Share
 
Comments
Launch of key metro projects in Mumbai will greatly enhance ‘Ease of Living’ for people: PM Modi
I urge all Mumbaikars to reduce single-use plastics from their lives and ensure that we eliminate plastic pollution as much as we can: Prime Minister Modi
With several metro projects being developed, mobility will significantly improve in Mumbai while also reducing congestion and pollution from its roads: PM Modi

প্রধান মন্ত্রী শ্রী নরেন্দ্র মোদীনা মুম্বাই মেত্রো প্রোজেক্তশিং শঙ্গাখ্রে অমসুং উরেপ উয়ুং তমখ্রে। প্রোজেক্তশিং অসিনা শহর অসিগী মেত্রো ইনফ্রাস্ত্রকচরদা ইনোৎ অমা পীরগনি অমসুং মুম্বাইকার খুদিংমক্তা হেন্না সেফ ওইবা, হেন্না য়াংবা অমসুং হেন্না ফবা পাম্বৈ অমা ফংহল্লগনি।

মুম্বাইকারশিংগী স্পিরিৎ অদু থাগৎলদুনা প্রধান মন্ত্রীনা হায়খি মদুদি লোকমান্যা তিলকনা হৌদোক্লম্বা গনেশ উৎসব অসি ভারত অমসুং মপান্দা মীয়াম্না পাম্নবা হেঙ্গৎলক্লি।

ইসরো অমসুং মসিগী বিজ্ঞানিকশিংগী তিমগী মতাংদা ঙাংলদুনা প্রধান মন্ত্রীনা হায়খি: “পান্দম অমা হেক্তবু ফংনবা হোৎনবা মীওই মখল অহুম লৈ: মায়থিগনি হায়বা কিবদগী হৌজিক ফাওবা হোৎনদবা মীওইশিং, খুদোংচাদবা কয়া মায়োক্নবদগী হোৎনবা হৌরগা চেনখিবা মীওইশিং অমসুং খুদোংচাদবা কয়া মায়োক্নরবসু লেপ্পা লৈতনা হোৎনবা মীওইশিং। ইসরো অমসুং মসিগা লোয়নরিবা মখোয়শিং অদু অহুমশুবা কাংলুপ অসিগী মীওইশিংনি। মিসন অদু মায় পাক্ত্রিঙৈ মাংওইননা মখোয় লেপথোকপা তৌদে নত্ত্রগা চোকথবা লৈতে নত্রগা পোত্থাদে। মিসন চন্দ্রয়ান ২দা ঐখোয়না খুদোংচাদবা অমা মায়োক্নরবসু, ইসরোগী বিজ্ঞানিকশিংনা পান্দম অদু ফংদ্রিবা ফাওবা লেপথোকপা তৌখিরোই। থাবু খুদুম চনবগী পান্দম অদু শোয়দনমক্কী ফংগনি। ওর্বিতরবু লুনর ওর্বিত্তা মায় পাক্না থমখিবা অদু পুৱারী ওইরবা এচিবমেন্ত অমনি।” 

ঙসি মুম্বাইদা লুপা কোতি ২০,০০০গী মমল ওইব প্রোজেক্তশিং হৌদোক্লে অমদি মুম্বাই মেত্রোদা হান্ননা লুপা কোতি লাখ ১.৫ ইনভেস্ত তৌখ্রে হায়না প্রধান মন্ত্রীনা ফোংদোকখি। অনৌবা মেত্রো লাইনশিং, মেত্রো ভবন অমসুং মেত্রো স্তেসনশিংদা অনৌবা ফেসিলিতীশিংনা মুম্বাইদা অনৌবা মাইয়োন অমা পীরগনি অমসুং মুম্বাইকারশিংগী পুন্সি মহিং লায়থোকহল্লগনি হায়না মহাক্না ফোংদোকখি। বান্দ্রা অমসুং এক্সপ্রেসৱেগী মরক্তা শম্নহনবনা প্রোফেস্নেলশিংগী পুন্সীবু হেন্না লায়থোকহল্লগনি। ইনফ্রাস্ত্রকচরগী লমদা পুরক্লিবা অহোংবশিং অসিগীদমক মহাক্না রাজ্য সরকারবু থাগৎপা ফোংদোকখি।

