সাওদী আরবকী ইনর্জী মন্ত্রী
ভারতকী পেত্রোলিয়ন অমসুং নেচরেল গ্যাসকী মন্ত্রী
ইন্তর্নেস্নেল ইনর্জী ফোরমগী সেক্রেতরী জেনরেল
শক্নাইরবা মীহুৎশিং
ইচল–ইচে অমসুং মরূপ মপাংশিং
ভারত্তা তরাম্না ওকচরি।
১৬ শুবা ইন্তর্নেস্নেল ইনর্জী ফোরম মিনিস্তরিয়েল মীতিংদা তরাম্না ওকচরি।
থাউ পুথোক্লিবা অমসুং শিজিন্নরিবা লৈবাকশিংগী ইনর্জী মন্ত্রীশিং, ইন্তর্নেস্নেল ওর্গনাইজেসনশিংগী মকোক থোংবশিং অমদি সি ই ওশিংনা ফোরম অসিদা মশিং য়াম্না শরুক য়াবা অসিদা ঐহাক নুংঙাইবা ফাওই।
গ্লোবেল ইনর্জীগী তুংদা ওইরক্কদবা অদু খন্ননবা ঙসি মফম অসিদা পুল্লরি, মালেম অসিনা ইনর্জী সপ্লাই অমসুং কঞ্জুম তৌবদা চাউনা অহোংবা অমা উবা ফংলে।
- কঞ্জুম্পসন গ্রোথ অসি ও ই সি দি ওইদবা লৈবাকশিং: মিদল ইস্ত, অফ্রিকা অমসুং দিবেলপিং এসিয়াদা হোংদোকখ্রে ;
- অতোপ্পা ইনর্জী সোর্স পুম্নমক্কা চাংদম্নবদা সোলর ফোতো-ভোল্তালিক ইনর্জী অসি ইকোনোমি ওইরে। মসি সপ্লাই পরাদিজমদা অহোংবা লাকপনি ;
- এল এন জি অমসুং নেচরেল গ্যাসতা পর্সেনতেজ হেঙ্গৎলকপগা লোয়ননা মালেমদা নেচরেল গ্যাস মরাং কায়না ফংবনা প্রাইমারি ইনর্জী বাস্কেৎতা শরুক য়ারি;
- অথুবা মতমগী মনুংদা অমেরিকানা থাউ খ্বাইদগী পুথোকপা লৈবাক ওইরক্লগনি। লাক্কদৌরিবা দিকেদ খরদা থাউগী অহেনবা মথৌ তাবা অদু অমেরিকানা মেনশিল্লগনি;
- ও ই সি দি ৱার্ল্দদা অমদি তুংদা চাউখৎলক্লি লৈবাকশিংদা প্রাইমারি ইনর্জীদা মরুওইবা থৌদাং লৌরিবা অমা ওইনা কোয়লা অসি তপ্না তপ্না লোইখ্রগনি ;
- মথংগী দিকেদ খরদা ইলেক্ত্রিক ভেহিকলশিং এদোপ্ত তৌরকপগা লোয়ননা ত্রান্সপোর্ত সেক্তরদা চাউনা অহোংবা লাক্লগনি;
- সি ও পি-২১ এগ্রীমেন্তদা য়ুমফম ওইবা ক্লাইমেৎ চেঞ্জ এজেন্দাদা মালেম অসিনা ৱাশক্লি;
হৌখিবা থাদা এজেন্সি অমনা শেম শাবা ইনর্জী ফোর্কাস্ত অমা ঐহাক্না থেংনজখি, মদুগী মতুং ইন্না ভারত অসি লাক্কদৌরিবা চহি ২৫ অসিদা গ্লোবেল ইনর্জী দিমান্দগী মরুওইবা দ্রাইবর ওইরগনি। লাক্কদৌরিবা চহি ২৫ অসিদা ভারতকী ইনর্জী শিজিন্নবগী চাং অসি চাদা ৪.২ চাংদা হেঙ্গৎকনি। মসিনা মালেমগী মরুওইবা ইকোনোমিশিংগী মরক্তা খ্বাইদগী খোংজেল য়াংবা ওইরগনি। ইং ২০৪০ ফাওবদা গ্যাসকী মথৌ তাবা অসি শরুক অহুম হেল্লগনি হায়না রিপোর্ত অদুদা পল্লি। ইং ২০৩০ ফাওবদা ইলেক্ত্রিকনা থৌবা গারিশিংগী মশিং অসি মিলিয়ন ৩২০ ওইরগনি।
