ঙসি গুজরাতকী কেবদিয়াদা প্রধান মন্ত্রী নরেন্দ্র মোদীনা তেক্নোলোজী উৎফম অমা হাংদোকখ্রে।
তেক্নোলোজী উৎফম অদুদা পুলিস অমসুং মিলিতরী ফোর্সশিংগী তোঙান-তোঙানবা কুম্মৈ কয়া উৎখি অমসুং মদুদা অনৌবা তেক্নোলোজীশিং য়াওনা মী শিবা য়াবা অমসুং য়াদবা খুৎলায়শিং য়াওখি।
সি আই এস এফ, সি আর পি এফ, বি এস এফ, এন এস জি অমসুং তোঙান-তোঙানবা রাজ্যগী পুলিস ফোর্সশিংগী কন্তিজেন্তশিংনা মখোয়গী অনৌবা তেক্নোলোজীশিং হায়বদি এভিয়েসন সেকুরিতী অমসুং দিজিতেলগী থবকশিং উৎখি।
এয়রপোর্তশিংদা য়াম্না য়াংনা মাই মশক খঙদোক্নবা থম্লিবা অনৌবা মতমগী তেক্নোলোজীশিং সি আই এস এফনা উৎখি। এন এস জিনা অনৌবা খুৎলায়শিং অমসুং রিমোত কন্ত্রোলগী গারীশিং উৎখি।
হোম এফেয়র্স মিনিস্ত্রীনা অথু-অকায়গী থবক খুদিংমক্ত শীজিন্নগদবা নম্বর ‘১১২’গী মতাংদা উৎখি। মিনিস্ত্রী অসিনা পায়খৎলিবা সেক্সকী অরানবা চৎথবা মীওইশিংগী নেসনেল দেতাবেজ, ই-মুলাকাত অমসুং দিজিতেলগী অতৈ থবকশিং উৎখি।
সি আর পি এফনা মখোয়গী মীওইশিংনা ফংখিবা গেল্লেন্তরী এৱার্দশিং অমসুং ইকায়খুম্নবশিং উৎখি। ১৯৩৯দগী হৌরগা পাংথোকখিবা থৌনা ফবা থবকশিং অমসুং সি আর পি এফনা শোক্নখিবা নীংশিংবা য়াবা লানফমশিংসু উৎখি।
বিশ্বাস প্রোজেক্ত অমসুং অনৌবা খুৎলায়শিং উৎপা গুজরাত পুলিসকী একজিবিসন অমা প্রধান মন্ত্রীনা য়েংখি। দিল্লী পুলিসনা দিজিতেলগী পায়খৎলিবা থবকশিং উৎখি অমসুং জে অমসুং কে পুলিসনা লৈবাক অসি ঙাক্নবা শীজিন্নরিবা সেক্যুরিতীগী গারীশিং উৎখি।
At Kevadia, the Prime Minister attends an exhibition on integrating technology in policing. pic.twitter.com/RppdCjMxTX
— PMO India (@PMOIndia) October 31, 2019
