প্রধান মন্ত্রী শ্রী নরেন্দ্র মোদীনা ঙসি দিল্লীদা চীফ সেক্রেতরীশিংগী 4শুবা নেস্নেল কনফরেন্সতা ৱা ঙাংখ্রে। নুমিৎ হুমনিগী ওইবা কনফরেন্স অসি দিল্লীদা 2024গী দিসেম্বর 13দগী 15 ফাওবা পাংথোকখি।
প্রধান মন্ত্রীনা হায়খি কনফরেন্স অসিগী খ্বাইদগী চাউবা কান্নবাদি তীম ইন্দিয়ানা থম্মোয় শেংনা খন্ন-নৈনবা অমসুং ভিকসিৎ ভারতকীদমক পুন্না থবক তৌমিন্ননবা অমত্তা ওইনা পুনশিনবনা ওইরি।
প্রধান মন্ত্রীনা ফোংদোকখি মদুদি প্রো-পিপল প্রো-এক্তিব গুদ গভর্নান্স (P2G2) অসি ঐখোয়না পায়খৎলিবা থবক্কী য়ুম্ফম ওইরি মসিগী খুত্থাংদা ঐখোয়না ভিকসিৎ ভারতকী মঙলান ফংবা ঙমগনি।
কনফরেন্স অসিদা ‘ওন্তপ্রিনোরশিপ, এমপ্লোয়মেন্ত অমসুং স্কিলিং প্রমোৎ তৌবা অমসুং দেমোগ্রাফিক দিভিদেন্দ শীজিন্নবা’ হায়বা মরু ওইবা থিমগী মতাংদা খন্ন-নৈনখি।
প্রধান মন্ত্রীনা স্তার্ত-অপশিং মরু ওইনা তিয়র 2/3 সিতিশিংদা থোরকপগী থাগৎপা ফোংদোকখি। মহাক্না রাজ্যশিংদা অসিগুম্বা ইন্নোবেসনশিং অসিবু পুক্নিং থৌগৎনবা অমসুং স্তার্ত-অপশিং চাউখৎপা ঙম্নবা এনভাইর্মেন্ত অমা পীনবা হোৎননবা হায়খি। মহাক্না রাজ্যশিংদা অপীকপা শহরশিংদা লৈরিবা ওন্তপ্রিনোরশিংগীদমক্তা চুনবা মফমশিং মশক খঙদোক্নবা অমসুং মখোয়বু বেঙ্কিং সিস্তেমগা শম্নহন্নবা, লোজিস্তিক্স ফংহন্নবা অমসুং মখোয়বু মতেং পাংনবা থৌরাং লৌখৎনবা হায়খি।
প্রধান মন্ত্রীনা রাজ্যশিংদা প্রজাশিংবু তোইনা অৱাবা পীরিবা কমপ্লায়েন্সশিং লাইথোক্নবা হায়খি। মহাক্না শরুক য়ারিবশিংদা রাজ্যশিংনা গভর্নান্স মোদেল অসি সিতিজন পার্তিসিপেসন নৎত্রগা জন ভাগিদারীবু পুক্নিং থৌগৎপা মওংদা রিফোর্ম তৌগদবনি হায়না তকশিনখি। প্রধান মন্ত্রীনা হায়খি মদুদি রিফোর্ম, পরফোর্ম অমসুং ত্রান্সফোর্মদা মীৎয়েং চংবা য়াম্না মরু ওই। সরকারনা লৌখৎলিবা তোঙান তোঙানবা খোংথাংশিংগী মতাংদা মীয়ামদা খঙহনবসু য়াম্না মরু ওই।
সর্ক্যুলর ইকনোমীগী মতাংদা পল্লদুনা, প্রধান মন্ত্রীনা গোবার্ধন প্রোগ্রাম অসি হৌজিক্তি অচৌবা ইনর্জী রিসোর্স অমা ওইনা উবা ফংলে হায়না থাগৎপা ফোংদোকখি। মহাক্না পনখি মদুদি থৌরাং অসিনা ৱেস্ততগী ৱেল্থধা ওন্থোক্লি অমসুং চহি য়াম্লবা শাশিংবু শেলগী লাইএবিলিতীগী মহুৎ এসেত অমদা ওন্থোক্লি।
