প্রধান মন্ত্রী শ্রী নরেন্দ্র মোদীনা ঙসি রাষ্ট্রপতি ভবন্দা রাজ্যপালশিংগী মীফম লোইশিনবগী থৌরমদা ৱা ঙাংখ্রে।
মীফম মনুংদা খন্ন-নৈনখিবশিং অমসুং ইনপুৎশিং সেয়র তৌখিবা অদুদা প্রধান মন্ত্রীনা তৌবীমল খঙবা উৎখি।
প্রধান মন্ত্রীনা রাজ্যপালশিংদা “এক ভারত, শ্রেষ্ঠ ভারত” ইনিসিয়েতিব হেন্না মপাঙ্গল কনখৎহন্নবা ৱাফম থমখি। ইনিসিয়েতিব অসিনা রাজ্যশিংগী মরক্তা পার্তনরশিপ, কলচরেল একচেঞ্জ তৌনবা অমসুং প্রজাশিংগী মরক্তা লৈনরিবা মরি হেঙ্গৎহল্লি। ভারতকী তোঙান তোঙানবা রাজ্যশিংগী মরক্তা হার্মোনী অমসুং ইন্তিগ্রেসন প্রমোৎ তৌনবা অনৌবা লম্বী শেমগৎপগী মথৌ তাবা অদুদা প্রধান মন্ত্রীনা অকনবা ৱাফম থমখি।
য়ুনিবর্সিতীশিংগী চান্সেলরশিং ওইরিবা মরম্না একাদমিগী তোঙান তোঙানবা মওং মতৌশিংদা খ্বাইদগী ফবা অদু প্রমোৎ তৌনবা প্রধান মন্ত্রীনা রাজ্যপালশিংগী মফমদা তকশিনখি। ভারতকী য়ুনিবর্সিতীশিং অসি মালেমগী খ্বাইদগী ফবা য়ুনিবর্সিতীশিংগী মনুং চলহন্নবা আশা তৌগদবনি হায়না মহাক্না ফোংদোকখি। মসিগা মরি লৈননা মকোক থোংবা প্রাইভেৎ য়ুনিবর্সিতী ১০ অমসুং পব্লিক য়ুনিবর্সিতী ১০ অমদি আই আই এমশিংদা ওতোনোমী প্রমোৎ তৌনবা কেন্দ্র সরকারগী অনৌবা খোংথাং অদু মহাক্না পনখি।
মীচম মীয়াগীদমক ইজ ওফ লিভিং প্রমোৎ তৌনবগী মায়কৈদা কেন্দ্র সরকারনা থবক তৌরি হায়না প্রধান মন্ত্রীনা ফোংদোকখি।
কেন্দ্র সরকারগী হেল্থ এসুরেন্স স্কিম আয়ুশ্মাম ভারতকী মতাংদসু প্রধান মন্ত্রীনা ৱাফমশিং থমখি।
২০২২দা পাংথোক্কদৌরিবা নীং-তম্বা ফংখিবগী হুম্ফুতরা মঙা শুবা চহি পালন অমদি ২০১৯দা পাংথোক্কদৌরিবা মহাত্মা গান্ধীগী ১৫০শুবা মপোক কুমওন অসিনচীংবা থৌরমশিং অসিনা দিবেলপমেন্ত গোলশিং অমসুং পান্দমশিং অদু ফংনবগীদমক্তা মাইল স্তোন ওইবা য়াই হায়না শ্রী নরেন্দ্র মোদীনা হায়খি। লাক্কদৌরিবা কুমভ মেলা অসিনা খুন্নাইগা মরি লৈনবা থৌরমশিং প্রমোৎ তৌনবগীদমক মরু ওইবা তঞ্জা অমসু ওইরগনি হায়না মহাক্না ফোংদোকখি।
