকোমোতিব অসি য়েংশিনখি অমসুং লমথাখি। ইন্দিয়ন রেলৱেজনা দিজিল লোকোমোতিব পুম্নমকপু মসিগী মিদ-লাইফ রিহেবিলিতেসন মতম মনুংদা ইলেক্ত্রিক লোকোমোতিব ওন্থোক্নবা অমসুং মখোয়বু মখোয়গী কোদেল লাইফ ফাওবা য়ুতিলাইজ তৌনবা ৱারেপ লৌখি। প্রোজেক্ত অসি ত্রেক্সন ইনর্জী কোস্ত সেব তৌনবা অমদি কার্বোন থাদোকপসু হন্থহন্নবগী মায়কৈদা খোংথাং অমনি।
দিজল লোকোমোতিব ৱার্কসনা WDG3A দিজল লোকো অনি ১০,০০০ হোর্স পাৱরগী ত্বিন ইলেক্ত্রিক WAGC3 লোকো অমদা ওন্থোকপদা নুমীৎ ৬৯ চংই। মপুংফাবা মেক ইন ইন্দিয়া ইনিসিয়েতিব অমা ওইনা ওন্থোক্লিবা অসি মালেম পুম্বগীদমক ইন্দিয়ন আর.এন্দ.দি. ইনোবেসন অমনি।
রবিদাস জয়েন্তিনা লাকপদা প্রধান মন্ত্রীনা শ্রী গুরু রবিদাসকী মীতমদা ইকায় খুম্নবা উৎখ্রে। তুংদা মহাক্নাসীরগোবর্ধনপুরগী শ্রী গুরু রবিদাস জন্মস্থান তেম্পলদা গুরু রবিদাস বর্থ প্লেস দিবেলপমেন্ত প্রোজেক্তকী উরেপ উয়ুং তমখি।
শোত্থরবশিংবু তেংবাংনবা মহাক্কী সরকারগী প্রোজেক্তশিং অদু শন্দোক্না পল্লদুনা প্রধান মন্ত্রীনা হায়খি, “ঐখোয়না লাইরবশিংগী কোতা পুরক্লে, মদুনা মরম ওইরগা শোত্থরবশিংনা ইকায় খুম্নবা পুন্সি অমা ফংবা ঙম্লগনি।” “সরকার অসিনা শেঞ্জা-থুমজা তৌবশিং চৈরাক পীরি, পুকচেল শেংবশিংবু মনা পীরি” হায়না মহাক্না মখা তাখি।
থৌরম অদুদা ৱা ঙাংলদুনা প্রধান মন্ত্রীনা হায়খি মদুদি লাইওইখ্রবা কবিশিংগী তাকপী তম্বীরিবশিং অসিনা নুমীৎ খুদিংগী ঐখোয়বু পুক্নীং থৌগৎপীরি।
সন্ত রবিদাসনা উৎপীরম্বা লম্বী অদুদা তুংইন্নবা মহাক্না ময়ামদা তকশিনখি। প্রোজেক্ত অসিগী শরুক অমা ওইনা সীরগী মীতম অমগা লোয়ননা গ্রান্দ পার্ক অমা শেমগৎলগনি অমদি মদুদা মফম অমদা পিলগ্রিমশিংগীদমক খুদোংচাবা পুম্নমক লৈগনি হায়না মহাক্না মখা তাখি।