প্রধান মন্ত্রীনা রাজ্যশিংদা ই-ৱেস্তশিং রিসাইকল তৌনবগীদমক ভাইএবিলিতী গেপ ফন্দিংগী ৱাখল্লোনশিং পুথোক্নবা খঙহনখি। মসিনা মরুওইনা মরম ওইদুনা হেনগৎলক্লিবা দেতা অমসুং তেক্নোলোজীনা লমজিংবা খুন্নাইনা দিজিতেল ৱেস্ত মখা তানা হেনগৎলক্লগনি। ই-ৱেস্ত অসিবু কান্নরবা রিসোর্স অমদা ওন্থোকপনা অসিগুম্বা পোৎলমশিং ইম্পোর্ত তৌবদা ঐখোয়না মীপাল তাংবা হন্থহল্লগনি।
হকশেলগী সেক্তরদা, ফিৎ ইন্দিয়া মুভমেন্তকী মখাদা ভারতকী ওইনা ওবেসিতী অসি অচৌবা শীংনবনি হায়না লৌগদবনি হায়না প্রধান মন্ত্রীনা তকশিনখি। ফিৎ অমসুং হকচাং ফনা লৈবা ভারত খক্তনা ভিকসিৎ ভারত অমা ওইহনবা ঙমগনি হায়না মহাক্না হায়খি। 2025গী লোইশিল্লকপদা ভারত অসি TB-মুক্ত ওইহনবা ঙমগনি হায়নসু মহাক্না ফোংদোকখি। মহাক্না মখা তাখি মদুদি আশা অমসুং অঙ্গনৱাদি ৱার্করশিংনা মসিগী পান্দম অসি ফংহনবদা অচৌবা থৌদাং লৌবা ঙমগনি।
পি.এম.না হায়খি মদুদি অরিবা মেন্যুস্ক্রিপ্তশিং অসি ভারতকী লননি অমসুং তেক্নোলোজী অসি মসি দিজিতেলাইজ তৌবদা শীজিন্নগদবনি। রাজ্যশিংনা মসিগী মায়কৈদা খোংথাংশিং লৌখৎকদবনি। পি.এম. গতিশক্তিনা অফবা লৈঙাক পায়বদা মরুওইবা থৌদাং লৌরি হায়না থাগৎপা ফোংদোক্লদুনা মহাক্না হায়খি মদুদি পি.এম. গতিশক্তি অসি চাং নাইনা অপদেৎ তৌগদবনি অমসুং এনভাইর্নমেন্তেল ইম্পেক্তশিংগী ইন্দিকেতরশিং, দিজাস্তর প্রোন এরিয়াসু মসিদা য়াওগদবনি।
এস্পিরেস্নেল দিস্ত্রিক্ত অমসুং ব্লোক্স প্রোগ্রামগী মতাংদা পল্লদুনা, প্রধান মন্ত্রীনা হায়খি মদুদি ব্লোকশিং অমসুং দিস্ত্রিক্তশিং অসিদা মথৌ তৌরিবা মতিক চাবা ওফিসরশিংনা গ্রাউন্দ লেবেলদা অচৌবা অহোংবা পুরকপা ঙমগনি। মসিনা অচৌবা সোসিও-ইকনোমিক বেনিফিৎশিংসু পুরক্কনি।
সহরশিং চাউখৎহন্নবগী মতাংদা পল্লদুনা, শহরশিংবু শেন্মিৎলোন চাউখৎপগী মফমশিং ওইনা চাউখৎহন্নবগীদমক হ্যুমেন রিসোর্স দিবেলপমেন্তকীদমক প্রধান মন্ত্রীনা অকনবা ৱাফম থমখি। মহাক্না অর্বান গভর্নান্স, ৱাতর অমসুং এনভাইর্নমেন্ত মেনেজমেন্ততা স্পেসিএলাইজেসন তৌনবা ইন্সতিত্যুসনশিং শেমগৎপদা অকনবা ৱাফম থমখি। শহরগী লম্বীদা চৎথোক-চৎশিন তৌবা হেনগৎলকপগা লোয়ননা মতিক চাবা শহরগী লৈফম পীবদা মহাক্না অকনবা ৱাফম থমখি। মসিনা অনৌবা ইন্দস্ত্রীএল হবশিংদা মেন্যুফেকচরিং সেক্তরদা হেন্না ফবা প্রদক্তিবিতী লৈহল্লগনি।
