কোরোনাভাইরস লাইচৎকী মরমদা মীয়ামদা ৱা ঙাংলদুনা প্রধান মন্ত্রী মোদীনা লাওথোকখ্রে মদুদি শেল-থুম মন্ত্রীগী মিৎয়েং মখাদা সরকার অসিনা কোবিদ-19 ইকোনোমিক রেস্পোন্স তাস্ক ফোর্স অমা শেমলগনি।
প্রধান মন্ত্রী মোদীনা হায়খি মদুদি তাস্ক ফোর্স অসিনা স্তেকহোল্দর পুম্নমক্কা চাং নাইনা পাউ ফাওনগনি, মখোয়দগী ফীদেবেক লৌগনি অমসুং কোরোনাভাইরসনা লৈবাক অসিগী শেনমিৎলোন্দা পীরিবা শাফু অসি কোকহন্নবা থবক পাইখৎকনি।
ওইরিবা ফিভম অসিদা মিৎয়েং থম্লদুনা প্রধান মন্ত্রী মোদীনা হায়খ্রে মদুদি লাইরবা, ময়াই ওইবা থাক্কী অমসুং অনেম্বা ময়াই ওইবা থাক্কী মীওইনা খ্বাইদগী হেন্না শোক্লি। প্রধান মন্ত্রী মোদীনা হায়খি মদুদি অৱাবগী মতম অসিদা চয়োল খরদগী ওফিস কারকপা ঙমদবা ইম্প্লোয়ীশিং অদুগীদমক য়ুমদগী থবক শুবা য়াহনবীয়ু অমসুং মখোয়গী তলব ককপীগনু।