ভারতনা ৫ ত্রিলিয়ন দোলর ইকোনোমী অমা ওইরক্নবগী পান্দম লোমদা চংশিল্লিবা অসিদা ঐখোয়গী শহরশিংসু ২১শুবা চহীচাগী শহরশিং ওইহনগদবনি। পান্দম অসিগী পরিংদা, মোদর্ন ইনফ্রাস্ত্রকচর শেমগৎপদা সরকার অসিনা মথংগী চহী মঙাদা লুপা লাখ ১০০ চাদিং তৌগনি, মদুনা মুম্বাই অমসুং অতোপ্পা শহর কয়াদা কান্নহল্লগনি।

ত্রান্সপোর্তকা ফিভম ফগৎহন্নবা সরকারনা ইন্তিগ্রেতেদ ত্রান্সপোর্ত সিস্তেমশিং শেমগৎনবা হোৎনরি। মুম্বাই মেত্রোপোলিতান রিজনগীদমক হেন্না ফবা ইনফ্রাস্ত্রকচর ফংহন্নবা ভিজন দোকুমেন্ত অমা রিলিজ তৌখ্রে। মুম্বাই মেত্রোগীদমক মাস্তর প্লান অমা শেম্লে।

মুম্বাই মেত্রো পাকথোক চাউথোকপগী মতাংদা মীয়ামদা খঙহল্লদুনা প্রধান মন্ত্রীনা হায়খি: “শহর অসিগী মেত্রো নেৎৱার্ক ঙসি কিলোমীতর ১১ ওইরিবা অসি ২০২৩–২৪দা কিলোমীতর ৩২৫দা হেঙ্গৎলগনি। মেত্রোগী কেপাসিতী অসি ঙসি মুম্বাই লোকেলনা পুরিবা কেপাসিতী অসিগা মান্নরগনি। মেত্রো লাইন্দা চেনগদৌরিবা কোচশিংসু ভারত্তা শারগনি।”

মেত্রো প্রোজেক্তশিং অসিনা মরম ওইরগা ইঞ্জিনীয়র ১০,০০০ অমসুং স্কিল লৈবা অমসুং স্কিল লৈতবা শিন্মী ৪০,০০০না থবক ফংনবগী খুদোংচাবশিং ফংলগনি হায়না প্রধান মন্ত্রীনা ফোংদোকখি। নবী মুম্বাই এয়রপোর্ত, মুম্বাই ত্রান্স হর্বর তর্মিনেল অমসুং বুলেৎ ত্রেন প্রোজেক্তকী খুদম পীরদুনা প্রধান মন্ত্রীনা হায়খি মদুদি ঙসি প্রোজেক্তশিং অসি পায়খৎপগী খোংজেল অমসুং চাং অসি মমাংদা অমুক্তা ওইখিদ্রিবা মওংনি।   

ভারত্তা মেত্রো সিস্তেম য়াম্না থুনা পাকথোক চাউথোরক্লিবা অদু উৎলদুনা প্রধান মন্ত্রীনা হায়খি মদুদি মেত্রো অসি শহর খর খক্তদা লৈরম্মি, অদুবু ঙসিদি মেত্রো অসি শহর ২৭তা লৈরে। ঙসিদি কিলোমীতর ৬৭৫ শাংবা মেত্রো লাইন্দা মথৌ তৌরে, মদুগী মনুংদা কিলোমীতর ৪০০দি মমাং চহী মঙাদা মথৌ তৌবা হৌখিবনি, কিলোমীতর ৮৫০দা থবক চত্থরি, কিলোমীতর ৬০০ শাংবা মেত্রো লাইনগী অয়াবা পীখ্রে।  

