Share
 
Comments
It is our Constitution that binds us all together: PM Modi
What is special about Indian Constitution is that it highlights both rights and duties of citizens: PM Modi
As proud citizens of India, let us think how our actions can make our nation even stronger: PM Modi

ঙসি প্রধান মন্ত্রী নরেন্দ্র মোদীনা হায়খ্রে লৈবাক অসি পুনশিনবদা থেংনরিবা খুদোংচাদবশিং সংবিধান্না মায়োক্নরি।

৭০শুবা সংবিধান নুমিৎকী ঙসি সংসদকী সেন্ত্রেল হোলদা পাংথোকপা হাউস অনিমক্কী অপুনবা মীফমদা মহাক্না ৱা ঙাংখি।

মহাক্না হায়খি ঙসি নবেম্বর ২৬ অসি পুৱারী ওইরবা নুমিৎ অমনি। চহি ৭০গী মমাংদা ঐখোয়না ঐখোয়গী চাউরবা সংবিধান চৎনবা হৌখি। সংবিধান অসি মরৈ কয়া য়েৎনবগী পোৎথোক অমনি অমসুং কন্সতিত্যুএন্ত এসেম্বলী অমনা শেম্বনি। লৈবাক অসিগী সংবিধান শেম্বদা অচৌবা থৌদাং লৌখিবশিংগী মফমদা ইকায়খুম্নবা উৎচরি।

মহাক্না হায়খি চহি ৭০গী মমাংদা মসিগী হোল অসিদা সংবিধানগী ক্লোজ খুদিংমক কুপ্না খন্নখি। দোক্তর রাজেন্দ্র প্রসাদ, দোক্তর ভিম রাও অম্বেদকর, সরদার বল্লভ ভাই পতেল, পন্দিৎ নেহরু, অচার্য় কৃপলানী, মাউলানা অব্দুল কলাম অজাদ অমসুং অতৈ লুচিংবা কয়ানা মরৈ য়েৎনদুনা অমসুং খন্নদুনা মসিগী লন অসি ঐখোয়দা পীরম্বনি।

“কন্সতিত্যুএন্ত এসেম্বলীগী মেম্বরশিংগী মঙলানশিং অদু ৱাহৈশিং ওইনা ঐখোয়গী সংবিধানদা য়াওরে। ১৯৪৯গী নবেম্বর ২৫দা সংবিধানগী মতাংদা মহাক্কী অরোইবা ৱারোলদা অম্বেদকরজীনা হায়বীখি ঐখোয়গী অশোয়বনা মরম ওইদুনা ঐখোয়গী লৈবাক অসিগী নীংতম্বা অমসুং মশানা লৈবাক ঙাকচবা মাংখি। মীয়াম্না লৈবাক অসিগী নীংতম্বা অমসুং গনতন্ত্র ঙাকপা ঙমগদরা হায়না অম্বেদকরজীনা মীয়ামদা হংখি। ঙসি অম্বেদকরজী হিংলম্বা থোক্লবদি মহাক য়াম্না হরাওরমগনি। ভারতনা মসিগী মগুন হেনগৎহনবদা নত্তনা মসিগী গনতন্ত্র অমসুং নীংতম্বা কনখৎহনগনি”।

প্রধান মন্ত্রীনা হায়খি সংবিধানগী লেজিসলেচর, এগজিক্যুতিব অমসুং জুদিসিয়েল মশাশিংদা ঐনা কোক নোঞ্জরি। সংবিধানগী মগুন ঙাকপগীদমক ঐনা লৈবাক মীয়ামদা খুরুমজরি।

ভারতকী গনতন্ত্রদা থাজবা থম্লিবা ভারতমচা করোর ১৩০দা ঐনা খুরুমজরি। চহি ৭০শুরবা ঐখোয়গী সংবিধান্না ঐখোয়দা হরাওবা, মতিক চাবা অমসুং ৱারোইশিন পুরকপগী ৱাখল্লোন অমা ফাওহল্লি। সংবিধানগী মায়োক্তা চৎথরকপা থবকশিংগী মায়োক্তা লৈবাক অসিগী মীয়াম্না লেপ্লি। সংবিধানগী ৱাখল্লোনশিং অসিনা এক ভারত শ্রেশ্থ ভারতকী লম্বীদা মাংলোমদা চংশিল্লি হায়না প্রধান মন্ত্রীনা মখা তাখি।