ইনর্জী মরাং কায়না ফংবা য়ুগ অমদা হৌজিক ঐখোয় খোং থাংজিল্লে। অদুম ওইনমক, মীওই বিলিয়ন ১.২ হেনবদা হৌজিক ফাওবা ইলেক্ত্রিসিতী ফংদ্রি। মীওই কয়ানা ক্লিন কুকিং ফুয়েল শিজিন্নবা ফংদ্রি। হাইদ্রোকার্বোন সেক্তর অমসুং ইনর্জী সেক্যুরিতি ফংনবা ঐখোয়না হোৎনরিবা অসিদা ঐহাক্কী ওইবা ৱাখল্লোন সেয়ার তৌজগে। থাউ অমসুং নেচরেল গ্যাস অসি ললোন ইতিক্কী পোৎশক্নি, অদুবু শিজিন্নদবশু য়াদে। মদুনা মীচম প্রজা অমগী চাকখুমগী ওইগেরা নত্রগা এয়ারক্রাফকী ওইগেরা, ইনর্জী অসি চংদবা য়াদবনি। মতম কয়াদগী মমলশিংদা অনেম অৱাং অমা মালেম অসিনা উবা ফংলি। ঐখোয়না প্রদ্যুসর অমসুং কঞ্জুমর অনিমক্কী ইন্তরেস্ত অদু চাং মাননা থম্নবা মতিকচাবা মমল লেপ্পা মথৌ তাই। থাউ অমসুং নেচরেল গ্যাস অনিমক্কীদমক মনুং মপান ফাওনা উবা অমসুং ফ্লেক্সিবল ওইবা মার্কেৎশু মথৌ তাই। করিগুম্বা মালেম অসিনা অমত্তা ওইনা চাউখৎপা তারগদি, প্রদ্যুসরশিং অমসুং কঞ্জুমরশিংগী মরক্তা নাকল অনিগী ওইবা মতেং পীনবগী মরি অমা শেম্বা তাই।
প্লেৎফোর্ম অসি ঐখোয়না রেস্পোন্সিবল প্রাইসিংদা গ্লোবেল কনসেন্সস অমা শেমনবা শিজিন্নরশি। মসিনা প্রদ্যুসর অমসুং কঞ্জুমর অনিমক্কী ম্যুচিয়েল ইন্তরেস্ততা মথৌ তৌরগনি। মালেমগী ওইবা তংদু লৈতাদবশিং অদু য়েংলগা ভারতশু ইনর্জী সেক্যুরিতী মথৌ তারি। ভারতকী তুংগী ইনর্জীগীদমক ঐহাক্কী মীৎয়েংদা য়ুম্বী মরি লৈরি- ইনর্জী এসেস, ইনর্জী ইফিসেন্সি, ইনর্জী সস্তেনেবিলিতী অমসুং ইনর্জী সেক্যুরিতী। লাইরবশিংনা ফংবা ঙমগদবা অমসুং পুবা থাংবা ঙমগদবা অদুগুম্লবা ইনর্জী অদু ভারতনা মথৌ তাই। লৈবাক কয়াগী কমিতিগী রেস্পোনসিবল গ্লোবেল মেম্বর অমা ওইবনা ক্লাইমেৎ চেঞ্জ থেংনবা, মৈখু থাদোকপা লাকশিন্নবা ভারতনা ৱারেপ লৌখ্রে। ইন্তর্নেস্নেল সোলর এলাইন্স হৌদোক্লিবা অসি ৱারেপ অসি মপুং ফাহন্নবগী মায়কৈদা খোংথাং অমনি।
মরূপশিং,
হৌজিক হৌজিকমক ভারত অসি মালেমদা খোংজেল য়াংনা চাউখৎলক্লিবা ইকোনোমি ওইরি। আই এম এফ, ৱার্ল্দ বেঙ্ক অমসুং এ দি বিগুম্বা মকোকথোংবা এজেন্সিশিংনা ভারতকী চাউখৎপগী চাং অসি অথুবা মতমদা চাদা ৭তগী চাদা ৮ য়ৌরগনি হায়না পানরি। ঐখোয়গী সরকার অসিনা লো ইনফ্লেসনগা লোয়ননা হাই জি দি পি গ্রোথ ফংবা ঙম্লে। ভারত অসি দেমোগ্রাফিক দিভাইদেন্ত কয়ানশু থৌজানবিরি। অপুনবা মীশিংগী মনুংদা থবক শুবা নোম্বা ঙম্বা মীশিংগী চাং অসি ভারতনা মালেমদা খ্বাইদগী ৱাংবা ওইরি। ঐখোয়গী সরকার অসিনা মেক ইন ইন্দিয়াগী খুত্থাংদা লোকেল মেনুফেকচরিং হেঙ্গৎহল্লি অমসুং এখোয়গী নহাশিংবু তেক্সতাইল, পেত্রো-কেমিকেল, দিফেন্স, ইঞ্জিনীয়ারিং অসিনা চিংবা ইন্দস্ত্রীশিংদা হৈথোই শিংথোইবা ওইহল্লি।
শুংদোক্ত্রিবা থাউগী মমলদা অহোংবা লাকপগী মতুং ইন্না পেত্রোল অমসুং দিজলগী মমল মার্কেৎতা পুরকপগা লোয়ননা ঐখোয়গী দাউন-স্ত্রিম সেক্তর অসি মপুং ফানা লিবরেলাইজ তৌরে। ফুএল রিতেল অমসুং পেমেন্তশিংদা ঐখোয়না দিজিতেল প্লেৎফোর্মগী মায়কৈদা চংশিল্লে।