অহানবা নুমীৎ ১০০গী মনুংদা সরকার অসিনা পুৱারী ওইরবা ৱারেপশিং লৌখ্রে হায়না প্রধান মন্ত্রীনা ফোংদোকখি। জল জীবন মিসন, প্রধান মন্ত্রী কিসান সম্মান নিধি য়োজনা, ত্রিপল তলাক মুত্থৎপা অমসুং অঙাংগী সোফতীগীদমক এক্তকী মতাংদা ঙাংলদুনা প্রধান মন্ত্রীনা হায়খি মদুদি সরকার অসিনা দেসিসিব অমসুং ত্রান্সফোর্মেতিব ওইবা থোংথাংশিং লৌখৎলে।    

প্রোজেক্তশিংদা শমলপ্পা ৱাফম

প্রধান মন্ত্রীনা মেত্রো লাইন অহুমগী উরেপ উয়ুং তমখি, মদুনা পুল্লপ পুল্লগা শহর অসিগী মেত্রো নেৎৱার্ক্তা কিলোমীতর ৪২ হেন্না হাপচিল্লগনি। কোরিদোর অহুম অদুদি কিলোমীতর ৯.২ শাংবা গাইমুখতগী শিবাজী চোক (মিরা রোদ) ফাওবগী মেত্রো–১০ কোরিদোর, কিলোমীতর ১২.৭ শাংবা ৱাদালাদগী ছত্রপতি শিবাজী মহারাজ তর্মিনস ফাওবগী মেত্রো–১১ কোরিদোর অমসুং কিলোমীতর ২০.৭ শাংবা কল্যানদগী তালোজা ফাওবগী মেত্রো–১২ কোরিদোরনি।

প্রধান মন্ত্রীনা মেত্রো ভবনগীদমক উরেপ উয়ুংসু তমখি; মথোল ৩২ লৈগদবা সেন্তর অসিনা চাউরাক্না কিলোমীতর ৩৪০ শাংবা মেত্রো লাইন ১৪ ওপরেৎ অমসুং কন্ত্রোল তৌগনি।

প্রধান মন্ত্রীনা কান্দিবলী ইস্ততা বন্দোনগ্রী মেত্রো স্তেসন শঙ্গাখি। মহাক্না মেক ইন ইন্দিয়াগী মখাদা অহানবা মেত্রো কোচসু শঙ্গাখি। প্রধান মন্ত্রীনা মহা মুম্বাই মেত্রোগীদমক ব্রান্দ ভিজন দোকুমেন্ত অমা ফোংদোকখি।

থৌরম অদুদা মহারাস্ত্রগী রাজ্যপাল শ্রী ভগৎ সিংহ কোশিয়ারী, মহারাস্ত্রগী মুখ্য মন্ত্রী শ্রী দেবেন্দ্র ফদনাবিস, রেলৱেজ অমদি কম্মর্স অমসুং ইন্দস্ত্রীগী কেন্দ্রগী রাজ্য মন্ত্রী শ্রী পিয়ুশ গোয়ন্দ, সোসিয়েল জস্তিস অমসুং এম্পাৱরমেন্তকী কেন্দ্রগী রাজ্য মন্ত্রী শ্রী রামদাস অথৱালেসু শরুক য়াখি।  

 

Click here to read full text speech

দোনেসন
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
PM Modi, other BRICS leaders call for 'urgent' need to reform UN

Media Coverage

PM Modi, other BRICS leaders call for 'urgent' need to reform UN
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 14 নবেম্বর, 2019
November 14, 2019
Share
 
Comments

PM Narendra Modi takes mutual cooperation between India & other BRICS nations forward; Addresses the BRICS Business Council in Brasilia, Brazil

Showcasing the success of Digital India Mission, India’s BHIM UPI gets demonstrated at the Singapore FinTech Festival

India is heading in the right direction under the guidance of PM Narendra Modi