মহাক্না হায়খি সংবিধান্না পাকচাউরবা লৈবাক অসিগী মঙালানশিং, অনীংবশিং অমসুং চাউখৎপা মপুং ফাহনবা ঙম্লিবনি। মসি ঐখোয়গী শেংলবা লাইরিকনি। ঐখোয়গী সংবিধান অসি ঐখোয়গী পুন্সি, ঐখোয়গী খুন্নাই, ঐখোয়গী চৎনবী, ঐখোয়গী গুনশিং পুনশিনবা অমসুং ঐখোয়গী শিংনবশিং থেংনবা ঙম্বা খ্বাইদগী শেংলবা লাইরিক অমনি।

মহাক্না হায়খি সংবিধানগী লাইৱা অনিদি ‘ভারতমচাশিংগী চিংলেম্বা’ অমসুং ‘ভারতকী অপুনবনি’। মসিনা ঐখোয়গী হকশিংগী মরমদা ঐখোয়দা খঙহনবা খক নত্তনা ঐখোয়গী থৌদাংশিংগী মতাংদসু খঙহল্লি।

ভারতকী সংবিধান্না নাগরিকশিংগী হকশিং অমসুং থৌদাং অনিমক খঙহল্লি। মসি ঐখোয়গী সংবিধানগী অখন্নবা মশক্নি। হকশিং অমসুং থৌদাং অনিগী মরক্ত লৈরিবা মরি অদু ঐখোয়গী লৈবাক্কী মপা মহাত্মা গান্ধিজীনা ফজনা খঙখি। সংবিধান্না পীরিবা ইথৌ পাংথোক্নবগী ৱাখল্লোন অদু মীয়াম্না শেমগৎনবা হোৎনগদবনি হায়না মহাক্না হায়খি।

প্রধান মন্ত্রীনা হায়খি ঐখোয়গী সংবিধানদা য়াওরিবা থৌদাংশিং কমদৌনা ঐখোয়না পাংথোক্কনি হায়বা ঐখোয় খন্নসি। থবক অমসুং থৌদাংগী অনিগী খেন্নবা ঐখোয়না থমগদবনি। থবক অসি ইশানা য়ানা তৌগদবনি, মসিনা লম্বীদা লৈবা লায়রবা অমা নহাক্না মতেং পাংবা য়াই, অদুবু গারী থৌবা মতমদা নহাক্না লম্বীগী কাংলোনশিং ঙাকপা অদু নহাক্কী থৌদাংনি।
মহাক্না হায়খি ঐখোয়গী সংবিধান অসি “ঐখোয় ভারতকী মীয়াম” হায়না হৌরি। ঐখোয়গী মীয়াম্না মসিগী থৌনা, মসিগী মঙলান অমসুং মসিগী পান্দমনি হায়বা অসি ঐখোয় খঙসি।

২০০৮দা মুম্বাইদা ঙসিগী নুমিৎ অসিদা তেরোরিস্তশিংনা মীওই কয়া হাৎখিবা থৌদোক অদু প্রধান মন্ত্রীনা নীংশিংখি অমসুং তমথীরবা থৌদোক অদুদা লৈখিদ্রবশিংগী মফমদা ইকায়খুম্নবা উৎখি।

মহাক্না হায়খি চহি লিশিং কয়া সুরবা বাসুধৈব কুতুম্বকম (মালেম অমা ইমুং অমা) হায়বা ফজরবা ফিলোসোফী অসি মাংহন্নবা তেরোরিস্তশিংনা ঙসিগী নুমিৎ নবেম্বর ২৬তা মুম্বাইদা মীহাৎ অদু পাংথোকখি। লৈখিদ্রবশিংগী মফমদা ঐনা ইকায়খুম্নবা উৎচরি।

Click here to read full text speech

দোনেসন
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Forex reserves soar $2.3 billion to touch all-time high of $453 billion

Media Coverage

Forex reserves soar $2.3 billion to touch all-time high of $453 billion
...

Nm on the go

Always be the first to hear from the PM. Get the App Now!
...
Share your ideas and suggestions for 'Mann Ki Baat' now!
December 14, 2019
Share
 
Comments

Prime Minister Narendra Modi will share 'Mann Ki Baat' on Sunday, December 29th. If you have innovative ideas and suggestions, here is an opportunity to directly share it with the PM. Some of the suggestions would be referred by the Prime Minister during his address.

Share your inputs in the comments section below.