প্রধান মন্ত্রীনা সরদার বল্লভভাই পতেলবু সিবিল সর্ভেন্ত পুম্নমক্কী ইথিল পীবা অমা ওইনা শকখঙখি। ঙসি মহাক্কী লৈখিদবা নুমিৎনি অমসুং চহি অসিসু মহাক্কী 150শুবা মপোক কুমওননি হায়না পল্লদুনা প্রধান মন্ত্রী মোদীনা হায়খি মদুদি মথংগী চহি অনি অসি পাংথোক্কদবনি অমসুং ঐখোয়না মহাক্কী ভারতকী মঙলান অদু ফংনবগী মায়কৈদা থবক তৌগদবনি।
ভারত মচা খুদিংমকপু ভিকসিৎ ভারতকী পান্দম অসি ফংনবা হোৎনবদা থৌদাং লৌনবা মহাক্না হায়খি। পুন্সিগী থাক খুদিংমক্কী নুপাশিং, নুপীশিং অমসুং অঙাংশিংনা মখোয়গী তোঙান তোঙানবা ফিভমশিং, ৱাখল্লোনগী খেন্নবা অমসুং তোঙান তোঙানবা পাম্বৈশিং লৈরবসু নীংতম লানফম অসিদা শরুক য়াখিবগুম্না, ভারত মচা খুদিংমক্না 2047 ফাওবদা ভিকসিৎ ভারত শেম্নবা হোৎনগদবনি। মতম অদুদা অচৌবা অহোংবা অমা ওইখিবা দন্দি মার্চকী মতুংদা চহি 25গী মতুংদা ভারতনা নীংতম্বা ফংখিবগী ৱাফম পল্লদুনা প্রধান মন্ত্রীনা হায়খি মদুদি ঐখোয়না 2047 ফাওবদা 'ভিকসিৎ ভারত' ওইনবা ৱারেপ লৌরবদি ঐখোয়সু 'ভিকসিৎ' শোইদনা ওইগনি।
নুমিৎ হুমনিগী কনফরেন্স অসিদা মেনুফেকচরিং, সর্ভিসেস, রুরেল নন-ফার্ম, অর্বান, রিন্যুএবল ইনর্জী অমসুং সর্ক্যুলর ইকনোমী য়াওনা অখন্নবা হীরমশিংদা মীৎয়েং থমখি।
কনফরেন্স মনুংদা খন্ন-নৈনখিবা
সেসনশিং অসিদা ওন্তপ্রিনোরশিপ প্রমোৎ তৌবা, স্কিলিং ইনিসিএতিবশিং হেনগৎহনবা, অমসুং খুঙ্গংগী অমসুং অর্বানগী মীয়াম অনিমক্কীদমক তুং কোইনা চৎকদবা থবক ফংহন্নবা খুদোংচাবশিং শেমগৎপদা মতেং পাংগদবা হীরমশিংগী মতাংদা খন্ন-নৈনখি। মসিনা মিদ্দল ইনকমদগী হাই ইনকম ওইবা লৈবাক অমদা ভারতকী অহোংবা পুরকপদা মতেং পাংগনি। নুপীশিংনা লুচিংবা চাউখৎ-থৌরাং অসি য়ুম্ফম ওইবগা লোয়ননা ইনিসিএতিব অসিনা ইকনোমীগী দ্রাইভিং হ্বিলশিং ওইরকপা য়াই।
