Share
 
Comments

রাস্ত্রীয় এক্তা দিৱস নুমিৎতা কেবদিয়াদা লৈবা স্তেচু ওফ য়ুনিতীদা সিবিল সর্বিস প্রোবেস্নর ৪৩০, ওফিসরশিং অমসুং অতোপ্পশিংদা প্রধান মন্ত্রী নরেন্দ্র মোদীনা ৱা ঙাংখি। প্রোবেস্নরশিংনা মমাংদা প্রধান মন্ত্রীনা তোঙান্না উনদুনা লৌউ-শিংউ, খুঙ্গং চাউখৎহনবা, হকশেলগী অওনবশিং অমসুং থৌশিল শেম্বা, শহর শেমগৎপা অমসুং এজুকেসনগী মতাংদা উৎখি।

মহাক্কী ৱারোলদা প্রধান মন্ত্রীনা হায়খি লৈবাক অসিগী তোঙান-তোঙানবা সিবিল সর্বিসশিংগী অপুনবা ফাউন্দেসন কোর্স অসি ভারত্তা সিবিল সর্বিসকী অনৌবা তাঙ্কক অমা হৌরবনি। হৌজিক নখোয়না মুসোরী, হায়দ্রাবাদ অমসুং অতৈ মফমশিংদা ত্রেনীং পাংথোক্লি।

থবক অসি থাগৎলদুনা মহাক্না হায়খি সিবিল সর্বিসশিং পুনশিনবা অসি নখোয়গা লোইননা ফজনা পাংথোক্লি। মসিগী অরাম্ব অসি অওনবা অমনি। মসিগী অওনবা অসি ত্রেনীং পুনশিনবা খক নত্তে। মসিনা মিৎয়েং পাকথোকহনগনি অমসুং পাকচাউনা খঙবা হেনগনি। মসিগী শরুক অমা ওইনা ওফিসর ত্রেনিশিংনা খুনাইগী অমসুং শেন-থুমগী মালেমগী লুচিংবশিং অমসুং অখঙ-অহৈশিংগা ৱারী শানগনি।

প্রধান মন্ত্রীনা হায়খি লৈবাক শেমগৎপদা সিবিল সর্বিসশিং মরুওইবা খুৎলায় অমা ওইহনবা অসি সরদার বল্লভভাই পতেলগী পান্দমনি। সিবিল সর্বিস অসি লৈবাক শেমগৎনবগী মরুওইবা মেদিয়ম অমা ওইনবা সরদার পতেলনা শিংনবা কয়া মায়োক্নখি।

মতম অমদা নীংতম ইহৌ নমথনবা শীজিন্নখিবা ওফিসরশিং ঙসিদি লৈবাক অসি চাউখৎনবা শীজিন্নরে। মসিনা লৈবাক অসি মাংলোমদা পুখৎনবা থৌনা লৈ হায়বা সরদার পতেলনা থাজখি। হায়রিবা ফম্নাইবশিং অদুনা নীংথৌ পানবা লৈবাকশিং লৈবাক অসিদা পুনশিনবদা মতেং পাংখি হায়না মহাক্না মখা তাখি।

 

 

প্রধান মন্ত্রীনা হায়খি মীচম মীয়ামগী পুন্সিদা অহোংবা পুরক্নবা অকনবা ফিরেপ অমা দরকার ওই। চহি ১০০গী মমাংদা মহাক্না চহি ১০গী মনুংদা অহমেদবাদ ম্যুনিসিপালিতীদা অওনবশিং পুরকখি। সরদার পতেলগী মঙলানশিং অদুনা নীংতম্লবা ভারত্তা সিবিল সর্বিসকী থবক পায়খৎপা হৌখিবনি।