ইনর্জী প্লানিংদা ঐখোয়গী সরকার অসিনা ইন্তিগ্রেতেদ এপ্রোচ অমদা থাজবা থম্লি অমদি, ভারত্তা ঐখোয়গী ইনর্জী এজেন্দা অসি ইনক্লুসিব, মার্কেৎ বেজ, অমসুং ক্লাইমেৎ সেন্সেতিবনি। ঐখোয়না থাজবা থম্লি মদুদি মসিনা য়ুনাইতেদ নেসন্স সস্তেনেবল দিবেলপমেন্ত এজেন্দাগী ইনর্জীগা মরি লৈনবা কম্পোনেন্ত অহুম অদু ফংবদা মতেং ওইরগনি, মদুদি-
২০৩০ ফাওবদা মালেম পুম্বদা মোর্দন ইনর্জী শিজিন্নবা ফংহনবা;
পেরিস এগ্রীমেন্তকী মতুং ইন্না- ক্লাইমেৎ চেঞ্জ থেংননবা অথুবা খোংথাং লৌখৎপা;
নুংশিৎকী ক্বালিতী ফগৎহন্নবা খোংথাং লৌখৎপা;
মরূপশিং,
পুন্সি মহিং ফগৎহনবদা ক্লিন কুক্কিং ফুএল ফংহনবা অসি য়াম্না মরুওই হায়বা ঐখোয়না থাজবা থম্মি। মসিদা খ্বাইদগী কান্নবা ফংলিবসি নুপীশিংনি। মসিনা ইমুং মনুংগী পোলুসন অমদি বাইও-মাস অমসুং শীং খোমজিনবগী অৱাবা অদু হন্থহল্লি। ভারত্তা, উজ্জ্বলা য়োজনাগী খুত্থাংদা ঐখোয়না লায়রবা ইমুং মনুংগী নুপীশিংদা লেম্না গ্যাস কনেক্সনশিং পীরি। লাইরবা ইমুং মনুং মিলিয়ন ৮০দা ক্লিন এল পি জি কুকিং কনেক্সন ফংহন্নবা পান্দম্নি। চহি অনিগী মনুংদা কনেক্সন মিলিয়ন ৩৫ ফংহনখ্রে। ইং ২০২০গী এপ্রিল ফাওবদা বি এস সিক্স ফুএল হোংদোক্নবা ঐখোয়না প্রপোজ তৌরি, মদু য়ুরো সিক্সকী থাক্কা মান্নৈ। ঐখোয়গী রিফাইনরিশিং চাউনা অপগ্রেদ তৌবগী থবক চৎথরি। ক্লিন ফুএল ফংহন্নবা থম্লিবা পান্দম অদু ফংহন্নবা মখোয়না তার্গেৎ তৌরি। তশেংনমক ন্যু দিল্লী অসিমক্তদা থা অসিদগী বি এস সিক্স থাক্কী ফুএল পীবা হৌরে। ঐখোয়না ভেহিকল স্ক্রেপ্পিং পোলিসীশু হৌদোক্লে, মদুনা লিরবা গারিশিং অদু ক্লিনর অমসুং ইনর্জী ইফিসেন্ত ভেহিকলশিং ওন্থোকপদা মতেং ওইরগনি।
ঙসিদি, থাউগী কম্পেনিশিংনা ৱিন্দ অমসুং সোলর কেপাসিতীশিং, গ্যাস ইনফ্রাস্ত্রকচরদশু শেল থাদরি, অমদি ইলেক্ত্রিক ভেহিকল অমসুং স্তোরেজ এরিয়াশিংদা শেল থাদনবশু খন্নরি।
মরূপশিং,
আই ই এফ-১৬গী হীরম অসি “দ ফ্যুচর ওফ গ্লোবেল ইনর্জী সেক্যুরিতী”নি। ইফমদা তাকপিরে মদুদি এজেন্দা অসিনা প্রদুসর-কঞ্জুমর রিলেসন্স, য়ুনিবর্সেল ইনর্জী এসেস, অমসুং থাও অমসুং গ্যাসতা ইনভেস্তমেন্ত প্রমোৎ তৌবগুম্বা ইশুশিং এদ্রেস তৌনবা পান্দম থম্লি। ইনর্জী সেক্যুরিতী অমদি হৌজিক লৈরিবা তেক্নোলোজী অসি ঙাক্তুনা থম্বদশু খন্ন-নৈনরে। ঐহাক্না থাজবা থম্লি মদুদি ফোরম অসিদা খন্ন-নৈনরিবা অসিনা মালেমদা লৈরিবা প্রজাশিংবু লু-নানবা, অহোংবা অমসুং সস্তেনেবল ইনর্জীগী কানবা অদু ফংবা ঙম্লগনি। মায় পাকপা অমসুং মহৈ য়ানবা মিনিস্ত্রিয়েল কনফরেন্স অমা ওইনবা ঐহাক্না ময়ামগী মফমদা য়াইফ-পাউজেল পীজরি।
ময়াম্বু থাগৎচরি।
