নই দিল্লীদা পাংথোক্লিবা দবল্যু তি ওগী মিনিস্ত্রীয়েল মীফমদা শরুক য়ারিবা মন্ত্রীশিং অমসুংশকনাইরবশিংনা ঙসি প্রধান মন্ত্রী শ্রী নরেন্দ্র মোদীগা উনখ্রে। উনখিবা অদুদা মল্তিলেতরেল ত্রেদকা মরি লৈনবা তোঙান তোঙানবা শক্তমশিংদা খন্ন-নৈনখি।
তোঙান তোঙানবা মন্ত্রীশিংনা মিনিস্ত্রীয়েল মীফম অসিবু ভারতনা য়ুম্বু ওইদুনা পাংথোকপা অসিদা থাগৎপা ফোংদোকখি। দবল্যু তি ওগী মিনিস্ত্রীয়েল মীফমদা খন্ন–নৈনরিবশিং অদুনা কান্নবা পুরক্লগনি হায়না শক্নাইরবশিং অদুবু তরাম্না ওক্লদুনা প্রধান মন্ত্রীনা থাজবাপীখি। অকনবা কনফ্লিক্ত রিজোলুসন মেকানিজম অসি দবল্যু তি ওগী মরুওইবা বেনেফিৎশিংগীমরক্তা অমনি হায়না মহাক্না ফোংদোকখি। মল্তিলেতরেল ত্রেদিং সিস্তেমদা খুদোং চাদবা মায়োক্নরিবশিং অদু থেংনগদবনি হায়না প্রধান মন্ত্রীনা হায়খি। দোহা রাউন্দ অমসুং বালি মিনিস্ত্রীয়েল মীফমদা লৌখিবা ৱারেপশিং অদু ইমপ্লিমেন্ত তৌগদবনি হায়না মহাক্না ফোংদোকখি।
মীফম অসিগীদমক ভারতকী বার্তনদা থৱায় য়াওনা পাউখুম পীরকখিবা অদুদা মহাক্না অপেনবা ফোংদোকখি। মসিনা মল্তিলেতরেলিজম অমসুং দবল্যু তি ওগী প্রিন্সিপলদা মালেমনা থাজবা থম্বগী খুদম অমনি হায়না মহাক্না ফোংদোকখি । থৌরম অদুদা কমর্স অমসুং ইন্দস্ত্রীগী মন্ত্রী শ্রী সুরেশ প্রভুসু শরুক য়াখি।