মহাক্না হায়খি প্রোবেস্নরশিংনা মীচং-মীখাই নাইদনা অমসুং মশাগী ওইজবা থাদোক্তুনা থবক তৌগদবনি। অনৌবা ভারত অমা শেমগৎপদা মীচং-মীখাই নাইদনা অমসুং মশাগী ওইজবা থাদোক্তুনা থবক তৌবা অসি অকনবা য়ুমফম অমনি। অনৌবা ভারত অমগী মঙলান মপুং ফাহন্নবা ঐখোয়গী ফম্নাইবশিংগী ৱাখল্লোন অমসুং থবক খুৎতৌ অসি ২১শুবা চহিচাগী ওইগদবনি। অনৌবা, থবক ঙম্বা, লৌশিং লৈবা, অফবা, থৌনা লৈবা, নোল্লুকপা, মতিক চাবা, অরোনবা লৈতবা অমসুং তেক্নোলোজী খঙবা ঐখোয়গী ফম্নাইবা দরকার ওই।

মহাক্না হায়খি লম্বী-থোং, গারীশিং, তেলিফোনশিং, রেলৱেজ, হোস্পিতালশিং, স্কুলশিং অমসুং কোলেজশিংগী অৱাৎপা কয়া লৈরবসু সেনিয়র ব্যুরোক্রেতশিংনা থবক কয়া মাইপাক্না পাংথোকখি। ঙসিদি মদু ওইদ্রে। ভারত য়াম্না চাউখৎলে। ঐখোয়গী নহা কয়াগী থৌনা, অনৌবা তেক্নোলোজী অমসুং চিঞ্জাক মরাং কাইনা লৈরে। হৌজিক নখোয়দা দাইত্ব অমসুং খুদোংচাবা কয়া লৈরে। নখোয়না ভারতকী থবক পাংথোকপা ঙম্বা অমসুং চাউখৎপা হেনগৎহনগদবনি।

প্রধান মন্ত্রীনা হায়খি প্রোবেস্নরশিংনা মশামক লৈবাক্কী থবক্কী কৎথোক্কদবনি। নহাক্না মসিগী শীনফম অসিদা শুপ্নগী থবক অমা ফংনবা চংলকপা নত্তে। মসিদা নহাক থবক তৌনবা লাকপনি। সেবা পরমো ধর্ম হায়বা লাইৱা অসিগা লোইননা। নহাক্কী থবক খুদিংমক, খুৎয়েক অমনা মীওই লাখ কয়া কান্নবা পীগনি। নহাক্কী ৱারেপশিং মফম অদুগী ওইবা য়াই অদুবু মখোয়গী মিৎয়েং অদু লৈবাক্কী ওইগদবনি। নহাক্কী ৱারেপ অদুনা কমদৌনা লৈবাক্কী কান্নবা ওইগদগে হায়বা নহাক্না মতম পুম্নমক্তা খনগদবনি।

প্রধান মন্ত্রীনা হায়খি নহাক্কী ৱারেপ অদু মরুওইবা ৱাখল্লোন অনিদা য়ুমফম ওইগদবনি। অহানবদা গান্ধীনা হায়রম্বা করিগুম্বা নহাক্না ৱারেপ অমা লৌবা মতমদা মদুনা খুন্নাই অমগী খ্বাইদগী মনীংদা লৈরিবা মীওই অমদা কান্নবা ওইগদবনি অমসুং অনিশুবদা ঐখোয়গী ৱারেপ অদুনা লৈবাক্কী অপুনবা, তংদু লৈতাবা অমসুং মপাঙ্গল হেনগৎহনগদবনি।

মহাক্না হায়খি জিলা ১০০ হেন্না চাউখৎপগী লমজেলদা য়াওবা ঙমদ্রে অমসুং হৌজিক চাউখৎলক্লিবা জিলাশিং ওইরে। তাঙ্কক কয়াদা মখোয় মীরাইখি অমসুং মসিনা লৈবাক অসি নীংবা কাইখি। হৌজিক মখোয় চাউখৎহনবা অসি হেন্না খুদোংচাদবা অমা ওইরে। হৌজিক ঐখোয়না মখোয় চাউখৎহন্নবা কন্না হোৎনরি। তেক্নোলোজীগী মতেংনা ঐখোয়না থৌশিল কয়া পায়খৎলি। মসিগীদমক নখোয়না থবক কন্না শুগদবনি। অমসুং ঐখোয়না হায়রিবা জিলাশিং অসি চাউখৎহনগদবনি।

