লুচিংবশিংনা ভারত অমসুং নেদরলেন্দসগী মরক্ত লৈনরিবা থাজনবা অমসুং মমল য়াম্লবা মরীগী মতাংদা খন্নখ্রে
লৈবাক অনিগী মরী মখা তানা চেৎশিনহন্নবা অমসুং চাউখৎহন্নবা লম্বীশিং লুচিংবশিংনা খন্নখ্রে
ঙসি প্রধান মন্ত্রী শ্রী নরেন্দ্র মোদীনা নেদরলেন্দসগী প্রধান মন্ত্রীগী দিক স্কুফতগী তেলিফোন কোল অমা ওকখ্রে।
শরুক য়ামিন্নবা গুনশিং অমসুং গনতন্ত্র অমসুং আইনগী লৈঙাক্ত থাজবদা য়ুম্ফম ওইরিবা ভারত অমসুং নেদরলেন্দসগী মরক্ত লৈনরিবা থাজনবা অমসুং মমল য়াম্লবা মরীগী মতাংদা লুচিংবশিংনা খন্নখ্রে।
ঈশিং, লৌউ-শিংউ, হকশেলগী হিরমশিংদা হৌজিক মতেং পাংনরিবা অসি মখা তানা ফগৎহন্নবা লম্বীশিং লুচিংবশিংনা খন্নখ্রে। লৈবাক অনিগী মরী মখা তানা চেৎশিনহন্নবা অমসুং চাউখৎহন্নবা লুচিংবা অনিনা য়ানরে অমসুং মসিনা ললোন-ইতিক, দিফেন্স, সেকুরিতি, ইন্নোবেসন, গ্রিন হায়দ্রোজেন অমসুং সেমিকন্দক্তরশিং য়াওনা তোঙান-তোঙানবা হিরমশিংদা মসিনা মরুওইবা লাল্লোং অমা পীরগনি। মীগা মীগা লৈনবা মরীশিং শেমগৎনবা অমসুং লাইরিক-লাইশু অমসুং নাতকী লমদা একচেঞ্জশিং পাংথোক্নবা লুচিংবা অনিমক্না ফোঙদোকখ্রে।
লুচিংবা অনিনা লমদম লমদমগী অমসুং মালেমগী ওইরক্লিবা ফিবমশিংগী মতাংদা খন্নখ্রে অমসুং শান্তি, সেকুরিতিগী মতেং পাংনবা অমসুং তংদু-লৈতাবা হেনগৎহন্নবা থবক তৌনবা অমুক হন্না ফোঙদোকখ্রে।
মখা তানা পাউ ফাওনবা হায়না লুচিংবা অনিনা য়ানখ্রে।
Pleased to speak with PM Dick Schoof. The Netherlands is a trusted & valued partner. We are committed to advance and provide strategic dimension to bilateral ties in diverse sectors including water, agriculture, security, technology, semiconductors and renewable energy.@MinPres
— Narendra Modi (@narendramodi) December 18, 2024