কনফরেন্স অদুগী মনুংদা, ভারতকী সর্ভিস সেক্তরগী পোতেন্সিএল মরুওইনা অপীকপা শহরশিংদা শীজিন্ননবগীদমক মল্তি-ফেসেতেদ এপ্রোচ অমা মথৌ তাই হায়না খন্নখি। মসিদা পোলিসী ইন্তরভেন্সন, ইনফ্রাস্ত্রকচর দিবেলপমেন্ত, স্কিল হেনগৎহনবা অমসুং বিজিনেস-ফ্রেন্দলী এনভাইর্নমেন্ত অমা শেমগৎপদা মীৎয়েং থম্বা য়াওরি। ইনফোর্মেল সেক্তরগী স্কিলিং অমসুং ফোর্মেলাইজেসনদা মীৎয়েং চংবগী মতাংদসু খন্নখি। অসিগুম্বা মওংদা, খুঙ্গংগী লৌউ-শিংউগী নত্তবা সেক্তরদসু, অখন্নবা স্কিলিং কোর্সশিংগী খুত্থাংদা খুঙ্গংগী ওন্তপ্রিনোরশিপ প্রমোৎ তৌগদবনি হায়না খন্নখি। নুপীশিং অমসুং মার্জিনলাইজ ওইরবা কাংলুপশিংনা লৌউ-শিংউগী থবক নত্তবা থবকশিংদা শরুক য়াবা অসিসু অখন্নবা ইন্সেন্তিবশিংগী মতেংনা পুক্নিং থৌগৎকদবনি হায়না খল্লি।
কনফরেন্স অদুদা সিস্তেমিক চেঞ্জ পুথোক্নবা অমসুং ইনফ্রাস্ত্রকচর প্রোজেক্ত মপুং ফাহন্নবা অকনবা রিভিয়ুগী খুত্থাংদা খোঙজেল য়াঙখৎনবা পান্দম থম্লিবা প্রগতি প্লেৎফোর্মগী মতাংদসু খন্নখি।
কনফরেন্স অসিদা তোঙান তোঙানবা হীরমশিংগা পুনশিন্নবা অমসুং মালেমগী ওইবা শীংনবশিংগা মরী লৈনবা সোলুসনশিং পীনবদা মতেং পাংবা ঙমগদবা ফ্রোদিয়র তেক্নোলোজীগী মতাংদা অখন্নবা মীফম অমা পাংথোকখি। মসিদা ভারতনা লম অসিদা লুচিংবা ওইনবা অমসুং ইনক্লুসিব অমসুং সস্তেনেবল গ্রোথকী ত্রেজেক্তরী অমা লৈনবা খুদোংচাবা অমা পীগনি। কর্ময়োগীগী অতোপ্পা অখন্নবা মীফম অমদা, মসিনা রাজ্যশিংদা লর্নিং, সিতিজন-সেন্ত্রিক প্রোগ্রামশিং দেমোক্রেতাইজেসন তৌবদা মতেং পাংবা ঙম্মি অমসুং মসিনা কেপাসিতী বিল্দিং ইকোসিস্তেম মপাঙ্গল কনখৎহনগনি হায়না পনখি।
কনফরেন্স অদুদা চীফ সেক্রেতরীশিং, রাজ্য/য়ুনিয়ন তেরিতোরী পুম্নমক্কী মকোক থোংবা ওফিসিএলশিং, লম অসিগী এক্সপর্তশিং অমসুং কেন্দ্রগী মকোক থোংবা ওফিসিএলশিংনা শরুক য়াখি।
Attended the Chief Secretaries Conference, a vital platform for collaboration between the Centre and states to boost good governance. Discussions focused on furthering growth, ensuring effective governance, and enhancing service delivery to citizens.
— Narendra Modi (@narendramodi) December 15, 2024
We also focused on how to… pic.twitter.com/hQn0RRrbtG
