২০২০গী জুলাই ২৮দা ফ্রান্সকী সেন্ত-পাউল-লেজ-দুরান্সতা থৌরম অমগা লোয়ননা আই.তি.ই.আর. ওর্গনাইজেসন্না আই.তি.ই.আর. তোকামাক মীফম হৌদোকখ্রে। চেবাউ পীখিবা আই.তি.ই.আর. মেম্বর লৈবাকশিংগী লুচিংবশিং মশামক লাক্তুনা নৎত্রগা ভর্চুএল ওইনা নৎত্রগা পাউজেল ওইনা পীরক্তুনা শরুক য়াখি। থৌরম অদু ভর্চুএল ওইনা প্রসিদেন্ত মেক্রোননা হৌদোকখি।
মহাক্কী পাউজেলদা, প্রধান মন্ত্রী নরেন্দ্র মোদীনা আই.তি.ই.আর. ওর্গনাইজেসন অসি থবক কন্না শুবা অমসুং মাইপাকপগীদমক থাগৎখি। মালেমগী সাইনতিস্তশিং অমসুং ইঞ্জিনীয়রশিং শরুক য়ারিবা অদু খঙলদুনা মহাক্না হায়খি চহি কয়া কুইরবা ভারতকী থাজবা-বাসুধৈব কুতুম্বকম হায়বদি মীওইবা খুন্নাইগী য়াইফনবা মালেম পুম্নমক পুন্না থবক তৌমিন্নরি হায়বা ৱাখল্লোন অসি আই.তি.ই.আর.না ময়েক শেংনা উৎকদবনি অমসুং লৈবাক অসিনা ক্রাইয়োস্তেৎ, ভেসেল সিল্দশিং, ঈশিং ইংহনবা, ক্রাইয়োজেনিক অমসুং ক্রাইয়ো-দিস্ত্রিবুসন সিস্তেমশিং, ঔজিলিয়রী হিতিং দিভাইসশিংদা আর.এফ. অমসুং বিম তেক্নোলোজীশিং শীজিন্নবা, মেগা ৱাত পাৱর পুথোকপা অমসুং পান্দম ফংবা ঙম্নবা আই.তি.ই.আর. মতেং পাংবগী থবকশিং চাউনা শরুক য়াবদা ভারতনা চাউথোকপা পোক্লি।
থৌরম অদুদা, ফ্রান্স অমসুং মোনাকোদা লৈবা ভারতকী এম্বেসেদর জৱেদ অশ্রাফনা প্রধান মন্ত্রী নরেন্দ্র মোদীগী পাউজেল অদু পাথোকখি।
পাউজেল অদুগী মপুংফাবা ৱারোল লিঙ্ক অসিদা পাবীয়ু
https://dae.gov.in/writereaddata/iter2020_message_pm_india_shri_narendra_modi.pdf