প্রোবেস্নরশিংনা মতম অমদা ৱাথোক অমা লোইশিন্নবা অমসুং মদুগী অপুনবা পাম্বৈ অমা থিদোক্তুনা মীয়ামগী থাজবা হেনগৎহন্নবা মহাক্না খঙহনখি।

মহাক্না হায়খি ঐখোয়না হিরম কয়াদা থবক পায়খৎনবা ঐখোয়গী ইখৌলাংবা অমসুং লাংতক্নবা লৈবা অসিনা ঐখোয়গী লৈজরিবশিং অৱাৎপা ওইহল্লি। ৱাথোক অমদা থবক তৌবগী মহুৎতা মদুগী পাম্বৈ অমা থিনবা হোৎনগদবনি। জিলা অমগী খুদোংচাদবা অমা অমসুং অপুনবা পাম্বৈ অমা। খুদোংচাদবা অদু অমা খক ওইহনগদবনি। নহাক্কী থাজবা হেনগৎলক্কনি অমসুং মীয়ামগী থাজবা হেনগৎলক্কনি। মসিনা মীয়াম থবকশিংদা শরুক য়াবা হেনগৎলক্কনি।

নহা ওইরিবা প্রোবেস্নরশিংদা অমকপা ৱাখল লৈতনা থবক তৌনবা অমসুং মীয়াম্না লাইনা উনবা য়াহন্নবা মহাক্না হায়জখি।

মহাক্না হায়খি খোল অকনবা শীজিন্নবগী মহুৎতা নহাক্না ফজনা ঙাংবা উৎকদবনি। নহাক মীয়ামনা ইরাই লাইনা উনবা ফংহনগদবনি। নহাক্কী অমকপা লৈতবা ৱাখল্লোন লৈগদবনি। য়ামদ্রবদা নহাক তাবা ঙমবগী থৌনা লৈগদবনি। করিগুমবা মখোয়গী খুদোংচাদবশিং তারবদি লৈবাক অসিগী মীচমশিং পেনগনি। মহাক্কী ৱাফমশিং পুখৎনবা মহাক্না ইকায়খুম্নবা অমসুং চিংলেম্বা ফিদা অমা পাম্মি।

মহাক্না হায়খি অচুম্বা ৱারেপ লৌবা ঙম্নবা মখোয়না মীয়ামদগী মখোয়গী অনীংবশিং লৌগদবনি। লৈঙাক অমদা ফজনা থবক পাংথোক্নবা চুম্না অনীংবা অপাম্বশিং লৌনবা থৌরাং লৈগদবনি। নহাক্কী য়েক্নবশিংদগীসু নহাক্না ফিদবেক লৌগদবনি অমসুং মসিনা নহাক্না অওনবশিং পুরকপদা মতেং পাংগনি।

লৈবাক অসিগী দোলর ত্রিল্লিয়ন ৫গী ইকোনোমী অমা লৈহনবদা মতেং পাংনবা সিবিল সর্বিস প্রোবেস্নরশিংনা তেক্নোলোজীগা লোইননা থবক পাংথোক্নবা মহাক্না তকশিনখি।

पूरा भाषण पढ़ने के लिए यहां क्लिक कीजिए

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
সেবা অমসুং সমর্পনগী চহি 20 তাক্লিবা ফোতো 20
Explore More
জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে

Popular Speeches

জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে
Capital expenditure of States more than doubles to ₹1.71-lakh crore as of Q2

Media Coverage

Capital expenditure of States more than doubles to ₹1.71-lakh crore as of Q2
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 6 দিসেম্বর, 2021
December 06, 2021
Share
 
Comments

India takes pride in the world’s largest vaccination drive reaching 50% double dose coverage!

Citizens hail Modi Govt’s commitment to ‘reform, perform and transform’.